Morgunblaðið - 09.02.2002, Síða 22

VIÐSKIPTI/ATHAFNALÍF
22 LAUGARDAGUR 9. FEBRÚAR 2002 MORGUNBLAÐIÐ
Ármúla 21,
sími 533 2020
Fagmennirnir þekkja Müpro
Rörafestingar
og upphengi
Allar stærðir og gerðir
rörafestinga og
upphengja
HEILSALA - SMÁSALA
„AÐ halda Íslandi meðal tíu fremstu
þjóða heims í lífskjörum útheimtir
langtímasýn og sífellt þarf að vaka yf-
ir samkeppnishæfni atvinnulífsins.
Þetta er viðvarandi viðfangsefni en
ekki gert í eitt skipti fyrir öll og það er
miklu auðveldara að glata samkeppn-
isforskoti en að vinna það aftur,“ að
því er segir í drögum að skýrslu
Verslunarráðs Íslands til Viðskipta-
þings 2002, sem haldið verður 12.
febrúar næstkomandi undir yfir-
skriftinni Betur má ef duga skal.
Í skýrslunni kemur fram að ef spár
um hagvöxt hér á landi á næstu árum
ganga eftir sé hætta á að Ísland drag-
ist afturúr helstu viðmiðunarlöndum í
hagvexti og þar með í lífskjörum.
Skýrsla Verslunarráðs fjallar um
ýmis viðfangsefni í atvinnumálum
þjóðarinnar á næstu árum. Megin-
markmiðið með útgáfu hennar er að
benda á ýmsar fyrirsjáanlegar eða
nauðsynlegar breytingar á starfsskil-
yrðum íslenskra fyrirtækja. Einnig er
velt upp hugmyndum um hagræð-
ingu, nýsköpun og ýmislegt annað er
betur má fara í atvinnulífinu að mati
starfsmanna Verslunarráðs Íslands
og þeirra félaga í ráðinu sem unnu að
gerð skýrslunnar.
Hlutfall utanríkisviðskipta verði 50%
Hlutfall innflutnings vöru og þjón-
ustu af landsframleiðslu og útflutn-
ingshlutfall eru að mati skýrsluhöf-
unda mjög góðir mælikvarðar á
alþjóðavæðingu hagkerfisins. Fyrir
tíu árum, þ.e. á árunum 1991 og 1992,
hafi útflutningshlutfallið verið um
31% og innflutningshlutfallið um
31,5% að meðaltali fyrir þessi tvö ár.
Hlutfall innflutnings af landsfram-
leiðslu hafi síðan vaxið jafnt og þétt og
hlutfall útflutningsins hafi aukist í
svipuðum takti til ársins 1997 en
lækkað á árunum 1998 til 2000, sem
hafi verið ákveðin öfugþróun.
Fram kemur að miklu skipti fyrir
íslenskt atvinnulíf að hækka þessi
hlutföll enn frekar. „Á næsta tíu ára
tímabili þarf að stefna að því að þessi
hlutföll verði komin vel yfir 50% af
landsframleiðslu, þrátt fyrir að fyrir-
séð sé að gengi krónunnar eigi eftir að
hækka frá því sem nú er,“ segir í
skýrslunni.
Evran líklegasta hreyfiaflið
Evrópumálum eru gerð ítarleg skil
í skýrslu Verslunarráðs og tekið fram
að aðild að Evrópusambandinu sé
alltaf hugsanleg. Ekki séu þó líkur á
að af aðild Íslands að ESB verði
næstu árin. Innan atvinnulífsins séu
skiptar skoðanir á aðild Íslands að
ESB en Verslunarráð Íslands hafi
ekki fjallað sérstaklega um málið síð-
an sú afstaða var tekin á árinu 1994 að
Ísland ætti heima í sambandinu og að
rétt væri að hefja undirbúning að að-
ildarumsókn. Skýrsluhöfundar telja
að þróun Efnahags- og myntbanda-
lags Evópusambandsins, eða evrunn-
ar, verði líklegasta hreyfiaflið í um-
