Morgunblaðið - 27.02.2002, Blaðsíða 22

SKÓLAMÁL
22 MIÐVIKUDAGUR 27. FEBRÚAR 2002 MORGUNBLAÐIÐ
ÞAÐ sem einkennir Áslandsskóla
er er ræktun hins góða í fari nem-
endanna. Hvarvetna í skólastarf-
inu er komið inn á siðferðileg
gildi og í hverjum mánuði er vak-
in athygli nemenda á sérstakri
dyggð, eins og t.d. gildi heið-
arleika og góðsemi. Á morgnana
safnast nemendur og kennarar
saman í sal skólans í 20 mínútur.
Börnin byrja á því að kveikja á
kertum og leikin er falleg tónlist í
hljómtækjum skólans. Þar er and-
inn síðan efldur með lífsleikni og
farið er með skólaheit um að
fylgja góðum siðum. Eldri nem-
endur og yngri eiga þar um leið
stutta samveru stund áður en
námið hefst.
„Ég hef alltaf lagt mesta
áherslu á í skólastarfi að börn-
unum líði vel og þau séu ánægð.
Það er grunnurinn að því að þau
þroskist og læri,“ segir Áslaug
Brynjólfsdóttir, fyrrverandi
fræðslustjóri, sem nú er skóla-
stjóri Áslandsskóla. Rætt var við
hana og kennarana Þórunni
Helgadóttur og Helgu Helgadótt-
ur, í tilefni af því að langt er liðið
á fyrsta starfsár skólans.
Stuttmynd um Mósambik
Áslandsskóli er heilsdagsskóli.
Þar er boðið upp á heitan mat í
hádeginu sem er matreiddur á
staðnum, en að loknum skóladegi
er nemendum boðið upp á fjöl-
þætta dagskrá, sem 128 af 130
nemendum skólans hafa kosið að
taka þátt í. Annars vegar er um
að ræða tómstundastarf eins og
dans, leiklist, kvikmyndagerð og
myndmennt. Hins vegar eru bók-
legir námsþættir, svo sem heima-
námsaðstoð og íslenska, stærð-
fræði og tungumál.
Innræting siðferðisgilda
á undanhaldi
Þórunn er leiklistarleiðbeinandi
og vinnur nú með nemendum að
gerð leikrita og kvikmynda. Tíu
ára bekknum sem hún kennir
skiptir hún upp í þrjá átta nem-
enda hópa og hver hópur er að
gera stuttmynd. Fyrsta myndin,
Um heiðarleikann, hefur þegar
verið sýnd í skólanum og nú vinn-
ur annar hópurinn að gerð stutt-
myndar um Mósambik. 12 ára
bekkurinn hefur verið að gera
stuttar auglýsingar þar sem flétt-
að er inn í frásögnina siðferð-
isgildum, sem eins og áður hefur
komið fram er jafnan stór þáttur í
allri kennslu. Hún segir að skólinn
sé afar vel búinn tækjum og áhugi
nemenda er mikill.
Skólinn byggir á hugmynda-
fræði samtakanna „Global Council
for Education“ og voru Íslensku
menntasamtökin stofnuð í anda
þeirra samtaka.
Áslaug hafði kynnst skóla af
þessum tagi á Indlandi og heillast
af hugmyndafræðinni. Hún gerðist
ráðgjafi við Áslandsskóla í
tengslum við foreldrasamstarf.
Málin æxluðust þó þannig að Ás-
laug tók við skólastjórastarfinu í
haust.
„Þjóðfélagið hefur breyst svo
mikið og innræting á heimilum
um góða siði og það að vera góð
manneskja, hefur kannski verið á
undanhaldi. Auðvitað eru margir
góðir foreldrar sem innræta börn-
um sínum dyggðir en staðan er
breytt í þjóðfélaginu, fáir á heim-
ilunum og vinnan mikil. Þess
vegna þarf skólinn að leggja meiri
áherslu á þennan þátt,“ segir Ás-
laug um hugmyndafræði skólans.
Blandaðir árgangar
Áslandsskóli er nýr skóli. Síðast
liðið haust var þetta aðeins tóm
og mannlaus bygging og því eðli-
legt að starfið þar sé þar sé enn
að mótast. Nemendur eru 130 tals-
ins í 1.–7. bekk, 6–12 ára gömul,
en reiknað er með að nemendur
verði um 500 talsins þegar hverfið
er fullbyggt. Næsta vetur bætist
við 8. bekkur og 9. og 10. bekkur
síðar. Þó hófu, að sögn Áslaugar,
fleiri nemendur nám sl. haust en
búist hafði verið við. Skólinn er í
nýju hverfi sem er að byggjast
upp og því eru ekki allar fjöl-
skyldur barnanna enn fluttar í
hverfið. Það leggur skólanum
aukna ábyrgð á herðar, til dæmis
varðandi það að halda börnunum í
skólanum. Það er til dæmis ekki
inni í myndinni að senda börnin
heim þótt kennari sé veikur.
