Morgunblaðið - 06.02.2002, Blaðsíða 19
ERLENT
MORGUNBLAÐIÐ MIÐVIKUDAGUR 6. FEBRÚAR 2002 19
Ofnæmisprófað
100% ilmefnalaust
Kaupauki! 6 hlutir í tösku!
Ef þú kaupir tvo hluti frá Clinique,
er þessi gjöf þín:
Dramatically Different Moisturizing Lotion 15 ml
Gentle Light Makeup 15 ml
Aromatics perfume 4 ml
Anti-Gravity krem 5 ml
Daily shampoo 50 ml
Moisture Surge varalitur 4 g
Ásamt snyrtitösku
GÓÐ
GJÖF
Nýtt!
Gentle light Makeup
Kynningar: Miðvikudag: Lyf & heilsa, Hamraborg og Austurstræti, kl. 12-18.
Fimmtudag: Lyf & heilsa, Melhaga og Mjódd, kl. 12-18. Föstudag: Lyf & heilsa,
Austurveri og Kringlu, kl. 12-18. Tilboð gildir einnig í Lyf & heilsu, Glerártorgi, Akureyri,
Lyf & heilsu, Hafnarstræti, Akureyri og Lyf & heilsu, Selfossi.
NÝ skoðanakönnun í
Frakklandi sýnir að
„þriðji kosturinn“ í for-
setakosningunum í
vor, Jean-Pierre Chev-
enement, hefur sótt á
og getur velgt þeim
Jacques Chirac forseta
og Lionel Jospin for-
sætisráðherra undir
uggum.
Fylgi Chevenement
er 14% og hefur aukist
um þrjú prósentustig á
hálfum mánuði sam-
kvæmt könnun sem
birt var í dagblaðinu
Liberation á mánudag.
Kannanir sýna einnig
að Chirac forseti og Jospin forsætis-
ráðherra standa í fyrsta sinn nokk-
urn veginn jafnir að vígi meðal kjós-
enda þegar tæpir þrír mánuðir eru
til forsetakosninganna. Hingað til
hefur Chirac haft dálítið forskot á
Jospin.
Fylgi Jospins hélst óbreytt, 22%,
en fylgi Chiracs minnk-
aði um 4 prósentustig í
23% samkvæmt könn-
un Liberation.
Í sókn meðal
hægrimanna
Chevenement er
leiðtogi lítils vinstri-
flokks, Borgarahreyf-
ingarinnar, en könnun-
in bendir til þess að
hann njóti vaxandi
stuðnings meðal
hægrimanna sem eru
óánægðir með Chirac.
Þeim geðjast vel að
Chevenement vegna
yfirlýsinga hans um að
skera þurfi upp herör gegn glæpum,
standa vörð um fullveldi Frakklands
og auka áhrif landsins á alþjóðavett-
vangi.
Skoðanakönnunin bendir einnig
til þess að margir kjósendir séu að
leita að öðrum kosti en Chirac og
Jospin sem hafa deilt framkvæmda-
valdinu í fimm ár. „Frakkar hafa nú
áttað sig á því að ég er sá eini sem
getur komið í stað kerfisins sem ég
kalla „meira af því sama“,“ sagði
Chevenement í viðtali við Le Par-
isien.
Chevenement hefur getið sér orð
fyrir að standa fast á skoðunum sín-
um og hefur sagt sig úr þremur
vinstristjórnum á síðustu tveimur
áratugum. Hann sagði af sér ráð-
herraembætti 1983 þegar honum
þótti stjórnin orðin of hægrisinnuð í
efnahagsmálum og aftur 1991 vegna
þátttöku Frakka í stríðinu við Íraka.
Hann lét af embætti innanríkisráð-
herra fyrir tveimur árum til að mót-
mæla áformum stjórnar Jospins um
að veita Korsíku aukna sjálfstjórn.
