Morgunblaðið - 27.02.2002, Blaðsíða 41

KENNARAHÁSKÓLI Íslands
verður með kynningu á framhalds-
námi fyrir haustið 2002, fimmtu-
daginn, 28. febrúar kl. 16.15 í stofu
M-301 í aðalbyggingu skólans við
Stakkahlíð.
Sautján námsbrautir verða í
boði. Framhaldsnámið er ætlað
kennurum, þroskaþjálfum og öðr-
um uppeldisstéttum. Námið mun
nýtast þeim sem vinna að eða hafa
hug á að sinna þróunarverkefnum,
rannsóknum eða öðrum fræðistörf-
um, námsefnisgerð, ráðgjafar- og
sérfræðistörfum, mati á skólastarfi
eða starfsemi annarra stofnana.
Námið er einnig ætlað fólki í for-
ystu- og stjórnunarstörfum eða
þeim sem eru að búa sig undir störf
af þeim toga.
Unnt er að ljúka framhaldsnámi
við Kennaraháskólann með þrenn-
um hætti, með formlegri viður-
kenningu (diplómu), meistaraprófi
(M.Ed.) eða doktorsprófi (Ph.D.).
Eftirtaldar námsbrautir eru í
boði: Framhaldsnám fyrir þroska-
þjálfa, Íslenska og íslenskukennsla,
Kennslufræði og námsefnisgerð,
Mat og þróunarstarf, Menntun tví-
tyngdra barna, Nám og kennsla
ungra barna, Námskrárfræði og
skólanámskrárgerð, Náttúrufræði-
menntun, Samfélagsgreinar og
Kynning á framhaldsnámi við KHÍ
kennsla þeirra, Sérkennslufræði,
Stjórnun, Stærðfræðimenntun,
Tölvu- og upplýsingatækni, Um-
sjónarkennarinn, Uppeldis- og
menntunarfræði og Rannsóknar-
tengt framhaldsnám, tvenns konar
rannsóknartengt framhaldsnám er
í boði, (meistaranám (M.Ed.) og
doktorsnám (Ph.D.)).
Að þessu sinni eru allar náms-
brautir í framhaldsdeild með fjar-
námssniði, þannig að unnt er að
stunda námið með starfi. Námið fer
fram að stórum hluta með tölvu-
samskiptum og á Neti, en einnig
eru staðbundnar lotur þar sem
nemendur og kennarar hittast.
Rétt til að sækja um inngöngu
eiga þeir sem lokið hafa fullgildu
starfsmenntanámi á sviði kennslu,
þjálfunar, uppeldis og umönnunar.
Að jafnaði er miðað við að umsækj-
endur hafi a.m.k. tveggja ára
starfsreynslu. Umsóknarfrestur er
til 15. mars 2002. Kynningarfund-
urinn er öllum opinn en þeir sem
hyggjast sækja um nám við fram-
haldsdeild skólaárið 2002–2003 eru
sérstaklega velkomnir, segir í
fréttatilkynningu.
Nánari upplýsingar um námið er
að finna á vefsíðum framhalds-
deildar, sjá vefslóðina: http://
www.khi.is/
FRÉTTIR
MORGUNBLAÐIÐ MIÐVIKUDAGUR 27. FEBRÚAR 2002 41
ÞEKKINGARMIÐLUN ehf. stend-
ur fyrir námskeiði í framsögn og
ræðuflutningi 27. febrúar kl. 9-17 í
Ásbyrgi á Hótel Íslandi. Námskeiðið
er fyrir alla þá sem vilja öðlast meira
sjálfstraust í að koma fram fyrir
framan hóp af fólki.
Meðal þess sem verður tekið fyrir á
námskeiðinu er framkoma og tjáning
í ræðu, samspil ræðumanns og um-
hverfis, ótti og öryggi, kvíðavekjandi
og sjálfstyrkjandi hugsanir. Leið-
beinandi er Eyþór Eðvarðsson, þjálf-
ari og ráðgjafi hjá Þekkingarmiðlun.
Upplýsingar um námskeiðið er
hægt að nálgast með því að senda
tölvupóst á ingrid@thekkingarmidl-
un.is.
