Morgunblaðið - 03.03.2002, Blaðsíða 2
FRÉTTIR
2 SUNNUDAGUR 3. MARS 2002 MORGUNBLAÐIÐ
RÍKISRÁÐSFUNDUR var haldinn á Bessastöðum í gær
þar sem Tómas Ingi Olrich tók sæti í ríkisstjórninni
sem menntamálaráðherra en hann tekur sem kunnugt
er við embættinu af Birni Bjarnasyni.
Á myndinni eru frá vinstri: Tómas Ingi Olrich
menntamálaráðherra, Sólveig Pétursdóttir, dóms- og
kirkjumálaráðherra, Páll Pétursson félagsmálaráð-
herra, Guðni Ágústsson landbúnaðarráðherra, Árni M.
Mathiesen sjávarútvegsráðherra, Davíð Oddsson for-
sætisráðherra, Ólafur Ragnar Grímsson, forseti Ís-
lands, Halldór Ásgrímsson utanríkisráðherra, Geir H.
Haarde fjármálaráðherra, Jón Kristjánsson, heil-
brigðis- og tryggingamálaráðherra, Siv Friðleifsdóttir
umhverfisráðherra og Sturla Böðvarsson samgöngu-
málaráðherra. Valgerður Sverrisdóttir, iðnaðar- og
viðskiptaráðherra, var erlendis.
Morgunblaðið/Sverrir
Fyrsti fundur nýs ráðherra
FORSETI Íslands, Ólafur Ragnar Grímsson, hleypti
landssöfnun Geðhjálpar af stokkunum í húsi Geðhjálpar
á Túngötu 7 í gær.
Sjálfboðaliðar gengu í gær í hús um land allt með söfn-
unarbauka og leituðu eftir fjárframlögum landsmanna.
Geðhjálp stefnir að því að efla og móta ný og breytt
meðferðarúrræði fyrir geðsjúka auk þess sem brýn þörf
er fyrir að skapa arðbær störf sem löguð yrðu að þörfum
og getu fólks með geðraskanir. Er markmiðið að koma á
fót innlendri framleiðslu eldiviðarkubba.
Á myndinni má sjá Ólaf Ragnar ræða við þá Sigurstein
Másson, formann stjórnar Geðhjálpar, og Svein Magnús-
son framkvæmdastjóra við baukana góðu sem komu að
góðum notum við söfnunina í gær.
Morgunblaðið/Jim Smart
Safnað fyrir geðsjúka
GUÐMUNDUR B. Ólafsson, lög-
maður Verzlunarmannafélags
Reykjavíkur, segir að upp á síðkast-
ið hafi í auknum mæli leitað til fé-
lagsins konur sem vilji fá að vita
réttarstöðu kvenna á vinnustöðum
þegar þær eru að koma úr fæðing-
arorlofi. Dæmi séu um að konum sé
sagt upp störfum um leið og þær
koma úr slíku orlofi.
„Það hafa komið upp tilvik þar
sem sagt er við konur sem eru að
koma úr fæðingarorlofi: þér er vel-
komið að koma aftur en þér verður
sagt upp um leið og þú kemur,“ seg-
ir Guðmundur. Þá segir hann eitt-
hvað um það að konum séu boðin
allt önnur störf en þær höfðu áður
en þær fóru í fæðingarorlofið. Veltir
hann því fyrir sér hvort verið sé að
láta konurnar gjalda þess að verið
sé að hægja á ráðningum hjá fyr-
irtækjum.
Í lögum um fæðingar- og for-
eldraorlof segir að starfsmaður skuli
eiga rétt á að hverfa aftur að starfi
sínu að loknu fæðingar- eða for-
eldraorlofi. Sé þess ekki kostur skal
hann eiga rétt á sambærilegu starfi
hjá vinnuveitanda í samræmi við
ráðningarsamning. Guðmundur seg-
ir að vinnuveitendur beri oft fyrir
sig að það hafi orðið það miklar
breytingar á rekstri fyrirtækisins að
þeir geti ekki boðið sambærilegt
starf.
Hugsanlega látið reyna
á málið fyrir dómi
„Það eru dæmi þess að það hafi
orðið miklar breytingar á rekstri
fyrirtækisins og þá er stundum ekk-
ert við því að gera. En á hinn bóginn
eru til dæmi þar sem það er ekki
eins auðsjáanlegt að um miklar
breytingar hafi verið að ræða. Í
þeim tilvikum er spurning hvort
verið sé að mismuna fólki sem er að
koma úr fæðingarorlofi,“ segir hann.
Guðmundur segir að VR muni
skoða það vandlega hvort það stand-
ist lög að konum sé sagt upp um leið
og þær komi aftur til starfa eftir
fæðingarorlof. „Við erum að skoða
hvort við eigum að láta reyna á slíkt
mál fyrir dómi. Lögin kveða á um að
tryggja réttarstöðu þessara kvenna.
