Morgunblaðið - 23.04.2002, Qupperneq 26
ERLENT
26 ÞRIÐJUDAGUR 23. APRÍL 2002 MORGUNBLAÐIÐ
G
æ
ð
i
á
N
e
tt
o
v
e
rð
i.
..
35%
ASKALIND 3 - KÓPAVOGI - SÍMI: 562 1500
35% afsláttur af öllum Nettoline
innréttingum í 2 vikur
ja vikna tilboð2
NÚ ER LAG!
mánudaga–föstudaga kl . 9–18
laugardaga 10–16
sunnudag 21. aprí l k l . 13–16
OPIÐ:
Glæsilegar danskar innréttingar
DANSKA lögreglan skýrði frá
því í gær að 25 menn hefðu verið
handteknir í sjö löndum fyrir
meinta aðild að alþjóðlegum
barnaklámshring. Rannsókn
málsins náði til ellefu landa
beggja vegna Atlantsála.
Jens Olufsen, lögreglustjóri í
Ringkøbing, sagði að lögreglan
hefði komist á sporið þegar hún
handtók konu og unnusta henn-
ar sem höfðu misnotað ellefu ára
dóttur hennar kynferðislega. Á
heimili þeirra fundust klám-
myndir af börnum og langur
nafnalisti. Dönsk yfirvöld segja
að á listanum séu nöfn fólks sem
misnoti börn kynferðislega og
skiptist síðan á myndum af
þeim.
„Ég hef verið í lögreglunni í
30 ár og þetta er það grófasta
sem ég hef séð,“ sagði Olufsen.
Páfi ræðir við
bandaríska
kardinála
BANDARÍSKIR kardinálar
fóru í gær í Páfagarð til fundar
við Jóhannes
Pál páfa til
að ræða
ástandið inn-
an kaþólsku
kirkjunnar í
Bandaríkj-
unum vegna
ásakana um
kynferðis-
brot presta
gegn börnum og tilraunir til að
hylma yfir brotin. Er þetta í
fyrsta sinn sem æðstu yfirmenn
kaþólsku kirkjunnar koma sam-
an formlega til að ræða málið.
Talið er að þá greini á um hvort
kardinálinn Bernard Law, yfir-
maður erkibiskupsdæmisins í
Boston, eigi að segja af sér, en
hann hefur verið sakaður um að
hafa hylmt yfir kynferðisbrot
presta gegn börnum.
Jarðasala
verði leyfð
VLADÍMÍR Pútín, forseti
Rússlands, hvatti til þess í gær
að rússneska
þingið sam-
þykkti lög
sem heim-
iluðu sölu á
ræktuðu
landi í fyrsta
sinn frá bylt-
ingunni
1917.
Kommún-
istar hafa
hindrað slíka löggjöf frá hruni
Sovétríkjanna fyrir rúmum ára-
tug. Pútín sagði að ef til vill væri
nauðsynlegt að banna að útlend-
ingar keyptu jarðirnar.
Gates fyrir
rétt
BILL Gates, stofnandi banda-
ríska hugbúnaðarfyrirtækisins
Microsoft, kom fyrir rétt í
Washington í gær vegna lög-
sóknar níu ríkja sem saka fyr-
irtækið um brot á samkeppnis-
lögum og lögum um hringa-
myndun. Gates sagði að viður-
lögin, sem ríkin vildu beita fyrir-
tækið, myndu grafa undan þró-
un hugbúnaðar sem milljónir
Bandaríkjamanna noti.
STUTT
Handtóku
barna-
níðinga
Bernard Law
Vladímír
Pútín
„Innflytjendaholskeflan er rétt ný-
hafin. Þetta er mesta vandamál sem
steðjar að Frakklandi, Evrópu og lík-
lega heiminum öllum. Við eigum á
hættu að hún kaffæri okkur.“
Þetta sagði Jean-Marie Le Pen í
viðtali nýlega og boðskapur hans
virðist eiga mikinn hljómgrunn í
Frakklandi ef marka má úrslit fyrri
umferðar forsetakosninganna á
sunnudag. Le Pen, sem er 73 ára,
komst þá í aðra umferðina með því að
fá fleiri atkvæði en forsetaefni sósíal-
ista.
