Morgunblaðið - 03.03.2002, Blaðsíða 42
FRÉTTIR
42 SUNNUDAGUR 3. MARS 2002 MORGUNBLAÐIÐ
!"## $ %
&"!### ' (! )( * +
$ '
*
* ,
!
* ++ % * ,
( - % ++* %
BORGIR
Ármúla 1, sími 588 2030 – fax 588 2033
F A S T E I G N A S A L A
VANTAR - VANTAR - VANTAR
EINBÝLISHÚS ÓSKAST
Höfum fjársterka kaupendur að einbýlishúsum á Reykjavíkursvæð-
inu. Nauðsynlegt er að í húsin séu a.m.k. 4 góð svefnherbergi og
að húsið sé í góðu ásigkomulagi, bæði að innan sem utan.
PARHÚS EÐA RAÐHÚS Í LINDUNUM
Einnig vantar okkur rað- eða parhús í Lindahverfi í Kópavogi,
Haukalind er sterkust en aðrar götur koma sterklega til greina.
Mjög góðar greiðslur í boði fyrir réttu eignina.
Maríubaugur 125-143
Sölusýning í dag, sunnudag, frá kl. 13-16
• Glæsilegt útsýni • Sérþvottahús og sérgeymsla fylgir hverri íbúð og mögu-
leiki á að kaupa bílskúr • 4ra herb. íbúðir, 120 fm íbúðir • Aðeins þrjár íbúð-
ir í hverju stigahúsi eða ein íbúð á hæð • Íbúðirnar verða afhentar fullbúnar
án gólfefna • Seljandi tekur á sig afföll á húsbréfum allt að kr. 7,7 m.
• Afhending fljótlega • Verð 15,1-15,6 m.
Byggingaraðili: Meginverk ehf.
GRAFARHOLT
Í TILEFNI af gagnrýni Neytenda-
samtakanna á íslenska banka með
vísun í nýútkomna skýrslu norræna
ráðherraráðsins um bankaþjónustu á
Norðurlöndum vilja Samtök banka og
verðbréfafyrirtækja koma á fram-
færi:
Ein af niðurstöðum skýrslunnar er
að á Norðurlöndunum, þ.á m. á Ís-
landi, standi neytendum til boða til-
tölulega ódýr grunnþjónusta banka í
samanburði við önnur lönd.
Víða erlendis er ekki tryggt að allir
borgarar hafi aðgang að lágmarks-
bankaviðskiptum, s.s. opnun innláns-
reikninga.
Íslenskir bankar hafa leitast við að
tryggja sem best hag neytenda.
Þannig undirrituðu SBV endurnýjað
samkomulag um notkun ábyrgða á
skuldum einstaklinga með Neytenda-
samtökunum og viðskiptaráðherra í
nóvember 2001.
Greining á vaxtamun hjá íslenskum
bönkunum og sparisjóðum sem unnin
var af Fjármálaeftirliti og Seðlabanka
fyrir viðskiptaráðherra í janúar 2002
staðfestir að vaxtamunurinn hefur
minnkað verulega á síðasta áratug og
er nú sambærilegur við það sem
þekkist í helstu viðskiptalöndum
Enginn kostnaður eða aðrar hindr-
anir eru því samfara að færa viðskipti
sín á milli banka á Íslandi frekar en á
hinum Norðurlöndunum, eins og gef-
ið er í skyn í skýrslunni.
Nýbreytni í þjónustu íslenskra
banka er með því mesta sem gerist á
Norðurlöndunum.
Ísland býr við eitt af tæknivædd-
ustu bankakerfum í heiminum.
Þróun netbanka hefur óvíða verið
hraðari en á Íslandi. Samkvæmt
könnun PwC í janúar 2002 eru um
48% viðskiptavina bankanna skráð
notendur netbanka, en það er meira
en tvöfalt meira en víðast í Evrópu.
Notkun netbanka fer stöðugt vaxandi
og gefur viðskiptamönnum tækifæri
til að eiga flest bankaviðskipti hvenær
sólarhringsins sem er.
