Morgunblaðið - 27.02.2002, Blaðsíða 32

MINNINGAR
32 MIÐVIKUDAGUR 27. FEBRÚAR 2002 MORGUNBLAÐIÐ
BJÖRN Þorfinnsson sigraði á
Meistaramóti Taflfélagsins Hellis
2002 sem lauk á mánudaginn og
varð jafnframt skákmeistari Hellis
í fjórða sinn eftir harða keppni við
Þorvarð Fannar Ólafsson. Áður
hefur Björn orðið meistari félagins
1997-99. Björn lagði Sigurð Daða
Sigfússon í lokaumferðinni og
hlaut 6 vinninga í 7 skákum, en
Þorvarður tapaði fyrir Braga Þor-
finnssyni. Þrátt fyrir að þetta sé í
fjórða sinn sem Björn verður
skákmeistari Hellis er þetta í
fyrsta sinn sem hann sigrar á
meistaramótinu. Helstu úrslit í
lokaumferðinni:
Bragi Þorf.s. - Þorvarður F. Ólafss.1-0
Sigurður D. Sigfúss. - Björn Þorfinnss.0-1
Björn Þorsteinss. - Jón Á. Halldórss. 0-1
Gunnar Björnss. - Leifur I. Vilmun.s. 1-0
Lokastaðan á mótinu varð þessi:
1. Björn Þorfinnsson 6 v.
2.-3. Bragi Þorfinnsson, Jón
Árni Halldórsson 5½ v.
4.-5. Þorvarður F. Ólafsson,
Gunnar Björnsson 5 v.
6.-10. Björn Þorsteinsson, Sig-
urður Daði Sigfússon, Hall-
dór Garðarsson, Páll Sig-
urðsson, Halldór Pálsson
4½ v.
11.-14. Rafn Jónsson, Leifur I. Vil-
mundarson, Kjartan Thor
Wikfeldt, Valdimar Leifs-
son 4 v.
15.-21. Óskar Haraldsson, Sigur-
jón Haraldsson, Arnar Ing-
ólfsson, Aldís Rún Lárus-
dóttir, Ben Liese, Anna
Björg Þorgrímsdóttir, Arn-
ar Sigurðsson 3½ v.
22.-25. Haraldur
Magnússon,
Gylfi Davíðs-
son, Kristján
Þór Sverris-
son, Örn Stef-
ánsson 3 v.
o.s.frv.
Alls tóku 36 skák-
menn þátt í mótinu.
Fjöldi aukaverð-
launa var veittur.
Björn Þorfinnsson
fékk aukaverðlaun
sem Skákmeistari
Hellis. Aldís Rún
Lárusdóttir hlaut
kvennaverðlaun
mótsins. Bestum ár-
angri undir 2.000 stigum náði
Halldór Garðarsson. Páll Sigurðs-
son náði bestum árangri undir
1.800 stigum, Valdimar Leifsson
undir 1.600 stigum og Ben Liese í
flokki stigalausra. Unglingaverð-
laun fengu Arnar Sigurðsson,
Gylfi Davíðsson og Örn Stefáns-
son. Stúlknaverðlaun komu í hlut
þeirra Margrétar Jónu Gestsdótt-
ur, Hallgerðar Helgu Þorsteins-
dóttur og Elsu Maríu Þorfinns-
dóttur.
Kasparov og Ponom-
ariov í Linares
Linares-skákmótið er nú haldið
í 19. sinn og sem fyrr taka margir
sterkustu skákmanna heims þátt í
mótinu sem er í 20. styrkleika-
flokki. Keppendur
eru sjö, þannig að
einn situr yfir í hverri
umferð og því er erf-
iðara að átta sig á
stöðunni en ella. At-
hyglin beinist ekki
síst að hinum nýbak-
aða heimsmeistara
FIDE, Ruslan Pon-
omariov, sem tekur
þátt í sínu fyrsta móti
eftir að vera krýndur
heimsmeistari. Í
fyrstu umferð vildi
þannig til að hann
mætti andstæðingi
sínum úr heimsmeist-
araeinvíginu, Vassily
Ivanchuk. Ponomariov sýndi að
það var ekki eingöngu hinn stutti
umhugsunartími sem réð úrslitum
í einvígi þeirra, því nú þegar um-
hugsunartíminn var mun rýmri
sigraði hann Ivanchuk enn á ný.