Le Pen hefur notfært sér ótta
margra Frakka við innflutning fólks
frá múslímaríkjum, aðallega frá
Norður-Afríku, og lagt áherslu á að
Frakkland eigi að vera fyrir Frakka.
Hann hefur lýst innflutningnum sem
innrás og kennir útlendingum um
aukið atvinnuleysi og glæpafaraldur í
frönskum borgum. Hann kveðst að-
eins segja það upphátt sem aðrir
hugsi en geri ekki uppskátt.
Philippe Mechet, aðstoðarforstjóri
skoðanakannanafyrirtækisins Sofr-
es, segir að fjórðungur franskra kjós-
enda hafi einhvern tíma kosið Le Pen
eða flokk hans, Þjóðarfylkinguna,
sem stofnuð var fyrir þremur áratug-
um.
Fyrrverandi
fallhlífahermaður
Le Pen fæddist árið 1928 í bænum
La Trinite-sur-Mer á Bretagne-
skaganum. Hann gekk í útlend-
ingahersveitirnar árið 1954, var í fall-
hlífahersveit og gegndi herþjónustu í
Indókína og Alsír.
Hann haslaði sér völl í stjórnmál-
unum árið 1956 þegar hann varð
þingmaður flokks kaupmanna og eig-
enda lítilla fyrirtækja, undir forystu
Pierre Poujade. Árið 1965 stjórnaði
Le Pen kosningabaráttu Jean-Louis
Tixier-Vignancours, sem var lengst
til hægri í frönskum stjórnmálum, og
stofnaði Þjóðarfylkinguna árið 1972.
Le Pen hefur fjórum sinnum verið
í framboði í forsetakosningum og
fékk aðeins 0,74% atkvæðanna þegar
hann bauð sig fram í fyrsta sinn árið
1974. Hann fékk síðan 14,4% fylgi í
kosningunum 1988 og 15% 1995,
tveimur prósentustigum minna en í
fyrri umferðinni á sunnudaginn var.
Þjóðarfylkingin fékk 35 þingsæti
af 577 í kosningum árið 1986 þegar
hún naut góðs af nýju hlutfallskosn-
ingakerfi – en aðeins eitt þingsæti
tveimur árum síðar þegar gamla
kosningakerfið var tekið upp aftur,
en það byggist á því að frambjóðend-
urnir þurfa að fá meirihluta at-
kvæðanna til að ná kjöri. Eini þing-
maður Þjóðarfylkingarinnar, Yann
Piat, gekk síðar úr flokknum og var
ráðinn af dögum. Morðið hefur ekki
enn verið upplýst að fullu.
Þjóðarfylkingin fékk engan þing-
mann kjörinn í kosningunum 1997.
Var afskrifaður
vegna klofnings
Þjóðarfylkingin klofnaði árið 1999
vegna valdabaráttu milli Le Pens og
Brunos Megrets, sem talið var að
yrði arftaki hans. Megret laut í lægra
haldi og stofnaði nýjan flokk, Lýð-
veldishreyfinguna (MNR). Flokk-
arnir tveir fengu aðeins 9% fylgi í
kosningum til Evrópuþingsins síðar
sama ár.
Þjóðarfylkingin hefur ekki náð sér
á strik eftir klofninginn og margir
höfðu afskrifað Le Pen sem stjórn-
málaleiðtoga fyrir fyrri umferðina á
sunnudag. Um tíma leit jafnvel út
fyrir að hann yrði ekki í framboði því
hann átti í mestu erfiðleikum með að
tryggja sér stuðning nógu margra
kjörinna embættismanna til að geta
boðið sig fram.