Þótt Chevenement teljist til
vinstrimanna í efnahagsmálum er
hann sömu skoðunar og margir
hægrimenn í ýmsum málefnum, svo
sem Evrópumálum, deilunni um
aukna sjálfstjórn Korsíku, barátt-
unni gegn glæpum og innflytjenda-
málum.
Óákveðnir geta
ráðið úrslitum
Önnur skoðanakönnun, sem Le
Figaro birti á mánudag, benti til
þess að Chirac og Jospin fengju báð-
ir 23% atkvæða í fyrri umferð for-
setakosninganna 21. apríl. Í síðari
umferðinni 5. maí fengi Chirac hins
vegar 51% atkvæðanna og Jospin
49%.
Efnt verður til síðari umferðar-
innar ef enginn fær meirihluta at-
kvæða og kosið verður þá á milli
tveggja efstu frambjóðendanna.
Könnun Le Figaro bendir til þess að
43% stuðningsmanna Chevenem-
ents búist við að kjósa Chirac í síðari
umferðinni og 90% kjósenda hægri-
mannsins Jean-Marie Le Pens.
Kannanir benda til þess að um
14% kjósenda hafi ekki enn gert upp
hug sinn og afstaða þeirra getur
ráðið úrslitum á kjördag.
Jospin sakaður um
„ófrægingarstríð“
Skoðanakannanirnar hafa valdið
heilmiklum hugaræsingi meðal
hægrimanna og stuðningsmanna
Chiracs. Alain Juppe, fyrrverandi
forsætisráðherra og frammámaður í
RPR, gaullistaflokki Chiracs, sakaði
um helgina Jospin og jafnaðarmenn
um að „heyja úthugsað ófrægingar-
stríð gegn leiðtogum stjórnarand-
stöðunnar og forseta lýðveldisins“.
Juppe var með þessum orðum að
bregðast við upprennandi hneyksli í
Frakklandi en það snýst um Didier
Schuller, fyrrverandi frammámann í
RPR. Hefur hann verið á flótta und-
an réttvísinni í nokkurn tíma vegna
spillingarmáls en fór til Parísar í
gær til að segja allt af létta um hlut
þeirra, sem voru honum æðri innan
RPR.
Jafnaðarmönnum leiðast ekki
þessi vandræði innan RPR enda
hafa þau beint kastljósinu að spill-
ingu í tíð Chiracs sem borgarstjóra í
París frá 1977 til 1995. Hafa þeir líka
notað þetta mál til að beina athygli
kjósenda frá því að Jospin og flokk-
ur hans hafa ekki staðið við fyrirheit
í atvinnumálum og í baráttunni gegn
glæpum. Atvinnuleysi hefur verið að
aukast í átta mánuði, er nú 9%, og
glæpum hefur fjölgað.
Juppe heldur því fram, að Schull-
er-málið og heimkoma hans séu leik-
rit, sem Jospin og flokkur hans hafi
sett upp „til að fela skammarlega
frammistöðu stjórnarinnar“ en
Vincent Peillon, talsmaður Sósíal-
istaflokksins, sagði að Juppe ætti að
hlífa löndum sínum „við ofsóknaræð-
inu og skítkastsruglinu“.
Jacques Chirac og Lionel Jospin hafa álíka mikið fylgi meðal franskra kjósenda
„Þriðji kostur-
inn“ saxar
á forskot
leiðtoganna
Jacques Chirac forseti og Lionel Jospin forsætisráðherra sóttu báðir í
gær opinbera athöfn í Vincennes-kastala í nágrenni Parísar.
Brigsl og stóryrði þykja
einkenna kosningabaráttuna
París. AFP.
Jean-Pierre
Chevenement
Reuters
GERHARD Schröder, kanslari
Þýskalands, gagnrýndi í gær harð-
lega áform framkvæmdastjórnar
Evrópusambandsins um að standa
fyrir róttækum breytingum á þeim
reglum er gilda um sölu nýrra bíla í
Evrópu. Sagði Schröder að með því
að umbylta núverandi kerfi væri ver-
ið að skaða mjög samkeppnisstöðu
þýskra bílaframleiðenda.