Ponomariov náði þó ekki að fylgja
þessari góðu byrjun eftir, því í
annarri umferð tapaði hann sinni
fyrstu skák sem heimsmeistari
gegn enska stórmeistaranum
Michael Adams.
Kasparov fer nokkuð rólega af
stað á mótinu og varð að sætta sig
við jafntefli gegn stigalægsta þátt-
takandanum í mótinu, hinum 19
ára gamla Paco Vallejo (2.630), í
fyrstu umferð mótsins. Þegar
frammistaða Vallejo er skoðuð eft-
ir þrjár umferðir kemur reyndar í
ljós að hann er ekki auðveld bráð,
því auk jafnteflisins við Kasparov
hefur hann einnig gert jafntefli við
þá Anand og Ivanchuk.
Linares-mótið spannar að þessu
sinni allan aldursskalann meðal 20
sterkustu skákmanna heims, fyrir
utan Anatoly Karpov sem er lang-
elstur á þeim lista. Hann er nú 51
árs, en næstelstur er sjálfur Kasp-
arov sem er 39 ára. Enginn annar
skákmaður í heiminum milli 39 og
51 árs er í efstu 20 sætum heims-
listans. Þeir hafa því sérstöðu
þarna eins og víðar þessi tvö of-
urmenni skáksögunnar.
Vegna aldursbilsins sem Lin-
ares-mótið spannar að þessu sinni
má líta á það sem viðureign eldri
kynslóðarinnar og þeirrar yngri.
Elstu skákmennirnir í hópnum,
þeir Kasparov, Anand og Ivanch-
uk eru allir fæddir 1960-70 en
menn framtíðarinnar, þeir Vallejo
og Ponomariov, eru fæddir 1982
og 1983. Það verður fróðlegt að
fylgjast með hvernig barátta kyn-
slóðanna fer á mótinu.
Staðan eftir þrjár umferðir er
þessi:
1. Michael Adams 1½ v. af 2
2.-4. Anand, Shirov, Vallejo 1½ v.
af 3
5.-6. Ponomariov, Kasparov 1 v. af
2
7. Ivanchuk 1 v. af 3
Fjórða umferð mótsins var tefld
í gær, en í dag er frídagur á
mótinu. Margir bíða spenntir eftir
sjöttu umferð mótsins (1. mars),
en þá mætast þeir Ponomariov og
Kasparov.
Fjórir efstir í Cannes
Dagana 22. febrúar til 3. mars
fer fram skákmót í 18. styrkleika-
flokki í Cannes í Frakklandi. Með-
al keppenda eru Alexander Mor-
ozevich, fimmti stigahæsti skák-
maður heims, og Evgeny Bareev,
sem er í 14. sæti á FIDE-listanum
og náði nýlega sínum glæsilegasta
árangri á skákferlinum þegar
hann sigraði á Corus-mótinu í
Wijk aan Zee í síðasta mánuði.
Kasparov átti einnig að taka þátt í
því móti, en hætti við á síðustu
stundu og bar fyrir sig vírussýk-
ingu. Þegar Nigel Short var hér á
landi vegna einvígisins við Hannes
Hlífar hló hann að þessari skýr-
ingu Kasparovs og svipað gerir
skákpistlahöfundurinn John
Henderson sem telur að hafi ein-
hver vírus herjað á Kasparov þá
hafi hann verið í tölvunni hans.
Auk þeirra Morozevich og Bar-
eev má nefna Anatoly Karpov sem
hefur farið ágætlega af stað á
mótinu og er í hópi þeirra fjögurra
sem efstir eru eftir fjórar umferðir
með 2½ vinning. Það sama verður
ekki sagt um Morozevich sem er
neðstur með hálfan vinning. Röðin
er þessi þegar fjórum umferðum
er lokið:
1.-4. Bareev (2.707), Karpov
(2.693), Gelfand (2.708),
Fressinet (2.591) FRA 2½ v.
