Morgunblaðið - 03.03.2002, Blaðsíða 9

FRÉTTIR
MORGUNBLAÐIÐ SUNNUDAGUR 3. MARS 2002 9
KVIKMYNDAHÚSIÐ Stjörnubíó, sem
rekið hefur verið við Laugaveg í rúm 50
ár, hætti starfsemi á föstudag. Segir
framkvæmdastjóri kvikmyndadeildar
Norðurljósa fyrirtækið í viðræðum við
aðila sem hafa lýst áhuga á að festa kaup
á húsinu.
Í auglýsingum sem birtust í Morgun-
blaðinu þakkaði Stjörnubíó gestum sínum
fyrir komuna í húsið síðastliðna hálfa
öld. Björn Sigurðsson, framkvæmdastjóri
kvikmyndadeildar Norðurljósa, segir
vissulega vera eftirsjá að kvikmyndahús-
inu, enda hafi það verið starfandi í rúm
50 ár. „Þetta á nú ekki að koma á óvart
því húseignin hefur verið auglýst til sölu
og það eru nokkrir aðilar búnir að sýna
áhuga en við erum að skoða þau mál. Það
hefur staðið til hjá okkur að loka Stjörnu-
bíói allt frá því að við opnuðum Smárabíó
í Smáralindinni og við ákváðum að nota
þennan tímapunkt til þess. Við erum með
annan kvikmyndahúsarekstur í mið-
bænum sem er Regnboginn og það er
óhætt að segja að við værum ekki að loka
bíóinu nema vegna þess að aðsóknin að
því hefur verið að dala undanfarin ár og
mánuði.“
Björn segir nýja kynslóð kvikmynda-
húsa, á borð við Smárabíó, draga kvik-
myndahúsagesti í æ ríkari mæli til sín.
„Þá er mjög erfitt að vera með þrjú bíó-
hús í miðbænum nánast á saman punkt-
inum. Við styrkjum bara hin húsin okkar
á móti og sýnum þar þær myndir sem
annars hefðu farið í Stjörnubíó.“
Morgunblaðið/Billi
Þeir dagar eru liðnir að biðraðir eftirvæntingarfullra
bíógesta myndist fyrir framan innganginn á Stjörnu-
bíói því kvikmyndahúsið hætti starfsemi í gærdag.
Stjörnubíó hættir starfsemi
DÝRAVERNDARRÁÐ kom saman
til fundar á fimmtudag þar sem mál-
efni hundaræktarbús í umdæmi
Reykjavíkur voru m.a. til umfjöllun-
ar. Borist höfðu á þriðja hundrað
áskoranir frá „dýravinum“, sem
Hundaræktarfélag Íslands stóð fyr-
ir, um að endurskoða starfsleyfi bús-
ins, sem heimilar því að halda allt að
120 hunda.
Lýsti Dýraverndarráð yfir
áhyggjum sínum af fjölda hunda á
búinu en að sögn Maríu Harðardótt-
ur, ritara ráðsins, getur það ekki
beitt sér fyrir afturköllun starfsleyf-
isins. Hún sagði að ráðið ætlaði hins
vegar að beita sér fyrir skipun
nefndar til að kanna möguleika á
reglugerð um meðferð gæludýra í
ræktunarbúum en slík reglugerð er
ekki til staðar í dag. Þá ætli Dýra-
verndaráð að kalla eftir endurskoð-
un á reglugerð um dýrahald í at-
vinnuskyni.
Áhyggjur
yfir fjölda
hunda
á búinu
Dýraverndarráð
um hundaræktarbú
í Reykjavík
KJARASAMNINGUR milli Kenn-
arasambands Íslands (KÍ) fyrir hönd
Félags grunnskólakennara og
Skólastjórafélags Íslands annars
vegar og Íslensku menntasamtak-
anna hins vegar var undirritaður í
Áslandsskóla í Hafnarfirði í fyrra-
dag. Einnig var undirritaður kjara-
samningur milli KÍ fyrir hönd Fé-
lags leikskólakennara og Íslensku
menntasamtakanna.
Skv. upplýsingum KÍ felur samn-
ingurinn í sér að laun og starfskjör
kennara við Áslandsskóla í Hafnar-
firði verða í aðalatriðum hin sömu og
kennara í öðrum grunn- og leikskól-
um landsins.
Samið við
kennara Ás-
landsskóla
ALÞJÓÐLEGT atskákmót
hefst í Ráðhúsi Reykjavíkur
eftir helgina og munu fimmtán
erlendir stórmeistarar mæta til
leiks, auk níu íslenskra stór-
meistara, en alls eru þátttak-
endur sextíu og fjórir talsins.
Mótið hefst á mánudaginn og
lýkur 6. mars og heitir Síma-
skákmótið 2000 – Minningar-
mót Dans Hanssonar. Keppnin
verður með útsláttarsniði og
nema heildarverðlaun um níu
þúsund Bandaríkjadölum.
Meðal stigahæstu þátttakenda
má nefna Ivan Sokolov, Jan
Timman, Jaan Ehlvest, Jóhann
Hjartarson og Hannes Hlífar
Stefánsson, en mótinu lýkur
með úrslitaeinvígi þeirra skák-
manna sem lagt hafa alla and-
stæðinga sína.
Hægt verður að fylgjast með
skákunum í beinni útsendingu
á netinu á Internet Chessclub.
Þá verður opnaður sérstakur
vefur á mbl.is þar sem hægt
verður að fylgjast með fréttum
af mótinu og úrslitum, auk þess
sem þar er að finna upplýsingar
um keppendur og dagskrá
mótsins.
Vefur um
atskákmót
á mbl.is
♦ ♦ ♦