Morgunblaðið - 16.10.2001, Blaðsíða 15
AKUREYRI
MORGUNBLAÐIÐ ÞRIÐJUDAGUR 16. OKTÓBER 2001 15
VERKEFNASTAÐA í byggingar-
iðnaði á Akureyri er þokkaleg um
þessar mundir en verður þó eitt-
hvað misjöfn í vetur hjá einstökum
greinum, að sögn Guðmundar Óm-
ars Guðmundssonar formanns Fé-
lags byggingamanna í Eyjafirði.
Hann sagði að málarar væru ekkert
of bjartsýnir fyrir veturinn en þó
væri staða þeirra nokkuð óljós.
Guðmundur Ómar sagði að at-
vinnuástand hjá smiðum væri nokk-
uð gott og ýmis stór verkefni í
gangi, eins og við Amtsbókasafnið,
Giljaskóla og Verkmenntaskólann
og til viðbótar væri fyrirhugað að
bjóða út vinnu við innréttingu hús-
næðis FSA. Þá væri töluvert byggt
af íbúðarhúsnæði, á Klettaborg, í
Giljahverfi og á Eyrarlandsholti.
Guðmundur Ómar sagði að
óvenju mikið hefði verið byggt af
íbúðarhúsnæði í bænum undanfarin
ár. Íbúum bæjarins hefði verið að
fjölga og því væri auðveldara að
átta sig á þörfinni. Ef hér fjölgaði
um 300 manns þyrfti um 100 íbúðir
til viðbótar.
„Góðærið náði til okkar og það
hefur ríkt góðæri í byggingariðn-
aðinum í yfir fjögur ár. Það á þó
ekki við um allar greinar og það er
ekkert góðæri t.d. í málmiðnaðin-
um.“
Verkefnastaða í byggingariðnaði þokkaleg
Óvenju mikið byggt
af íbúðarhúsnæði
Morgunblaðið/Kristján
Mikið hefur verið byggt af íbúðarhúsnæði á Akureyri að undanförnu og
þá ekki síst á Eyrarlandsholti, þar sem þessir iðnaðarmenn voru að
hefja framkvæmdir við enn eitt raðhúsið.
JÓLAGARÐURINN í Eyjafjarð-
arsveit hefur hafið kynningu á jóla-
tákninu 2001. Það er fastur liður ár
hvert að valinn er handverks- eða
listamaður til að útbúa tákn kom-
andi jólahátíðar og að þessu sinni
er það málmlistakonan Elínborg
Kjartansdóttir sem gerir táknið.
Hennar tákn er jólatré, unnið í kop-
ar með messingskreytingu og
stendur það á korkstöpli. Í verkinu
mætast formið annars vegar og
styrkur og útgeislun efnisins hins
vegar. Jólatáknið er sem fyrr að-
eins í 110 tölusettum eintökum og
því hvert um sig einstakt.
Jólatré Elínborgar Kjartansdóttur er jólatákn 2001 í Jólagarðinum.
Jólatáknið 2001
TVÖ fyrirtæki á Akureyri, Svar og
Þekking-Tristan hafa verið í sam-
starfi að undanförnu um uppsetningu
á síma- og tölvukerfum sem gera fyr-
irtækjum kleift að senda síma- og
tölvugögn eftir sömu línunni. Þessi
tækni sparar fyrirtækjum umtals-
verða fjármuni þar sem nú er hægt
að nýta eina línu fyrir bæði tal og
gögn segir í frétt frá fyrirtækjunum.
Símstöðvar einstakar deilda fyrir-
tækja geta þannig tangst saman eins
og um eina símstöð væri að ræða.
Auk þess geta fyrirtæki sem rekið
hafa tvö eða fleiri skiptiborð látið alla
símsvörun fara í gegnum sama
skiptiborðið. Með þessari tækni er
mögulegt að flytja símtöl áfram yfir
gagnalínurnar eins og um innanhúss-
ímtöl væri að ræða. Sparnaður fæst í
mannahaldi og símakostnaði auk ým-
issa annarra möguleika sem bjóðast
við notkun símkerfisins.
Meðal fyrirtækja sem tekið hafa
þess nýju tækni upp eru Norðlenska
matborðið á Akureyri og Húsavík og
Samherji á Dalvík og Árskógssandi.
Svar og Þekking-Tristan í samstarfi
Unnt að flytja síma- og
tölvugögn eftir sömu línunni
HANDKNATTLEIKSLIÐ Per-
unnar á Akureyri hefur lokið þátt-
töku sinni í bikarkeppni Hand-
knattleikssambands Íslands, eftir
tap gegn ÍR í 32 liða úrslitum í KA-
heimilinu sl. laugardag. Lokatölur
leiksins urðu 36:9 gestunum úr
Reykjavík í vil og eins og tölurnar
gefa til kynna var leikur liðanna
frekar ójafn.
Peran tefldi fram kraftajötninum
Torfa Ólafssyni í liði sínu en það
dugði ekki til að þessu sinni. Torfi
sem er þekktari sem keppnismaður
í aflraunum, er engin smásmíði, um
180 kg að þyngd. Hann lét vita vel
af sér í leiknum en náði þó aðeins
að skora tvívegis.
Peran úr leik
í bikarnum
Morgunblaðið/Þórir Tr.
Varnarmaður ÍR gerir örvænt-
ingafulla tilraun til að stöðva
Torfa Ólafsson, leikmann Per-
unnar, í bikarleik liðanna í KA-
heimilinu sl. laugardag. Torfi
skoraði tvö mörk en lið hans tap-
aði leiknum með 27 marka mun.
NÁMSKEIÐ sem fjallar um
strauma og stefnur í myndlist, tón-
list og byggingarlist í samhengi við
breytingar í þjóðfélaginu er nú að
hefjast.
Kennt verður fjögur kvöld, 3
klukkustundir í senn, dagana 18. og
25. október og 1. og 8. nóvember.
Leiðbeinandi er Guðmundur Ár-
mann Sigurjónsson, myndlistarmað-
ur. Fjöldi þátttakenda verður á
bilinu 8 til 15 og verðið á námskeið-
inu er 8.500 krónur.
Skráning og upplýsingar eru í
Verkmenntaskólanum í síma eða á
heimasíðu SÍMEY www.simey.is
Námskeið
um list og
menningu
TÆPLEGA þrítug kona hefur í
Héraðsdómi Norðurlands eystra
verið dæmd í 30 daga fangelsi,
skilorðsbundið til tveggja ára,
auk þess að greiða 45 þúsund
krónur í sekt til ríkissjóðs sem og
allan sakarkostnað.
Konan var ákærð fyrir líkams-
meiðingar af gáleysi og umferð-
arlagabrot með því að hafa í febr-
úar síðastliðnum ekið bifreið sinni
of hratt miðað við aðstæður og án
nægilegrar aðgæslu, með þeim af-
leiðingum að hún ók á gangandi
vegfaranda á gangbraut við
Hörgárbraut.
Konan játaði fyrir dómi þær
sakargiftir sem á hana voru born-
ar í ákæruskjali. Með hliðsjón af
afdráttarlausri játningu, hreinum
sakarferli og atvikum máls að
öðru leyti þótti refsing hennar
hæfilega ákveðin 30 daga fangelsi
skilorðsbundið í tvö ár auk sektar.
Héraðsdómur Norðurlands eystra
Skilorðsbundið
fangelsi vegna gá-
leysislegs aksturs