5.-8. Topalov (2.739), Lautier
(2.687), Bacrot (2.649), Leko
(2.713) 2 v.
9. Nataf (2.546) FRA 1 v.
10. Morozevich (2.742) ½ v.
SKÁK
Hellisheimilið
MEISTARAMÓT HELLIS
11.–25.2. 2002
Daði Örn Jónsson
Bragi Kristjánsson
Björn Þorfinnsson sigr-
aði á Meistaramóti Hellis
Björn
Þorfinnsson
✝ Bragi Óskarssonfæddist á Ísafirði
11. janúar 1951.
Hann lést af slysför-
um 18. febrúar síð-
astliðinn. Hann var
sonur hjónanna Val-
gerðar Hönnu Jó-
hannsdóttur vita-
varðar, f. 29.1. 1922,
og Óskars Aðalsteins
Guðjónssonar, rit-
höfundar og vita-
varðar, f. 1.5. 1919,
d. 1.7. 1994. Bræður
Braga eru Flosi, f.
30.12. 1946, og Gylfi,
5.6. 1948, kvæntur Sigríði Kon-
ráðsdóttur.
Systur Braga, samfeðra, eru
Sigríður Ósk, f. 23.10. 1940, gift
Hermanni Sigfússyni og Halldóra
Björt, f. 21.9.1943, gift Guðmundi
Jónssyni. Bragi var ókvæntur og
barnlaus.
Bragi flutti þriggja ára gamall
með foreldrum sínum frá Ísafirði
í Galtarvita og ólst
þar upp. Hann
stundaði nám við
Menntaskólann í
Reykjavík og lauk
stúdentsprófi frá
Menntaskólanum
við Hamrahlíð. Sam-
hliða menntaskóla-
náminu lauk hann
námi í píanó- og gít-
arleik við Tónlistar-
skólann í Reykjavík.
Bragi stundaði nám
í fjölmiðlun í Há-
skóla Íslands og í
Árósum í Dan-
mörku. Hann var blaðamaður á
Morgunblaðinu í 12 ár en kenndi
síðan, m.a. á Raufarhöfn og á
Birkimel á Barðaströnd. Einnig
starfaði hann við ferðaþjónustu
og síðustu misseri hjá Hagvögn-
um hf.
Útför Braga fer fram frá Graf-
arvogskirkju í dag og hefst at-
höfnin klukkan 13.30.
Mig langar að minnast Braga Ósk-
arssonar frænda míns og æskuvinar
með örfáum orðum. Þegar lífshlaup
manns er truflað á jafn sviplegan
hátt og hér varð á raunin, duga skyn-
samlegar vangaveltur okkar sem hjá
stöndum skammt. En við reynum
það samt og ég læt hugann reika
nokkra áratugi til baka, lengst vestur
á Vestfirði. Þar dvaldi ég nokkur
bestu sumur lífs míns og leikfélagi
minn og vinur var ljóshærður hraust-
ur strákur sem gat frætt ungan
Reykvíking um það sem fyrir augu
bar í Keflavík vestur, með útsýni
beint út á Halamið.
Hann kenndi mér að ríða berbakt
án þess að nota beisli og að stikla á
steinum án þess að blotna í fæturna.
Við rerum út í hafsauga og drógum
þorsk sem fékk að síga í hjallinum og
einn daginn birtist Bragi með kaðal
sem við bundum í handriðið á heið-
gulum Galtarvitanum með tveim
rauðum röndum á hverri hlið. Við
fundum upp nýja útgáfu af sprangi,
urðum afburðamenn í faginu og þeg-
ar vestfirska sumarblíðan ætlaði að
steikja okkur, stakk Bragi upp á að
við skyldum klæða af okkur hitann
og vísaði í gamlan fróðleik. Þrátt fyr-
ir vandaðar Gefjunarúlpur í fullorð-
insstærðum misheppnaðist tilraunin
og löðursveittir máttum við lýsa okk-
ur sigraða.
