Morgunblaðið - 27.02.2002, Blaðsíða 12

FRÉTTIR
12 MIÐVIKUDAGUR 27. FEBRÚAR 2002 MORGUNBLAÐIÐ
Happdrætti
húsnæðisfélagsins SEM
Vinninga ber að vitja á skrifstofu félagsins á mánudag,
miðvikudag og föstudag á milli kl. 13 og 15 í síma 588 7470.
Bifreið að eign vali frá Heklu kr. 1.500.000:
114018
Utanlandsferð að eign vali með Flugleiðum 150.000 kr.:
Utanlandsferð að eign vali með Flugleiðum 50.000 kr.:
24. febrúar 2002
462 8129 17910 28321 34936 53202 67125 79831 98263 110580
970 9203 20069 30117 38507 54488 76171 92263 98649 111171
1843 13231 24373 30192 39821 58335 77777 92597 104329 116117
5056 14980 24663 31203 45480 59454 78969 95195 108397 118350
6092 16995 27217 31746 46493 66189 79452 95228 108955 119600
856 7536 20827 34793 43580 56230 66739 84029 94613 107767 119597
1453 10537 23199 34989 47432 57123 68967 84061 96196 108035
1740 12970 23592 35018 47519 60860 69754 84227 96940 108628
2150 13057 24154 36446 49195 61214 69904 85032 97631 109299
2443 13621 24264 36955 52717 61961 73667 85823 98541 109396
3065 14456 26041 37138 53000 63270 74257 88105 99729 110183
3478 14874 26969 37421 53968 63920 74545 88340 103449 111642
4135 15149 31692 40348 54140 64026 76212 90091 103990 113100
4563 15230 32254 41097 54267 65045 78235 91951 105132 115570
6501 15778 33468 41310 55589 65725 81237 91998 105273 115988
7272 18154 33574 42355 55709 66579 81787 94588 107513 119107
Vöruúttekt í Heklu að verðmæti 50.000 kr.:
209 8819 21890 33761 43464 55112 67613 76961 86547 98034 107438
894 9475 22019 33790 45362 55280 70610 77579 87430 98364 107457
1406 10042 23140 34082 46335 56421 72630 77926 88301 99110 108441
2467 10110 23420 35566 47560 56426 72824 78186 89556 100071 108620
3925 10445 24288 35789 52862 56490 72844 78356 91554 100366 109643
5035 11368 25839 36804 53774 58851 73010 78936 92201 101146 110096
6628 12008 30030 37669 53787 60184 73601 80280 93573 103267 112064
6994 13807 30782 38140 54133 62730 74966 81044 95983 103593 112983
7075 13847 31608 40289 54546 65194 75535 82929 97682 104043 113843
7555 16494 33006 42551 55010 66341 76139 83825 97801 107021 118224
FORSÆTISRÁÐUNEYTIÐ hefur
gefið út veglegan bækling „Discov-
ery, Iceland’s Amazing Adventure“ í
tilefni afmælis landafunda Leifs Ei-
ríkssonar árið 2000. Bæklingurinn
er prentaður í 100 þúsund eintökum
og mun utanríkisráðuneytið dreifa
honum í Bandaríkjunum og Kanada.
Svanhildur Konráðsdóttir hafði
umsjón með gerð bæklingsins, en
auk stjórnvalda og landafunda-
nefndar komu að gerð hans Flug-
leiðir, Iceland Naturally og Morg-
unblaðið. Fyrir hönd
landafundanefndar hefur Einar
Benediktsson sendiherra skipulagt
útgáfuna, en með henni má segja að
ljúki formlegu starfi nefndarinnar
vegna afmælis landafundanna, en
hápunktur þess var för vík-
ingaskipsins Íslendingsins til vest-
urheims og heimsókn þjóðhöfðingja
Norðurlandanna til bandarísku for-
setahjónanna í tengslum við opnun
víkingasýningar í Smithsoniansafn-
inu í Washington.
Einar segist vera þeirrar skoð-
unar að einstaklega vel hafi tekist til
við gerð bæklingsins og Svanhildi
hafi tekist að koma vel til skila Ís-
landi hinu forna, siglingunni til vest-
urheims og svo Íslandi nútímans.
„Segja má að bæklingurinn sé af-
rakstur samvinnu margra aðila og
Smithsoniansafnið hefur verið ötull
samstarfsaðili við gerð hans. Sér-
fræðingar safnsins telja að vík-
ingasýningin hafi heppnast alveg
einstaklega vel, en hins vegar hefur
verið fundið að því að kynningarefni
á ensku um land og þjóð skorti.
Þessum vandaða bæklingi er ætlað
að bæta úr því,“ segir Einar.
