Morgunblaðið - 06.02.2002, Blaðsíða 14

AKUREYRI
14 MIÐVIKUDAGUR 6. FEBRÚAR 2002 MORGUNBLAÐIÐ
Almennur kynningarfundur vegna deiliskipulags
Naustahverfis verður haldinn fimmtudaginn
7. febrúar kl. 17.00 á Fiðlaranum, 4. hæð. Kynntar
verða fyrirliggjandi deiliskipulagstillögur og fyrir-
spurnum svarað.
Vakin er athygli á, að tillögurnar eru nú í auglýs-
ingu skv. skipulagslögum og að frestur til að gera
athugasemdir við þær er til 15. febrúar nk. Hægt
er að nálgast tillögurnar á heimasíðu Akureyrar-
bæjar (www.akureyri.is - auglýstar skipulagstil-
lögur - 3 deiliskipulagstillögur ...)
Umhverfisdeild Akureyrarbæjar.
Akureyrarbær
auglýsir
NÁTTÚRUVERNDARNEFND
Akureyrarbæjar hefur lagt til að
stofnaðar verði hverfisnefndir í bæn-
um í samræmi við framkvæmdaáætl-
un Staðardagskrár 21. Nefndin legg-
ur til að fyrsta skrefið verði stofnun
slíkrar nefndar á Oddeyri. Jón Ingi
Cæsarsson, formaður náttúruvernd-
arnefndar, sagðist vonast til að
fyrsta nefndin yrði komin á laggirn-
ar með vorinu.
Jón Ingi sagði ráðgert að hafa
hverfisnefndir í öllum sex skóla-
hverfum bæjarins í það minnsta.
Hann er bjartsýnn á að málið fái já-
kvæða afgreiðslu innan bæjarkerfis-
ins, enda sé hér um ræða atriði í mál-
efnasamningi Sjálfstæðisflokks og
Akureyrarlista, „og eiginlega eina
kosningaloforðið sem eftir er að
standa við“, sagði Jón Ingi.
Hér er um grasrótarnefnd að
ræða – eyru og augu kerfisins
„Samkvæmt hugmyndafræðinni
er hér um grasrótarnefnd að ræða
sem verði eyru og augu kerfisins úti í
hverfinu. Jafnframt er með þessu
verið að færa ábyrgðina út til íbú-
anna. Þetta verður þrýstihópur en
þó alls ekki með slæmum formerkj-
um. Við höfum leitað í smiðju þeirra
á Kjalarnesi í undirbúningnum, þar
sem svona nefnd hefur starfað með
góðum árangri. Þar hefur nefndin
haft afskipti af ýmsum málum, um-
hverfismálum, umferðarmálum, um-
gengnismálum og fleiru.“
Jón Ingi sagði að einn af rauðu
þráðunum í Staðardagskrárhugsjón-
inni væri að færa málefni bæjarins
nær íbúunum.
„Það á svo eftir að reyna á hversu
virkir Akureyringar eiga eftir að
verða. Allt byggist þetta mikið á
þeim einstaklingum sem veljast í
nefndirnar en þar er ekki gert ráð
fyrir pólitíkusum eða kerfiskörlum,
heldur fólki úr hverfinu.“
Jón Ingi sagði að ef vel tækist til í
byrjun myndu önnur hverfi einnig
kalla eftir þessu fyrirkomulagi.
Hann sagði að ef þessar hugmyndir
gengju eftir yrði það til mikilla fram-
fara og hann hefur ekki áhyggjur af
því að þetta verði til að skapa ein-
hvern hverfaríg í bænum.
Nefndin vill að fyrsta hverfisnefndin verði á Oddeyri
Er verið að færa
ábyrgð út til íbúanna
GÓLFEFNADEILD Sjafnar á
Akureyri hefur gert samning við
Iceland Seafood Corporation, dótt-
urfélag SÍF hf. í Bandaríkjunum,
um að leggja gólfefni á 2.400 fer-
metra flöt í hluta verksmiðjurýmis
fyrirtækisins í Newport News í
Bandaríkjunum. Þetta er einn af
stærri samningum sem gólfefna-
deild Sjafnar hefur gert og verður
ráðist í þetta verkefni í tveimur
áföngum, í júlí og október. Samn-
ingurinn við Iceland Seafood er
metinn á annan tug milljóna
króna.
Fimm til sjö starfsmenn gólf-
efnadeildar Sjafnar fara vestur um
haf og leggja á hluta af þessum
stóra fleti fyrripart júlímánaðar í
sumar og síðari hluta verkefnisins
verður lokið síðar á árinu. Ætla
má að um 40 tonn af gólfefni fari á
þessa 2.400 fermetra, segir í
fréttatilkynningu frá Sjöfn.
Að undanförnu hefur gólfefna-
deild Sjafnar tekið að sér nokkur
stór verkefni í sjávarútvegi. Sem
dæmi má nefna að unnið hefur
verið að því að leggja gólfefni á
um 400 fermetra vinnsludekk
Akrabergs, sem Framherji í Fær-
eyjum gerir út. Þá er þessa dag-
ana verið að leggja gólfefni um
borð í hið nýja skip Ingimundar
hf., Helgu RE-49, og fyrir síðustu
jól voru starfsmenn gólfefnadeild-
ar Sjafnar á Kanaríeyjum og lögðu
gólfefni í eitt skipa Sjólaskipa í
Hafnarfirði.
Gólfefni verður lagt á
hluta verksmiðjurýmis
eða um 2.400 fermetra
Sjöfn gerir samning við Iceland Seafood Corporation
ÞORSTEINN Bachmann hefur
verið ráðinn leikhússtjóri hjá Leik-
félagi Akureyrar. Gengið var frá
ráðningu hans á fundi leikhúsráðs
á mánudag og er hann ráðinn til
næstu þriggja ára. Þorsteinn var
valinn úr hópi tólf umsækjenda.
