Morgunblaðið - 06.02.2002, Blaðsíða 18

VIÐSKIPTI/ATHAFNALÍF
18 MIÐVIKUDAGUR 6. FEBRÚAR 2002 MORGUNBLAÐIÐ
DELTA hf. er með í athugun að
setja á fót sérstaka innkaupaskrif-
stofu á Indlandi, hugsanlega á
þessu ári. Markmiðið er að vera
sem næst þeim markaði þar sem
stór hluti hráefnisins til lyfjafram-
leiðslu fyrirtækisins er framleiddur.
Þetta var meðal þess sem fram kom
í máli Róberts Wessman, forstjóra
Delta, á kynningarfundi sem Bún-
aðarbankinn Verðbréf stóð fyrir í
gær fyrir aðila á fjármálamarkaði
vegna fyrirhugaðrar sameiningar
Delta og Omega Farma, sem
stjórnir félaganna samþykktu í
fyrradag.
Róbert sagði jafnframt að vonir
stæðu til að samningar næðust um
sölu á fyrsta lyfi Delta á Banda-
ríkjamarkaði á þessu ári. Einnig sé
stefnt að því að sækja lengra inn á
markaði í Evrópu í ár, og nefndi
hann sérstaklega Skandinavíu og
Austur-Evrópu í því sambandi.
Hann sagði vöxt Delta ekki háðan
þróun markaðar hér á landi þar
sem um 90% af tekjum fyrirtæk-
isins komi erlendis frá. Vöxtur fé-
lagsins ráðist hins vegar af því hvað
það kemur mörgum lyfjum á mark-
að.
Samkvæmt samkomulagi stjórna
Delta og Omega Farma er gert ráð
fyrir að Omega Farma verði rekið
sem dótturfélag Delta. Í samkomu-
laginu eru ítarlegir fyrirvarar, m.a.
um niðurstöðu áreiðanleikakönnun-
ar. Stefnt er að því að ljúka henni í
lok þessa mánaðar og að ganga frá
endanlegum kaupsamningi í fram-
haldi af því. Róbert sagði að eftir
undirskrift kaupsamnings verði
birtar ítarlegar áætlanir fyrir sam-
einað félag.
Tilkynnt til VÞÍ um
frekari viðskipti
Búnaðarbankinn keypti hlutabréf
í Delta að nafnverði rúmlega 43,5
milljónir króna miðvikudaginn 30.
janúar síðastliðinn af Kaupthing
Bank Luxembourg S.A. Um var að
ræða 19,95% af heildarhlutafé
Delta. Delta keypti hlutabréfin svo
af Búnaðarbankanum í fyrradag.
Fram kom hjá Róbert Wessman á
kynningarfundinum í gær að kaupin
hafi verið gerð til að standa straum
af greiðslu til eigenda Omega
Farma, en gert er ráð fyrir að þeir
fái 26% hlut í Delta við samruna
fyrirtækjanna.
Samkvæmt upplýsingum frá Hel-
enu Hilmarsdóttur, framkvæmda-
stjóra Verðbréfaþings Íslands,
greindi Búnaðarbankinn VÞÍ frá
því að kaup bankans á hlutabréfum
í Delta væru liður í frekari við-
skiptum. Hún segir algengt að fyr-
irtæki láti VÞÍ vita ef sameining-
arviðræður eða önnur stórmál séu í
gengi, til að þingið getið fylgst með
þróun verðs viðkomandi hlutabréfa.
Í slíkum tilvikum upplýsi VÞÍ um
hvaða reglur gildi um tilkynningar
sem varða viðkomandi mál. Það sé
hins vegar á ábyrgð þeirra sem í
hlut eiga að meta aðstæður og til-
kynna í samræmi við reglurnar.
Aðspurð um hvort viðskipti með
hlutabréf Delta að undanförnu hafi
leitt til þess að VÞÍ hafi séð ástæðu
til að skoða þau eitthvað nánar seg-
ist Helena ekkert geta sagt til um á
þessu stigi.
Gengið 49,5% hærra
en um áramótin
Gengi hlutabréfa Delta hf. hækk-
aði um 19,9% í fyrradag í framhaldi
af fréttum um sameiningu Delta og
Omega Farma og var lokagengið
þann dag 58,50. Í lok viðskipta í
gær var gengið 64,00, eða 9,4%
hærra en í lok dagsins áður. Gengið
hefur því hækkað um 31,1% frá því
við lok viðskipta síðastliðinn föstu-
dag, síðasta viðskiptadaginn áður
en greint var frá sameiningu félag-
anna tveggja. Frá áramótum hefur
gengi Delta hækkað um 49,5%.
Í gær voru viðskipti á Verðbréfa-
þingi Íslands með hlutabréf Delta
fyrir samtals 214 milljónir króna.
Viðskiptin frá áramótum nema sam-
tals um 6,7 milljörðum króna. Þar
af eru um 2,2 milljarðar vegna
kaupa Búnaðarbankans af Kaup-
thing Bank og aðrir 2,2 milljarðar
kaup Delta af Búnaðarbankanum.
