Morgunblaðið - 23.04.2002, Page 31

LISTIR
MORGUNBLAÐIÐ ÞRIÐJUDAGUR 23. APRÍL 2002 31
Forritun- og kerfisfræði
Hólshrauni 2 - 220 Hafnarfirði - Sími: 555 4980
Hlíðasmára 9 - 201 Kópavogi - Sími: 544 4500
Eyravegi 37 - 800 Selfossi - Sími: 482 3937
Póstfang: skoli@ntv.is - Veffang: www.ntv.is
Öflugt nám sem undirbýr nemendur undir störf
í forritun og kerfisfræði.Val um tveggja anna nám
í dagskóla eða þriggja anna í kvöldskóla (með vinnu).
Áhersluþættir
Uppbygging og notkun gagnagrunna
Hlutbundin greining og hönnun
Hlutbundin forritun (Pascal, Java og Delphi)
Inntökuskilyrði
Góð þekking á Windows
Góð enskukunnátta
(Flestar námsbækur eru á ensku)
Stúdentspróf eða sambærileg
menntun eða reynsla
Hafa lokið fornámi og
staðist öll próf í því
www.ntv.is
Heimasíðan okkar er þegar uppfærð miðað við haustönn
Hafðu samband og viðsendum þér Námsvísirfyrir haustönn.
SÝND verður í Sjón-
varpinu í kvöld kvik-
myndin Lilja frá árinu
1978, sem gerð er eft-
ir smásögu Halldórs
Laxness. Leikstjóri er
Hrafn Gunnlaugsson,
kvikmyndatöku ann-
aðist Snorri Þórisson
og Gunnar Þórðarson
er höfundur tónlistar.
Aðstoðarleikstjóri er
Guðný Halldórsdóttir.
Meðal leikenda í
myndinni eru Áróra
Halldórsdóttir, Ellen
Gunnarsdóttir, Eyjólf-
ur Bjarnason, Valde-
mar Helgason, Viðar
Eggertsson, Herdís Þorvaldsdótt-
ir, Þóra Þorvaldsdóttir, Margrét
Ákadóttir og Sigurður Sigurjóns-
son.
Langt er síðan kvikmyndin var
sýnd opinberlega og hafði blaða-
maður Morgunblaðsins samband
við Hrafn Gunnlaugsson og bað
hann að rifja upp tildrög þess að
hann réðst í að búa til þessa fyrstu
kvikmynd Íslendings eftir verki
eftir Laxness.
„Ég var nýkominn úr kvik-
myndanámi í Stokkhólmi og fékk
styrk sem veittur var árlega af
Menningarsjóði til þess að búa til
kvikmynd. Ég valdi Lilju sem efni-
við vegna þess að sagan festist
mjög sterkt í vitund minni þegar
ég las hana í gagnfræðaskóla og
vakti það áhuga minn
að reyna að endur-
segja efni sögunnar í
kvikmyndaformi. Það
var náttúrlega engin
kvikmyndagerð í
landinu og allar að-
stæður til kvikmynda-
gerðar þröngar. Pen-
ingar voru líka af
mjög skornum
skammti og tókum við
t.d. öll atriðin á vett-
vangi en ekki í stúdíói
með sviðsmynd. Það
gekk nú á ýmsu í
þessu ferli og fórum
við m.a. í gegnum
mikla eldraun er við
tókum krufningsatriðið í líkhúsi
Blóðbankans. Við dvöldum þar
heilan dag, inni í kælinum, innan
um öll líkin sem þar voru, auk þess
sem komið var með nokkur ný yfir
daginn. Þegar dagur var að kvöldi
kominn varð ég allt í einu einn eft-
ir í líkhúsinu til að ganga frá. Ég
skrifaði seinna smásöguna „Eins
og „búðingur“ um þá reynslu,“
segir Hrafn. „En gerð myndarinn-
ar tók í það heila tvö ár, þó aðeins
sé um hálftíma langa sjónvarps-
mynd sé að ræða,“ bætir hann við.
Skáldið í hlutverki
sögumanns
Þegar Hrafn er spurður hvort
sú staðreynd að unnið var með
verk nóbelsskáldsins hafi gert
vinnuna erfiðari en ella, segir hann
það þvert á móti hafa auðgað mjög
reynsluna.
„Halldór tók að sér hlutverk
sögumannsins í myndinni, eftir að
hafa séð vinnueintak af henni.
Þannig las hann ekki eingöngu
texta sögumannsins á mjög
skemmtilegan hátt, heldur um-
skrifaði þann sögumannstexta sem
ég hafði unnið. Hann vildi að frá-
sögnin væri í klínískri fjarlægð frá
efninu, en yrði ekki of dramatísk.
Þessi leið að efninu held ég að hafi
gert myndinni gott. Við Duna
(Guðný Halldórsdóttir) aðstoðar-
leikstjóri áttum skemmtilegt sam-
starf. Við vorum öll að byrja í fag-
inu og ævintýri í vændum.“
Og hvernig birtist myndin leik-
stjóranum nú eftir allan þennan
tíma?
„Hún er nokkuð brokkgeng, en
það eru í henni góðir kvikmynda-
kaflar. Það sem mér finnst merki-
legt að sjá, er vísir að myndmáli
sem ég náði miklu meiri tökum á
síðar - samt eru svona endurfundir
alltaf blandaðir sársauka og gleði.
Kvikmyndataka Snorra Þórissonar
tekur líka á sig fagmannlegt form í
lýsingunni sem hann notar. Ég
held að myndin sé einnig skemmti-
leg heimild um okkar gömlu stór-
leikara sem nú eru látnir, