Morgunblaðið - 03.11.2001, Blaðsíða 8

FRÉTTIR
8 LAUGARDAGUR 3. NÓVEMBER 2001 MORGUNBLAÐIÐ
Nei, nei, elskurnar mínar, við sprautum ekki við þessu, þetta eru bara skitustingir eftir allt ofátið.
Námskeið um rafræna viðskiptahætti
Nýjar leiðir í
rekstri
Útflutningsráð Ís-lands og Háskól-inn í Reykjavík
ásamt Euro Info skrifstof-
unni standa fyrir þremur
námskeiðum sem bera yf-
irskriftina „Nýjar leiðir í
rekstri – raunveruleg hag-
ræðing, kostnaðarlækkun
og aukin arðsemi með raf-
rænum viðskiptaháttum“.
Erna Björnsdóttir hjá Út-
flutningsráði er í forsvari
fyrir námskeiðin og Morg-
unblaðið ræddi við hana á
dögunum.
Hvað heita námskeiðin
og hvernig eru þau byggð
upp?
„Námskeiðin heita „Nýj-
ar leiðir í rekstri“ og hafa
undirtitilinn „Raunveruleg
hagræðing, kostnaðar-
lækkun og aukin arðsemi með raf-
rænum viðskiptaháttum“. Þetta
eru þrjú námskeið sem haldin eru
með mánaðar millibili og standa
frá klukkan 8.30 til 12.30 í hvert
sinn. Markmiðið er að fá fyrirtæki
til að sækja öll námskeiðin en þó er
mögulegt að velja úr námskeið.
Námskeiðin eru hagnýt, þ.e. við
viljum að fulltrúar fyrirtækjanna
fari heim með haldgóða vitneskju
um þá möguleika og þau tækifæri
sem felast í rafrænum viðskipta-
háttum. Fyrsta námskeiðið, hinn
8. nóvember, er í umsjá Árna Hall-
dórssonar, viðskiptafræðings og
doktorsnema við Viðskiptaháskól-
ann í Kaupmannahöfn. Þar verður
sýnt fram á hvernig ná megi fram
hagræðingu í innkaupum, vöru-
stjórnun, birgðahaldi og aðföng-
um, stytta aðfangakeðjuna og
auka veltuhraða birgða. Á desem-
bernámskeiðinu, sem er í umsjón
Þórðar Víkings Friðgeirssonar,
verkefnastjóra hjá Háskólanum í
Reykjavík, verður farið yfir sölu
og markaðssetningu á Netinu, t.d.
hvernig nota megi upplýsinga-
tækni til að þjóna viðskiptavinum
betur og auka viðskiptatryggð
þeirra. Á þessum námskeiðum
munu einnig fulltrúar tveggja ís-
lenskra fyrirtækja, Eimskips og
Form.is, segja frá verkefnum og
möguleikum tengdum rafrænum
viðskiptum. Þriðja námskeiðið er
af svolítið öðrum toga, en á því
munu Þórður S. Gunnarsson, dós-
ent við Háskólann í Reykjavík, og
Árni Harðarson, yfirmaður skatta-
sviðs Deloitte & Touche hf., fara
yfir lagaumhverfi rafrænna við-
skipta, m.a. samningarétt, höf-
undarétt og skattarétt.“
Hverjum eru námskeiðin ætluð?
„Námskeiðin eru ætluð stjórn-
endum fyrirtækja. Verð námskeið-
anna miðast við að þau sæki tveir
fulltrúar frá hverju fyrirtæki, ekki
endilega sömu fulltrúar í hvert
skipti. Framkvæmdastjóri og inn-
kaupastjóri gætu t.d. sótt fyrsta
námskeiðið og markaðsstjóri fyr-
irtækisins síðan komið inn á nám-
skeið númer tvö. Þannig held ég að
líkurnar aukist á því að umræður
um efni námskeiðanna skapist inn-
an hvers fyrirtækis.“
Hver eru markmið
námskeiðanna?
„Markmið þeirra er
fyrst og fremst að sýna
á raunhæfan hátt þá
möguleika sem felast í rafrænum
viðskiptaháttum. Við ætlum að
kynna fyrir stjórnendum verkfæri
til að auka hagræðingu í rekstri og
skilja eftir hjá þeim vitneskju sem
getur nýst þeim við stefnumótun í
framtíðinni.“
Námskeiðin tengjast einhvers
konar alþjóðlegri herferð eða
hvað?