Lýsti gasklefum nasista
sem „smáatriði“
Þeir sem eru á öndverðum meiði
við Le Pen lýsa honum sem ofstæk-
ismanni og yfirgangssegg. Hann hef-
ur nokkrum sinnum verið dæmdur
fyrir ummæli sem hann hefur viðhaft
um gyðinga og tilraun nasista til að
gereyða gyðingum í Evrópu. Árið
1987 lýsti hann til að mynda gasklef-
unum í útrýmingarbúðum nasista
sem „smáatriði“ í sögu síðari heims-
styrjaldarinnar og var dæmdur til að
greiða sekt. Hann neitar þó ásök-
unum um að hann sé gyðingahatari.
Le Pen var bannað að gegna op-
inberu embætti í Frakklandi í eitt ár
eftir að hann lagði hendur á andstæð-
ing sinn úr röðum sósíalista fyrir
þingkosningarnar árið 1997. Litlu
munaði að hann missti einnig sæti
sitt á Evrópuþinginu.
Vill verndartolla og
hafnar evrunni
Le Pen hefur mildað stefnu sína í
málefnum innflytjenda og fallið frá
kröfu sinni um að þeim verði vísað úr
landi. Hann hefur lagt áherslu á að
skera þurfi upp herör gegn glæpum
og minnka áhrif framkvæmda-
stjórnar ESB í Frakklandi.
Le Pen hefur notið góðs af því að
ofbeldisglæpir hafa verið í brenni-
depli í kosningabaráttunni. Hann
hefur meðal annars lagt til að reist
verði ný fangelsi fyrir um 200.000
fanga.
Le Pen vill að Frakkar segi upp
Maastricht-sáttmála Evrópusam-
bandsins og hætti þátttöku í Scheng-
en-samstarfinu um afnám landa-
mæraeftirlits innan Evrópska
efnahagssvæðisins. Hann vill að
Frakkar haldi frankanum, sem vék
fyrir evrunni um áramótin, en ljær
þó máls á því að báðir gjaldmiðlarnir
verði notaðir í Frakklandi.
Hann er einnig andvígur því að
Evrópski seðlabankinn ákveði vexti í
Frakklandi og hefur heitið því að
Frakkar endurheimti „sjálfstæði í
peninga- og ríkisfjármálum“.
Efnahagsstefna Le Pens byggist
aðallega á því að hann hafnar al-
þjóðavæðingu og vill að Frakkar taki
upp verndartollastefnu. Hann hefur
einnig lofað að leggja niður tekju-
skatta í áföngum á fimm árum. Hann
segist vilja lengja vinnuvikuna aftur,
en stjórn sósíalista hefur stytt hana í
35 stundir, og hækka laun fátæks
verkafólks.
Lítur á sig sem fórnarlamb
valdastéttarinnar
Le Pen leggur þó enn mikla
áherslu á málefni innflytjenda, sem
hann segir rót margra af helstu
vandamálum Frakka. Þótt hann hafi
haft veruleg áhrif á hægri væng
franskra stjórnmála síðustu áratug-
ina hefur hann verið utangarðs því
aðrir stjórnmálaleiðtogar hafa forð-
ast beinar viðræður við hann eða
flokk hans. Í kosningabaráttunni
neitaði Jacques Chirac forseti ásök-
unum um að hann hefði rætt við Le
Pen eftir fyrri umferð forsetakosn-
inganna 1988 þegar sósíalistinn
Francois Mitterrand fór með sigur af
hólmi.
Le Pen hefur lýst sér sem „van-
metnu fórnarlambi hefnigjarnrar
valdastéttar Frakklands“. Þótt litlar
líkur séu taldar á því að Le Pen verði
kjörinn forseti í síðari umferð kosn-
inganna 5. maí hlýtur hann að hlæja
dátt að vandræðum valdamannanna
sem hann fyrirlítur.
Vill að Frakkland
verði fyrir Frakka
Reuters
Jean-Marie Le Pen fagnar úrslitum fyrri umferðar forsetakosninganna í Frakklandi með stuðningsmönnum sínum í Saint Cloud, nálægt París.
París. AFP, AP.
’ Kveðst aðeinssegja það upphátt
sem aðrir hugsi en
geri ekki uppskátt ‘