Morgunblaðið - 23.04.2002, Page 22
VIÐSKIPTI/ATHAFNALÍF
22 ÞRIÐJUDAGUR 23. APRÍL 2002 MORGUNBLAÐIÐ
EINS og fram hefur komið hefur
Kaupþing fest kaup á meirihluta
hlutafjár í Þyrpingu og fyrir á Kaup-
þing hlut í Stoðum, en bæði þessi
fyrirtæki eiga og reka fasteignir.
Ætlunin er að sameina þessi tvö fyr-
irtæki, en nákvæm skipting eignar í
nýju sameinuðu félagi liggur ekki
fyrir. Stærð efnahagsreikninganna
getur þó gefið grófa hugmynd um
hver skiptingin kann að verða.
Eignir Þyrpingar voru 13,5 millj-
arðar króna um áramót en hafa vax-
ið síðan og eru nú um eða yfir 14
milljarðar króna. Eignir Stoða voru
um áramótin 4,4 milljarðar króna,
en þar sem Höfðaborg við Borgar-
tún hefur bæst við frá þeim tíma
hafa þær vaxið umtalsvert og eru nú
5 til 6 milljarðar króna. Eiginfjár-
hlutfall Stoða er um 20% og eig-
infjárhlutfall Þyrpingar er rúmlega
21%. Hagnaður Þyrpingar var tæp-
ar 40 milljónir króna á síðasta ári en
hagnaður Stoða tæpar 80 milljónir
króna.
Þyrping með 70–75%
í sameinuðu félagi
Eftir kaup Kaupþings á Þyrpingu,
að þeim hlut meðtöldum sem Kaup-
þing hefur tryggt sér til kaups, verð-
ur eignaskipting Þyrpingar þannig,
að Kaupþing verður með 72,5% af
heildarhlutafé, Ingibjörg Pálma-
dóttir mun eiga 17,5% hlut og um
100 smærri eigendur skipta um 10%
hlut á milli sín. Eignaskiptingin í
Stoðum er þannig að Kaupþing á
40% hlut, Kaupþing Lúxemborg á
2%, Baugur á 48% og Sparisjóður
Reykjavíkur og nágrennis á 10%.
Ef aðeins er miðað við stærð efna-
hagsreikninganna eins og hún er nú
má gera ráð fyrir að hlutur Þyrp-
ingar í sameinuðu félagið verði á
bilinu 70–75% og hlutur Stoða verði
þá 25–30%. Að því gefnu ætti eign-
arhlutur Kaupþings að vera nálægt
2⁄3 í sameinuðu félagi, hlutur Baugs
12–14%, hlutur Ingibjargar Pálma-
dóttur 12–13%, hlutur Sparisjóðs
Reykjavíkur og nágrennis 2,5–3%
og hlutur annarra minni.
Að sögn Ármanns Þorvaldssonar,
framkvæmdastjóra hjá Kaupþingi,
er ætlunin að Kaupþing, Baugur og
Ingibjörg Pálmadóttir muni hvert
um sig eiga um 20–30% í sameinuðu
félagi, sem þýðir að Kaupþing mun
selja talsvert af hlut sínum.
Landsafl í svipaðri starfsemi
Fyrir utan Þyrpingu og Stoðir er
fyrirtækið Landsafl stórt í eignar-
haldi og rekstri fasteigna. Eigendur
Landsafls eru Íslenskir aðalverktak-
ar, með 49% hlut, Landsbankinn-
Fjárfesting, með 25,5% hlut, og
Eignarhaldsfélagið Alþýðubankinn,
með 25,5% hlut. Félagið er með eig-
ið fé upp á 1,1 milljarð króna og
eignir eru bókfærðar á um 6 millj-
arða króna. Í samtali við Úlfar Örn
Friðriksson, framkvæmdastjóra
þess, kom fram að stefna þess væri
að stækka, annaðhvort með innri
vexti eða sameiningum við aðra, með
það að markmiði að skrá fyrirtækið
á markað. Úlfar sagðist telja að til
að raunhæft væri að skrá félag af
þessu tagi á markað þyrftu eignir
þess að vera að minnsta kosti 25
milljarðar króna.
Eignaskipting í fyrirhugaðri sameiningu fasteignafélaganna Þyrpingar og Stoða
Kaupþing verð-
ur með 2⁄3 í sam-
einuðu félagi
Landsafl er þriðja stóra íslenska fast-
eignafélagið með 6 milljarða eignir
Morgunblaðið/Ásdís
Kringlan er meðal eigna Þyrpingar sem fyrirhugað er að sameina fasteignafélaginu Stoðum.