„Já, námskeiðin eru hluti af al-
þjóðlegri herferð sem fer fram í 18
Evrópulöndum og er styrkt af
framkvæmdastjórn Evrópusam-
bandsins. Herferðin, sem á ensku
nefnist „EIC e-Business
Campaign“, er hluti af GoDigital-
áætlun Evrópusambandsins sem
miðar að því að hvetja lítil og með-
alstór fyrirtæki í Evrópu til að
nýta sér Netið í viðskiptum. Euro
Info skrifstofan á Íslandi, sem rek-
in er af Útflutningsráði og iðnaðar-
og viðskiptaráðuneyti, er fram-
kvæmdaaðili herferðarinnar hér á
landi. Formlegur upphafsdagur
hennar var 14. september og
stendur hún í eitt ár. Þátttöku-
löndin fara ólíkar leiðir í vinnu
sinni með fyrirtækjum en alls stað-
ar er markmiðið það sama, að ná til
lítilla og meðalstórra fyrirtækja,
kynna fyrir fulltrúum þeirra þá
hagræðingarmöguleika sem Netið
býður upp á og aðstoða þau við að
stíga nauðsynleg skref í átt til þátt-
töku í viðskiptum á Netinu.“
Svo er einhver viðhorfskönn-
un...?
„Það eina sem gert verður eins í
þátttökulöndunum 18 er að lögð
verður viðhorfskönnun fyrir þau
fyrirtæki sem þátt taka í nám-
skeiðum og viðburðum tengdum
herferðinni. Sömu spurningar
verða lagðar fyrir í öllum löndun-
um og niðurstöðurnar munu því
veita dýrmætar upplýsingar um
stöðu rafrænna viðskipta í Evrópu.
Við ætlum að ganga
skrefi lengra og leggja
þessa könnun ekki að-
eins fyrir þau fyrirtæki
sem þátt taka í nám-
skeiðunum heldur fyrir
stóran hóp íslenskra fyrirtækja
þannig að niðurstöðurnar hér geti
nýst sem flestum sem að þessum
málum koma, t.d. stjórnvöldum,
stefnumótendum, ráðgjöfum og
hugbúnaðarfyrirtækjum. Könnun-
.is mun framkvæma könnunina og
að henni standa, auk Útflutnings-
ráðs og Könnun.is, ICEPRO,
EAN á Íslandi, Staðlaráð Íslands
og Skýrslutæknifélagið.“
Erna Björnsdóttir
 Erna Björnsdóttir er fædd í
Reykjavík árið 1967. Hún lauk
stúdentsprófi frá Mennta-
skólanum í Reykjavík 1987,
stundaði síðan nám í þýsku og
hagnýtri fjölmiðlun við Háskóla
Íslands árin 1990–94 og lauk BA-
prófi í alþjóðasamskiptum og
markaðsfræði frá Viðskiptahá-
skólanum í Kaupmannahöfn
1998. Hún hefur starfað hjá Út-
flutningsráði síðan í janúar á
þessu ári en starfaði áður við
þýðingar hjá IFT-Media Services
í Kaupmannahöfn og Fjárfest-
ingarstofunni. Sambýlismaður
Ernu er Þórarinn Bjarnason og
eiga þau tvö börn.
Við ætlum að
ganga skrefi
lengra
BÆJARMÁLAFÉLAG Seltjarnar-
ness hefur ákveðið að halda próf-
kjör laugardaginn 17. nóvember
næstkomandi. Félagið á tvo fulltrúa
í minnihluta bæjarstjórnar á því
kjörtímabili sem lýkur næsta vor,
þau Högna Óskarsson lækni og
Sunnevu Hafsteinsdóttur fram-
kvæmdastjóra. Sunneva gefur kost
á sér áfram en Högni hefur tekið
sæti í prófkjörsnefnd sem formað-
ur.
Auk Sunnevu ætla að taka þátt í
prófkjörinu Árni Einarsson, upp-
eldis og menntunarfræðingur, Edda
Kjartansdóttir deildarstjóri, Guð-
rún Helga Brynleifsdóttir, héraðs-
dómslögmaður og rekstrarhagfræð-
ingur, Kristján Einar Einarsson
aðflugshönnuður, Nökkvi Gunnars-
son skrifstofumaður, Stefán Berg-
mann, líffræðingur og dósent, og
Þorvaldur Kolbeins Árnason verk-
fræðingur.
Þrjú efstu sætin eru bindandi og
aðeins kunngert um úrslit í þau
sæti. Prófkjörið er opið öllum
stuðningsmönnum félagsins.
Prófkjör 17. nóvember
Bæjarmálafélagið á Seltjarnarnesi
SKIPTAR skoðanir virðast vera um
loftárásirnar á Afganistan skv. nýrri
skoðanakönnun Gallup. Tæplega
46% svarenda sögðust vera hlynnt
loftárásunum, 15% eru hvorki hlynnt
né á móti og tæplega 41% segist and-
vígt árásunum, skv. niðurstöðum
könnunarinnar.
Karlar eru mun hlynntari loftárás-
unum en konur, en tæplega 58%
karla lýstu stuðningi við þær en 28%
kvenna. Þá er fólk á aldrinum 25–34
ára hlynntara loftárásunum en aðrir
aldurshópar skv. könnuninni.
46% styðja
loftárásir á
Afganistan