Morgunblaðið - 06.02.2002, Blaðsíða 21
ERLENT
MORGUNBLAÐIÐ MIÐVIKUDAGUR 6. FEBRÚAR 2002 21
TILBOÐS-
DAGAR
HORFÐU TIL FRAMTÍÐAR
Hugsaðu um húðina í dag
URBAN ACTIVE
VINNUR Á
1. MERKJUM ÖLDRUNAR
Hentar frá 25 ára aldri
Einstakir kaupaukar* fylgja ofantöldum HR kremum.
Með FACE SCULPTOR fylgir t.d. taska, 15 ml
næturkrem, 3 ml augnkrem og 3 ml varakrem að
verðmæti 4.300 kr.
*G
ild
ir
m
eð
an
b
irg
ði
r
en
da
st
COLLAGENIST
ÁHRIF KOLLAGENS
ÁN SPRAUTUNNAR
FACE SCULPTOR
LYFTING
ÁN SKURÐAÐGERÐAR
Útsölustaðir: Reykjavík og nágrenni: Ársól snyrtistofa-verslun Grímsbæ,
Snyrtivöruverslunin Glæsibæ, Gullbrá Nóatúni, Hygea Kringlunni, Hygea Laugavegi
23, Libia Mjódd, Mist Spönginni 23, Sara Bankastræti 8, Sigurboginn Laugavegi 80,
Andorra Strandgötu Hafnarfirði, Bylgjan Hamraborg Kópavogi,
Fína Háholti 14 Mosfellsbæ, Hygea Smáralind Kópavogi.
Landið: Bjarg Stillholti 14 Akranesi, Hilma Garðarsbraut 18 Húsavík,
Hjá Maríu Hafnarstræti Akureyri, Konur og Menn Aðalstræti 9 Ísafirði,
Miðbær Vestmannaeyjum, Myrra Austurvegi 4 Selfossi.
TALIÐ er að yfir 100 manns hafi
fallið í átökum þjóðarbrota undan-
farna daga í Lagos, stærstu borg
Nígeríu, samkvæmt heimildum frá
sjúkrahúsi í borginni.
Rauði krossinn í landinu hefur
ekki viljað staðfesta tölur um mann-
fall, en telur að yfir 400 manns hafi
særst í átökum síðustu þrjá daga.
Átökin stóðu yfir á milli manna af
þjóð Yoruba annars vegar og Hausa
hins vegar í tveimur hverfum borg-
arinnar. Yoruba-menn eru kristnir
en Hausa-þjóðin játar íslam.
Átökunum lauk að mestu leyti í
gær þegar her landsins stillti til
friðar í borginni. Var vígamönnun-
um gert að yfirgefa hverfin tvö í
Lagos þar sem mestu átökin urðu.
Gengu þeir af vettvangi með hendur
yfir höfði sér. Öðrum var gert að
fleygja sér flötum á meðan leitað
var vopna á þeim.
Mikil spenna ríkti þó áfram í gær
í Lagos og töldu margir íbúanna
ráðlegast að flýja heimili sín. Sögð-
ust þeir ekki treysta því að örygg-
issveitum tækist að tryggja friðinn
og óttast að átök brytust út á ný
þegar rökkva tæki. Enn aðrir kusu
að halda heim og komu margir að
húsum sínum brunnum. Höfðu þjóf-
ar tæmt flest þeirra. Þúsundir
manna hafa flúið átökin í Lagos en
Rauði krossinn hefur staðfest að 55
lík hafi fundist eftir trúarátökin í
borginni.
!
"#$ %
! " #$ "
!"#$
%
#!
"!
! "
&$"'
#$
&'()*+
%&$
$
'()
*
(
'
)
*+ ,
'
)
-*
,
. /
/0/
/
1/
Meira en
100 sagðir
fallnir
í Lagos
AP
Lögreglumaður yfirheyrir konu
í Idi Araba-hverfi í Lagos í gær.
UM fátt hefur verið meira rætt í
Danmörku síðustu daga en yfirlýs-
ingar Henriks prins, eiginmanns
Margrétar Þórhildar Danadrottn-
ingar, í blaðaviðtali á sunnudag um
að hann þurfi að gera upp við sjálfan
sig stöðu sína í dönsku samfélagi og
innan konungsfjölskyldunnar. Voru
dönsku blöðin enn undirlögð af um-
fjöllun um málið í gær. Leiðarahöf-
undar virtust sammála um að kon-
ungdæmið sjálft væri ekki í hættu,
þótt konungsfjölskyldan virtist
þurfa að taka til í sínum ranni.
