Morgunblaðið - 16.10.2001, Blaðsíða 23
ERLENT
MORGUNBLAÐIÐ ÞRIÐJUDAGUR 16. OKTÓBER 2001 23
Cider vinegar
diet formúla
FRÁ
Vatnslosun, brennsla,
og megrun
með GMP gæðaöryggi
Apótekin
FRÍHÖFNIN
Clara Kringlunni, Sara Bankastræti, Debenhams snyrtivörudeild, Hagkaup Kringlunni,
Hagkaup Smáralind, Hagkaup Spönginni, Lyfja Lágmúla, Lyfja Laugavegi,
Lyfja Smáratorgi, Lyfja Smáralind, Lyfja Garðatorgi, Lyfja Setbergi,
Lyf og Heilsa Austurstræti, Apótek Keflavíkur.
UPPGÖTVAÐU NÝJAN
MÁTT LJÓSSINS
NÝTT LIGHTSOURCE
Transforming Moisturizers SPF 15
Hrjáir orkuskortur húð þína? Hér hefurðu kraftinn til að láta henni
í té alla þá orku sem hún þarfnast til að skila hlutverki sínu sem
best. Örkristallatækni okkar tíma nýtir orku ljóssins - breytir útliti
og áferð húðarinnar, eykur viðnám hennar gegn öldrun, færir
henni undraverðan ljóma og ferskleika.
LIGHT SOURCE. Ljósið sem lífgar. Fæst sem rakakrem og rakamjólk.
BANDARÍKJAMENN héldu áfram
sprengjuárásum á stöðvar og liðsafla
talibana-stjórnarinnar í Afganistan
um helgina. George W. Bush Banda-
ríkjaforseti lýsti yfir því á sunnudag
að samningaviðræður við talibana
kæmu ekki til greina en áður höfðu
hinir síðarnefndu sagt að til greina
kæmi að framselja Osama bin Laden
til hlutlauss ríkis með ákveðnum
skilyrðum.
Talsmenn bandaríska varnar-
málaráðuneytisins sögðu um helgina
að árásum hefði verið haldið áfram á
hernaðarskotmörk í Afganistan. At-
hygli vakti að talsmenn stjórnarand-
stöðunnar, Norðurbandalagasins,
sem hefur 5–10% landsins á valdi
sínu, lýstu yfir því að fallið hefði ver-
ið frá áformum um að ráðast á höf-
uðborgina, Kabúl. Áður höfðu sömu
talsmenn sagt að slík árás væri í
vændum en hluti liðsafla Norður-
bandalagsins er ekki langt norður af
höfuðborginni. Voru þessi umskipti
túlkuð á þann veg að þrýst hefði ver-
ið á Norðurbandalagið um að fara
sér hægt á meðan unnið yrði á bak-
við tjöldin að áætlunum um hvernig
fylla megi hið pólitíska tómarúm sem
skapast muni ef og þegar talibana-
stjórnin fer frá völdum.
Norðurbandalagið kvaðst í gær
sækja áfram til borgarinnar Mazar-
e-Sharif í norðurhluta Afganistan og
fullyrtu talsmenn þess að næstum
því 4.000 hermenn talibana hefðu
gefist upp á undanliðnum dögum.
Í gær áttu fulltrúar Mohammed
Zaher Shah, fyrrum konungs Afgan-
istan, fund með háttsettum pakist-
önskum embættismönnum í höfuð-
borg Pakistan, Islamabad. Sagði
talsmaður Pakistana að rætt hefði
verið hvernig „vinna mætti að því að
koma á stjórn í Afganistan með
fulltrúum allra þjóðarbrota“.
Norðurbandalagið hefur fyrir sitt
leyti sagt að konungurinn geti gegnt
hlutverki og brúað bilið frá átökum
þar til að takast megi að koma á
stjórn til langs tíma í landinu.