Námskeið í
framsögn
og ræðu-
flutningi
REYKJAVÍKURDEILD RKÍ
gengst fyrir tveggja kvölda nám-
skeiði um öryggismál sumarbú-
staða og hjólhýsa. Námskeiðin
verða fimmtudaginn 28. febrúar og
þriðjudaginn 5. mars kl. 20-23.30.
Fyrra kvöldið verður farið yfir
fyrstu viðbrögð ef slys verða eða
menn veikjast. Seinna kvöldið
verður farið yfir skipulag bústað-
ar/hjólhýsis og að meta umhverfið
með öryggi í huga. Einnig verður
farið yfir hitunartæki og eldvarnir.
Hvenær á að kalla til sjúkrabíl eða
þyrlu.
Námskeiðið verður haldið í Ár-
múla 34, 3. hæð. Skráning og nán-
ari upplýsingar hjá Reykjavíkur-
deild RKÍ í síma kl. 8-16, segir í
fréttatilkynningu.
Námskeið um
öryggismál
sumarbústaða
og hjólhýsa
LÖGREGLAN í Reykjavík lýsir eft-
ir vitnum að umferðaróhappi sem
varð á gatnamótum Miklubrautar og
Háaleitisbrautar föstudaginn 22.
febrúar um kl. 14.50. Þarna varð
árekstur með dökkrauðri Volvo S70
bifreið, sem ekið var vestur Miklu-
braut með vinstri beygju áleiðis suð-
ur Háaleitisbraut og tveimur bifreið-
um sem ekið var austur Miklubraut.
Önnur bifreiðin var af gerðinni
Izusu Trooper, blá að lit en hin bif-
reiðin var af gerðinni Mercedes
Benz, rauð að lit. Þeir sem kynnu að
geta veitt upplýsingar um málið, og
þá sérstaklega stöðu umferðarljós-
anna þegar óhappið varð, eru beðnir
að hafa samband við lögregluna í
Reykjavík.
Einnig lýsir lögreglan eftir vitnum
að atviki sem varð mánudaginn 25.
feb. um kl.15.45. Þá var ekið á bif-
reiðina BO-142, sem er Volkswagen
bjalla fólksbifreið, græn að lit. Bif-
reiðin stóð á stöðureit á Skálholts-
stíg vestan gatnamóta Laufásvegar.
Við áreksturinn kastaðist bifreiðin á
garðvegg húss nr.8, við Laufásveg.
Tjónvaldur fór af vettvangi og biður
lögreglan alla þá sem geta gefið upp-
lýsingar um málið að hafa samband.
Þá lýsir lögreglan í Reykjavík eft-
ir vitnum að ákeyrslu á kyrrstæða
bifreið fyrir skömmu. Ekið var á
græna Nissan Almera-fólksbifreið
með númerinu LG-970 á tímabilinu
frá kl. 23 hinn 25. febrúar til kl. 8 að
morgni þess 26. Bifreiðin stóð kyrr
og mannlaus á Tunguvegi 48 til 64.
Tjónvaldur stakk af eftir atburðinn.
Þeir sem geta gefið upplýsingar um
atburðinn snúi sér til lögreglunnar í
Reykjavík.
Lýst eftir
vitnum
LILJA Mósesdóttir, hagfræðingur
og dósent við Háskólann í Reykja-
vík, verður með rabb á vegum
Rannsóknastofu í kvennafræðum
fimmtudag 28. febrúar kl.12-13 í
Norræna húsinu. Rabbið ber yf-
irskriftina: Samspil kyngervis,
markaðar og ríkis.
Lilja fjallar um bók sína, The
Interplay between Gender, Mark-
ets and the State, sem birtist ný-
verið hjá bresku útgáfunni Ash-
gate. Í bókinni er leitast við að
útskýra þann mikla mun sem verið
hefur á atvinnuþátttöku kvenna í
Svíþjóð, Þýskalandi og Bandaríkj-
unum. Einnig greinir hún hvernig
samspil vinnumarkaðar og velferð-
arkerfis hefur mótað stöðu karla
og kvenna frá 1960 í þessum þrem-
ur löndum.
Lilja mun jafnframt fjalla um
hvaða þýðingu atvinnustefna Evr-
ópusambandsins hefur fyrir stöðu
karla og kvenna innan aðildarland-
anna, segir í fréttatilkynningu.