Henrik, sem er franskur að upp-
runa, hefur dvalið á búgarði sínum í
Caïx í Frakklandi undanfarið. Þang-
að komu drottningin og synir þeirra
á sunnudag og sat fjölskyldan bros-
mild fyrir í myndatöku fyrir fjöl-
miðla. Álitsgjafar í dönskum dag-
blöðum voru þó flestir á sama máli
og almannatengslaráðgjafinn Hen-
rik Byager, sem sagði í viðtali við
B.T.: „Ef konungsfjölskyldan telur
að málið sé leyst með fjölskyldu-
myndatöku í Frakklandi hefur hún
misreiknað sig. Við bíðum nánari út-
skýringa.“
Leiðarahöfundar dönsku dagblað-
anna í gær virtust ekki hafa sérlega
mikla samúð með Henrik.
Berlingske Tidende fullyrðir að
konungdæmið sé ekki í hættu þótt
drottningarmaðurinn virðist eiga í
persónulegum vanda og bendir á að
það hafi staðið af sér mun alvarlegri
áföll síðustu þúsund árin. Leið-
arahöfundur segir þó ekki unnt að
horfa framhjá því að Henrik hafi
kallað erfiðleika yfir konungsfjöl-
skylduna, sem erfitt gæti reynst að
leysa úr. Hann hafi sett drottn-
inguna, sem bæði sé eiginkona hans
og yfirboðari, í erfiða stöðu, sem og
son sinn, krónprinsinn. Blaðið segir
ennfremur að viðbrögð almennings í
Danmörku séu á þann veg að drottn-
ingarmaðurinn hafi svikið konu sína
með því að taka eigin þarfir fram yf-
ir hagsmuni lands og þjóðar.
Hefur enga lagalega stöðu
Í Politiken segir að manneskja í
vanda veki alltaf samúð, en þó sé
erfitt að skilja hvers vegna Henrik
hafi ákveðið að „ónáða almenning“
með umkvörtunum sínum. Flestum
hafi ávallt verið ljóst að drottning-
armaðurinn hafi ekki verið nálægt
því að teljast „númer tvö“ í virðing-
arstiganum, hvorki formlega né í
raun, ekki síst í ljósi þess að hann
hafi sjálfur spilað sína rullu umyrða-
laust í 35 ár.
Jyllands-Posten segir það vafa
undirorpið hvort allt geti fallið í
fyrra horf eftir að Henrik hafi tekist
að leysa tilvistarkreppu sína. Það
verði að minnsta kosti erfitt. Gera
megi ráð fyrir að þjóðin fyrirgefi
honum upphlaupið, en hins vegar sé
ljóst að hann þurfi að skýra mál sitt.
Forystugrein B.T. í gær var á já-
kvæðari nótum, en þar segir að svo
virðist sem lausn á vanda konungs-
fjölskyldunnar sé í sjónmáli, nú þeg-
ar hann sé kominn upp á yfirborðið.
„Allir aðilar eru saman komnir,
neyðarópið hefur komist til skila,
svo nú þarf konungsfjölskyldan að
fá tækifæri til að ræða hlutina sín á
milli og leysa vandann.“
Lögfróðir menn, sem fjölmiðlar
hafa leitað til, eru flestir sammála
um að drottningarmaðurinn hafi
enga stjórnskipulega stöðu.
Politiken hefur í gær eftir tveim-
ur lagaprófessorum, Ditlev Tamm
við Kaupmannahafnarháskóla og
Stig Jørgensen við Árósaháskóla, að
drottningarmaðurinn hafi misskilið
hlutverk sitt, bæði að lögum og sem
manneskja.
„Krónprinsinn á að vera fulltrúi
konungdæmisins þegar drottningin
er ekki viðlátin – bæði út frá laga-
legu sjónarmiði og persónulegu, því
brátt er komið að krónprinsinum að
taka við,“ segir Tamm við Politiken.
Hann fullyrðir einnig að þau um-
mæli Henriks að hann hafi hingað til
alltaf verið „númer tvö“ eigi ekki við
rök að styðjast. Drottningin sé núm-
er eitt í virðingarstiganum og krón-
prinsinn komi þar á eftir, en drottn-
ingarmaðurinn hafi engan
sérstakan sess.
Jørgensen tekur í sama streng.
