Morgunblaðið - 06.02.2002, Blaðsíða 13

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 6. FEBRÚAR 2002 13
TÓNLISTARKENNSLA á
vegum Tónlistarskóla Kópa-
vogs verður flutt í ríkara
mæli inn í grunnskólana í
bænum, þar sem um yngri
nemendur er að ræða, gangi
hugmyndir nefndar um
stefnumörkun í tónlistar-
kennslu eftir. Að sögn for-
manns nefndarinnar er með
þessu leitast við að færa tón-
listarnám yngstu nemend-
anna fram þannig að þeir
geti notið kennslunnar fyrr á
daginn en ella.
Bæjarráð skipaði í nefnd-
ina í haustbyrjun og segir
Halla Halldórsdóttir, for-
maður nefndarinnar, að að-
dragandann megi rekja til
þeirrar umræðu sem hefur
orðið um að gera listnámi í
skólum hærra undir höfði.
„Við erum að horfa til þess
að fá tónlistarkennslu fyrir
yngri börnin meira út í
skólana en er í dag þannig að
fleirum verði gert kleift að fá
forskólakennsluna. Sú
kennsla getur verið á marg-
an hátt og þarf ekki endilega
að vera einstaklingskennsla
heldur getur kennslan verið
hluti af skólatímanum.“
Halla segir tilraunaverk-
efni þar sem þetta er reynt í
gangi í Kársnesskóla og í
Salaskóla. „Þar er samvinna
á milli tónlistarskólanna og
skólanna sjálfra um að for-
skólakennslan fari fram í
grunnskólunum. Reykjanes-
bær og Akureyri eru byrj-
aðir með þetta og samkvæmt
upplýsingum frá þeim hefur
þetta gengið mjög vel þar.“
Verkefnið segir Halla
ganga þannig fyrir sig að
ráðinn er kennari sem er á
vegum tónlistarskólans en er
í grunnskólanum. Sá kennari
sjái svo alfarið um tónlistar-
og tónmenntakennsluna í
skólanum. „Þarna er á ferð-
inni samvinna milli tónlistar-
skólans, skólans og foreldra.
Það er gert ráð fyrir því að
börnin fái ákveðna kennslu í
tónmenntinni en foreldr-
arnir þurfa að samþykkja að
þeir tímar verði nýttir í
flautuleik eða kórstarf eða
hvað annað sem viðkomandi
tónlistarkennari vill gera.“
Hún segir kennsluna fara
meira fram í hópum en
einkatímum og með þessu sé
verið að kynna tónlistina fyr-
ir yngstu börnunum. „Við
viljum gera þeim grein fyrir
því að tónlistin er ekki bara
sjálfstæð grein heldur er
hægt að nýta hana svo mikið.
Leikfimin er ekkert
skemmtileg nema tónlistin sé
með, við notum hana meðan
við erum að slaka á og líka
meðan við erum að gera
heimilisverkin svo eitthvað
sé nefnt.“
Áhugasamir
um leikskólana
Halla segist hafa viðrað
það við stjórn Tónlistarskól-
ans hvort ekki sé áhugi fyrir
því að tengja leikskólana við
slíka tónlistarkennslu og
undirtektirnar hafi verið
góðar. „Við getum þess
vegna farið út í fleiri list-
greinar í framtíðinni,“ segir
hún.
Þá er að sögn Höllu stefnt
að því að halda áfram verk-
efninu „Tónlist fyrir alla“
sem hún segir hafa gefið
góða raun. Það verkefni hafi
upphaflega gengið út á að
fara með heilu tónlist-
arverkin inn í alla grunn-
skólana en nú komi nem-
endur úr skólunum í Salinn,
tónleikahús Kópavogsbúa, á
tónleika. Auk þess hafi verið
reynt að nýta skólana sjálfa
þar sem börnin dvelji þar í
svo langan tíma yfir daginn.
Loks sé verið að yfirfara