Hann mun hefja störf 1. mars
næstkomandi við hlið núverandi
leikhússtjóra, Sigurðar Hróarsson-
ar, en taka við starfinu að fullu 1.
september.
Þorsteinn fæddist árið 1965.
Hann lauk prófi frá Leiklistar-
skóla Íslands 1991, en hafði áður
stundað nám í leiklist í Bandaríkj-
unum og við Leiklistarskóla Helga
Skúlasonar. Hann lauk prófi frá
Kvikmyndaskóla Íslands árið 1992
og hefur sótt fjölda námskeiða
sem tengjast sviðslistum og kvik-
myndagerð. Þorsteinn hefur starf-
að að leiklist á afar fjölbreyttum
vettvangi, sett upp ótal leikverk
víða um land, auk leikarastarfsins,
bæði á sviði, í kvikmyndum og
sjónvarpi, sem hann hefur sinnt í
bland við kraftmikið frumkvöðla-
starf. Hann hefur skipulagt mörg
viðamikil verkefni á listasviði,
sinnt trúnaðarstörfum, kennt á
fjölda námskeiða á hinum ýmsu
sviðum leiklistar og kvikmynda-
gerðar, framleitt og stýrt kvik-
myndum bæði leiknum og heim-
ildamyndum, hérlendis og á
alþjóðavettvangi. Þorsteinn kom
til starfa sem fastráðinn leikari hjá
Leikfélagi Akureyrar sl. sumar og
hefur meðfram leikarastarfinu
byggt upp námskeiðahald á vegum
félagsins í vetur, í samstarfi við
sambýliskonu sína, Laufeyju Brá
Jónsdóttur.
Í frétt frá leikhúsráði segir að
það treysti Þorsteini Bachmann
vel til að fylgja eftir því frábæra
starfi sem Sigurður Hróarsson
hefur byggt upp sl. þrjú ár.
Þorsteinn
Bachmann
ráðinn leik-
hússtjóri
Leikfélag Akureyrar
VETUR konungur hefur svo sann-
arlega minnt Norðlendinga á að
hann er ekki dauður úr öllum æð-
um. Framan af var veturinn snjó-
léttur og lítið um kuldalega norðan-
áttina en umskiptu urðu um liðna
helgi. Hvarvetna á Akureyri eru nú
komnir myndarlegir snjóskaflar og
trén sligast undan þungi fargi. Leið
gangandi vegfarenda er enn sem
komið er ekki ýkja greið og þarf að
ösla mjöllina í hné á stundum til að
komast leiðar sinnar. Þeir sem
unna vetraríþróttum eru himin-
sælir en þeir sem unna fremur
sumri og sól horfa bjartsýnum aug-
um til þess að veturinn verði úr
þessu ekki svo langur.
Morgunblaðið/Kristján
Sligast undan þungu fargi
Á SÍÐASTA fundi umhverfisráðs
lögðu Guðmundur Sigvaldason og
Stefanía Sigmundsdóttir fram til-
lögur að götuheitum í Nausta-
hverfi. Í kjölfarið lagði umhverf-
isráð til eftirfarandi götunöfn í
hverfinu.
Fjórar safngötur í Naustahverfi
skulu heita; Kjarnagata, Nausta-
gata, Borgagata og Melagata.
Tengibraut á brekkubrún heiti
Naustabraut.
Jafnframt leggur ráðið til eft-
irfarandi götunöfn í 1. áfanga
Naustahverfis; Ásatún, Baugatún,
Fosstún, Hamratún, Hjallatún,
Hólmatún, Heiðartún, Hólatún,
Klettatún, Lækjartún, Mýrartún,
Skálatún, Stallatún, Stekkjartún,
Tjarnartún, Vaðlatún, Vallartún og
Vörðutún.
Samkvæmt deilskipulagi að
fyrsta áfanga Naustahverfis er
gert ráð fyrir um 330 íbúðum af
fjölbreyttri gerð á svæðinu, auk
grunnskóla, leikskóla og húsnæðis
fyrir þjónustu. Naustahverfi allt
verður um 2.000 íbúða hverfi sem
áætlað er að teygi sig allt frá nú-
verandi byggð sunnan við Verk-
menntaskólann og suður undir
Kjarnaskóg.
Áætlað er að hefjast handa í vor
við undirbúning á svæðinu og er
stefnt að því að úthluta fyrstu lóð-
unum í apríl nk.
Tillögur um
götunöfn
í Nausta-
hverfi
SAMTÖK fyrirtækja á Norður-
landi efna til opins fundar um
landsbyggðarmál á Hótel KEA
næstkomandi fimmtudag, 7.
febrúar. Samtökin hafa boðað
þingmenn Norður- og Austur-
landskjördæmis á fundinn
ásamt samgönguráðherra og
iðnaðarráðherra.
Fundur um
lands-
byggðarmál
ÍSLENSKUR vinnufatnaður
frá 1880 til 1936 verður til um-
fjöllunar á fundi Laufáshópsins
sem haldinn verður í Laufási
við Eyjafjaörð fimmtudags-
kvöldið 7. febrúar kl. 20.
Fundarmenn eru hvattir til
að taka með gamlar ljósmyndir
af fólki við vinnu.
Laufáshópurinn var stofnað-
ur 22. nóvember síðastliðinn
með það að markmiði að við-
halda íslenskum þjóðháttum
liðinna alda.
Stofnfundurinn var vel sótt-
ur og þar spunnust líflegar um-
ræður um gömul vinnubrögð,
handverk, söguminjar o.fl.
Enn er hægt að taka á móti
nýjum stofnfélögum.
Vinnu-
klæðnað-
ur áður
fyrr