„Það gilda engar reglur um stöðu
maka þjóðhöfðingja. Hann hefur
enga formlega stöðu. ... Í einka-
samkvæmum má Henrik prins
gjarnan vera í aðalhlutverki, en ekki
við opinberar athafnir.“
Fjölmiðlar
hafa litla
samúð með
Henrik
AP
Margrét Danadrottning og Hen-
rik prins, eiginmaður hennar.
DONALD Rumsfeld, varnarmálaráðherra Bandaríkj-
anna, viðurkenndi í fyrsta sinn á mánudag að banda-
rískir hermenn kynnu að hafa vegið bandamenn bráða-
birgðastjórnarinnar í Kabúl í árás á afganska þorpið
Hazar Qadam 23. janúar. Rumsfeld sagði að ef rétt
reyndist að Afganar, vinveittir bráðabirgðastjórninni,
hefðu fallið ættu Bandaríkjamenn að biðja fjölskyldur
þeirra afsökunar.
Rumsfeld kvaðst ekki geta staðfest fréttir um að
bandarískir sérsveitarmenn hefðu þegar beðið fjöl-
skyldurnar afsökunar og greitt hverri þeirra þúsund
dali, andvirði rúmra 100.000 króna, í bætur.
Rumsfeld og Richard Myers, forseti bandaríska her-
ráðsins fullyrtu í fyrstu að aðeins óvinahermenn hefðu
beðið bana í árás sérsveitarmanna á tvær byggingar tal-
ibana í Hazar Qadam. 27 Afganar voru teknir til fanga.
Afganskir embættismenn sögðu hins vegar að a.m.k.
átján afganskir hermenn, vinveittir bráðabirgðastjórn-
inni, hefðu fallið í árásinni. Þetta varð til þess að Rums-
feld og Myers tilkynntu í vikunni sem leið að Banda-
ríkjaher hefði hafið rannsókn á málinu að beiðni
Hamids Karzais, forsætisráðherra bráðabirgðastjórn-
arinnar.
Sagðir hafa veitt rangar upplýsingar
Þegar Myers skýrði frá rannsókninni kvaðst hann
ekki hafa fengið neinar upplýsingar sem bentu til þess
að vinveittir hermenn kynnu að hafa fallið.
Rumsfeld viðurkenndi loks þennan möguleika á
fréttamannafundi í Washington á mánudag. Hann ítrek-
aði fyrri fullyrðingar sínar um að afganskir hermenn
virtust hafa skotið að fyrra bragði á bandarísku sér-
sveitarmennina en sagði að það væri „alveg hugsanlegt“
að afgönsku embættismennirnir hefðu á réttu að
standa.
Nokkrir embættismenn í Hazar Qadam hafa sagt að
tvær fylkingar bandamanna bráðabirgðastjórnarinnar
hefðu veitt sérsveitarmönnunum rangar upplýsingar af
ásettu ráði. Þær hefðu sakað hvor aðra um að vera tal-
ibanar og bandarísku hermennirnir hefðu ráðist á þær
báðar.
Fangarnir enn í haldi Bandaríkjamanna
Rumsfeld og Myers segja að gert sé ráð fyrir því að
rannsókninni ljúki í lok vikunnar.
Craig Quigley, talsmaður Bandaríkjahers, sagði að
allir mennirnir 27, sem voru teknir til fanga í árásinni,
væru enn í haldi bandarískra hermanna. Hermt er að á
meðal þeirra séu lögreglustjóri, aðstoðarmaður hans og
nokkrir menn sem eiga sæti í afgönsku héraðsráði.
Quigley sagði að sérsveitarmenn, sem tóku ekki þátt í
árásinni, önnuðust rannsóknina undir stjórn embættis-
manns sem ekki var nafngreindur. Hann kvaðst ekki
geta staðfest fréttir um að hermenn hefðu þegar beðið
fjölskyldur þeirra sem féllu afsökunar og greitt þeim
bætur.
Sérsveitarmenn vógu ef
til vill vinveitta Afgana
Rumsfeld viðurkennir
að hernum kunni að hafa
orðið á mistök
Washington. The Washington Post, AP.
Reuters
Afganskir karlar sitja á þaki bifreiðar í borginni
Mazar-e-Sharif í Norður-Afganistan í gær. Inni í
bílnum sitja nokkrar konur. Þær hylja andlit sitt
með búrkum rétt eins og var venjan á tímum talib-
ana en í þá tíð var reyndar einnig illa séð að konur
væru mikið á ferli úti við.