Bragi var nýsköpunarsinnaður
hugvitsmaður eins og þeir Galtar-
vitabræður allir og átti heiðurinn af
tímamótafarartæki sem við byggðum
úr gamalli hestkerru og þutum í
liggjandi á bakinu með fæturna í
villtu hlaupi afturábak. Það er erfitt
að lýsa því svo skiljist en er jafn-
merkilegt samt.
Það verður seint sagt að Galtarviti
liggi í þjóðbraut, en heimili Óskars
afabróður míns og Hönnu og sona
þeirra þriggja, Flosa, Gylfa og
Braga, var athafna- og menningar-
heimili með einhverjum besta bóka-
skáp sem ég hef komist í tæri við.
Bragi var búinn að lesa hann þveran
og endilangan og manaði mig óspart
til að reyna að ná sér, rétt eins og
hann gerði þegar við bárum sements-
pokana upp úr fjörunni. Ég gæti
haldið áfram lengi en læt mér nægja
að rifja upp með sjálfum mér öll þau
uppátæki okkar frænda sem dagarn-
ir og sumur æsku okkar entust varla
til að koma í verk.
Ég færi Braga frænda mínum
hjartans þakkir fyrir þessa löngu
liðnu samveru, sem hefur fylgt mér
allar götur síðan. Hönnu, Flosa og
Gylfa sendi ég samúðarkveðjur og
bið Guð að blessa minningu góðs
drengs.
Valgeir Guðjónsson.
Mánudaginn 18. febrúar bárust
þær hörmulegu fréttir að Bragi hefði
fundist látinn. Það sló þögn á okkur
samstarfsfólkið hjá Hagvögnum.
Ótal spurningar vakna. Af hverju
gerist svona lagað? Af hverju Bragi?
Hann sem gerði engum mein. Sak-
laus maður á leið heim úr vinnu verð-
ur fórnarlamb aðstæðna.
Bragi hafði starfað hjá okkur
nokkur undanfarin ár og var hann
einn okkar traustustu starfsmanna.
Alltaf mátti reiða sig á hann og ef við
vorum í vandræðum með aukavaktir
var það oftar en ekki Bragi sem
bjargaði því. Hann var hæglátur
maður, sem ávann sér traust vinnu-
veitenda sinna og samstarfsfélaga.
Um leið og við þökkum Braga
samfylgdina viljum við enda á nokkr-
um orðum úr Hávamálum.
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
Við vottum móður hans, Valgerði,
bræðrunum Gylfa og Flosa ásamt
öðrum ættingjum og vinum okkar
dýpstu samúð. Megi minningin um
góðan dreng lifa í hjarta okkar og
létta stundirnar á þessum erfiðu tím-
um.
Fyrir hönd Hagvagna hf.,
Hrafn Antonsson
og Guðrún Gísladóttir.
Það var hringt í mig seinniparts
18. febrúar og var þá Hrafn Antons-
son, yfirmaður minn, í símanum að
segja mér að vinnufélagi minn til
þriggja ára, Bragi Óskarsson, hafi
látist um nóttina, rétt eftir að vinnu
lauk hjá okkur kvöldið áður. Þegar
ég heyrði þetta brá mér mikið meðal
annars vegna þess að ég var búinn að
heyra í fréttunum um atburðinn sem
gerðist á Víðimel. Kvöldið áður vor-
um við saman á vakt og aldrei bjóst
ég við því að sú vakt ætti eftir að
verða okkar síðasta saman.
Kynni mín af Braga voru alla tíð
góð, hann var ætíð rólyndur og átti
mjög gott með að koma manni í gott
skap með stuttum en laggóðum setn-
ingum. Það voru ófá málin sem við
ræddum saman, bókmenntir skipuðu
þar stóran sess; ég var alltaf með bók
með mér á vaktinni og las. Hann var
alltaf með eitthvert lesefni með sér
og var það frá tölvubókum uppí bók-
menntir. Enda fór oft mikill tími í að
spjalla um bókmenntir af ýmstu tagi.
