Morgunblaðið - 15.02.2002, Blaðsíða 13

FRÉTTIR
MORGUNBLAÐIÐ FÖSTUDAGUR 15. FEBRÚAR 2002 13
GUNNSTEINN Sigurðsson, skóla-
stjóri Lindaskóla, sem náði þriðja
sæti í prófkjöri Sjálfstæðisflokksins í
Kópavogi, segist vonast eftir að Bragi
Michaelsson sætti sig við niðurstöður
prófkjörsins. Bragi lenti í 6. sæti og
hefur sagt að hann sé að íhuga að
bjóða fram sérstakan lista fyrir kosn-
ingarnar í vor.
Gunnsteinn var í 6. sæti framboðs-
lista Sjálfstæðisflokksins í síðustu
kosningum, en náði nú 3. sæti. Hann
sagðist afar ánægður með niðurstöðu
prófkjörsins. „Ég lagði mig mikið
fram í þessari kosningabaráttu ásamt
mjög góðum stuðningsmönnum og
árangurinn varð þessi. Ég vil þakka
stuðningsmönnum mínum kærlega
fyrir stuðninginn.“
Gunnsteinn sagðist vona að ekki
kæmi til þess að Bragi færi í sérfram-
boð. „Ég þekki Braga mjög vel. Hann
hefur unnið mjög lengi og vel fyrir
bæjarfélagið. Ég vona svo sannarlega
að hann virði niðurstöðu prófkjörsins
og vinni með okkur í framhaldinu.
Það er þannig í þessum prófkjörum
að það eru ekki allir sem ná því sem
þeir ætla sér. Ég var í þeirri stöðu
fyrir fjórum árum. Það skildi að 21 at-
kvæði á sjötta sætinu, sem ég lenti í,
og fjórða sætinu. Ég sætti mig við
niðurstöðuna þá og vann af fullum
heilindum allt þetta kjörtímabil. Ég
vona og trúi ekki öðru að niðurstaðan
verði sú því að ég þekki Braga af góðu
einu,“ sagði Gunnsteinn.
Vona að
Bragi sætti
sig við nið-
urstöðuna
Gunnsteinn Sigurðsson
ALLS hefur tæpum 339 milljónum
króna verið veitt í landshlutabundin
skógræktarverkefni frá árinu 1998
en lög um landshlutabundin skóg-
ræktarverkefni voru samþykkt frá
Alþingi vorið 1999. Þetta kemur
fram í svari landbúnaðarráðherra
við fyrirspurn Sigríðar Jóhannes-
dóttur alþingismanns um lands-
hlutabundin skógræktarverkefni og
Suðurlandsskóga.
Suðurlandsskógar hafa fengið
framlög síðustu fjögur árin að upp-
hæð 165 milljónir króna. Norður-
landsskógar hafa fengið 75 milljónir
á síðustu tveimur árum og Skjól-
skógar á Vestfjörðum 47 milljónir og
Vesturlandsskógar 51 milljón á sama
tíma. Austurlandsskógar fengu 10
milljónir í fyrra og samtals gera
þetta 338,7 milljónir króna.
Tæpar 339
milljónir í
landshluta-
bundin skóg-
ræktarverkefni
♦ ♦ ♦