Rabb á vegum
Rannsóknastofu
í kvennafræðum
HELGIN var almennt
róleg og á það sama við
um umferðina. Höfð
voru afskipti af 23 öku-
mönnum vegna hraðaksturs, 13
vegna ölvunar við akstur og þá voru
45 umferðaróhöpp tilkynnt til lög-
reglu.
Upp úr hádegi á föstudag fór veð-
ur versnandi við borgarmörkin og
var ákveðið að loka Vesturlandsvegi
og Hvalfjarðargöngum um tíma
vegna ofsaveðurs norðan megin við
göngin.
Tilkynnt var um innbrot í vinnu-
skúr á föstudagsmorgun en þaðan
höfðu verið tekin verkfæri og tölvu-
búnaður. Einnig var farið inn í mötu-
neyti á föstudagskvöld og peningum
og matarmiðum stolið. Á laugar-
dagsmorgun var lögreglu tilkynnt að
farið hefði verið inn í skip og rótað til
en ekki var ljóst hvort einhverju
hafði verið stolið. Þá var tilkynnt um
innbrot í myndbandaleigu á laugar-
dagsmorgun og náðust myndir af
tveimur ungum mönnum athafna sig
við innbrotið.
Fáar tilkynningar
um ofbeldisbrot
Fáar tilkynningar komu vegna of-
beldisbrota um helgina og á fámenni
í miðborginni bæði á föstudags- og
laugardagskvöld eflaust sinn þátt í
því. Þó voru tveir menn fluttir á
slysadeild aðfaranótt sunnudags
vegna líkamsárása en meiðsli þeirra
reyndust minniháttar. Aðfaranótt
sunnudags hafði lögregla afskipti af
manni sem gerst hafði boðflenna á
kvennakvöldi íþróttafélags. Maður-
inn, sem var mikið ölvaður, þótti falla
illa inn í hópinn og var hann fjar-
lægður af lögreglu og fékk að gista í
fangageymslu sökum ástands síns.
Ölvaður maður kom á lögreglustöð-
ina við Tryggvagötu á sunnudags-
morgun og óskaði eftir aðstoð lög-
reglu við að ná aftur vínflösku sem
tekin hafði verið af honum eftir að
hann bar hana í leyfisleysi inn á vín-
veitingastað. Er lögregla tjáði hon-
um að ekki væri hægt að verða við
ósk hans brást hann illa við og braut
rúðu á lögreglustöðinni. Maðurinn
gisti síðan í fangageymslu.
Á mánudagsmorgun hafði kona í
vesturborginni samband við lögreglu
vegna ókunnugs manns sem farið
hafði inn í íbúð hennar. Þarna hafði
ölvaður maður farið húsavillt og var
hann aðstoðaður við að komast heim.
Úr dagbók lögreglunnar – 22. – 25. febrúar
Helgin róleg hjá lögreglunni
KVÖLDVAKA í sal Ferðafélags Ís-
lands verður í kvöld, miðvikudags-
kvöld, 27. febrúr kl. 20.30 í sal FÍ í
Mörkinni 6.
Örlygur Hálfdánarson verður með
mynda– og fræðslusýningu um Við-
ey og þá atburði sem þar hafa gerst,
segir í fréttatilkynningu.
Kvöldvaka
hjá FÍ
BÍLAR og fólk ehf., sem er nýtt
fyrirtæki nokkurra eigenda rútu-
bíla, tóku á dögunum við nýrri
rútu frá MAN. Er hún af gerðinni
Lions Top Coach, með sæti fyrir
57 farþega, 13,7 m löng og stærsta
gerð sem MAN-verksmiðjurnar
framleiða. Fór bíllinn í fyrstu ferð
sína sl. laugardag.
Hluthafar Bíla og fólks ehf. eru
allir hluthafar í Hópferðamiðstöð-
inni hf. Þeir eru Hópferðabílar
Suðurlands, Bjarni Björnsson í
Reykjavík, Valdimar Gunnarsson í
Skagafirði, Erling Guðjónsson á
Eyrarbakka og Vilhelm Guðbjarts-
son á Hvammstanga sem er stjórn-
arformaður félagsins. Vilhelm seg-
ir að rútubílaflotinn sé alltaf að
eldast og því leiti menn allra leiða
til að endurnýja. Með því að sam-
einast í sérstöku félagi sé unnt að
ráðast í kaup á svo stórri og glæsi-
legri rútu.