Oftast eftir vakt voru við samferða í
strætó uppí Grafarvog en þar var
Bragi að heimsækja Valgerði móður
sína, en það gerði hann oft eftir vakt.
Ég vil að lokum votta systkinum
Braga og móður hans mína dýpstu
samúð. Minning hans mun lifa í
hjarta okkar allra.
Gísli Reynisson.
Gömlum samstarfsmönnum Braga
Óskarssonar á ritstjórn Morgun-
blaðsins hnykkti illilega við ótíðindin
18. febrúar sl., þegar það spurðist að
hann hefði fallið fyrir morðingja
hendi. Þótt blaðamenn séu sjóaðir í
meðferð válegra tíðinda bregður
þeim jafn illa og öðrum, þegar nærri
þeim sjálfum er hoggið.
Bragi hóf störf á ritstjórn Morg-
unblaðsins við Aðalstræti í sumar-
byrjun 1980 og lét þar af störfum í
lok ársins 1993, árið, sem blaðið flutti
úr miðbænum í nýbyggingu sína í
Kringlunni 1.
Starf Braga við blaðamennsku var
fjölbreytt, því hann vann bæði við
skrif innlendra sem erlendra frétta,
annaðist ýmsa fasta þætti og síðar
greinarskrif. Öll sín verk vann hann
af samvizkusemi og jós af þeim
menningarbrunni, sem hann ólst upp
við hjá rithöfundinum föður sínum í
Galtarvita.
Bragi var einstaklega ljúfur í sam-
vinnu og samskiptum og samstarfs-
menn hans á Morgunblaðinu minnast
hans með söknuði og senda móður
hans, systkinum og öðrum ástvinum
samúðarkveðjur við óvænt fráfall
hans.
Björn Jóhannsson.
BRAGI
ÓSKARSSON
INNLENT
MANNELDISFÉLAG Íslands boð-
ar til málþings um mataræði og
hreyfingu fimmtudaginn 28. febrúar
kl. 20.30 í stofu 101 í Odda, Háskóla
Íslands.
Fyrirlesarar eru: Helga Sigurðar-
dóttir, næringarfræðingur, Alfons
Ramel, næringarfræðingur (flytur
fyrirlestur sinn á ensku). Fundar-
stjóri er Sölvi Fannar Viðarsson
einkaþjálfari.
Aðgangur er ókeypis og öllum op-
inn, segir í fréttatilkynningu.
Stjórn Manneldisfélags Íslands.
Málþing um matar-
æði og hreyfingu
KONUR sem hafa fengið eggja-
stokkakrabbamein ætla að hittast í
húsi Krabbameinsfélagsins í Skóg-
arhlíð 8 í Reykjavík í dag, miðviku-
daginn 27. febrúar, kl. 17. Anna Sal-
varsdóttir læknir, sérfræðingur í
kvenlækningum og kvenkrabba-
meinslækningum, kemur á fundinn.
Stefnt er að því að slíkir rabbfund-
ir verði síðasta miðvikudag í hverj-
um mánuði. Allar konur sem hafa
fengið eggjastokkakrabbamein eru
velkomnar á fundinn, segir í frétta-
tilkynningu.
Rabbfundur
um eggjastokka-
krabbamein
VINALÍNA Reykjavíkurdeildar
Rauða krossins heldur kynningar-
fund um sjálfboðastarf í Sjálfboða-
miðstöð á Hverfisgötu 105, fimmtu-
daginn 28. febrúar kl. 20.
Hjá Rauða krossinum koma sjálf-
boðaliðar að margskonar verkefn-
um. Sum eru í gangi árið um kring
og önnur standa yfir í skamman
tíma, frá nokkrum tímum upp í
nokkrar vikur. Að jafnaði er miðað
við um 6–10 tíma sjálfboðið starf á
mánuði í föstum verkefnum, oft 2–3
tímar í senn, segir í fréttatilkynn-
ingu.
Kynningarfundur
um sjálfboðastarf
Vinalínu RK