Önnur viðskipti en þessi tvenn
nema því samtals um 2,3 milljörðum
króna að markaðsvirði.
Delta hf. stefnir að því að sækja lengra inn á erlenda markaði
Kanna með innkaupa-
skrifstofu á Indlandi
Morgunblaðið/Kristinn
Frá töfluverksmiðju Delta hf. í Hafnarfirði. Um 90% af tekjum Delta koma erlendis frá og segir Róbert Wessman,
forstjóri fyrirtækisins, að vöxtur þess ráðist af því hvað það kemur mörgum lyfjum á markað.
EYJÓLFUR Sveins-
son sagði í gær af sér
setu í bankaráði Ís-
landsbanka frá og
með sama degi. Frá
þessu var greint í til-
kynningu frá Íslands-
banka. Eyjólfur hefur
selt öll hlutabréf sem
voru í hans eigu í
bankanum og það
sama hafa tvö félög,
sem hann er hluthafi
í, einnig gert, samtals
um 42,7 milljónir
króna að nafnverði.
Um utanþingsvið-
skipti var að ræða.
Um síðustu áramót seldi Eyjólfur
eignarhlut sinn í Orca SA og þar
með í Íslandsbanka. Eftir söluna á
eignarhlutnum í Orca áttu Eyjólfur
og félög á hans vegum um 157
milljónir að nafnverði í bankanum.
Eignarhlutur félaga á hans vegum
nú er því um 114 milljónir króna að
nafnverði, eða um 1,18% af heildar-
hlutafé Íslandsbanka.
Selt fyrir 205 milljónir
Í fyrradag seldi Íslenska skipa-
félagið ehf. hlutabréf í Íslands-
banka að nafnverði
37.376.200 krónur og
Óháði fjárfestingar-
sjóðurinn hf. seldi jafn-
framt hlutabréf í bank-
anum að nafnverði
5.229.540 krónur. Eyj-
ólfur er stjórnarmaður
og hluthafi í báðum
þessum félögum. Einn-
ig seldi Eyjólfur
hlutabréf í Íslands-
banka að nafnverði
66.208 krónur. Framan-
greind viðskipti voru öll
á genginu 4,80. Heild-
arsöluvirði hlutabréf-
anna var því tæpar 205
milljónir króna.
Í tilkynningu Íslandsbanka segir
að bankanum hafi í gær borist bréf
frá Eyjólfi Sveinssyni þar sem seg-
ir:
„Í framhaldi af sölu undirritaðs
og Fjárfestingarfélagsins Dals-
mynnis hf. þann 31. desember sl. á
öllum hlutum í Orca SA og tengd-
um félögum og sölu Íslenska skipa-
félagsins ehf. og Óháða fjárfesting-
arsjóðsins hf. og undirritaðs á
öllum hlutabréfum sínum í Íslands-
banka í gær [mánudag: innskot
Morgunblaðið], hef ég ákveðið að
segja af mér setu í bankaráði Ís-
landsbanka frá og með deginum í
dag að telja.“
Greint var frá því 3. janúar síð-
astliðinn að Eyjólfur Sveinsson
hefði hinn 31. desember 2001 selt
eignarhlut sinn í Orca SA og þar
með í Íslandsbanka. Kaupendur
voru tveir félagar hans úr Orca-
hópnum svokallaða, Jón Ásgeir Jó-
hannesson, forstjóri Baugs, og Þor-
steinn Már Baldvinsson, forstjóri
Samherja.
Ekki lengur innherji
Eyjólfur vildi í samtali við Morg-
unblaði í gær ekki greina frá því
hverjir kaupendur hlutabréfanna í
Íslandsbanka, sem hann og félögin
tvö seldu í gær, voru. Hann segist
sáttur við það verð sem hann fékk
fyrir bréfin og jafnframt sáttur við
þá ávöxtun sem þau hafi gefið af
sér. Hann hafi selt meginhluta
þeirra hlutabréfa sem hann og félög
honum tengd áttu um síðastliðin
áramót. Við það að bréfin hafi
hækkað eins mikið og raun ber
vitni síðan, og nú verði áframhald-
andi sala, hafi hann tekið ákvörðun
um að sitja ekki áfram í stjórninni
en hleypa öðrum að. Þar sem Eyj-
ólfur hefur sagt sig úr bankaráði
Íslandsbanka er hann ekki lengur
innherji, og er því ekki lengur til-
kynningaskyldur varðandi hugsan-
lega sölu á hlutabréfum, sem eru í
eigu félaga sem eru honum tengd,
hér eftir.
Einar Örn Jónsson, sem verið
hefur varamaður í bankaráði Ís-
landsbanka, tók sæti Eyjólfs
Sveinssonar í bankaráðinu frá og
með deginum í gær.
Ekkert nýtt varðandi
tilboð erlendra fjárfesta
Gunnar Jónsson hrl., sem hefur
starfað fyrir Orca-hópinn, segir
ekkert nýtt hafa gerst í sambandi
við tilboð erlendra fjárfesta í um
30% eignarhlut hópsins og tengdra
aðila í Íslandsbanka sem greint var
frá í janúar síðastliðnum.