Í bekkjunum eru blandaðir ár-
gangar og ekki er flokkað í bekki
eftir getu. Áslaug segir að þetta
byggist á því að þroski barna sé
mismunandi og ekki háður aldri
eingöngu. Einnig venjast börnin
því að umgangast aðra en ein-
göngu jafnaldra sína, líkt og ger-
ist í systkinahópi eða bara úti í
þjóðfélaginu. Þau þurfi að venjast
því að vera jafnt með yngri og
eldri börnum. Þó er í mesta lagi
eins árs munur á nemendunum í
hverjum bekk.
Hún segir að reynt sé að efla
sem mest einstaklingsbundið nám,
þ.e. að kennarar sinni meira ein-
staklingun um og finni út hæfi-
leika hvers og eins á hinum ýmsu
sviðum. Eftir hádegi er nám í
stærðfræði og íslensku og nem-
endum er þá skipt upp í hópa eftir
getu.
„Ljóst er að það reynir mjög á
kennara og starfslið að skapa nýj-
an skóla með nýrri hugmynda-
fræði,“ segir Áslaug. „Kennarar
hafa mismunandi reynslu og nálg-
ast viðfangsefnið á mismunandi
hátt. En þrátt fyrir ýmsa byrj-
unarörðugleika hefur kennurum
tekist að vinna frábært starf, sem
hefur skilað sér í ánægðum og
glöðum börnum og í jákvæðum
foreldrum. Nú er nýlokið foreldra-
viðtölum í annað skipti á vetrinum
og við erum stolt og ánægð með
útkomu þeirra,“ segir Áslaug.
Helga Helgadóttir útskrifaðist
úr Kennaraháskólanum vorið 2000
og er að kenna í fyrsta sinn.
„Þetta er spennandi verkefni. Það
er mikið að gera og ég fæ að ráða
mér dálítið sjálf og get nýtt mér
margar góðar hugmyndir sem ég
fékk í Kennaraháskólanum,“ segir
Helga.
Hún segir að það sé jafnframt
krefjandi fyrir kennarann þegar
árgöngum er blandað saman í
bekki. „Það getur valdið því að
námsefnið þurfi að spanna vítt
svið. Við höfum þá stefnu að hver
og einn fái að vinna á sínum
hraða og þetta gerir óneitanlega
meiri kröfur til kennara,“ segir
Helga.
Áslaug kveðst ánægð með
skólastarfið það sem af er og svo
virðist sem nemendur og for-
eldrar þeirra séu það einnig, ef
marka má niðurstöðu í skriflegri
foreldrakönnun sem skólinn gerði
um síðustu jól. Ánægja foreldra
virðist vera mikil því 96% þeirra
merktu við mjög gott, ágætt eða
gott og aðeins um 4% að meðaltali
gáfu einkunnina sæmilegt.
Bestu meðaltölin voru fyrir
þroska og dyggðir en verst var
niðurstaðan fyrir heimavinnu. Ás-
laug nefnir sem dæmi um þann
góða anda sem ríkir meðal
barnanna í skólanum að svo virð-
ist sem einelti eigi sér ekki stað.
„Þessi vetur hefur verið krefj-
andi og vissulega höfum við þurft
að takast á við byrjunarörð-
ugleika, en hér hefur verið unnið
frábært starf, sem leggur góðan
grunn að framtíðinni,“ segir Ás-
laug Brynjólfsdóttir að lokum.
Gildi þess að vera
góð manneskja
Áslandsskóli í
Hafnarfirði er á sínu
fyrsta starfsári. Hann
er starfræktur af
Íslensku mennta-
samtökunum í
samræmi við hug-
myndafræði Global
Education. Guðjón
Guðmundsson ræddi
við Áslaugu Brynjólfs-
dóttur skólastjóra og
kennarana Þórunni
Helgadóttur og Helgu
Helgadóttur.
Tvær stúlkur flytja erindi um dyggðir og börnin fylgjast með.
Morgunblaðið/Golli
Þórunn Helgadóttir leiðbeinir nemendum í stuttmyndagerð.