Pakistanar geta fellt sig við að
konungur, sem er 86 ára, fari fyrir
slíkri stjórn svo framarlega sem öll
þjóðarbrot í landinu eigi þar fulltrúa.
Talibanar hafa fordæmt afskipti
Zaher Shah og sagt að konungurinn
eigi „að blygðast“ sín fyrir að reyna
að hafa áhrif á framþróun mála í
landinu.
Talibanar segja
framsal hugsanlegt
George W. Bush Bandaríkjafor-
seti hafnaði á sunnudag tilboði því
sem borist hafði fyrr um daginn frá
talibana-stjórninni um viðræður.
„Hér er ekki um neitt að semja. Vilji
þeir stöðva árásirnar á Afganistan
verða þeir að fara að mínum skilyrð-
um,“ sagði forsetinn er hann sneri
aftur til Washington frá hvíldarstað
forsetaembættisins, Camp David.
Fyrr um daginn hafði Maulani Ab-
dul Kabir, fylkisstjóri í Jalalabad í
austurhluta Afganistan, sagt á fundi
með erlendum fjölmiðlum að til
greina kæmi að Osama bin Laden
yrði framseldur til hlutlauss ríkis.
En þá þyrftu Bandaríkjamenn að
leggja fram sannanir fyrir því að það
hefði í raun verið bin Laden sem var
að verki þegar hryðjuverkamenn
frömdu fjöldamorð í Bandaríkjunum
11. september. Var þetta í fyrsta
skiptið sem talibanar sögðu mögu-
leika á því að bin Laden yrði fram-
seldur en þá kröfu birti Bandaríkja-
stjórn fáeinum dögum eftir hryðju-
verkin vestra. Bush forseti hafnaði
hins vegar þeim möguleika að samið
yrði um framsal bin Ladens. „Samn-
ingaviðræður koma ekki til greina.
Sennilega hafa þeir ekki heyrt orð
mín. Ef þeir hafa áhuga á því að
stöðva hernaðaraðgerðir okkar mun-
um við gera það um leið og þeir hafa
orðið við kröfum okkar,“ sagði for-
setinn.
Bush hefur krafist þess að bin
Laden og allir aðstoðarmenn hans
verði skilyrðislaust framseldir til
Bandaríkjanna.
Bush hafnar viðræð-
um við talibana
Washington. AFP
COLIN Powell, utanríkisráðherra
Bandaríkjanna, kom til Pakistans í
gær til að treysta sambandið við
ríkisstjórn Pervez Musharrafs for-
seta en svo virðist sem andstaða við
Bandaríkin og hernaðaraðgerðirnar
í Afganistan aukist dag frá degi
meðal Pakistana.
Musharraf sagði í síðustu viku, að
það væru aðeins öfgafyllstu mús-
limarnir, 10 til 15% þjóðarinnar,
sem væru andvíg stuðningi hans við
herferð Bandaríkjamanna gegn
hryðjuverkamönnum, og vissulega
hafa mótmælin í landinu að mestu
verið bundin við þá hópa hingað til.
Þetta er þó að breytast. Ýmsir,
sem áður studdu ákvörðun Mushar-
rafs, lýsa nú miklum efasemdum og
margir Pakistanar, sem hafa litla
samúð með Osama bin Laden og
talibönum, gagnrýna nú stjórnina
harðlega.
Ísraelum kennt um
hryðjuverkin!
Skyrtubolir með mynd af bin
Laden fást nú á öllum mörkuðum
og námsmenn og ríkisstarfsmenn
hafa tekið þátt í því að lýsa yfir heil-
ögu stríði á hendur Bandaríkjunum.
Nú halda margir því fram í alvöru,
að það hafi í raun verið Ísraelar,
sem stóðu fyrir hryðjuverkunum.
Ástæðan fyrir þessu er meðal
annas sú, að margir óttast, að
mannfall meðal óbreyttra borgara í
Afganistan verði mikið, að hernað-
urinn muni standa miklu lengur en
áður var talið og með alvarlegum
afleiðingum fyrir Pakistan í langan
tíma.
