Morgunblaðið - 23.04.2002, Side 6

FRÉTTIR
6 ÞRIÐJUDAGUR 23. APRÍL 2002 MORGUNBLAÐIÐ
Hjólbörur
Sími 525 3000 • www.husa.is
85 lítra hjólbörur
Verð áður: 6.395 kr.
4.285 kr.
UM tuttugu þúsund manns heim-
sóttu Ferðatorg 2002 sem haldið
var í Vetrargarðinum í Smáralind-
inni um helgina en þar gafst land-
anum kostur á að kynna sér ferða-
möguleika innanlands. Að sögn
Péturs Rafnssonar, formanns
Ferðamálasamtaka Íslands, voru
sýnendur himinlifandi með mót-
tökurnar og sagði hann ljóst að
torgið yrði árviss viðburður hér eft-
ir. Hér má sjá þjóðdansafólk úr
Borgarfirðinum stíga dans sýning-
argestum til skemmtunar og hafa
tilþrifin ekki verið af verri endan-
um ef marka má pilsaþytinn sem
fylgir sporunum. Morgunblaðið/Sverrir
Pilsaþytur
á Ferða-
torgi
SAMRÆMD próf hefjast í dag í
grunnskólum landsins og munu þau
standa fram í næstu viku. Tæplega
4000 unglingar munu þreyta próf-
in.
Prófað er í fimm greinum. Í dag
stendur íslenska fyrir dyrum, á
morgun enska, náttúrufræði á
föstudag, stærðfræði á mánudag í
næstu viku og loks danska á þriðju-
dag eftir viku. Að sögn Finnboga
Gunnarssonar, umsjónarmanns
samræmdra prófa hjá Námsmats-
stofnun, eru það 3831 unglingar í
10. bekk sem munu þreyta prófin
að þessu sinni en að auki eru 88
nemendur í 9. bekk sem munu taka
eitt og eitt próf. Um er að ræða
þriggja tíma próf sem verða sam-
tímis um land allt og er hinn op-
inberi tími milli klukkan 9 og 12 en
að sögn Finnboga geta einstaka
skólar byrjað fyrr ef það hentar
þeim betur.
Fram kemur í fréttabréfi Sam-
bands foreldrafélaga og for-
eldraráða í grunnskólum Reykja-
víkur, að foreldrarölt sé skipulagt í
borginni í tengslum við lok sam-
ræmdu prófanna 30. apríl. Hvetja
samtökin foreldra til að hafa augun
opin og rölta líka 3. og 4. maí.
Samræmd próf byrja í dag
BJÖRGUNARSKIP Slysavarna-
félagsins – Landsbjargar náði í tvo
vélarvana báta í gærmorgun og tóku
þá í tog til hafnar. Það gekk að óskum
og komu bátarnir til hafnar um miðj-
an dag. Engin hætta var á ferðum.
Netabáturinn Pétursey VE-6 bilaði
við Surtsey og var björgunarskipið
Þór í Vestmannaeyjum sent honum til
aðstoðar. Henrý A. Hálfdánarson frá
Reykjavík var kallaður út á tólfta tím-
anum í dag til aðstoðar þriggja tonna
Sómabáti, sem var á ferð skammt fyr-
ir utan Kollafjörð þegar drapst á vél.
Er bátsverjum mistókst að koma
henni í gang báðu þeir um aðstoð.
Tveir bátar
togaðir til
hafnar
DREGIÐ hefur saman með fylking-
um í Reykjavík samkvæmt skoðana-
könnun sem DV birtir í gær. Sam-
kvæmt henni fær Reykjavíkurlistinn
42% atkvæða og 8 borgarfulltrúa en
D-listi Sjálfstæðisflokks 36,2% og 7
borgarfulltrúa. F-listi Frjálslyndra
og óháðra fær 3% og engan mann.
13,3% aðspurðra voru óákveðin og 5%
neituðu að svara.
Ef aðeins eru teknir þeir sem af-
stöðu tóku fær R-listi 51,4% og D-listi
44,3%. Sjálfstæðisflokkurinn hefur
aukið fylgi sitt um 4,8 prósentustig
frá síðustu könnun DV í mars en fylgi
R-lista hefur minnkað um 5,5%.
Verulegur munur er á afstöðu
kynjanna, en 56,7% kvenna segjast
ætla að styðja R-lista, en 39% kvenna
segjast styðja D-lista. 46,7% karla
lýsa yfir stuðningi við R-lista, en 49%
karla segjast styðja D-lista.
