Morgunblaðið - 06.02.2002, Blaðsíða 16
LANDIÐ
16 MIÐVIKUDAGUR 6. FEBRÚAR 2002 MORGUNBLAÐIÐ
KJÖR Íþróttamanns Hamars 2001
fór fram á Þinghúscafé sunnudaginn
27. janúar. Fjölmennt lið íþrótta-
manna mætti á hátíðina ásamt
áhangendum og íþróttaáhugamönn-
um. Þorvaldur Snorrason, formaður
Hamars, setti hátíðina og bauð gesti
velkomna. Fyrst stigu á svið ungar
og bráðefnilegar stúlkur sem kall-
aðar eru Suzuki-hópurinn. Þær eru
að læra fiðluleik með sérstakri
kennsluaðferð sem kennd er við höf-
und aðferðarinnar. Þessar stúlkur
fóru m.a. á alþjóðlegt námskeið í Su-
zuki-fiðluleik á Englandi í ágúst sl.
með kennara sínum, Guðmundi.
Þessu næst voru íþróttamenn hverr-
ar deildar útnefndir. Alls eru fimm
deildir starfandi innan Hamars;
badmintondeild, blakdeild, fimleika-
deild, knattspyrnudeild og körfu-
knattleiksdeild. Þegar deildirnar
hafa hver um sig útnefnt einn
íþróttamann úr sínum röðum er
einn valinn úr þeim hópi og hlýtur
sá titilinn Íþróttamaður Hamars.
Úr blakdeild var Haraldur Örn
Björnsson tilnefndur. Hann hefur
stundað blak af kappi frá 16 ára
aldri, sýnt miklar framfarir og vax-
andi styrk. Auk þess hefur Harald-
ur verið í stjórn og ritnefnd deild-
arinnar. Badmintondeildin útnefndi
Hafstein Valdimarsson sem besta
badmintonspilara ársins. Hafsteinn
er iðinn og prúður leikmaður og tek-
ur bæði sigrum og ósigrum af mik-
illi stillingu. Útnefning fimleika-
deildar kom næst og var það Karen
Ósk Guðmundsdóttir sem þykir
hafa náð bestum árangri þar. Karen
hefur unnið til verðlauna á mótum
sem hún hefur tekið þátt í á árinu,
hún hefur stundað fimleikaæfingar
af miklu kappi, verið samviskusöm
og dugleg. Knattspyrnudeildin út-
nefndi Hauk Kristinsson sem
íþróttamann sinnar deildar í ár.
Haukur hefur tekið þátt í mótum og
staðið sig vel, hann byrjaði í mark-
inu en er nú farinn að spila sem úti-
leikmaður. Haukur er prúður leik-
maður, sterkur og fylginn sér.
Síðasta útnefningin kom frá körfu-
knattleiksdeildinni og var það
Ragnheiður Magnúsdóttir sem varð
fyrir valinu. Ragnheiður æfir bæði
með unglingaflokki og meistara-
flokki Hamars auk þess sem hún
hefur verið valin í unglingalands-
liðið. Ragnheiður er vinsæl meðal
leikmanna og góður varnarleikmað-
ur. Þá var komið að því að tilkynna
hver þessara góðu íþróttamanna
fengi útnefninguna íþróttamaður
Hamars 2001. Þorvaldur Snorrason
formaður tilkynnti valið og var það
Ragnheiður Magnúsdóttir sem
hlaut titilinn. Eftir útnefninguna var
gestum boðið að þiggja veitingar og
síðan spilaði Suzuki-hópurinn fyrir
gesti.
Íþróttamaður
Hamars kjörinn
Morgunblaðið/Margret Ísaksdóttir
Suzuki-hópurinn; Krissí, Irena, Eva og Sæunn.
Íþróttamaður Hamars árið
2001, Ragnheiður Magnúsdótt-
ir, ásamt formanni Hamars,
Þorvaldi Snorrasyni.
Hveragerði
STJÓRNIR Upplýsinga- og kynn-
ingarmiðstöðvarinnar og Ferða-
málasamtaka Vesturlands komu
saman nýverið til að ræða verkefnin
á árinu og samræma aðgerðir. Fund-
urinn var liður í því að efla samvinn-
una á svæðinu og tryggja fullt sam-
ráð á milli þessara stjórna sem vinna
að sömu málum; ferðamálum á Vest-
urlandi.
Á þennan sameiginlega fund þess-
ara stjórna kom einnig Pétur Rafns-
son, verkefnisstjóri Ferðamálaráðs
og formaður Ferðamálasamtaka Ís-
lands. Hann ræddi um mikilvægi
upplýsingamiðstöðva og þess að
heimamenn stæðu á bak við slíka
starfsemi með hlutleysi að mark-
miði. Hann fræddi stjórnarmenn
einnig um hvað væri á döfinni hjá
Ferðamálaráði og Ferðamálasam-
tökum Íslands, auk þess að ræða
ferðamál vítt og breitt.