Í bæklingnum er sögulegur fróð-
leikur um land elds og ísa og þá þjóð
sem byggir Ísland og hefur gert frá
því víkingar sigldu um höfin. Svan-
hildur segir að miklu hafi skipt að
samkomulag tókst við Morgunblaðið
og ljósmyndara þess um myndefni,
enda hljóti ljósmyndir að vera í önd-
vegi í bæklingi af þessu tagi. „Ég
hafði þrennt að leiðarljósi við gerð
þessa rits,“ segir hún. „Í fyrsta lagi
afmæli landafunda Leifs Eiríks-
sonar og siglingu víkingaskipsins Ís-
lendings til Ameríku, í öðru lagi vík-
ingasýninguna í Smithsonian og
gildi hennar fyrir sýningargesti,
ekki síst námsmenn og skólabörn,
og í þriðja lagi að fylgja eftir þeirri
áherslu sem Íslendingar hafa lagt á
menningartengda ferðaþjónustu hin
síðari ár. Markmiðið var þannig að
kynna Ísland og það sem Ísland hef-
ur upp á að bjóða, en um leið að
standa þannig að útgáfunni að til
verði rit sem lifað getur áfram,“
segir hún.
Víkingasýningin, sem hófst
snemmsumars árið 2000 í Wash-
ington, hefur verið færð til New
York síðan og stendur nú yfir í Los
Angeles. Ráðgert er að hún verði
sett upp í Ottawa í Kanada nú í vor,
en ráðgert er að henni ljúki á næsta
ári. Einar segir að sýningin hafi not-
ið mikilla vinsælda og að þegar hafi
fjórar milljónir Bandaríkjamanna
sótt hana. „Vissulega setja menn
upp langtímamarkmið varðandi sýn-
ingar af þessu tagi og því er líklegt
að aukinn áhugi á menningu víking-
anna og sögu Íslands skili sér í aukn-
um mæli þegar til lengdar lætur,“
segir Einar. „En því er ekki að leyna
að við merkjum þegar stóraukinn
áhuga á Íslandi. Þannig hefur fyr-
irspurnum bandarískra ferðamanna
til Norrænu ferðamálaskrifstof-
unnar í New York snarfækkað eftir
hryðjuverkin í Bandaríkjunum, eða
um allt að 40%, miðað við mælingar í
janúar sl. og janúar árið áður. En á
sama tíma hefur fyrirspurnum um
Ísland fjölgað um 20%. Þannig að
við getum ekki verið annað en
ánægð með árangurinn,“ segir Ein-
ar Benediktsson.
Dreift í 100 þúsund eintökum
í Kanada og Bandaríkjunum
Morgunblaðið/Sverrir
Einar Benediktsson sendiherra
með bæklinginn nýja.
Bæklingurinn „Discovery, Icelands’s Amazing
Adventure“ gefinn út í tilefni landafundaafmælisins
GEÐHJÁLP efnir til landssöfnun-
ar laugardaginn 2. mars næstkom-
andi þar sem verja á söfnunarfé til
nýrra meðferðarúrræða og upp-
byggingar starfa fyrir fólk með
geðraskanir.
Forráðamenn Geðhjálpar efndu
til blaðamannafundar í gær og þar
kom m.a. fram að þeir myndu vel
sætta sig við 70 til 80 milljónir
króna úr söfnuninni til að hrinda
þeim verkefnum af stað sem talin
eru brýnust.
Að þeirra sögn er áþreifanlegur
skortur á eftirmeðferð fyrir geð-
sjúka, einkum þá er haldnir eru
þunglyndi.
Hátt í 300 manns hafa verið á
biðlista eftir slíkri meðferð á
Reykjalundi en formaður Geð-
hjálpar, Sigursteinn Másson, telur
þann lista ekki marktækan.
Nær sé að halda að 800-900
manns þurfi á slíkri meðferð að
halda þar sem geðlæknar séu
hættir að ávísa á Reykjalund.
Með söfnuninni er ætlunin að
ganga til samstarfs við þá aðila
sem hafa boðið upp á úrræði fyrir
geðsjúka.
Sigursteinn sagði á fundi með
fréttamönnum að ekki stæði til að
nota söfnunarféð í steinsteypu
heldur að styrkja þau úrræði sem
væru fyrir hendi, m.a. á Reykja-
lundi og endurvekja starfsemi
Bergiðjunnar.
Stefnt væri að því að fá ein-
staklinga með persónulega reynslu
til að aðstoða við eftirmeðferðir,
líkt og gert væri í áfengismeðferð.
Sigursteinn sagði að Geðhjálp lof-
aði því að afrakstur söfnunarinnar
yrði gerður sýnilegur alla leið.
Sveinn Magnússon, fram-
kvæmdastjóri Geðhjálpar, sagði að
áhersla yrði einnig lögð á að skapa
störf við hæfi geðsjúkra þannig að
um leið yrði nauðsyn á virkni og
hlutverki einstaklingsins höfð að
leiðarljósi.
Koma ætti t.d. á fót innlendri
framleiðslu eldiviðarkubba, unnum
úr sagi og vaxi, sem fellur til úr
timbur- og olíuiðnaði.
