Morgunblaðið - 09.02.2002, Síða 49

LEIÐRÉTT
Eignarhald
Bensínorkunnar
Vegna fréttar um sjálfsaf-
greiðslustöðvar olíufélaganna í
blaðinu í gær skal það leiðrétt að
Hagkaup og Bónus eiga ekki lengur
hlut í Bensínorkunni, ásamt Skelj-
ungi, heldur á fjárfestingarfélagið
Þor hf., sem er í eigu Hagkaupsfjöl-
skyldunnar, þriðjungshlut á móti ol-
íufélaginu. Beðist er velvirðingar á
þessum mistökum.
Rangt heimilisfang
Rangt heimilisfang var gefið upp
í frétt um vinnufundi hjá Vinstri
grænum í Kópavogi í blaðinu á
þriðjudag. Rétt er að fundirnir
verða í Þinghól.
Vilja Sundabraut
Missagt var í frétt blaðsins í gær
af umræðum í borgarstjórn um
Sundabraut að Reykjavíkurlistinn
hefði fallið frá kröfu um að ráðist
yrði í lagningu Sundabrautar. Hið
rétta er að meirihlutinn telur ekki
forsendur fyrir lagningu þess hluta
Sundabrautar sem liggja skal í Álfs-
nes fyrr en byggð á að rísa þar.
Eftir sem áður leggur meirihlutinn
áherslu á að tenging við Grafarvog
yfir Kleppsvík komi sem fyrst til
framkvæmda.
Þá skal áréttað vegna fréttar um
veggskreytingar í Árbæjarskóla að
fram kom á borgarstjórnarfundi að
borgarstjóri vissi ekki um að til
stæði að brjóta niður vegg með
listaverki Veturliða Gunnarssonar.
Ákvörðun um það hefði verið tekin
án hennar vitundar og án þess að
borgarráði hefði verið gert viðvart.
Biðst blaðið velvirðingar á þessu
ranghermi.
FRÉTTIR
MORGUNBLAÐIÐ LAUGARDAGUR 9. FEBRÚAR 2002 49
Kópavogsbúar!
Stuðningsmenn
Prófkjör
Sjálfstæðis-
manna er í dag
Kjósum Ásdísi í
2. sætið
Ásdís Ólafsdóttir
REKSTUR veitinga-
staðarins Si Señor
hófst fyrir skömmu og
á næstunni verður þar
opnaður sérstakur
salsabar.
„Þetta hefur gengið
mjög vel og viðtök-
urnar hafa verið fram-
ar öllum vonum,“ segir
Gunnar Kristjánsson,
sem á staðinn með Inga
Birni Albertssyni. Veit-
ingastaðurinn er í
Lækjargötu 10 í
Reykjavík og eru fyrst
og fremst réttir frá
Mexíkó á matseðlinum,
en auk þess eru sér-
stakir sælkeraréttir frá eyjum
Karíbahafsins. „Ég bjó í Miami á
Flórída í fimm ár, kynntist þess-
ari suðrænu sveiflu ágætlega og
við leggjum áherslu á að Si Señor
er suðrænn staður,“ segir Gunnar
og bætir við að reglulega sé skipt
um rétti.
Gunnar segir að innan skamms
verði sérstakur salsabar formlega
opnaður á staðnum, en fólk frá
Suður-Ameríku, búsett á Íslandi,
aðstoði við uppsetninguna og
framkvæmdina. „Hugmyndin er
að eftir mat á föstudögum og
laugardögum verði salsastemmn-
ing á staðnum,“ segir hann en Si
Señor er opnaður klukkan 18 á
daginn og er rými fyrir 80 til 90
manns í mat.
Suðræn
sveifla á
Si Señor
Ingi Björn Albertsson og Gunnar Kristjáns-
son, eigendur veitingastaðarins Si Señor við
Lækjargötu 10 í Reykjavík.
Morgunblaðið/Kristinn
STARFSMANNARÁÐ Landspít-
ala – háskólasjúkrahúss fagnar því
að ákvarðanir um framtíðarstað-
setningu og uppbyggingu spítalans
hafa verið teknar og þá framsýni
stjórnvalda sem þar kemur fram.
Mikilvægt er að framkvæmdir geti
hafist sem fyrst, segir í frétt
starfsmannaráðsins.
„Starfsmannaráð lýsir jafnframt
yfir áhyggjum af niðurskurði
stjórnvalda á fjárveitingum til
stofnunarinnar.