Breytingarnar, sem framkvæmda-
stjórn ESB kynnti í gær, snúa að
sölu nýrra bíla og viðhaldi bifreiða og
munu þær einnig gilda á Íslandi. Þær
fela í sér tilraunir til að gera bílasala
óháðari bílaframleiðendum og gera
þeim kleift að selja fleiri en eitt vöru-
merki. Jafnframt verður þeim heim-
ilt að selja nýja bíla hvarvetna í Evr-
ópu en markmiðið er að lækka
bílaverð, sem hefur verið mjög mis-
jafnt eftir löndum.
Veldur ekki stökk-
breytingu á Íslandi
Erna Gísladóttir, formaður Bíl-
greinasambandsins, segir að staðið
hafi til í mörg ár að breyta því kerfi
sem gildir um sölu nýrra bíla. „Um-
hverfið hefur breyst töluvert mikið
nú þegar,“ segir Erna og nefnir sem
dæmi að í Belgíu eða Hollandi geti
maður nú þegar heimsótt bílasölur
sem selji margar tegundir bíla í einu.
Þetta hafi þó ekki gerst í sama mæli
hér á Íslandi.
Sagði Erna ólíklegt að breyting-
arnar hefðu stórkostleg áhrif hér á
landi til að byrja með. „Þetta kemur
til með að hafa mest áhrif í varahlut-
um og þjónustu. Það verður opnað á
að fleiri geti keypt varahluti frá
framleiðendum en aðeins umboðsað-
ilinn svokallaði,“ sagði hún.
Erna útilokaði ekki að þegar fram
liðu stundir gæti það gerst að t.d.
stórmarkaðir tækju að selja nýja
bíla. Þegar væri farið að heyrast af
slíku erlendis. Spurningin væri hins
vegar hvernig færi með þjónustu-
þáttinn. Bendir hún á að þegar ný
tegund bíls komi í sölu þurfi bifvéla-
virki frá umboðinu að sækja nám-
skeið hjá framleiðanda svo afhenda
megi bílinn kaupendum.
„Það að selja nýjan bíl er því flókn-
ara en bara að rétta vöruna yfir borð-
ið,“ segir hún. Bílasalinn þurfi einnig
áfram að veita ábyrgð og þjónustu á
seldum bílum. Þetta sé einmitt sá
þáttur sem reynist bílaumboðum hér
á landi hvað þyngstur í skauti og
valdi því að öðrum veitist erfitt að
fara inn á þennan markað.
Reglum um sölu
nýrra bíla breytt
Ruesselsheim. AFP.
SIGVARÐUR Bernadotte, frændi
Karls Gústafs Svíakonungs, er
látinn, 94 ára að aldri, að því er
talsmaður konungshallarinnar í
Stokkhólmi greindi frá í gær.
Bernadotte reyndi í aldarfjórð-
ung að heimta aftur prinstign er
hann var sviptur þegar hann
kvæntist ótiginni stúlku 1934.
Bernadotte lést sl. mánudag.
Flaggað var í hálfa stöng á
konungshöllinni og bústað kon-
ungsfjölskyldunnar. Í fyrra
stefndi Bernadotte sænska ríkinu
fyrir Mannréttindadómstól Evr-
ópu á þeim forsendum að ákvörð-
un afa hans, Gústafs fimmta, að
svipta hann prinstigninni hafi
verið ólögleg og krafðist Bernad-
otte þess að mega titla sig prins.
Karl Gústaf var þegar orðinn
konungur er hann kvæntist
óbreyttri konu, sem nú hefur tit-
ilinn drottning, en hann hefur
staðfastlega neitað að veita
Bernadotte aftur prinstignina.
Frændi Svíakonungs látinn
Stokkhólmi. AFP.