hvernig nýta megi sem best
það fjármagn sem bæjar-
félagið leggur til tónlistar.
Tónlistarkennslu
inn í grunnskólana
Morgunblaðið/Ásdís
Nefnd um stefnumörkun tónlistarskólanna hefur áhuga á að færa tónlistarkennslu yngstu
nemendanna inn í grunnskólana en hér er það Michael Pétur Máté, 8 ára blokkflautuleikari
í Tónlistarskóla Kópavogs, sem nýtur leiðsagnar kennara síns, Kristínar Stefánsdóttur.
Kópavogur
NÝTT deiliskipulag Skip-
holtsreits svokallaðs hefur
verið auglýst. Meðal þess
sem tillagan gerir ráð fyrir
eru nýbyggingar á tveimur
lóðum á horni Skipholts og
Brautarholts og viðbygging-
ar við eldri hús á reitnum.
Reiturinn afmarkast af
Brautarholti til norðurs og
austurs, Skipholti til suðurs
og Nóatúni til vesturs. Að
sögn Margrétar Þormar,
hverfisstjóra hjá skipulags-
og byggingasviði Reykjavík-
urborgar, er ástæðan fyrir
því að ákveðið var að vinna
nýtt deiliskipulag að reitn-
um ósk um uppbyggingu á
lóðunum númer 29 við Skip-
holt og númer 30 við Braut-
arholt. „Þetta er þar sem
Brautarholt liggur í boga
upp frá Skipholtinu og við
vildum nota tækifærið til að
skoða heildarsvip og yfir-
bragð reitsins, með tilliti til
bílastæða, bakbygginga og
annars.“
Hún segir skipulagið frek-
ar einfalt. „Við leggjum til
ákveðna uppbyggingu á
horninu á þessum tveimur
lóðum sem eru óbyggðar.
Við leyfum einnig viðbygg-
ingar til suðurs við neðstu
hæð eldri húsa þar sem það
er nokkuð gott bil frá þeim
að bílastæðum og gangstétt-
inni. Þannig leyfum við þar
ákveðna uppbyggingu en
hún er mjög takmörkunum
háð.“
Nýtingarhlutfall hækkar
Margrét segir ekki fast-
sett hversu háar nýbygging-
arnar verða. „Þetta eru
þrjár hæðir en við festum
það ekki heldur gefum upp
ákveðinn ramma sem hæðin
þarf að falla innan. Svo er
þetta í brekku þannig að
hæðirnar geta stallast. Því
er svolítið erfitt að segja af
eða á um hversu margar
hæðir verða þarna en þetta
nokkurn veginn eins og önn-
ur hús í þessari götu. Þau
eru þrjár hæðir og ris og
það er eiginlega verið að
halda í það munstur.“ Með
nýja deiliskipulaginu mun
nýtingarhlutfall margra lóð-
anna aukast nokkuð frá því
sem áður var. Í gamla að-
alskipulaginu var hámarks-
nýtingarhlutfall 1,5 en sam-
kvæmt skilmálum deiliskipu-
lagsins er gert fyrir nýting-
arhlutfalli allt að 2,0.
Hvað varðar bílastæði,
gerir tillagan ráð fyrir sama
fjölda bílastæða við eldri
byggingar og nú er. Skerðist
þessi stæði, t.d. vegna við-
bygginga, skal gera jafn-
mörg stæði í staðinn á lóð-
inni. Þá er gert ráð fyrir
einu stæði á hverja 35 fer-
metra við nýbyggingar.
Hönnun skipulagsins var í
höndum Arkitektastofunnar
OÖ en hana reka arkitekt-
arnir Ormar Þór Guðmunds-
son og Örnólfur Hall. Hægt
er að kynna sér tillöguna
hjá skipulags- og bygginga-
sviði Reykjavíkurborgar í
Borgartúni 3 fram til 8.
mars næstkomandi en þá
rennur einnig út frestur til
að gera athugasemdir við
skipulagið.
Athugasemdafrestur nýs deiliskipulags svokallaðs Skipholtsreits rennur út 8. mars
Nýbyggingar á
tveimur lóðum






