Morgunblaðið - 06.02.2002, Blaðsíða 4

FRÉTTIR
4 MIÐVIKUDAGUR 6. FEBRÚAR 2002 MORGUNBLAÐIÐ
ÁRNI M. Mathiesen sjávarútvegs-
ráðherra segir að vinna við endur-
skoðunarfrumvarpið um stjórn fisk-
veiða gangi vel og það verði lagt fyrir
ríkisstjórn og þingflokka á næst-
unni.
Endurskoðunarnefnd um stjórn
fiskveiða skilaði tillögum sínum til
sjávarútvegsráðherra í lok septem-
ber sem leið og hugðist Árni M.
Mathiesen leggja fram nýtt frum-
varp um stjórn fiskveiða fyrir jóla-
leyfi. Hann sagði á Alþingi í desem-
ber að vegna anna hefði það ekki
tekist en það ætti að geta verið kom-
ið til þingflokkanna fyrir upphaf
þings að loknu jólahléi.
Árni M. Mathiesen segir að verið
sé að fínpússa frumvarpið. Ýmis
tæknileg mál hafi tekið lengri tíma
en gert hafi verið ráð fyrir en þau
séu leyst og frumvarpið verði lagt
fyrir ríkisstjórn innan skamms.
Frumvarp
á næstunni
Fiskveiðistjórn
BORGARRÁÐ samþykkti á fundi
sínum í gær að veita samtökunum
Samhjálp heimild til að hefja und-
irbúning að opnun heimilis fyrir
heimilislausa í borginni. Heimilið
verður staðsett í húsnæði á
Miklubraut 20 og er gert ráð fyrir
níu rúmum í húsinu. Að sögn
Helga Hjörvars, forseta borgar-
stjórnar Reykjavíkur, er miðað
við að heimilið verði opnað með
vorinu.
Áætlaður rekstrarkostnaður við
heimilið er rúmlega 20 milljónir
kr. á ári en miðað er við að íbúar
greiði ákveðna leigu á mánuði.
Stofnkostnaður er áætlaður um 3
millj. króna.
Í fréttatilkynningu frá Reykja-
víkurborg segir að heimilið verði
fyrst og fremst ætlað þeim mönn-
um sem lengst hafi gist í Gisti-
skýlinu við Þingholtsstræti án
þess að hægt hafi verið að útvega
þeim annan samastað. Samkvæmt
heimildum Morgunblaðsins gista
að jafnaði fimmtán manns í Gisti-
skýlinu.
Ekki náðist í forstöðumann
Samhjálpar í gær en Grímur Atla-
son, verkefnisstjóri hjá Fé-
lagsþjónustunni í Reykjavík, upp-
lýsir að um sextíu manns búi á
götunni á hverjum tíma. Að sögn
Helga Hjörvar er einnig í bígerð
að opna annað gistiskýli sambæri-
legt við Gistiskýlið við Þingholts-
stræti sem og annað heimili fyrir
heimilislausa þegar fram í sækir.
Heimili fyrir heimilislausa
UM 13 til 14% lækkun hefur orðið á verði svína-
kjöts til svínabænda frá áramótum vegna aukins
framboðs en svínabændur eru bjartsýnir á að góð
sala haldi áfram og hún hafi áhrif á rauðu strikin.
Kristinn Gylfi Jónsson, formaður Svínaræktar-
félags Íslands, segir að miðað við það verð sem
bændur hafi fengið greitt frá sláturleyfishöfum og
markaðnum í desember hafi orðið tæplega 14%
verðlækkun frá áramótum. Eftir jólavertíðina hafi
reyndar alltaf verið verðlækkun á svínakjöti, en
hún sé mun meiri nú en oft áður vegna aukins
framboðs á svínakjöti, og neytendur njóti góðs af.
„Við svínabændur svínvirkum,“ segir hann og vísar
til fjölda tilboða á svínakjöti í verslunum og áhrifa
sölunnar á neysluverðsvísitöluna. Að sögn Kristins
Gylfa Jónssonar voru framleidd rúm 5.200 tonn af
svínakjöti í fyrra en þá var 10% framleiðsluaukning
frá fyrra ári og aukningin haldi áfram á sömu nót-
um í ár.
Öll framleiðsla hafi selst, en til að koma auknu
magni inn á markaðinn þurfi að slá af verði tíma-
bundið og það hafi verið gert. Ekki sé skráð op-
inber verðlagning á svínakjöti og ekki hafi mátt
gefa út viðmiðunarverð í átta ár. Því sé ekki um það
að ræða að svínabændur taki einsleita ákvörðun
um að lækka verðið. Hins vegar finni stórir kaup-
endur á markaðnum að til að koma út kjöti þurfi að
lækka verðið og frá áramótum hafi orðið tvær verð-
lækkanir, önnur um áramótin og hin 1. febrúar.