ræðu um aðild Íslands að sambandinu
á næstu árum.
Smæð bankakerfisins
tefur alþjóðavæðingu
Í skýrslunni segir að það sé farið að
há íslenskum fyrirtækjum sem ná ár-
angri í alþjóðavæðingu hvað íslenskir
bankar eru litlar einingar. Fyrir ís-
lensk fyrirtæki sé almennt mikilvægt
að hafa íslenskan heimabanka, sem sé
þá leiðandi banki í viðskiptum við þau,
og geti unnið með þeim á alþjóðlegum
mörkuðum. Frá þessum sjónarhóli sé
afar óheppilegt fyrir framgang al-
þjóðavæðingar atvinnulífsins þegar
samkeppnisyfirvöld leggja steina í
götu sameiningar fyrirtækja og
stækkun eininga á íslenska fjár-
magnsmarkaðnum. Ennfremur und-
irstriki þetta kosti þess að öflugur er-
lendur banki komi sem fullur
þátttakandi inn á markaðnum.
Skattbreytingar gera Ísland
að hagstæðum kosti
Ítarleg umfjöllun er í skýrslu
Verslunarráðsins um skattamál. Þar
segir að aukin alþjóðavæðing hafi
kallað fram margskonar viðfangsefni
og vandamál sem snúi að skattamál-
um fyrirtækja. Sérsamningar um
skattamál vegna meiriháttar erlendra
fjárfestinga hér á landi sýni betur en
margt annað hvað íslenska skattkerf-
ið hefur verið óviðbúið alþjóðavæð-
ingu. Þótt helstu viðskiptalönd Ís-
lendinga séu almennt komin mun
lengra í að aðlaga skattkerfi sín auk-
inni alþjóðavæðingu séu samt sem áð-
ur mörg vandamál óleyst. Á vettvangi
Evrópusambandsins hafi verið unnið
mikið til þess að skilgreina vanda-
málin og viðfangsefnin. Þessi vinna og
sú þróun sem verði innan sambands-
ins muni án efa hafa mikil áhrif á þró-
un þessara mála hér á landi.
Í skýrslu Verslunarráðs segir að í
október 2001 hafi komið út umfangs-
mikil skýrsla á vegum Framkvæmda-
stjórnar Evrópusambandsins sem
fjallar um skattlagningu fyrirtækja á
Innri markaðnum. Meginviðfangs-
efnið hjá Evrópusambandinu sé að
tryggja að skattkerfi aðildarríkjanna
séu ekki þannig uppbyggð að þau
hindri framgang Innri markaðarins.
Sífellt meiri áhersla sé lögð á sam-
runa fyrirtækja yfir landamæri aðild-
arríkjanna og starfsemi fyrirtækja í
mörgum aðildarríkjum samtímis.
Tekjuskattar fyrirtækja og einstak-
linga séu hins vegar ekki samræmdir
milli aðildarríkja og mikil andstaða sé
við kröfur um samræmingu skatta
innan sambandsins.
Höfundar skýrslu Verslunarráðs til
Viðskiptaþings segja að eftir því sem
alþjóðavæðingu íslensks atvinnulífs
fleygir fram muni samskonar vanda-
mál og fjallað er um í skýrslu Evrópu-
sambandsins verða fyrirferðarmeiri
hér á landi. Ákvarðanir um slík mál,
ef teknar verða og tengjast Innri
markaðnum, falli undir EES-samn-
inginn og gangi yfir Ísland. Sérstak-
lega sé rétt að hafa í huga að dómar
Evrópudómstólsins, sem túlka stofn-
sáttmálann og þar sem hliðstæða er
til staðar í EES-samningnum, muni
hafa bein réttaráhrif hér á landi.
„Almennt má segja að það er ís-
lensku atvinnulífi í hag ef íslensk
skattalög eru skrefinu á undan og
taka á þeim vandamálum sem evr-