Því verðum við að standa vörð um
rétt þeirra.“
Dæmi um að konum sé sagt
upp eftir fæðingarorlof
Guðmundur B. Ólafsson, lögfræðingur Verzlunarmannafélags Reykjavíkur
SJÖ starfsmönnum í Hagkaupum í
Smáralind var sagt upp nú um mán-
aðamótin og fækkað var um 14 til 15
stöðugildi hjá Kaupási, en í báðum
tilfellum er fækkun starfsfólks til
komin vegna hagræðingar.
Að sögn Finns Árnasonar, fram-
kvæmdastjóra Hagkaupa, eru upp-
sagnirnar vegna breytts vaktakerfis
þar sem til stendur að stytta af-
greiðslutímann í Smáralind frá og
með þessum mánaðamótum.
„Þetta er fyrst og fremst vegna
þessarar afgreiðslutímabreytingar í
Smáralind og því leggst af vaktafyr-
irkomulag sem var áður,“ segir
Finnur. „Á þessari stundu myndi ég
segja að það væri ekkert útilokað að
þetta fólk yrði endurráðið en það er
með þriggja mánaða uppsagnar-
frest.“
Kaupás hf. rekur Nóatún, KÁ, 11–
11, Krónuna, Húsgagnahöllina og
Intersport. Ingimar Jónsson for-
stjóri segir að vegna þess að verið sé
að breyta nokkrum búðum úr KA og
11–11 í Krónuna þurfi færra starfs-
fólk. Afgreiðslutíminn sé styttri, frá
12 til 19 í stað til kl. 22 eða 23 í hinum
búðunum. Í þessu sambandi nefnir
hann að í gær hafi 11–11-verslun við
Dalshraun í Hafnarfirði verið breytt
í Krónuna og því fylgi óhjákvæmi-
lega fækkun á starfsfólki en verið sé
að fara í mun styttri afgreiðslutíma
og mun minni þjónustu.
Að sögn Ingimars nemur fækkun-
in 14 til 15 stöðugildum en uppsagn-
arfrestur er almennt þrír mánuðir.
Mikil fjölgun atvinnulausra
Magnús L. Sveinsson, formaður
Verzlunarmannafélags Reykjavíkur,
segir að VR hafi ekki vitneskju um
uppsagnir hjá einstökum fyrirtækj-
um nema þegar um stóruppsagnir sé
að ræða og engar slíkar séu á borði
VR. Hins vegar liggi fyrir tölur at-
vinnulausra og þær hafi ekki verið
hærri í mörg ár. Hann segir að VR
borgi atvinnuleysisbætur fyrir fleiri
en félaga í VR og nefnir í því sam-
bandi að í febrúar í fyrra hafi VR
greitt 525 manns atvinnuleysisbætur
og þar af 335 VR-félögum. Samsvar-
andi tölur í nóvember hafi verið 675
og 426 en í febrúar 2002 hafi 1.200
manns fengið greiddar atvinnuleys-
isbætur hjá VR og þar af 760 félagar
VR.
Uppsagnir hjá
Hagkaupum
og Kaupási
Atvinnulausum hefur fjölgað mikið
á undanförnum þremur mánuðum
MUN minni samdráttur er í sölu
nýrra fólksbíla í febrúar en verið hef-
ur síðustu mánuði. Alls dróst salan
saman um 28,3% en allt síðasta ár
var samdrátturinn 46% og rúmlega
50% í desember. Samdrátturinn í
janúar 2002 var 33,7%.
Alls seldust 843 bílar í nýliðnum
mánuði. Minnstur var samdráttur-
inn í sölu Toyota, 5%, og er meira en
fjórði hver seldur bíll í mánuðinum
af Toyota-gerð.
Minni samdrátt-
ur í bílasölu
ÁKVEÐIÐ hefur verið að selja
tæp 82% af hlutafé í Steinullar-
verksmiðjunni fyrir tæplega 600
milljónir kr., en gengið á hluta-
bréfunum er 2,65. Kaupendur eru
BYKO, Húsasmiðjan og Kaupfélag
Skagfirðinga, en seljendur ríkis-
sjóður, sveitarfélagið Skagafjörður
og Paroc Group í Finnlandi.
Fram kemur að fyrirtækin þrjú
sem standa að kauptilboðinu hafi í
hyggju að stofna nýtt fyrirtæki um
eignarhaldið á verksmiðjunni og er
gert ráð fyrir að hvert þeirra eigi
24% og starfsmenn verksmiðjunn-
ar 15% auk nýrra aðila.
Þá kemur fram að samþykkt til-
boðsins sé bundin skilyrðum um
heimild Alþingis, sveitarstjórnar
Skagafjarðar og stjórna viðkom-
andi félaga. Þá verði minni hlut-
höfum í fyrirtækinu sem eigi sam-
anlagt tæplega 1% gert sam-
bærilegt tilboð. Gert sé ráð fyrir
að kaupsamningur verði undirrit-
aður 30. apríl næstkomandi og
muni þá nýir eigendur taka við
fyrirtækinu.
Samþykkt
að selja
Steinull-
arverk-
smiðjuna
♦ ♦ ♦