Með tilkomu svokallaðs kröfupotts
bankanna eru fyrirtæki og ríkisstofn-
anir í auknum mæli að tengja
greiðslukröfur sínar við netbanka-
þjónustu, sem mun færa enn stærri
hluta af hefðbundinni bankaþjónustu
yfir á rafrænt form.
Hægt er að senda greiðslur raf-
rænt á milli aðila á sömu sekúndunni
hér á landi, en erlendis taka slíkar
millifærslur oft nokkra daga og liggur
þá fjármagnið vaxtalaust á meðan.
Þeir sem hafa búið erlendis þekkja
vel að skilvirkni og þjónustustig ís-
lenskra banka er í fararbroddi í heim-
inum.
Mælingar á þjónustu banka og
sparisjóða benda til að gæði þjónustu
íslenskra banka séu almennt meiri en
þekkist erlendis. Nægir í því sam-
bandi að benda á niðurstöður Evr-
ópsku ánægjuvogarinnar, sem bygg-
ist eins og nafnið gefur til kynna á
könnunum á ánægju viðskiptamanna
með þjónustu fyrirtækja í Evrópu. Ís-
lenskir bankar eru í 2. sæti (74,2 stig)
á eftir finnskum bönkum (74,8 stig) af
þjóðunum sex í ánægjuvoginni. Mun-
ur á meðaltali banka hjá hæstu þjóð
og lægstu er 6–7 stig og meðaltal allra
er 71,7 stig. Bandarískir bankar eru
nokkru lægri að meðaltali í ánægju-
voginni, eða með 70,0 stig (sjá með-
fylgjandi mynd).
Upplýsingar skýrslunnar um kjör
og skilmála í bönkum byggjast á töl-
um frá árinu 1998, en örar breytingar
hafa orðið á íslenskum fjármálamark-
aði síðan.
Verulega virðist hafa skort á að
leitað væri eftir upplýsingum beint
frá íslensku bönkunum við gerð
skýrslunnar.
Um bankaþjón-
ustu á Íslandi
!"#$%
&
'
(
(
(
(
(
(
(
(
) %* %!!"#$'%!+ ,%# !
-+ ,!# '#!. !/,$%%!0'
Samtök banka og verðbréfafyrirtækja svara gagnrýni Neytendasamtakanna
HÁSKÓLINN í
Reykjavík og IMG
standa fyrir nám-
stefnu um áhrif
mannauðsstjórn-
unar á afkomu
fyrirtækja hinn 7.
mars 2002 kl. 13–
17 í Háskólanum í Reykjavík.
Markmið ráðstefnunnar er að
kynna árangursríkar aðferðir til
að bæta ákvarðanatöku í rekstri
fyrirtækja og stofnana, með
kerfisbundnum mælingum í
stjórnun mannauðs og tengingu
mannauðsmælikvarða við aðra
rekstrarmælikvarða. Fjallað
verður um mikilvægi þess að
breyta mannauðsstjórnun úr
kostnaðaraukandi stoðkerfi í
virðisaukandi einingu innan
fyrirtækis eða stofnunar.
Kynntar verða aðferðir til að
meta virðisauka af ferlum og
ákvarðanatöku í öllum þáttum
mannauðsstjórnunar, s.s. ráðn-
ingum, launastjórnun, starfs-
mannatengslum og starfsþróun.
Áhersla er lögð á
mælingar sem
tæki við ákvarð-
anatöku, fremur
en sem markmið
í sjálfu sér. Tek-
in verða dæmi
sem sýna út-
færslu þessara aðferða og þann
ávinning sem hægt er að ná.
Einnig verða kynntar rannsókn-
ir sem dregið hafa fram átta til-
teknar aðferðir í mannauðs-
stjórnun til að greina afburða-
fyrirtæki frá öðrum, segir í
fréttatilkynningu. Þar segir
ennfremur:
Fyrirlesarinn – dr. Jac Fitz-
enz – er einn helsti sérfræð-
ingur heims á sviði mannauðs-
stjórnunar og viðurkenndur sem
frumkvöðull á sviði mælinga og
samanburðaraðferða í mann-
auðsstjórnun, að því er fram
kemur í fréttatilkynningu.