ópsk fyrirtæki eiga við að glíma þann-
ig að íslensk fyrirtæki búi ekki við
hindranir í alþjóðavæðingu sinni og
hagnýtingu þeirra réttinda sem EES-
samningurinn færir.
Með lækkun tekjuskattshlutfalls-
ins í 18% og lækkun eignarskattshlut-
fallsins í 0,6% er verið að stíga stórt
skref í að lækka virkan skatt á af-
rakstur af atvinnustarfsemi. Þetta
þýðir að Ísland verður raunverulega
hagstæður kostur fyrir staðsetningu
hvers konar atvinnustarfsemi, og ef
jafnframt er gert átak í að gera
skattalögin alþjóðavæn að öðru leyti
er hægt að ná ennþá betri árangri,“
segir í drögum að skýrslu Verslunar-
ráðs Íslands til Viðskiptaþings 2002.
Drög að skýrslu Verslunarráðs Íslands til Viðskiptaþings 2002
Samkeppnis-
hæfni er
viðvarandi
viðfangsefni
ÚTGERÐARFÉLAG Akureyringa
hf. tapaði 87 milljónum króna á síð-
asta ári. Árið áður hafði tap þess
verið 779 milljónir króna og var af-
komubatinn 693 milljónir króna.
Hagnaður ÚA fyrir afskriftir var
1,7 milljarðar króna, eins og sjá má
í meðfylgjandi töflu, og batnaði um
836 milljónir milli ára. Þegar tekið
hefur verið tillit til taps af sölu
eigna nam framlegðarhlutfallið, þ.e.
hlutfall hagnaðar fyrir afskriftir af
tekjum, 28% í fyrra en 18% árið
2000.
Fjármunaliðir versnuðu um 227
milljónir króna milli ára og voru
neikvæðir um 914 milljónir króna,
en nær allar skuldir ÚA eru í er-
lendri mynt. Þegar þróun milli árs-
fjórðunga er skoðuð sést að á síð-
asta fjórðungi ársins voru
fjármagnsliðir jákvæðir um 19
milljónir króna eftir að hafa verið
neikvæðir fyrstu þrjá fjórðunga
ársins, mest í öðrum fjórðungi eða
um tæpar sex hundruð milljónir
króna.
Mikil aukning veltufjár frá rekstri
Veltufé frá rekstri jókst um 128%
og nam 1,3 milljörðum króna í fyrra
og handbært fé jókst um einn millj-
arð milli ára, var tæpar 200 millj-
ónir króna í árslok 2000 en tæpir
1,2 milljarðar króna um síðustu ára-
mót. Veltufjárhlutfall hækkaði úr
1,61 í 2,07.
Guðbrandur Sigurðsson, fram-
kvæmdastjóri ÚA, segir að allir
þættir í rekstri félagsins hafi verið í
góðu jafnvægi á liðnu ári og það
sem af sé þessu ári. Í rekstrinum sé
mikil fjármunamyndun og ytri að-
stæður óvenju góðar, bæði hvað
varði markaði fyrir afurðir félagsins
og gengi gjaldmiðla. Hann tekur þó
fram að tiltölulega litlar breytingar
á þessum þáttum geti haft mikil
áhrif á reksturinn.
Guðbrandur segir að gert sé ráð
fyrir að hagnaður ÚA fyrir afskrift-
ir og veltufé frá rekstri muni halda
áfram að aukast. Félagið líti svo á
að vaxtarsvið þess séu fjögur: Í
fyrsta lagi sameining við önnur fé-
lög og aukin samvinna innanlands, í
öðru lagi verkefni á sviði líftækni, í
þriðja lagi aukin þátttaka í fiskeldi
og í fjórða lagi verkefni erlendis.
Í fréttatilkynningu ÚA segir að
stjórn félagsins muni á aðalfundi
þess 26. þessa mánaðar leggja til
12% arðgreiðslu til hluthafa vegna
ársins 2001.
#