Könnun blaðsins var gerð á sunnu-
dagskvöld og var úrtakið 600 manns.
Dregur
saman með
fylkingum í
Reykjavík
UNGUR maður sem ásamt tveimur
öðrum rændi pitsusendil við Vallar-
hús um miðnætti á föstudags hefur
verið úrskurðaður í sex vikna gæslu-
varðhald að kröfu lögreglunnar í
Reykjavík.
Að sögn Ómars Smára Ármanns-
sonar aðstoðaryfirlögregluþjóns hef-
ur maðurinn ítrekað komið við sögu
lögreglunnar undanfarið m.a. vegna
innbrota. Maðurinn réðst ásamt fé-
lögum sínum á pitsusendilinn þegar
hann hugðist afhenda pitsuna. Þeir
náðu af sendlinum lítilsháttar af pen-
ingum, pitsunni og gosflösku, sem
hann var með eftir að hafa haft í hót-
unum við hann. Sendilinn sakaði
ekki.
Pitsuræningi
í gæslu-
varðhald
INNBROTSÞJÓFAR létu greipar
sópa um Sögusetrið á Hvolsvelli að-
faranótt sunnudags. Höfðu þeir m.a. á
brott með sér reiðufé og frosið kjöt-
meti, en skildu eftir vínflöskur og dýrt
sjónvarp. Sýningagripir skemmdust
ekki.
Það var Arthúr Björgvin Bollason,
forstöðumaður Sögusetursins, sem
kom fyrstur á vettvang eftir innbrot-
ið. Búið var að rífa upp alla skápa í
minjagripabúðinni og hreinsa út silf-
urmuni og fleiri verðmæti. Peninga-
kassinn hafði verið spenntur upp og
tæmdur, rifið hafði verið upp úr
hirslum í skrifborði Arhtúrs, tveimur
hljómflutningssamstæðum stolið sem
og nýrri tölvu og tveimur litprentur-
um svo flest sé nefnt. Þá gerðu þjóf-
arnir, eða þjófurinn, tilraun til að ná
þriðju hljómflutningssamstæðunni
en gáfust upp á því.
Arthúr segir að aðgerðir þjófanna
virðist hafa verið harla óreiðukennd-
ar. Þannig höfðu þeir stungið faxtæki
og síma ofan í tösku sem þeir skildu
eftir á afgreiðsluborði og þeir höfðu
sett tvo kassa af vínflöskum upp á
borð en skildu þá sömuleiðis eftir.
Þeir höfðu á hinn bóginn á brott með
sér talsvert magn af frosnum læris-
sneiðum og öðrum matvælum úr
frystikistu. Þá tóku þeir stórt og mik-
ið sjónvarpstæki, gengu með það
enda á milli í húsinu en misstu það
þegar þeir voru komnir út, og þar
fannst það á sunnudagsmorgun. Þjóf-
arnir fóru einnig í húsakynni Kaup-
félagssafns Suðurlands, sem er í
sömu byggingu og Sögusetrið, þar
sem þeir brutu upp tvo gamla pen-
ingakassa sem þar voru til sýnis, al-
gjörlega auralausir. Þá bendir allt til
þess að þeir hafi ekki haft vasaljós við
iðju sína, og ekki gátu þeir kveikt
ljósin því það hefði vakið á þeim at-
hygli. Þess í stað virðast þeir hafa
notast við kertaljós en útbrunnið
kerti fannst við hurðina sem þeir
brutust inn um.
Veisla var í Sögusetrinu á laugar-
dagskvöld en Arthúr segir að afrakst-
ur hennar hafi ekki verið í húsinu.
Hann telur að þjófarnir hafi þó náð
nokkrum tugum þúsunda í reiðufé en
alls nemi tjónið um 600–700 þúsund
krónum. Það tjón verður væntanlega
bætt af tryggingunum. Tölvugögn
sem töpuðust munu hins vegar liggja
óbættt hjá garði, m.a. bókanir fyrir
gesti Sögusetursins, samningar og
ýmsar greinar eftir Arthúr.
Starfsemi raskast minna
„Til allrar hamingju er ég svo gam-
aldags að ég hef handfært allar bók-
anir og alla samninga við fólk sem er
að koma í heimsókn og ég á það
heima hjá mér, þannig að þetta rask-
ar starfseminni minna en leit út fyrir í
byrjun,“ segir Arthúr. Ekki er þjófa-
varnakerfi í húsinu en Arthúr segir
að nú hljóti að verða bætt úr því hið
fyrsta.
