Morgunblaðið - 21.04.2001, Side 19

LANDIÐ
MORGUNBLAÐIÐ LAUGARDAGUR 21. APRÍL 2001 19
Hellu - Um þessar mundir er í gangi
viðamikið verkefni á vegum ríkis-
stjórnarinnar, svokölluð ramma-
áætlun um nýtingu vatnsafls og jarð-
varma. Fimmtán manna verkefnis-
stjórn undir forystu Sveinbjörns
Björnssonar, fyrrv. háskólarektors,
gerir ráð fyrir að meta um eitt
hundrað virkjunarhugmyndir, en
stefnt er að því að skila skýrslu um
flokkun fyrstu tuttugu og fimm
virkjunarkostanna fyrir árslok 2002.
Megintilgangur Rammaáætlunar-
innar er að fjalla um nýtingu lands-
ins gæða, en ákvarðanir þar að lút-
andi geta haft langvarandi áhrif á
náttúrufar, minjar, atvinnulíf og
samfélagið. Vandaður undirbúning-
ur dregur út hættu á mistökum við
ákvarðanatöku og stuðlar að sátt um
niðurstöður. Með gerð áætlunarinn-
ar vilja stjórnvöld að lagt sé mat á
virkjunarkosti og þeir flokkaðir með
tilliti til orkugetu og hagkvæmni,
gildis þeirra fyrir þjóðarhag, atvinnu
og byggðaþróun, ásamt áhrifa á
náttúru, umhverfi, hlunnindi, útivist
og menningar- og búsetuminjar.
Verkefnisstjórnin flokkar virkjunar-
kostina á grundvelli mats sem um 40
sérfræðingar á ýmsum sviðum ann-
ast, en þeir starfa í fjórum faghóp-
um, þ.e. hópi um náttúru- og minja-
vernd, hópi um útivist og hlunnindi,
hópi um þjóðhagsmál og hópi um
orkulindir. Þá koma nokkrar stofn-
anir að verkefninu eins og t.d.
Byggðastofnun, Náttúrufræðistofn-
un Íslands, Náttúruvernd ríkisins,
Orkustofnun, Rala og Veiðimála-
stofnun. Almenningur, félög og
félagasamtök geta haft áhrif og kom-
ið á framfæri upplýsingum og ábend-
ingum en samráðsvettvangur fyrir
þessa aðila er í umsjá Landverndar
sem kynnir framvindu verkefnisins á
heimasíðu sinni.
Torfajökuls- og Síðuvatna-
svæði til umfjöllunar
Fyrir stuttu héldu aðstandendur
verkefnisins kynningarfundi á
Laugalandi í Holta- og Landsveit og
á Kirkjubæjarklaustri með aðilum
sem tengjast ferðaþjónustu á Torfa-
jökulssvæðinu í Rangárvallasýslu og
Síðuvatnasvæði í V-Skaftafellssýslu,
en almenningi var einnig gefinn
kostur á að taka þátt í umræðum. Á
Torfajökulssvæðinu er eitt mesta há-
hitasvæði landsins, eins og í Land-
mannalaugum, Hrafntinnuskeri og
víða að Fjallabaki auk þess að vera
fjölsótt ferðamannaparadís sumar
og vetur. Þá eru á Síðuvatnasvæðinu
vinsælir ferðamannastaðir eins og
t.d. Eldgjá, Langisjór og Lakasvæð-
ið. Á fundinn kom Rögnvaldur Guð-
mundsson ferðamálaráðgjafi og
kynnti niðurstöður könnunar sem
var gerð á þessum svæðum í fyrra
meðal íslenskra og erlendra ferða-
manna. Farið var yfir núverandi nýt-
ingu svæðanna, sérstöðu þeirra, van-
nýtta mögulega og framtíðarnotkun
með tilliti til ferðaþjónustu og úti-
vistar. Fundarmenn skiptust á skoð-
unum um nauðsynlegar aðgerðir til
eflingar svæðanna ásamt því að hver
og einn var beðinn um að leggja
verkefninu til álit og ábendingar um
ýmsa þætti.
Rammaáætlun um nýtingu
vatnsafls og jarðvarma
Fundað
með heima-
mönnum
Fagradal - Nú um páskana var
fyrsta alvöru ferðamannahelgi árs-
ins í Vík í Mýrdal, og hefur verið
töluverð umferð bæði austur og
vestur. Aðallega eru ferðamenn-
irnir íslenskir en einnig er töluvert
af rútum með erlendum ferðamönn-
um. Fréttaritari Morgunsblaðsins
rakst á þennan erlenda myndlist-
armann sem hafði sest á rótartré
vestan við Víkurskála og var að
teikna mynd af Reynisdröngum.
Morgunblaðið/Jónas Erlendsson
Erlendur ferðamaður teiknar upp Reynisdranga vestan við Víkurskála.
Teiknar upp
Reynisdranga