Kaupverðið er rúmar 22 millj-
ónir króna. Bíllinn verður boðinn
fram í verkefni á vegum Hópferða-
miðstöðvarinnar og markaðssettur
þaðan en einnig á vegum hvers og
eins hluthafa Bíla og fólks. Ráðinn
verður fastur bílstjóri á bílinn og
síðan grípa eigendur inní þegar
álagið er mest. Eigendur nýja bíls-
ins voru sammála um að bíll sem
þessi gæti fært þeim ný og áhuga-
verð verkefni. Þá töldu þeir hugs-
anlegt að fara þessa leið við frek-
ari bílakaup ef vel gengi.
Samkvæmt upplýsingum frá
MAN-umboðinu Krafti er rútan
með 460 hestafla vél, 8 gíra kassa
og diskahemlum á öllum þremur
öxlunum. Aftasti öxullinn er með
beygju sem eykur á lipurð bílsins.
Þá er bíllinn búinn hemlalæsivörn
og spólvörn.
Af innri búnaði má nefna eld-
húskrók með kaffivél og pylsu-
potti, tvo sjónvarpsskjái, geisla-
spilara, myndbandstæki og
svefnaðstöðu fyrir auka bílstjóra.
Sæti eru fyrir 57 farþega auk sæta
bílstjóra og leiðsögumanns. Eru
farþegasætin með hliðarfærslu,
fótskemli, hallanlegu baki og borð-
um. Þriggja punkta öryggisbelti
eru við öll sæti.
Morgunblaðið/Árni Sæberg
Nýja rútan var afhent fyrir helgina. Frá vinstri: Árni Oddsteinsson Vík, Vilhelm Guðbjartsson Hvammstanga,
Valdimar Gunnarssson Skagafirði, Erlingur Guðjónsson Eyrarbakka og Bjarni Björnsson Reykjavík.
Bílar og fólk kaupa nýja
rútu frá MAN
Í texta við mynd af áhöfn TF-SIF
sem birtist í Morgunblaðinu í gær-
voru nöfn áhafnarinnar ranglega
sögð talin upp frá hægri. Hlutaðeig-
andi eru beðnir velvirðingar á þess-
um mistökum.
Gerðu athugasemdir við verð
Guðmundur Guðmundsson, for-
stöðumaður fyrirtækjasviðs Búnað-
arbankans, vill taka fram vegna
fréttaskýringar sem birtist í sunnu-
dagsblaðinu, að Búnaðarbankinn
gerði úttekt á aðferðarfræðinni sem
lá til grundvallar verðmati á Lands-
símanum og lýsti sig sammála henni
í meginatriðum. Það sé því ekki rétt,
sem kom fram í fréttaskýringunni,
að bankinn hafi lýst sig sammála
sjálfri verðlagningunni í þessu bréfi.
Hann segir hins vegar rétt að á fundi
sem Árni Tómasson, bankaastjóri
Búnaðarbankans og hann, áttu með
einkavæðingarnefnd skömmu fyrir
útboðið í september sl. hafi bankinn
lagt til að verð hlutabréfanna yrði
lækkað.
LEIÐRÉTT
Fundur með
prófkjörsfram-
bjóðendum
SJÁLFSTÆÐISFÉLAGIÐ Óðinn
stendur fyrir opnum súpufundi
laugardaginn 2. mars kl. 12-14 í
Pakkhúsinu á Selfossi þar sem
frambjóðendur fá tækifæri til þess
að kynna sínar áherzlur og hvert
þeir stefna í komandi prófkjöri.
11 frambjóðendur hafa boðið sig
fram í prófkjöri sjálfstæðismanna í
Sveitarfélaginu Árborg sem fram
fer laugardaginn 9. mars. Hægt
verður að koma með fyrirspurnir.
Súpa verður seld gegn vægu verði,
allir velkomnir, segir í fréttatil-
kynningu.