Morgunblaðið - 27.02.2002, Blaðsíða 11

FRÉTTIR
MORGUNBLAÐIÐ MIÐVIKUDAGUR 27. FEBRÚAR 2002 11
Dæmi um
hvað vítamín
og steinefni
gera fyrir þig
ANDERS Flodstrom, rektor
Tækniháskólans í Stokkhólmi í
Svíþjóð, segir að svo geti farið að
vetni verði notað á flutningabíla í
Svíþjóð innan fimm ára.
Anders Flodstrom kom til
landsins í tengslum við ráðstefnu
um vetni og efnarafala en við það
tækifæri var undirritaður sam-
starfssamningur milli Háskóla Ís-
lands og Tækniháskólans í Stokk-
hólmi varðandi nemendaskipti í
framhaldsnámi í námi sem tengist
orku. Samningurinn tekur bæði til
verkfræði- og raunvísindadeildar
og eykur hæfni HÍ til að vera með
menntun á þessu sviði, að sögn
Sveins Ólafssonar, sérfræðings
hjá Raunvísindastofnun, en 10 til
15 Íslendingar starfa við
Tækniháskólann í Stokkhólmi.
Svíar leggja mikla fjármuni í
rannsóknir á orkugjöfum í þeim
tilgangi að losna við orku frá
kjarnorkuverum. Anders Flodst-
rom segir að vetnisrannsóknir séu
mikilvægar í þessu sambandi og
sé einkum horft til almennings-
samgöngutækja að þessu leyti,
vöruflutningabíla, áætlana-
bifreiða og báta, en aðrar rann-
sóknir varðandi orkumál séu líka
í gangi. Hann segir að hugmyndir
Íslendinga um vetni sem orku-
gjafa í flutningatækjum séu mjög
áhugaverðar, ekki síst í skipaflot-
anum, auk þess sem hugsanlegri
breytingu geti fylgt hagkvæmni
og náttúruvernd.
Anders Flodstrom segir að fyrir
um þremur árum hafi verið um-
ræða um orkumál í Svíþjóð og þá
hafi framleiðendur flutningabíla
sagt að vetni yrði ekki notað á
slíka bíla næstu 10 til 20 árin. Því
væri betra að þróa dísilvélar en
nú væri svo komið að valið stæði
líka um vetni sem orkugjafa í
þessa bíla og gera mætti því
skóna að notkun þess yrði að
veruleika innan fimm ára. Fyrst
og fremst í flutningatækjum, þ.e.
bílum, bátum og ferjum, og síðar í
einkabílum.
Að sögn Anders Flodstrom eiga
vísindamenn miklar rannsóknir
fyrir höndum á þessu sviði. Til
dæmis þurfi að finna út hvernig
best sé að geyma vetnið og hvort
mismunandi tæki þurfi mismun-
andi geymsluaðferðir, hvort
geymslan verði með öðrum hætti í
bílum en í skipum og svo fram-
vegis. Margar lausnir eigi eftir að
koma fram á sjónarsviðið og tíma
taki til að finna réttu lausnina,
verði aðeins um eina rétta lausn
að ræða.
Vetni á flutningabíla
innan skamms
Morgunblaðið/Sverrir
Anders Flodstrom og Sveinn Ólafsson.
MAGNÚS Stefánsson, annar tveggja
fulltrúa Framsóknarflokksins í stjórn
Landssímans, segist geta fallist á
réttmæti þeirrar gagnrýni sem fram
hefur komið á að Friðrik Pálsson,
stjórnarformaður Símans, sat stjórn-
arfund í síðustu viku þar sem fjallað
var um greiðslur til fyrirtækis hans
vegna ráðgjafarstarfa.
Magnúsi þykir sér einnig misboðið
í því að stjórnin var hvorki upplýst um
samkomulag samgönguráðherra og
Friðriks um þessar greiðslur né um
fimm ára ráðningarsamning sem
gerður var við Þórarin V. Þórarins-
son, fyrrverandi forstjóra, á sínum
tíma.
„Auðvitað var mér misboðið í báð-
um þessum tilvikum að stjórnin væri
ekki upplýst um þessi mál. Það var
óeðlilegt í báðum tilfellum,“ segir
hann.
Ætlar að hætta í stjórn
Símans á næsta aðalfundi
Magnús hefur ákveðið að gefa ekki
kost á sér til áframhaldandi setu í
stjórninni á næsta aðalfundi Lands-
símans. Hann segist ekki telja það
samrýmast störfum sínum sem al-
þingismanns að sitja í stjórn Símans.
Gert er ráð fyrir að aðalfundurinn
verði haldinn í næsta mánuði. Magn-
ús hefur setið í stjórn Símans frá
1997. Hann gegndi ekki þingmennsku
þegar hann var síðast kjörinn í stjórn-
ina á síðasta ári en tók sæti á Alþingi
sl. vor.
Segist hann fljótlega hafa komist
að þeirri niðurstöðu að það væri ekki
fyllilega samrýmanlegt að vera þing-
maður og sitja í stjórn þessa fyrirtæk-
is, sérstaklega á tímum mikilla breyt-
inga sem kölluðu á mikla pólitíska
umræðu. „Mér fannst mjög óþægilegt
að vera í þessari stöðu og tók þá
ákvörðun að víkja úr stjórninni við
fyrsta tækifæri. Ég mun því ekki gefa
kost á mér á næsta aðalfundi til
áframhaldandi stjórnarsetu ef farið
verður fram á það,“ segir hann.
Spurður hvort hann sé enn þeirrar
skoðunar að stjórn Símans hafi staðið
rétt að málum þegar fjallað var um
greiðslur til fyrirtækis Friðriks Páls-
sonar vegna ráðgjafarstarfa á stjórn-
arfundi 18. febrúar sl. segist Magnús
geta fallist á að gagnrýni á að Friðrik
Pálsson hafi setið umræddan stjórn-
arfund sé réttmæt: „Menn hafa gagn-
rýnt að við höfum kannski verið of
fljót á okkur.
Gagnrýnt hefur verið að Friðrik
hafi setið fundinn og út af fyrir sig tek
ég þeirri gagnrýni. Mér finnst það
ekki hafið yfir gagnrýni. En það var
okkar mat á þeim tíma að ljúka mál-
inu eins og við gerðum,“ segir hann.
Magnús Stefánsson gagnrýnir að
Friðrik Pálsson sat stjórnarfund
Misbauð að stjórn-
in var ekki upp-
lýst um samninga