Ránarborg sel-
ur allt hlutafé
sitt í SH
EIGNARHALDSFÉLAGIÐ Rán-
arborg ehf. seldi í gær allt hlutafé
sitt í Sölumiðstöð hraðfrystihús-
anna, alls um 71 milljóna króna hlut
að nafnvirði. Kaupandi var fjárfest-
ingarfélagið Afl og nam kaupverðið
alls um 362,3 milljónum króna. Afl á
eftir kaupin 7,16% hlut í SH eða
105,9 milljónir króna að nafnvirði. Þá
keypti Ránarborg í gær hlutabréf í
Íslenska fjársjóðnum að nafnvirði
tæplega 232,6 milljóna króna. Eign-
arhlutur Ránarborgar eftir kaupin
er 12,7% en var áður enginn. Rán-
arborg er í eigu Þorsteins Vilhelms-
sonar, stjórnarmanns í Sölumiðstöð
hraðfrystihúsanna, en hann er enn-
fremur stjórnarformaður Afls fjár-
festingarfélags.
♦ ♦ ♦
TM selur hlut
sinn í Samlífi
TRYGGINGAMIÐSTÖÐIN hf. hef-
ur selt allan hlut sinn, eða 15%, í
Sameinaða líftryggingarfélaginu hf.,
Samlífi. Kaupandi var Sjóvá-Al-
mennar tryggingar hf. og nam sölu-
verð hlutarins 191,3 milljónum
króna. Sjóvá-Almennar framseldu í
kjölfarið 10% eignarhlut í Samlífi til
Íslandsbanka hf. með fyrirvara um
samþykki Fjármálaeftirlitsins. Þessi
félög eru nú einu eigendur Samein-
aða líftryggingarfélagsins og eiga
Sjóvá-Almennar tryggingar 60%
eignarhlut og Íslandsbanki 40%
eignarhlut.
Sorpa með
39,5 milljónir
í hagnað
HAGNAÐUR Sorpu nam 39,5
milljónum króna á síðasta ári
samanborið við 57,4 milljónir
árið 2000.
Rekstrartekjur Sorpu námu
1 milljarði króna samanborið
við 900 milljónir króna árið
2000. Rekstrargjöldin námu
tæpum 900 milljónum króna en
voru tæpar 800 milljónir árið á
undan.
Eigið fé Sorpu var í árslok
2001 717 milljónir króna og
hafði aukist úr 610 milljónum
króna frá árinu áður.
Hagnaður Íshug
10,6 milljónir
HAGNAÐUR Íslenska hugbúnaðar-
sjóðsins, Íshug, nam 10,6 milljónum
króna á fyrstu þremur mánuðum
ársins.
Innleyst tap félagsins fyrstu þrjá
mánuði ársins 2002 nam 24 milljón-
um króna. Óinnleyst gengishækkun
á skráðum hlutabréfum nemur rúm-
um 34 milljónum.
Heildareignir félagsins nema
1.835 milljónum króna sem er 299
milljóna króna hækkun frá áramót-
um og nemur eigið fé tæplega 1.707
milljónum króna samkvæmt efna-
hagsreikningi. Eiginfjárhlutfall er
94% og innra virði hlutafjár 2,09
Hlutafé félagsins nemur nú 828
milljónum króna en samkvæmt
ákvörðun aðalfundar félagsins í
mars sl. voru samningar við Nýsköp-
unarsjóð atvinnulífsins og Lands-
bankann Fjárfestingu staðfestir sem
hefur í för með sér hækkun hlutafjár
um 271 milljón króna en jafnframt
nýtti stjórnin sér áður fengna heim-
ild til að hækka hlutafé um 15 millj-
ónir króna vegna kaupa á eignarhlut
í CCP. Ný félög í eignasafninu vegna
þessara samninga eru 16% eignar-
hlutur í Taugagreiningu, 22% í LH
tækni, 20% í CCP og 23% eignar-
hlutur í Handtölvum. Í tilkynningu
frá Íshug kemur fram að breyting
hefur verið gerð á reikningsskilaað-
ferðum félagsins í samræmi við
breytingar á lögum um ársreikninga
sem samþykkt voru á Alþingi undir
lok árs 2001, um afnám verðleið-
réttra reikningsskila. Við breyt-
inguna er í afkomuhugtaki í árs-
hlutareikningnum ekki tekið tillit til
áhrifa verðbólgu. Ef beitt hefði verið
óbreyttum aðferðum við gerð reikn-
ingsskilanna væru áhrif verðleiðrétt-
inga á rekstur félagsins tímabilið 1.