Ferðamálasamtök Vesturlands
eiga 20 ára afmæli hinn 18. maí og
eru þau elstu á landinu. Af því tilefni
hyggjast þau gefa út veglegt sögu-
og vegakort af Vesturlandi. Kortið
verður hægt að nota samhliða
Ferðablaði Vesturlands sem Tíð-
indamenn gefa út. Í tilefni afmæl-
isins hefur verið skipaður 4 manna
hópur til að vinna að undirbúningi að
afmælisveislu samtakanna.
Fjölmörg önnur verkefni eru í
gangi þessa dagana s.s. markaðsetn-
ing bæði innan- og utanlands. Vand-
inn sem menn glíma við hér er að-
fjármagnið sem rennur til UKV er
ótryggt milli ára og því erfitt að
skipuleggja marktæka markaðs- og
kynningaráætlun og vinna eftir
henni.
Ferðafröm-
uðir stilla
saman strengi
Borgarnes
VEÐUR gekk í austnorðaust-
an og norðaustan hvassviðri á
föstudaginn og síðan í norð-
anrok um nóttina og á laug-
ardag og snöggfrysti. Raf-
magn fór af allri sveitinni fyrir
miðnætti á föstudagskvöld og
var rafmagnslaust á öllum
bæjum um tvo sólarhringa
nema tveimur, Munaðarnesi,
sem er nyrsti bær í byggð, og
svo Krossnes, sem fengu ekki
rafmagn fyrr en á mánudag,
Munaðarnes um kl. 18.40 og
Krossnes komst inn um kl.
22.50.
Og enn eru tveir menn frá
Orkubúi Vestfjarða ásamt
heimamönnum að yfirfara lín-
ur og hreinsa sjávarseltu af
spennum á eyðibílum og við
sumarhús. Mestallt rafmagns-
leysi má rekja til sjávarseltu,
reyndar var slitinn strengur á
milli staura við Krossnes.
Margir bæir hafa heimilis-
rafstöðvar og viðarkyndingu
og höfðu því ljós og hita, en
þar sem var bara rafmagnshiti
var orðið afar kalt. Til dæmis í
veðurathugunarhúsinu í Litlu-
Ávík var hiti kominn niður í
tvær gráður, þar sem vara-
mælar voru geymdir í tölvu-
borði og veðurathugunarmað-
urinn varð að hita penna í
höndum sér til að skrifa í veð-
urbók.
Þeir sem höfðu rafmagn
með heimilisrafstöðvum gátu
horft á íþróttaleikina um
helgina, því Krossnes hefur
rafstöð og endurvarp sjón-
varps frá Hnjúkum við
Blönduós og er endurvarp
þaðan um mestalla sveitina.
Morgunblaðið/Jón G. Guðjónsson
Óveður
var í Ár-
neshreppi
Árneshreppur
VEITT voru verðlaun fyrir hæst
dæmdu kýr á Suðurlandi árið 2000
og 2001 á fjölmennum fundi á Þing-
borg 25. janúar sl. á vegum Búnaðar-
sambands Suðurlands. Kynntar voru
fyrstu niðurstöður skýrsluhaldsins
og sýndar myndir af hæst dæmdu
kúnum.
Um 120 manns, bændur, búalið og
áhugamenn, voru á fundinum sem
sýnir vel áhugann á ræktun íslensku
kýrinnar. Kýrnar eru dæmdar og
stigaðar eftir útlitsdóm þriggja dóm-
ara að viðbættu kynbótamati þar
sem margir eiginleikar koma inn í.
Árið 2000 var hæst dæmda kýr í
Vestur-Skaftafellssýslu númer 248
frá Kálfafelli með 279 stig. Í Rang-
árvallasýslu Stör frá Lambhaga með
293 og í Árnessýslu kýrin Spurning
frá Syðri-Gegnishólum með 290 stig.
Árið 2001 kom út hæst kýrin
Drottning frá Kálfafelli með 279 stig
í Vestur-Skaftafellssýslu. Úr Rang-
árþingi kom Hetta frá Nýjabæ með
304 og trónaði hún einnig hæst í
stigagjöf á Suðurlandi. Í Árnessýslu
var einnig kýr úr Gaulverjabæjar-
hreppi seinna árið og stóð þar Rauðá
frá Syðra-Velli hæst með 297 stig.
Í viðtali sagði Guðmundur Jó-
hannesson ráðunautur að áhersla á
ræktun fyrir próteini í mjólk fyrir
tæpum tuttugu árum væri ótvírætt
farin að skila sér. Án þessara mark-
miða væri án efa skortur á mjólk-
urpróteini innanlands í dag vegna
aukinnar sölu.