Salan hafi verið góð og ástæða sé til að ætla að
framhald verði á.
Kristinn Gylfi Jónsson segir að framleiðsluaukn-
ing á svínakjöti sé fyrirsjáanleg næstu tvö árin en
verðið geti sveiflast upp og niður og í fyrra hafi
verðið hækkað vegna hækkunar á fóðurkostnaði og
öðrum tilkostnaði. Hins vegar hafi verðið alla tíð
fyrst og fremst ráðist af framboði og eftirspurn.
Hann segir að 1984 hafi neysla svínakjöts verið
11% af heildarkjötmarkaðnum en væri nú 27%.
„Markaður fyrir svínakjöt hefur stækkað gífurlega
mikið og við teljum að verðlækkunin á svínakjöti
hjálpi til varðandi neysluverðsvísitöluna.“
Um 14% verðlækkun til
framleiðenda svínakjöts
ÞORGEIR Pálsson flugmálastjóri segir að sú nið-
urstaða nefndar, sem gerði úttekt á störfum trún-
aðarlæknis Flugmálastjórnar, að óheimilt hafi ver-
ið að setja takmarkanir í flugskírteini Árna G.
Sigurðssonar flugmanns hafi komið sér á óvart.
Flugmálastjórn muni hins vegar taka fullt mark á
þessari gagnrýni nefndarinnar. Hann segir ekki
tímabært að svara því hvort Þengill Oddsson komi
aftur til starfa.
Sturla Böðvarsson samgönguráðherra kynnti í
fyrradag niðurstöðu úttektarnefndarinnar. Ráð-
herra sagði við það tækifæri að skýrslan fæli í sér
alvarlega áminningu um að stjórnsýslu Flugmála-
stjórnar hefði verið áfátt við útgáfu heilbrigðisvott-
orðs og flugskírteinis flugmannsins.
Tökum fullt mark á gagnrýninni
Þorgeir sagði að Flugmálastjórn hefði ekki lokið
að fara yfir skýrslu úttektarnefndarinnar. „Við fór-
um yfir skýrsluna á fundi með samgönguráðherra í
morgun [gærmorgun]. Það er ljóst að við munum
taka ákvarðanir í framhaldinu um fyrirkomulag
mála hjá Flugmálastjórn.“
Þorgeir var spurður hvort hann teldi að skýrslan
fæli í sér alvarlegan áfellisdóm yfir Flugmála-
stjórn.
„Í skýrslunni er gerð alvarleg athugasemd við
það hvernig staðið var að því að setja takmarkanir
inn í flugskírteini flugmannsins. Það var gert af
varfærnisástæðum með flugöryggi að leiðarljósi,
en gerði flugmanninum jafnframt fært að neyta
sinna réttinda sem hann gerði. Það má segja að það
hafi komið okkur á óvart að nefndin skyldi komast
að þeirri niðurstöðu að þetta væri ekki heimilt en
við tökum fullt mark á henni.
Okkur finnast hins vegar mikilsverðar og athygl-
isverðar upplýsingar koma fram í skýrslu nefnd-
arinnar sem í sjálfu sér hefði verið gott að hefðu
legið fyrir fyrr eins og um stöðu áfrýjun-
arnefndarinnar og að það hefði verið eðlilegt að það
hefði verið samráð milli aðila og jafnvel að það hefði
komið til greina að endurskoða niðurstöður nefnd-
arinnar. Eins er eftirtektarvert að nánast allar þær
reglur og leiðbeiningarefni sem kemur frá Flug-
öryggisamtökum Evrópu hefur gildi hér á landi við
úrlausn mála af þessum toga,“ sagði Þorgeir.
Þorgeir sagðist ekki geta svarað því á þessu stigi
hvort Þengill Oddsson tæki aftur við starfi trún-
aðarlæknis Flugmálastjórnar. Það væri í skoðun.
Í Morgunblaðinu í gær lýsti Atli Gíslason, lög-
maður flugmannsins, því yfir fyrir hönd Félags ís-
lenskra atvinnuflugmanna, að félagið myndi ekki
sætta sig við að Þengill kæmi aftur til starfa. Þor-
geir sagði að þessi ummæli kæmu sér ekki á óvart.
Þessi sjónarmið hefðu komið skýrt fram fyrir jól
þegar lögmaðurinn hefði fyrir hönd FÍA lýst yfir
trúnaðarbresti milli aðila.
Þorgeir sagði í sambandi við mál flugmannsins
að nauðsynlegt væri að fram kæmi að trúnaðar-
læknir Flugmálastjórnar hefði gefið út heilbrigð-
isvottorð til handa flugmanninum í júní á síðasta
ári og hann hefði á grundvelli þess stundað sína at-
vinnu sem flugmaður fram í desember ef undan
væru skildar tvær vikur.