Þeir sem hafa upplýsingar um inn-
brotið eru beðnir um að hafa sam-
band við lögregluna á Hvolsvelli sem
rannsakar málið.
Stálu peningum og
kjöti en skildu eftir vín
Þjófar létu greipar sópa í Sögusetrinu á Hvolsvelli
EUROPAY á Íslandi hefur kært
bandaríska sölufyrirtækið Fasteam
inc. til lögreglu fyrir að falsa debet-
kort með alþjóðlega merkinu
Maestro. Fyrirtækið mun stunda
svokallaða keðjusölu sem byggist á
því að sölumenn sem selja vörur frá
fyrirtækinu eru hvattir til að fá fleiri
sölumenn til liðs við fyrirtækið. Í
staðinn er þeim lofað hlutdeild í sölu-
launum þeirra.
Ragnar Önundarson, fram-
kvæmdastjóri Europay, segir að
nokkrir hafi kvartað undan viðskipt-
um við Fasteam inc. Fyrirtækið hafi
tekið við greiðslum frá fólki og þær
verið færðar á greiðslukort. Fólk hef-
ur þá fengið sent debetkort sem var
sagt duga til að taka út sölulaunin úr
hraðbönkum. Framan á kortinu
stendur „Fyrirframgreitt eldsneyti“
(prepaid fuel card á ensku). Aftan á
kortinu er merki Maestro og Cirrus
sem eru alþjóðleg greiðslukorta-
merki. Sumum hefur tekist að taka út
fé en í flestum tilfellum „gleypa“
hraðbankarnir kortið, en það eiga
þeir að gera ef fölsuð kort eru sett í
þá. Haft var samband við höfuðstöðv-
ar Maestro og þar könnuðust menn
ekki við að hafa gefið út kort fyrir
Fasteam inc.
Einnig hefur verið leitað eftir því
við Europay að fyrirtækið bakfæri
greiðslur til Fasteam þar sem vörur
sem keyptar voru út á greiðslukort
hafi aldrei borist. Eru dæmi um að
fólk hafi greitt á þriðja hundrað þús-
und krónur fyrir vörur sem það hugð-
ist kaupa og síðan selja en hafa ekki
borist. Ragnar segir að starfsemi fyr-
irtækisins beri öll merki þess að verið
sé að hafa fé af fólki. Það sé þó lög-
reglunnar að rannsaka málið nánar.
Hann hefur haft spurnir af því að
fólki hafi verið boðið á kynningar-
fundi þar sem söluferlið er útskýrt og
eru fleiri slíkir fundir fyrirhugaðir.
Grunur um fölsuð debetkort
frá keðjusölufyrirtæki
STAÐA upplýsingaiðnaðar og líf-
tækni á Íslandi verður kynnt á stórri
ráðstefnu, sem haldin verður í
Stokkhólmi á morgun. Fyrirlesarar
á ráðstefnunni, þar sem fjallað verð-
ur um samspil upplýsinga- og líf-
tækni, verða frá Íslandi, Bandaríkj-
unum og Svíþjóð.
Sólveig Pétursdóttir dómsmála-
ráðherra verður viðstödd ráðstefn-
una. Svavar Gestsson sendiherra
flytur erindi sem hann kallar „Fjór-
ar meginstoðir íslensks efnahags-
lífs“ og Kári Stefánsson, forstjóri Ís-
lenskrar erfðagreiningar, greinir frá
stöðu og áformum fyrirtækisins.
Sólveig Pétursdóttir mun einnig
sitja alþjóðlega ráðstefnu í Stokk-
hólmi í dag og á morgun, þar sem
fjallað verður um sannleika, réttlæti
og sættir milli þjóða og þjóðfélags-
hópa. Forsætisráðherra Svíþjóðar
býður til ráðstefnunnar og er hún
hin þriðja í röðinni, sem haldin er í
Stokkhólmi. Að þessu sinni verður
m.a. fjallað um hvernig unnið er að
því að koma á sáttum og jafnvægi í
samfélögum Suður-Afríku, Rúanda,
Bosníu-Herzegóvínu og Kambodíu.
Upplýsinga-
og líftækni á
Íslandi kynnt
á ráðstefnu ♦ ♦ ♦
♦ ♦ ♦