Skráning á námstefnuna fer
fram hjá IMG, á netfangið rad-
stefna@img.is.
Námstefna um
mannauðsstjórnun
ÞRIÐJUDAGINN 5. mars heldur
Ragnheiður Kristjánsdóttir sagn-
fræðingur fyrirlestur í hádegis-
fundaröð Sagnfræðingafélagsins
sem hún nefnir: (Ó)þjóðlegt fólk?
Um viðhorf til róttækrar vinstri-
stefnu.
Fundurinn hefst kl. 12.05 í stóra
sal Norræna hússins og lýkur stund-
víslega kl. 13. Hann er opinn öllu
áhugafólki um sögu og menningu.
Í fyrirlestrinum verður fjallað um
viðtökur vinstristefnu á Íslandi,
einkum á fyrri hluta 20. aldar. Sér-
staklega verður litið til umræðna um
hvort íslensku þjóðerni stafaði hætta
af sósíalískum hugmyndum og boð-
berum þeirra á Íslandi. Í því sam-
bandi kemur við sögu ótti við bolsév-
íska byltingu hérlendis, alþjóða-
hyggja Alþýðuflokksins, umdeild
þjóðernishyggja kommúnista og
sósíalista, sem og spurningin um
Moskvuhollustu sama fólks, segir í
fréttatilkynningu.
Ragnheiður Kristjánsdóttir er
með BA-próf í sagnfræði frá Há-
skóla Íslands og M.Phil.-próf í sömu
grein frá háskólanum í Cambridge.
Hún vinnur nú að doktorsritgerð við
sagnfræðiskor HÍ um kommúnisma
og þjóðerni.
Fyrirlestur
um viðhorf
til róttækrar
vinstristefnu
HÓPVINNUKERFI ehf. halda
námskeið um alþjóðlegan staðal í
skjalastjórn, ISO-15489, miðviku-
daginn 6. mars kl. 13.30 á Grand hót-
eli í Reykjavík.
Fyrirlesari á námskeiðinu verður
Jóhanna Gunnlaugsdóttir, lektor við
Háskóla Íslands og ráðgjafi hjá
Gangskör sf. Námskeiðið er ætlað
stjórnendum sem bera ábyrgð á
skjala- og upplýsingamálum stofn-
ana og fyrirtæka, skjalastjórum og
starfsmönnum sem bera ábyrgð á
skjalastjórn og skjalasöfnum og
tölvukennurum sem kenna á rafræn
skjala- og upplýsingakerfi.
Á námskeiðinu er fjallað um alla
efnisþætti staðalsins og tengsl hans
við íslenskan raunveruleika. Þátt-
takendur geta skráð sig á námskeið-
ið með því að senda tölvupóst á
svala@hopvinnukerfi.is, í gegnum
heimasíðu Hópvinnukerfa ehf:
http://www.hopvinnukerfi.is eða í
síma, segir í fréttatilkynningu.
Námskeið
um hóp-
vinnukerfi
SKÁKFÉLAGIÐ Hrók-
urinn býður börnum og
unglingum til skákveislu
í Kringlunni sunnudag-
inn 3. mars kl. 13 þar
sem meistarar miðla
ungum skákmönnum af
reynslu sinni og tefla
fjöltefli.
Meðal þátttakenda í
skákveislunni verða Iv-
an Sokolov, sem er í
hópi bestu skákmanna
heims, og Luke McShane, 18 ára
enskur landsliðsmaður, stórmeistari
og fv. heimsmeistari
barna.
Börn og unglingar
undir átján ára aldri,
sem vilja spreyta sig
gegn meisturunum,
geta skráð sig til leiks
í netfanginu hrokur-
inn@hotmail.com eða í
síma 6969658 hjá Ró-
bert Harðarsyni, vara-
formanni Hróksins.
Þátttaka í fjölteflinu
er ókeypis, segir í fréttatilkynn-
ingu.
Boðið upp á fjöltefli
við stórmeistara
Ivan Sokolov