Morgunblaðið - 21.04.2001, Blaðsíða 53

ÍSLENZKU keppendurnir
á dansmótinu í Blackpool
hafa staðið í stórræðum og
er við ramman reip að
draga því keppnin hefur
sjaldan verið eins jöfn og
sterk og nú. Á miðvikudag
og fimmtudag voru „stóru
keppnirnar“ svokölluðu
fyrir eldri hópinn og er það
yfirleitt hápunktur keppn-
innar.
Á miðvikudeginum
keppti yngri hópurinn, 11
ára og yngri, í cha cha og
gekk íslenzku keppend-
unum prýðilega. Um 70 pör
voru skráð til leiks, þar af
9 íslenzk. Átta íslenzku
paranna fóru áfram í aðra
umferð og 2 pör í þá þriðju
sem jafnframt var 24 para
undanúrslit. Það voru þau
Haukur Freyr Hafsteinsson
og Hanna Rún Óladóttir og
Fannar Helgi Rúnarsson og
Edda Gísladóttir.
Á miðvikudeginum er
alltaf keppt í stóru sígil-
dudansakeppninni. Skráð
til leiks voru um 200 pör
þar sem 11 voru íslenzk.
Fimm þeirra komust í aðra
umferð, þar sem um 100
pör voru, en þar við sat. Að
sögn Köru Arngrímsdóttur
var keppnin gríðarlega
hörð, jöfn og spennandi.
Ásta Sigvaldadóttir og
danskur dansfélagi hennar
náðu þeim frábæra árangri
að vinna til silfurverðlauna
á eftir ítölsku pari.
Hópur 11 ára og yngri
keppti í vínarvalsi á
fimmtudaginn og voru 64
pör skráð í keppnina og
áfram 9 pör frá Íslandi.
Átta þeirra komust áfram í
aðra umferð og í þá þriðju
fóru 5 íslenzk pör, í 24 para
undanúrslit. Þetta voru
Björn Ingi Pálsson og Ásta
Björg Magnúsdóttir, Karl
Bernburg og Helga Soffía
Guðjónsdóttir og Arnar
Darri Pétursson og Gunn-
hildur Emilsdóttir og Að-
alsteinn Kjartansson og
Erla Björg Kristjánsdóttir
og Haukur Freyr Haf-
steinsson og Hanna Rún
Óladóttir.
Liðakeppni yngri kepp-
enda fór einnig fram á
fimmtudag og tóku lið frá 7
þjóðum þátt í keppninni.
Lið Íslands hafnaði í 5.sæti
að þessu sinni en sigurveg-
arar voru lið Bretlands og
Úkraínu. Er það í fyrsta
skipti í sögu liðakeppn-
innar að tvö lið eru jöfn í
fyrsta sæti.
11 íslensk
pör kepptu
Fimmtudagurinn er einn-
ig mjög stór dagur hjá
eldri keppendunum. Þann
dag er keppt í stóru suður-
amerísku keppninni. Í
keppnina voru skráð 205
pör, þar af 11 íslenzk. Það
má til gamans geta að pör
frá 26 þjóðum voru skráð
til leiks í keppninni og hef-
ur fjöldi þjóða aldrei verið
meiri í sögu þessarar
keppni sem spannar um 40
ár. Þrjú íslenzk pör fóru
ásamt um 100 öðrum í aðra
umferð og í þá þriðju, sem
jafnfram var 48 para und-
anúrslit, fóru Davíð Gill
Jónsson og Helga Björns-
dóttir, en þar við sat að
þessu sinni. Ásta Sigvalda-
dóttir og herrann hennar
komust 24 para úrslit. Sig-
urvegarar voru systkini frá
Ítalíu, eins var parið sem
vann til silfurverðlauna frá
Ítalíu og Rússar í því
þriðja. Köru fannst þessi
úrslit mjög sanngjörn sem
og nær öll úrslit þetta árið.
„Dómgæslan hefur verið til
fyrirmyndar að mínu mati
og mun betri en mörg und-
anfarin ár. Dómararnir
hafa þó ekki verið öfunds-
verðir af vinnu sinni því
keppnin hefur oft á tíðum
verið mjög hörð og jöfn og
því úrslit á stundum mjög
mismunandi milli dómara,“
sagði Kara að lokum.
Blackpool. Morgunblaðið.
Morgunblaðið/Jón Svavarsson
Jónatan Arnar Örlygsson og Hólmfríður
Björnsdóttir dansa tangó af innlifun.