Fyrirsjáanlegt er að þessi nið-
urskurður mun leiða til samdrátt-
ar í starfsemi og minni þjónustu
við sjúklinga.
Niðurskurður fjárveitinga hlýt-
ur alltaf að vera stofnunum erfiður
en færa má rök fyrir því að slíkur
niðurskurður bitni sérstaklega á
Landspítala – háskólasjúkrahúsi
eins og á stendur. Eftir samein-
ingu sjúkrahúsanna í Reykjavík
hefur Landspítali – háskólasjúkra-
hús mikla sérstöðu. Hann er eina
stóra hátæknisjúkrahúsið og gegn-
ir nú enn veigameira hlutverki en
áður sem háskólasjúkrahús. Þetta
veldur auknu álagi á starfsfólk og
verður því að gera enn meri kröfur
til spítalans en fyrr um meðferð
sjúklinga og aðgæslu gagnvart
starfsfólki.
Starfsmannaráð Landspítala –
háskólasjúkrahúss vill því hvetja
stjórnvöld til að endurskoða fram-
komnar hugmyndir um niðurskurð
fjárveitinga til stofnunarinnar og
afstöðu sína til niðurskurðar,“ seg-
ir í fréttatilkynningu frá starfs-
mannaráðinu.
Áhyggjur starfsmannaráðs vegna fjárveitinga
Ákvörðun um stað-
setningu fagnað
Fagna
kínversku
nýári
KÍNAKLÚBBUR Unnar fagnar
kínversku nýári þriðjudaginn 12.
febrúar kl. 19 á Shanghæ, Lauga-
vegi 28.
Boðið verður upp á hátíðarmat,
skemmtidagskrá og litskyggnu-
sýningu frá Kína, m.a. frá þeim
stöðum sem farið verður til í
næstu tveim ferðurm Kínaklúbbs-
ins, þær verða farnar í maí og
september. Borðapantanir eru á
veitingahúsinu Shanghæ.
Samkvæmt almanaki Kínverja
hefst nýtt ár 12. febrúar, ár hests-
ins. Nýár Kínverja er hreyfanlegt,
það getur byrjað á tímabilinu 21.
janúar til 20. febrúar, fer eftir
gangi tunglsins, hefst alltaf við
annað nýtt tungl eftir vetrarsól-
hvörf.
Nýárið kalla Kínverjar líka
vorhátíð, sem er mesta hátíð Kína.
Í tilefni nýársins verður Unnur
Guðjónsdóttir með sýningu á
nokkrum kínverskum búningum,
frá síðasta keisaratímabili Kína, í
gluggum verslunar Sævars Karls í
Bankastræti. Sýningin hefst
þriðjudaginn 12. febrúar og stend-
ur út þá viku, segir í fréttatilkynn-
ingu.
Fundur um
evrópska
köttinn
KYNNINGARFUNDUR verður
haldinn á vegum Kynjakatta í dag,
laugardag, kl. 14–16 á skrifstofu fé-
lagsins í Dugguvogi 2. Fjallað verð-
ur um „evrópska köttinn“.
Það er markmið Kynjakatta að
efla þessa tegund íslenskra heim-
iliskatta. Á næstu sýningu félags-
ins, 23. og 24. febrúar, verður dæmt
í nýliðaflokki þar sem kettir verða
viðurkenndir sem „evrópskir kett-
ir“.
Nánari upplýsingar má fá í síma
og á heimasíðu Kynjakatta www.-
simnet.is/kynjakettir, segir í frétta-
tilkynningu.
Opnar
kosninga-
skrifstofu
Í TILEFNI af prófkjöri Samfylk-
ingarinnar vegna Reykjavíkurlist-
ans, sem fram fer 11.-17. þ.m.,
opnar Helgi Hjörvar, forseti borg-
arstjórnar, kosningaskrifstofu í
dag kl. 17.
Kosningaskrifstofan er til húsa í
Austurstræti 16, 2. hæð, gengið
inn frá Pósthússtræti, en prófkjör-
ið fer fram í Austurstræti 14.
Kosningaskrifstofan verður opin
virka daga frá kl. 16-19, en 12-19
um helgar. Við opnunina verður
boðið uppá veitingar, ávörp flutt,
upplestur og JFM annast djass-
fönkið. Þá verður opnaður vefur-
inn www.helgi.is. Allir eru vel-
komnir við opnunina, segir í
fréttatilkynningu.