Til að ná hraðari framförum taldi
hann mikilvægt að fá enn fleiri í
skýrsluhald og auka sæðingar á
kvígum. Einnig sagði hann nú vera
horft erlendis til að finna mæli-
kvarða á endingu gripa en slíkt
myndi einnig skila sér vel hér í rækt-
unarstarfinu.
Hetta og
Stör hæst
dæmdu kýr
á Suðurlandi
Gaulverjabær
NÚ er að ljúka prófunum á vélbún-
aði Tunguvirkjunar í Tálknafirði.
Áætlað er að virkjunin geti skilað allt
að 165 kW, en að jafnaði skili hún 80-
160 kW. Tunguvirkjun ehf. hefur
gert samning við Orkubú Vestfjarða
um að framleiða inn á dreifikerfi
Orkubúsins. Sigurður Á. Magnússon
trésmiður, stjórnarformaður Tungu-
virkjunar ehf., hafði frumkvæði og
forgöngu að virkjuninni og hefur
hann notið aðstoðar fjölmargra við
verkið. Með honum í stjórn fyrirtæk-
isins eru Margrét Magnúsdóttir og
Magnús Kr. Guðmundsson.
Íslensk orkuvirkjun ehf. hafði
milligöngu um að útvega vatnshverf-
ilinn og rafalinn. Hvort tveggja kem-
ur frá fyrirtækjum í Austurríki,
vatnshverfillinn frá Gugler og rafall-
inn frá Hilzinger. Þrýstipípurnar eru
frá Flowtite Pipe & Tank í Noregi og
eru framleiddar úr glertrefjaefni.
Rafstöðin er alsjálfvirk með fjar-
vöktunarbúnaði, sem býður upp á
þann möguleika að stjórna virkjun-
inni með PC-tölvu nánast hvaðan
sem er. Allur raf- og stjórnbúnaður
er hannaður af Örgjafanum ehf. í
samvinnu við danska fyrirtækið
DEIF. Prófanir á vélbúnaði og
stjórnkerfi virkjunarinnar hafa stað-
ið yfir undanfarnar vikur. Að sögn
Sigurðar Magnússonar er þess
vænst að virkjunin fái rekstrarleyfi á
næstu dögum. Áætlaður kostnaður
við virkjunina er 18 milljónir. Í
stöðvarhúsinu er einnig rafstöð í
eigu Magnúsar Kr. Guðmundssonar,
sem nýtir umframvatn úr Geitá.
Áætlað er að sú rafstöð geti skilað 8-
15 kW. Rafstöð Magnúsar kemur frá
sömu framleiðendum og vélbúnaður
Tunguvirkjunar.
Tunguvirkjun gangsett
Morgunblaðið/Finnur
Áætlað er að Tunguvirkjun geti skilað allt að 165 kW.
Tálknafjörður
TOGARINN Núpur BA, sem
strandaði í Patreksfirði síðla síð-
asta árs, kom til Vestmannaeyja í
liðinni viku en skipið var dregið til
Eyja frá Akranesi. Hjá Skipalyft-
unni í Eyjum mun fara fram við-
gerð á skipinu sem laskaðist mikið í
strandinu. Núpur var tekin í slipp á
Akranesi þar sem skipið var þétt
fyrir ferðina til Eyja en síðan dró
Lóðsinn, skip Vestmanna-
eyjahafnar, Núp til Eyja.
Viðgerðin á Núpi var boðin út og
var tilboð Skipalyftunnar hagstæð-
ast. Að sögn Ólafs Friðrikssonar,
framkvæmdastjóra Skipalyftunnar,
er um stórt verk að ræða. Hann
sagði að endurnýja þyrfti botn
skipsins, vélbúnaður allur yrði yf-
irfarinn eða endurnýjaður, allt raf-
magnskerfi og töflur yrðu end-
urnýjuð, íbúðir framskips yrðu
endurnýjaðar og brú skipsins end-
urbyggð. Áætlaður kostnaður við
verkið er um 95 milljónir og ráð-
gert er að því verði lokið um miðjan
júní.
Ólafur sagði að upphaflega hefði
verið ráðgert að Núpur yrði kom-
inn til Eyja 10. janúar sl. Þar sem
lengri tíma tók að þétta skipið en
ráðgert var dróst það. Hann sagði
að verk þetta væri stórt á mæli-
kvarða Skipalyftunnar og væri
meginverkefni fyrirtækisins næstu
mánuðina og sama gilti fyrir fyr-
irtækin Geisla og Drang, sem önn-
uðust rafmagnsvinnu og trésmíði í
Núpi.
Núpur BA
dreginn til
viðgerðar
Vestmannaeyjar
Morgunblaðið/Sigurgeir
Lóðsinn kemur með Núp BA til hafnar í Eyjum.
♦ ♦ ♦