janúar–31. mars 2002 þau að inn-
leyst tap félagsins hefði aukist um
17,6 millj. kr., miðað við hækkun á
vísitölu neysluverðs á tímabilinu,
sem var 1,05%. Áhrif verðleiðrétt-
inga á efnahagsreikning væru þau að
framreikningur eignarhluta í öðrum
félögum og varanlegum rekstrar-
fjármunum næmi 31,6 millj. kr. og
eigið fé félagsins væri hærra sem því
nemur.
Auglýsingar: Eyðsla
eða fjárfesting?
JOHN Philip Jones, hagfræðingur,
sérfróður um auglýsingamál, hélt
fyrirlestur á vegum Sambands ís-
lenskra auglýsingastofa (SÍA) í síð-
ustu viku. Jones fjallaði m.a. um
hvort fé sem varið er í að auglýsa
væri eyðsla eða fjárfesting.
Jones kemst að þeirri niðurstöðu
að sé auglýst á réttan hátt sé fénu
vel varið. „Það þarf að sýna fram á
árangur af auglýsingum og það get-
ur verið erfitt að mæla hann,“ sagði
Jones m.a. á fundinum sem var vel
sóttur af íslensku auglýsingafólki.
Hann fæst sjálfur við slíkar mæl-
ingar og hefur í starfi sínu sem pró-
fessor við Newhouse School of Publ-
ic Communication við Háskólann í
Syracuse, New York, gert margs
konar rannsóknir sem hann byggir
á raunverulegum gögnum sem safn-
að er í viðskiptalífinu. Jones er
fæddur í Wales, lauk hagfræðiprófi
frá Háskólanum í Cambridge, starf-
aði hjá J. Walter Thomson í 25 ár í
London, Kaupmannahöfn og víðar
og mótaði auglýsingastefnu fyrir
mörg heimsþekkt vörumerki eins og
Lux, Kodak, Ford og Kellogg’s.
Eykur skilning á raunverulegum
áhrifamætti auglýsinga
Jones hefur skrifað nokkrar bæk-
ur um auglýsingamál og árið 1995
kom út bókin When Ads Work: New
Proof that Advertising Triggers
Sales. Að sögn Halls Baldurssonar,
annars framkvæmdastjóra samein-
aðrar auglýsingastofu Yddu og
Nonna og Manna, hefur þessi bók
valdið þáttaskilum í umræðum um
áhrifamátt auglýsinga. „Umfjöllun
bókarinnar er byggð á greiningu á
heildstæðum gögnum (single
source) um auglýsingaáreiti og
kauphegðun. Í bókinn sýnir John
Philip Jones fyrstur manna fram á
hvernig greina megi skammtíma-
virkni auglýsinga og hefur þessi
greining aukið mjög skilning manna
á raunverulegum áhrifamætti aug-
lýsinga,“ sagði Hallur m.a. í kynn-
ingu sinni á Jones.
Á síðasta ári kom nýjasta bók
Jones út: The Ultimate Secrets of
Advertising. Þar setur hann fram
kenningu um virkni auglýsinga og
fjallar bæði um skammtíma- og
langtímavirkni auglýsinga.
Skammtíma- og langtíma-
virkni auglýsinga
Í máli sínu lagði Jones áherslu á
að hvort tveggja skipti máli,
skammtíma- og langtímavirkni aug-
lýsinga. Einnig væri afar mikilvægt
að auglýsingar væru byggðar á
skapandi hugmyndum. Skammtíma-
virkni auglýsinga væri aukin sala en
langtímavirkni væri styrking vöru-
merkis og ímyndar.
Hann sagði að verðlækkanir væru
ofmetnar sem aðgerð til að auka
sölu á vöru. Lækkað verð gæti haft
skammtímavirkni en væri góðum
auglýsingum t.d. beitt á sama tíma á
réttan hátt, gætu áhrifin orðið góð
til skamms og langs tíma, bæði á
arðsemi fyrirtækisins sem auglýsir
og á merkið og ímyndina.