Eftir að heilbrigðisvottorð flugmannsins rann úr
gildi var Jóni Þór Sverrissyni fluglækni falið að
skoða mál flugmannsins. Ekki verður gefið út nýtt
vottorð til handa flugmanninum fyrr en Jón Þór
hefur lokið skoðun sinni.
Framtíð Þengils hjá
Flugmálastjórn óráðin
ÞEGAR dagarnir heilsa mann-
fólkinu með froststillum, þurr-
viðri og glampandi sólskini, búa
starfsmenn bílaþvottastöðva sig
undir mikið annríki. Biðraðir
myndast fyrir utan þvottastöðv-
arnar á skammri stundu og sumir
taka með sér bók að lesa til að
drepa tímann á meðan beðið er
eftir löðrinu. Sumum þykir biðin
fram úr hófi löng og steinsofna
við stýrið eins og bifreiðaeigand-
inn, sem beið eftir langþráðu
bílabaði í gær. Hafi hann dreymt
bílabað má telja hann berdreym-
inn í meira lagi.
Draum-
urinn um
bílabað
Morgunblaðið/Golli
Kjörstaðir verða annars eftirfar-
andi: Í Ráðhúsi Reykjavíkur, en kjör-
svæðið nær til svæðisins vestan og
norðan við Hringbraut og Snorra-
braut. Í Hagaskóla en kjörsvæðið
nær til svæðisins sunnan Hringbraut-
ar. Á Kjarvalsstöðum en kjörsvæðið
er milli Snorrabrautar og Kringlu-
mýrarbrautar. Í Laugardalshöll en
kjörsvæðið nær frá Kringlumýrar-
braut norðan Miklubrautar. Í Breiða-
gerðisskóla en kjörsvæðið nær frá
Kringlumýrarbraut sunnan Miklu-
brautar. Í Ölduselsskóla, en kjör-
svæðið nær til Seljahverfis að Breið-
holtsbraut og Reykjanesbrautar að
mörkum Kópavogs. Í Íþróttamiðstöð-
inni við Austurberg en kjörsvæðið
nær til Hóla-, Fella- og Breiðholts-
hverfis, milli Breiðholtsbrautar,
Elliðaáa og Reykjanesbrautar. Í Ár-
bæjarskóla en kjörsvæðið nær til
Grafarholts, Seláss, Árbæjarhverfis
og Ártúnsholts. Í Íþróttamiðstöð
Grafarvogs en kjörsvæðið er suður-
hverfi Grafarvogs að Elliðaám, þ.m.t.
Bryggjuhverfi. Í Borgaskóla en kjör-
svæðið nær til norðurhverfis Grafar-
vogs. Og að síðustu verður kjörstaður
á Kjalarnesi þar sem kjörsvæðið nær
til íbúa Kjalarness.
Kjörstöðum
fjölgar um tvo
BORGARRÁÐ samþykkti á fundi sínum í gær þá kjörstaði sem notast verður
við í borgarstjórnarkosningunum hinn 25. maí nk. Er gert ráð fyrir því að
kjörstöðum fjölgi um tvo frá síðustu kosningum. Þannig er gert ráð fyrir nýj-
um kjörstað í Grafarvogi, m.a. vegna fjölgunar í hverfinu, en einnig er gert
ráð fyrir því að kjörstaður verði í Ráðhúsi Reykjavíkur til að létta á kjörstöð-
unum í Hagaskóla og á Kjarvalsstöðum. Fjölmennasti kjörstaðurinn verður
kjörstaðurinn í Laugardalshöll sem nær til rúmlega 16 þúsund íbúa Reykja-
víkur. Næstfjölmennasti kjörstaðurinn verður í Íþróttamiðstöðinni við Aust-
urberg með ríflega þrettán þúsund íbúa.
♦ ♦ ♦
SVEITARFÉLÖGUM í landinu
gæti fækkað enn frekar áður en til
kosninga kemur í lok maí næst-
komandi, að því er fram kemur á
kosningavef félagsmálaráðuneytis-
ins. Tvær atkvæðagreiðslur um
sameiningu hafa verið ákveðnar í
næsta mánuði og tvær til viðbótar
eru fyrirhugaðar.
Hinn 9. mars nk. á að fara fram
atkvæðagreiðsla um sameiningu
Húsavíkurkaupstaðar og Reykja-
hrepps í eitt sveitarfélag og viku
síðar fer fram samskonar kosning
um samruna Ásahrepps, Djúpár-
hrepps, Holta- og Landsveitar og
Rangárvallahrepps í eitt.
Einnig eru líkur á að kosið verði
um sameiningu Dalabyggðar,
Reykhólahrepps og Saurbæjar-
hrepps hinn 9. mars og 16. mars
um sameiningu Hraungerðis-
hrepps og Sveitarfélagsins Ár-
borgar. Munu þau mál skýrast á
næstunni.
Kosið um fleiri
sameiningar
Fækkun sveitarfélaga