#,

#

,.
/ &#
&0









 
 
 
&#
&

  
 
 
,/
  1

  #








  1&'
#






2  &'&
/
#

 &,/
 & 2  &,/
 & !1 &,.

& 

 




 





 
    


34567
8469:


9;6

<=8
!!
;

 !
54=7:
34:9=

373
579>
=7=
879
!"
"
"
"
!"
"
"
"
"
"
"
"
"
 "



 
 
   #

$%
%
$%
%
$%
%


 
 #
 
  
  #
  
ÚA tapar 87 milljónum króna
ÍSLENSKI hugbúnaðarsjóðurinn
hf., ÍSHUG, var rekinn með 1.589
milljóna króna tapi í fyrra, en tap
ársins 2000 var 21 milljón króna.
Óinnleyst gengistap nam 1.464
milljónum króna í fyrra og var inn-
leyst tap ársins því 125 milljónir
króna. Eignir drógust saman um
38% og voru um áramótin 1,5 millj-
arðar króna og eiginfjárhlutfall
lækkaði úr 97% í 79% milli ára.
Greitt að hálfu með hlutum í
upplýsingatæknifyrirtækjum
Landsbankinn Fjárfesting hf.,
dótturfélag Landsbanka Íslands,
og ÍSHUG hafa gert með sér sam-
komulag um fjárfestingu Lands-
bankans Fjárfestingar í ÍSHUG
fyrir um 126 milljónir króna. Frá
þessu var greint í tilkynningu frá
félögunum í gær. Greiðsla Lands-
bankans Fjárfestingar verður með
tvennum hætti og að sögn Davíðs
Björnssonar, framkvæmdastjóra
félagsins, skiptist hún til helminga,
annars vegar með eignarhlutum í 7
upplýsingatæknifyrirtækjum, og
hins vegar með peningum.
Samningurinn er gerður með
fyrirvara um kostgæfnisathugun
og staðfestingu hluthafafundar ÍS-
HUG. Í tilkynningu félaganna seg-
ir að nánar verði greint frá skil-
málum samningsins síðar.
Samningurinn er gerður í kjölfar
sams konar samnings ÍSHUG við
Nýsköpunarsjóð atvinnulífsins,
sem kynntur var í desember.
Stjórnir Nýsköpunarsjóðs, Lands-
bankans Fjárfestingar og ÍSHUG
hafa nú staðfest viðkomandi samn-
inga og verða þeir kynntir á aðal-
fundi ÍSHUG, sem haldinn verður
1. mars.
Síðasta lokaverð hlutabréfa ÍS-
HUG á Verðbréfaþingi Íslands var
1,80, sem er 2,9% hærra en í árslok
2001. Gengið lækkaði um 77% frá
upphafi til loka árs 2001. Hæst hef-
ur gengi ÍSHUG verið 18,95, í apríl
2000.
Lands-
bankinn
kaupir í
ÍSHUG
ÍSHUG tapaði
1,6 milljörðum
króna í fyrra
SAMNINGAR milli Delta hf. og eiganda danska
samheitalyfjafyrirtækisins United Nordic
Pharma, UNP, um kaup fyrrnefnda félagsins á
hinu síðarnefnda eru á lokastigi, að því er fram
kemur í tilkynningu Delta til Verðbréfaþings í
gær. Samningurinn er gerður með fyrirvara um
niðurstöðu áreiðanleikakönnunar auk annarra
tæknilegra fyrirvara sem stefnt er að því að ljúka
fyrir lok marsmánaðar. Gert er ráð fyrir að Delta
muni greiða um 300 milljónir króna fyrir UNP,
auk helmings hagnaðar fyrir afskriftir í þrjú ár. Sú
viðbót verði þó að hámarki 417 milljónir króna. Í
tilkynningunni segir að UNP sé markaðsfyrirtæki
sem starfað hafi á dönskum lyfjamarkaði frá árinu
1990. Fyrirtækið hafi keypt lyf frá ýmsum fram-
leiðendum samheitalyfja, þar á meðal Delta, og
selji undir eigin merkjum til lyfjabúða. Það hafi
tryggt sér markaðsleyfi og sölu í Danmörku fyrir
fjölda nýrra samheitalyfja og gert sé ráð fyrir að í
ár muni það setja um 20 ný lyf á markað þar í landi.
Velta UNP var um 240 milljónir króna í fyrra og
áætlanir gera ráð fyrir að hún verði yfir 600 millj-
ónir króna í ár og að hagnaður verði yfir 100 millj-
ónir króna.
Hlutabréf í Delta hækkuðu í gær í 69 krónur,
eða um 4,5%, í 181 milljónar króna viðskiptum.
Frá áramótum hafa bréfin hækkað um 61%.
Delta hyggst kaupa danskt lyfjafyrirtæki
Hlutabréf félagsins
hafa hækkað um 61%
frá áramótum