Morgunblaðið - 01.06.2001, Qupperneq 20

LANDIÐ
20 FÖSTUDAGUR 1. JÚNÍ 2001 MORGUNBLAÐIÐ
LEIKSKÓLINN Barnabær á
Blönduósi hélt um helgina upp á 20
ára afmæli sitt í félagsheimilinu á
Blönduósi að viðstöddu fjölmenni.
Dagskrá hátíðarinnar var fjöl-
breytt, þulur fluttar og mikið sung-
ið og saga skólans rakin í stuttu
máli af starfsmönnum leikskólans.
Saga leikskóla á Blönduósi hófst
reyndar í grunnskóla Blönduóss
sumarið 1972 og var leikskólinn ein-
ungis starfræktur á sumrin fyrstu
árin. Frá árinu 1975 hefur verið
starfræktur leikskóli allt árið. Það
var svo í maí 1981 að leikskólinn
flutti í það húsnæði sem hann er í
núna og eru starfandi þrjár deildir.
Skólastjóri leikskólans Barna-
bæjar er Anna M. Arnardóttir en
Sigurlaug Hermannsdóttir var
fyrsti leikskólastjóri á Blönduósi og
sendi hún samkomunni hlýjar kveðj-
ur þar eð hún gat ekki verið við-
stödd. Það kom fram í máli Önnu
leikskólastjóra að skólinn á sér
þann draum að eignast stóra og að-
gengilega rennibraut fyrir yngstu
börnin og sá draumur er ekki í mikl-
um fjarska því Skúli Þórðarson bæj-
arstjóri færði leikskólanum hálfa
milljón króna að gjöf í tilefni tíma-
mótanna. Ljóst er að mörg fyrirtæki
og félagasamtök í sýslunni ætla að
leggja sitt af mörkum svo þessi
draumur geti orðið að veruleika.
Haldið upp
á 20 ára
afmælið
Morgunblaðið/Jón Sigurðsson
Börnin sem eiga að byrja í grunnskóla í haust fengu útskriftarhúfur og skjöl.
Börnin á Hólabæ fluttu þuluna „Þumalfingur er mamma“.
Blönduós
Leikskólinn Barna-
bær á Blönduósi
SÚ hefð hefur komist á í Drangs-
nesskóla að taka einn vordag til
gróðursetningar. Í ár voru gróður-
settar 300 trjáplöntur ofan við
Drangsnes.
Leikskólinn á Drangsnesi slóst
með í för og aðstoðuðu leikskóla-
börnin við gróðursetninguna.
Tókst sú samvinna með ágætum og
voru þau ekki lengi að ljúka verk-
inu. Ekki eyðilagði það stemmn-
inguna hjá krökkunum að þau
máttu hafa með sér nammi í nesti
og einhverjir kannski haft meiri
áhuga á því en trjáplöntunum,
a.m.k. þau yngstu. Síðan var farið í
leiki og var mikið gaman hjá leik-
skólabörnunum að fá að leika sér
við stóru krakkana í skólanum.
Morgunblaðið/Jenný Jensdóttir
Hópur barna sem tók þátt í gróðursetningunni.
Gróðursetningardagur
hjá Drangsnesskóla
Drangsnes
STEINUNN Pálsdóttir er umsjón-
armaður Skallagrímsgarðs og er
þetta áttunda vorið sem hún hreins-
ar og snyrtir beðin, fjarlægir rusl og
undirbýr garðyrkjustörf sumarsins.
Þegar skólanum lýkur fær hún 5–6
unglinga sér til aðstoðar sem hún
verkstýrir í sumar.
Steinunn segir að sér finnist gam-
an að vinna í garðinum en það sé
pirrandi þegar verið er að skemma,
eins og því miður hefur gerst í
Skallagrímsgarði. Búið er að
skemma gosbrunn sem var í garð-
inum, brjóta öll ljós og eitthvað er
um að plöntur séu rifnar upp og trjá-
greinar brotnar. Hún myndi vilja að
garðurinn væri girtur þannig að
skemmdarvargar ættu ekki eins
greiða leið inn í hann. Garðurinn
kemur gróðurfarslega vel út eftir
veturinn, og eru skemmdir af völd-
um kals eða veðurs litlar sem engar.
Skallagrímsgarður er sannkölluð
perla í hjarta Borgarness. Upphafs-
maður garðsins var Friðrik Þor-
valdsson (1896–1983) en hann af-
henti kvenfélagskonum garðinn árið
1938 og sáu þær um ræktun til ársins
1989 undir stjórn Geirlaugar Jóns-
dóttur. Frá þeim tíma hefur sveit-
arfélagið séð um garðinn.
Morgunblaðið/Guðrún Vala Elísdóttir
Steinunn Pálsdóttir við vorverkin.
Vorverkin hafin í
Skallagrímsgarði
Borgarnes
SVANDÍS Egilsdóttir, myndlistar-
maður og kennari við grunnskóla
Mýrdælinga, opnaði sýningu á verk-
um sínum í Halldórskaffi í Bryddebúð
í Vík.
Sýningin stendur frá 25. maí til 30.
júní. Á henni eru sýnd 19 olíumálverk
og skúlptúrar sem flest hafa verið
unnin í vetur og er innblásturinn sótt-
ur í hina stórfenglegu náttúru Mýr-
dalsins. Nálægð við úthafið, jökulinn,
eldstöðina og grasi gróna hamraveggi
hefur haft mikil áhrif á myndsköp-
unina.
Þetta er fyrsta einkasýning Svan-
dísar hér á landi, en hún hefur áður
haldið einkasýningu og tekið þátt í
fjölmörgum samsýningum í Dan-
mörku og í Bandaríkjunum þar sem
hún dvaldi við nám og starfaði við
myndlist.
Öll verkin á sýningunni eru til sölu.
Morgunblaðið/Jónas Erlendsson
Svandís við myndina Nær í
Halldórskaffi.
Myndlist-
arsýning í
Halldórs-
kaffi í Vík
Fagridalur