 


 









      
 

 
 



  Holt
HAFIST verður handa við
viðbyggingu Flataskóla í vor
en gert er ráð fyrir að hægt
verði að taka hluta hennar í
notkun í ágúst á næsta ári.
Áætlaður heildarkostnaður
við bygginguna er 400 millj-
ónir króna.
Í frétt á heimasíðu Garða-
bæjar kemur fram að stærð
viðbyggingarinnar sé 2266
fermetrar. Í fyrsta áfanga
verður öll byggingin reist og
gengið frá henni að utan. Þá
verður innréttuð efri hæð
hússins, sem er stjórnunar-
álma, þrjár kennslustofur og
bókasafn fyrir utan önnur
smærri rými. Auk þess verður
tengt á milli gamla hússins og
efri hæðarinnar með þeim
breytingum sem því fylgir.
Þá segir að í öðrum áfanga
verði neðri hæð hússins inn-
réttuð en þar eiga að koma
meðal annars þrjár kennslu-
stofur, tónlistarstofa, eldhús,
matsalur og samkomusalur. Í
kjölfarið er síðan gert ráð fyr-
ir framkvæmdum við breyt-
ingar á eldra húsnæði húss-
ins.
Framkvæmdir eiga að hefj-
ast í vor og verður þá boðin út
jarðvinna, sökklar og neðsta
plata. Í haust verður síðan
hafist handa við að reisa húsið
og er áætlað að framkvæmd-
um við það og innréttingu efri
hæðarinnar ljúki í ágúst 2003.
Innréttingu neðri hæðarinnar
lýkur síðan ári síðar eða 2004.
Áætlaður heildarkostnaður
við framkvæmdirnar er rúm-
ar 400 milljónir króna en
kostnaður við fyrstu tvo
áfangana er tæplega 300
milljónir.
Hönnuður viðbyggingar-
innar er Einar Ingimarsson.
Kynningarfundur
fyrirhugaður
Á fundi bæjarráðs í síðustu
viku var lagt fram bréf for-
eldra þar sem skorað er á
bæjarstjórn að áfangaskipta
ekki fyrirhugaðri viðbygg-
ingu við skólann heldur að
haldið verði í upprunanlega
áætlun um að ljúka bygging-
unni á haustmánuðum 2003.
Segir að áfangaskipting
skólabyggingarinnar sé ekki
viðunandi lausn, hvorki fyrir
nemendur né kennara. Í svar-
bréfi bæjarins eru tíundaðar
áætlanir bæjaryfirvalda um
framkvæmdir við skólann og
upplýst að fyrirhugað sé að
halda kynningarfund í Flata-
skóla fyrir foreldra barna í
skólanum.
Tölvuteikning af viðbyggingunni sem verður 2.266 fermetrar að stærð.
Viðbygging við Flataskóla tekin í notkun á næsta ári
Framkvæmdir hefjast í vor
Garðabær
SAMNINGUR um ritun
sögu Mosfellsbæjar var und-
irritaður á mánudag en bæj-
aryfirvöld hafa fengið tvo
staðkunna menn til verksins.
Áætlað er að lokið verði við
handrit fyrir 1. júlí árið 2004.
Það eru þeir Bjarki
Bjarnason og Magnús Guð-
mundsson sem munu rita
söguna en í minnisblaði bæj-
arstjóra segir að þeir hafi yf-
irburðaþekkingu á sögu
sveitarinnar. Báðir hafi búið
í bæjarfélaginu um langa
hríð og verið virkir þátttak-
endur í Sögufélagi bæjarins.
Í samningnum er kveðið á
um að verkið skuli vera um
400 síður og taki til sögu
bæjarins frá landnámi til
vorra daga. Verktaka-
greiðslur vegna samningsins
verða um 9 milljónir á því 30
mánaða tímabili sem vinna á
verkið.
Þá kemur fram í minnis-
blaði bæjarstjóra að gert sé
ráð fyrir að höfundar full-
vinni kennsluleiðbeiningar
sem nýta má við kennslu í
skólum bæjarins til viðbótar
við söguverkið.
Bjarki Bjarnason, Jóhann Sigurjónsson bæjarstjóri og
Magnús Guðmundsson undirrita samninginn.
Saga
bæjarins
rituð
Mosfellsbær