Þótt mótmælin hafi víðast hvar
farið friðsamlega fram, var því ekki
að heilsa í borgunum Quetta og
Karachi í síðustu viku þegar ráðist
var á byggingar og bíla, veitinga-
staði og alþjóðlegar hjálparstofnan-
ir. Í Karachi var síðan allsherjar-
verkfall sl. föstudag að áskorun
klerkanna. Á sunnudag reyndu
mótmælendur að ráðast inn á flug-
völl í Balúkistan þar sem banda-
rískar herflugvélar hafa aðsetur.
Sagt er, að þúsundir ungra manna
hafi heitið að taka upp vopn og berj-
ast við hlið talibana komi til land-
hernaðar erlendra manna í Afgan-
istan.
Musharraf treysti tök sín á hern-
um með því að setja af þrjá menn,
sem taldir eru hallir undir bókstafs-
trúarmenn og talibana, og skipa
hófsamari menn í þeirra stað en
fréttaskýrendur segja, að dragist
átökin í Afganistan á langinn, muni
jafnvel þeir hófsömu snúast gegn
Musharraf af ótta við, að tengslin
við Bandaríkin muni valda hættu-
legri ókyrrð í landinu. Þeir óttast,
að þegar Bandaríkjamenn hverfi
frá Afganistan, muni Pakistanar
sitja uppi með vandann.
Rifaat Hussai, prófessor í her-
fræðum við Quaid-I-Azam-háskól-
ann, segir, að heimsókn Powells
geti auðveldlega skaðað Musharraf
og sannfært marga um, að hann sé
ekkert annað en leppur Bandaríkja-
manna. Þótt hann geti beitt hernum
gegn helstu foringjum bókstafs-
trúarmanna, þá eigi hann samt á
hættu að tapa stríðinu meðal al-
mennings.
Flestir leiðtogar stjórnmála-
flokkanna í Pakistan hafa þagað eða
látið í ljós óbeinan stuðning við
bandalag Musharrafs og Bandaríkj-
anna en þess ber að geta, að allt
pólitískt starf í landinu hefur verið í
fjötrum síðan Musharraf komst til
valda með stuðningi hersins fyrir
tveimur árum. Fréttaskýrendur
segja, að nú ríði á fyrir hann að
bæta sambandið við leiðtoga stjórn-
málaflokkanna.
Hvetja til aukinnar
hreinskilni stjórnvalda
„Við styðjum baráttu stjórnar-
innar gegn hryðjuverkum en
stjórnin verður að vera opnari
gagnvart almenningi,“ sagði Abida
Hussai, leiðtogi Múslímafylkingar-
innar, sem var við völd til 1999. „Við
vitum ekki um hvað Bandaríkja-
stjórn hefur beðið og ekki um það,
sem Pakistanstjórn vill fá í staðinn.
Stjórnin verður að vera hreinskilin
gagnvart fólkinu.“
Raja Zafar ul-Haq, leiðtogi klofn-
ingsflokks úr Múslímafylkingunni,
segir, að flokkur sinn hafi talið, að
Musharraf hafi valið skárri kostinn
af tveimur illum. Eftir því sem árás-
irnar á Afganistan standi lengur,
aukist hins vegar kurrinn meðal
flokksmanna og fari allt á versta
veg, kunni öfgamenn að komast til
valda í landinu.
„Við verðum að koma í veg fyrir
það með öllum tiltækum ráðum,“
sagði ul-Haq.
Islamabad. The Washington Post.
Andúð á loftárás-
um vex í Pakistan
Hófsamir menn sagðir hugsa með skelfingu
til valdatöku íslamskra bókstafstrúarmanna
AP
Mynd af Osama bin Laden haldið á loft í mótmælum í Peshawar í gær. Bakgrunnur myndarinnar er árásin á
turna World Trade Center-byggingarinnar í New York 11. september síðastliðinn.