Gunnar sendi gögn til Fjármála-
eftirlitsins í samræmi við beiðni eft-
irlitsins varðandi áhuga erlendra
aðila á að kaupa hlut Orca-hópsins í
Íslandsbanka. Páll Gunnar Pálsson,
forstjóri Fjármálaeftirlitsins, segir
ekkert að frétta af þessu máli af
hálfu eftirlitsins fyrr en hugsanlega
í lok þessarar viku.
Eyjólfur Sveinsson hættir
í bankaráði Íslandsbanka
Eyjólfur Sveinsson
Greining
ÍSB spáir
2,9% verð-
bólgu
GREINING Íslandsbanka spáir því
að verðbólgan yfir þetta ár verði
2,9%, eða tæplega þriðjungur þess
sem hún var á síðasta ári. Í Markaðs-
yfirliti Greiningar ÍSB segir að
hjöðnun framleiðsluspennunnar og
stöðugri króna eigi þar stærstan hlut
að máli. Þetta er minni verðbólga en
Greining ÍSB spáði í janúar síðast-
liðnum og er meginástæðan sú að
Greining ÍSB væntir þess að krónan
haldi betur verðgildi sínu á árinu.
„Við birtingu vísitölu neysluverðs í
janúar jukust líkur á því að verðlag
yrði yfir verðlagsviðmiði kjarasamn-
inga í maí næstkomandi og að kjara-
samningsbundnar hækkanir yrðu
meiri en núverandi samningar kveða
á um. Þessar auknu líkur ásamt
væntingum um að verðhækkanir á
innflutningi verði meiri á næsta ári
en þessu gera það að verkum að
Greining ÍSB telur að verðbólgan
fyrir næsta ár verði 2,8% og meiri en
áður var spáð. Rætist spáin mun
Seðlabankinn ekki ná verðbólgu-
markmiði sínu á næsta ári,“ segir í
Markaðsyfirliti Greiningar ÍSB.
Þá segir að lengra virðist vera í
næstu vaxtalækkun Seðlabanka Ís-
lands en Greining ÍSB hefur reiknað
með. Til skemmri tíma séu aðgerðir
bankans undir áhrifum af verðlags-
viðmiði kjarasamninga og ljóst megi
vera af orðum hans að bankinn vilji
ekkert aðhafast sem geti grafið und-
an gengi krónunnar og þar með
kjarasamningum. „Greining ÍSB er
þó enn þeirrar skoðunar að bankinn
muni lækka stýrivexti sína um 200
punkta yfir þetta ár. Bankinn muni
vilja sjá skýr merki þess að úr verð-
bólgu sé að draga og í því ljósi kann
að vera að bíða þurfi fram til loka
fyrsta ársfjórðungs eftir næstu
vaxtalækkun bankans,“ segir í
Markaðsyfirlitinu.
Stikla og Tetralína
sameinuð í Tetra Ísland
Tetra Ísland
rekur Tetra-
kerfi Stiklu
STIKLA ehf. og Tetralína.Net ehf.
hafa verið sameinuð undir nafninu
Tetra Ísland. Nýráðinn fram-
kvæmdastjóri félagsins er Jón Páls-
son. Samruninn var afgreiddur í des-
emberlok og gildir frá 1. október
2001. Tetra Ísland mun reka Tetra-
kerfi frá Nokia en það kerfi rak Stikla
áður.
Bæði Stikla og Tetralína ráku
Tetrakerfi og verða bæði kerfin rekin
áfram um sinn. Markmið Tetra Ísland
er að byggja upp öflugt og öruggt
Tetra-fjarskiptakerfi á landsvísu, að
sögn Jóns Pálssonar. Eitt af verkefn-
um félagsins er að koma í verð Tetra-
kerfinu frá Motorola, sem Tetralína
rak áður, að sögn Stefáns Pétursson-
ar, stjórnarmanns í Tetra Ísland.
Stikla var í eigu Landssímans,
TölvuMynda og Landsvirkjunar og
Tetralína í eigu Línu.Nets. Orkuveit-
an keypti Tetralínu svo af Línu.Neti
og hlut Landssímans í Stiklu. Eign-
arhlutföll Tetra Íslands eru nú þannig
að Orkuveitan er stærsti hluthafi með
um 67%, Landsvirkjun á um 19% og
TölvuMyndir um 14%. Stefnt er að
því að fjölga hluthöfum.
Tetrakerfi er þróað talstöðvakerfi
með símaviðmóti og þjónar lögreglu,
slökkviliði, flutningsaðilum, ferða-
þjónustuaðilum, orkufyrirtækjum,
verktökum og öðrum aðilum sem
þurfa á hópfjarskiptum og annarri
þjónustu Tetra að halda. Tetrakerfið
nær til helstu þéttbýlissvæða og þjóð-
vega Íslands.
♦ ♦ ♦