Áslaug Brynjólfsdóttir, skóla-
stjóri Áslandsskóla.
gugu@mbl.is
LISTIR
FYRIR ekki alls löngu hitti spánski
leikstjórinn, handritshöfundurinn og
leikarinn Santiago Segura í mark hjá
þeim áhorfendum sem unun hafa af
neðanmittisbröndurum, subbuskap
og klámkjafti. Þessi blanda getur vak-
ið hrossahlátur hjá þeim sem taka
ekki uppá þeim fjára að hneykslast
yfir slíkum meðölum, þá hafa þeir lítið
erindi í bíó á þessum síðustu og …
Segura fékk yfirleitt góða aðsókn í
Evrópu, að Íslandi meðtöldu, og veit
ég um nokkrar sálir sem bíða spennt-
ar endurkomu hins vambmikla
spaugara. Enda minnir Segura, þeg-
ar best lætur, örlítið á meistara Oliver
Hardy. Ekki aðeins í útliti heldur
einnig látbragði. Báðir vonlausir en
fjallbrattir lúserar. Aular með ótak-
markaða sjálfumgleði.
Í mynd 2 fylgjumst við með Torr-
ente, nú brottreknum úr lögreglunni,
freista gæfunnar á sjálfum leikvelli
auðjöfranna; Marbella á sólarströnd
Spánar. Karli hefur áskotnast talsvert
fé sem hann sólundar í upphafi mynd-
arinnar og stendur fljótlega uppi á
volkaðri nærbrókinni. Sem er ekki
ýkja alvarlegt hvað heilsuna snertir, í
þessari sólarparadís. Torrente vill lifa
hátt og setur því upp skóla fyrir verð-
andi einkaspæjara. Flækist inní ógn-
arlega fjárkúgun bófans Spinetti
(Moreno) og í greipar glæpaforingj-
ans Mauricio (Leblanc), sem vill sinn
hluta af sneiðinni. Sá reynist faðir
söguhetjunnar.
Ekki er ráðlegt að fara nánar útí
ættfræðina né söguþráðinn, myndin
rúllar áfram í sínu sóðagamni og for-
heimsku, án þess að vera beinlínis
óforskömmuð. Hægri hönd Torrente
er Cuco (Diego), slíkur fáráður að aul-
inn húsbóndi hans virkar einsog snill-
ingur við hlið hans. Það má hafa
lúmskt gaman af þeim félögum á köfl-
um, enda persónurnar farsakenndar
einsog myndin. Hún rembist við að
skopast að James Bond og þeim fé-
lögum öllum, án þess að það grín virki
eitthvað að ráði. Heilnæm Spánarsól-
in lífgar eiginlega meira uppá sál-
arhró Mörlanda á þessum árstíma.
Flón og fól
í sumarsól
KVIKMYNDIR
Háskólabíó
Leikstjóri og handritshöfundur: Santiago
Segura. Kvikmyndatökustjóri: Guillermo
Granillo. Tónlist: Roque Banos. Aðalleik-
endur: Santiago Segura, Gabino Diego,
Tony Leblanc, José Luis Morenó (III),
Inés Sastre. Sýningartími 90 mín. Spánn.
Lolafilms 2001.
TORRENTE 2: MISIÓN EN MARBELLA
(TORRENTE 2) Sæbjörn Valdimarsson
Cyrano hefur að
geyma 12 lög eftir
Hjálmar H. Ragn-
arsson í flutningi
Rússibananna úr
leikritinu Cyrano de
Bergerac eftir Edmond Rostand
sem frumsýnt var í Þjóðleikhúsinu í
desember 2001. Rússíbana skipa:
Einar Kristján Einarsson, gítar, Tatu
Kantomaa, harmóníka, Jón Skuggi,
kontrabassi, Matthías MD Hem-
stock, slagverk, og Guðni Franzson,
klarínetta. Sérstakur gestur er Atli
Rafn Sigurðsson sem syngur í lag-
inu Souvent souspire.
Útgefandi er Edda - miðlun og út-
gáfa. Upptökur fóru fram í Jónshúsi
í janúar. Verð 2.199 kr.
Leikhústónlist
♦ ♦ ♦
Vefur um Davíð
Stefánsson
OPNAÐUR hefur verið áhuga-
mannavefur um Davíð Stefánsson,
þjóðskáldið frá Fagraskógi, á slóð-
inni http://fagriskogur.cjb.net.
Á vefnum er meðal annars að
finna umfjöllun um líf og störf
skáldsins, ljóð dagsins, myndir og
tengingar á skyldar vefsíður.
Höfundur vefjarins er Anton Karl
Ingason, háskólanemi og kennari við
Verzlunarskóla Íslands.
♦ ♦ ♦