Fannar Helgi Rúnarsson og Edda Gísladóttir í
suður-amerískri sveiflu.
Jöfn og sterk keppni í
dansinum í Blackpool
FRÉTTIR
MORGUNBLAÐIÐ LAUGARDAGUR 21. APRÍL 2001 53
JÓHANN Vilhjálmsson byssusmið-
ur hefur flutt verkstæði sitt og versl-
un að Dunhaga 18 í Reykjavík, þar
sem Skóstofan var áður til húsa.
Jafnframt hefur hann tekið við
vöðluviðgerðum og rekstri vöðlu- og
stangarleigu þeirrar sem Skóstofan
annaðist áður. Þá hefur heimasíða
hans fengið nýja slóð sem er: http://
www.byssa.is.
Jóhann mun eftir sem áður annast
viðgerðir, breytingar og smíði á
byssum. Auk þess selur hann ný og
notuð skotvopn, skotfæri, fylgihluti
og ýmislegt til skotíþrótta, skot- og
stangveiða.
Um þessar mundir eru fimm ár frá
því Jóhann opnaði fyrirtæki sitt.
Hann nam byssusmíði við ICET
Leon Mignon-skóla byssusmiðanna í
Liege, Belgíu og er félagi í BKS,
félagi belgískra hnífasmiða. Hóf
hann rekstur verkstæðis og verslun-
ar að loknu námi.
Í tilefni af flutningi fyrirtækisins
og fimm ára afmælisins verður opið
hús hjá Jóa byssusmið á sunnudag
milli kl. 12 og 18 á Dunhaga 18.
Verkstæði Jóa
byssusmiðs flutt
Morgunblaðið/RAX
Labradortíkin Fluga fyrir utan nýtt aðsetur Jóa byssusmiðs.
TÓNLISTARMAÐURINN Páll
Óskar sér um tónlistina á Orminum,
Egilsstöðum, laugardaginn 21. apríl
en verður ekki í Sjallanum, Akureyri,
eins og kom fram í blaðinu í gær.
Páll Óskar á
Egilsstöðum
NÝR íslenskur myndabanki á Net-
inu hefur nú tekið til starfa,
www.nordicphotos.com, en slíkir
myndabankar eru algengir erlendis
og mikið notaðir af auglýsingastof-
um og útgáfufyrirtækjum, sam-
kvæmt því sem fram kemur í frétta-
tilkynningu.
„ 22 íslenskir ljósmyndarar hafa
samið við Nordicphotos um að selja
myndir sínar í gegnum myndabank-
ann, en myndabankinn mun sérhæfa
sig í myndefni frá Norðurlöndunum.
Nú þegar eru yfir tvö þúsund mynd-
ir í safninu, en í hverri viku bætast
við hundruð mynda og samningar
standa yfir við fleiri ljósmyndara,
bæði hér heima og á hinum Norð-
urlöndunum, segir í fréttatilkynn-
ingu. Öll afgreiðsla myndanna á
nordicphotos.com er sjálfvirk, sem
þýðir að hægt er að skipta við
myndabankann á hvaða tíma sem er
og sækja myndir í hágæða upplausn,
tilbúnar til prentunar. Einnig er
hægt að senda fyrirspurnir til
myndabankans um ákveðið mynd-
efni eða ljósmyndara,“ segir í frétta-
tilkynningunni. Hjá Nordicphotos
starfa nú átta manns.
Nýr íslenskur ljós-
myndabanki á Netinu
ÁLYKTUN um starfsumhverfi bíla-
leiga var samþykkt á aðalfundi Sam-
taka ferðaþjónustunnar nýverið. Þar
segir meðal annars:
Óhætt er að segja að sá skilningur
sem stjórnvöld sýndu með lækkun
vörugjalda hafi skipt miklu. Til þess
að niðurfellingin nái tilgangi sínum
þarf að stytta tímann sem hún gildir
í að lágmarki 12 mánuði. Með því
móti minnka álögur á endurkaupa-
markaðinn og niðurfellingin nýtist
fyrir þann flota sem einkum er ætl-
aður ferðamönnum. Ljóst er að í
samkeppni um erlenda ferðamenn
ræður verð á þjónustu miklu í
ákvörðun hans um áfangastað. Miklu
máli skiptir að bílaleigubílar á Ís-
landi séu á sambærilegu verði miðað
við nágrannaþjóðir okkar. Til þess
að svo megi verða þarf enn að bæta
starfsumhverfi bílaleiga.
Vilja bæta
starfsumhverfi
bílaleiga
♦ ♦ ♦