Einnig væri verið að skoða að
opna kaffihús þar sem fólk með
geðraskanir gæti fengið vinnu.
Það yrði hluti af þeirra eftirmeð-
ferð.
Hápunktur söfnunar
í Sjónvarpinu
Með aðstoð Kiwanis-hreyfingar-
innar og nokkurra aðildarfélaga
ÍSÍ verður gengið í hús um land
allt á laugardag með söfnunar-
bauka og leitað eftir fjárframlög-
um landsmanna.
Einnig á að dreifa upplýsingum
um tilgang söfnunarinnar og hald-
góðar upplýsingar um aðrar leiðir
til að inna af hendi framlög.
Hápunktur söfnunarinnar verð-
ur svo í Sjónvarpinu á laugardags-
kvöld í þætti Steinunnar Ólínu
Þorsteinsdóttur, Milli himins og
jarðar, sem verður í beinni útsend-
ingu að þessu sinni og hefst kl. 20.
Auk þess sem gengið verður í
hús geta landsmenn um næstu
helgi hringt í síma 907 2070 og
skuldfærast þá sjálfkrafa 1.000
krónur af símreikningnum.
Einnig verður tekið við frjálsum
framlögum í síma 590 7070 og bent
er á reikning Geðhjálpar í SPRON
þar sem númerið er 1158-26-65000.
Morgunblaðið/Sverrir
Sveinn Magnússon, framkvæmdastjóri Geðhjálpar, og Sigursteinn Más-
son, formaður félagsins, kynntu landssöfnunina sem fyrirhuguð er
næsta laugardag á fundi með fréttamönnum í gær.
Geðhjálp efnir til landssöfnunar næstkomandi laugardag
Söfnunarfé varið til nýrra úr-
ræða og starfa fyrir geðsjúka
 Einn af hverjum fjórum einstaklingum greinist með geðraskanir. Þetta
samsvarar því að 60-70 þúsund Íslendingar þjást af geðsjúkdómum ein-
hvern tímann á lífsleiðinni.
 Talið er að geðsjúkdómar kosti íslenskt samfélag árlega á þriðja tug
milljarða króna, sem svarar til 3-4% af vergri þjóðarframleiðslu.
 Alþjóða heilbrigðismálastofnunin, WHO, spáir því að geðraskanir verði
algengasti sjúkdómurinn sem þjóðir heims standi frammi fyrir á 21. öld-
inni.
 Skráðir eru 50 heimilislausir einstaklingar hér á landi sem haldnir eru
alvarlegum geðsjúkdómum.
 Á árinu 2000 voru framin 50 sjálfsvíg, samkvæmt opinberum gögnum.
Mörg undangengin ár hafa sjálfsvíg verið árlega á bilinu 25 til 30.
 Samkvæmt áætlun heilbrigðisráðuneytisins til ársins 2010 er markmiðið
að draga úr sjálfsvígum um 25% og geðröskunum um 10%.
 Hundruð einstaklinga með geðraskanir bíða nú meðferðar og end-
urhæfingar í landinu.
Heimild: Geðhjálp.
Staðreyndir um
geðsjúkdóma
PILTARNIR þrír, sem stóðu fyrir
sprengingu í kennslustofu í Engja-
skóla í byrjun mánaðarins, hafa verið
reknir úr skólanum tímabundið. Að
sögn Hildar Hafstað verða þeir vist-
aðir í öðrum skóla þar til þeir koma
aftur í skólann.
Drengirnir, sem allir eru í 10. bekk,
komu flugeldi fyrir í skúffu í kenn-
araborði í kennslustofu í skólanum og
kveiktu í með þeim afleiðingum að
borðplatan þeyttist af og kviknaði í
bókaskáp. Hildur segir tvo drengj-
anna hafa verið vistaða í öðrum skóla
fram að páskum en þriðji pilturinn,
sem átti minni aðild að verknaðinum,
verður í öðrum skóla í þrjár vikur
samtals. „Þetta kallast tímabundinn
brottrekstur en það er auðvitað nauð-
synlegt að vista þá í öðrum skólum á
meðan,“ segir Hildur.
Reknir úr
skóla tíma-
bundið
MORGUNBLAÐINU hefur
borist eftirfarandi yfirlýsing
frá Jóni Ólafssyni:
„Mér undirrituðum barst í
gær tilkynning um skattrann-
sókn frá skattrannsóknarstjóra
ríkisins, þar sem tilkynnt er að
hafin hafi verið rannsókn á
skattskilum mínum vegna
tekjuáranna frá og með 1996 til
og með 2001. Vegna frétta í
fjölmiðlum að undanförnu vill
undirritaður taka fram að
framangreindar aðgerðir
skattayfirvalda beinast að mér,
en ekki að Norðurljósum hf.
Ég hef engu að leyna gagn-
vart skattayfirvöldum og mun
kappkosta að vinna að lausn
málsins í fullu samstarfi við yf-
irvöld.“
Yfirlýsing
frá Jóni
Ólafssyni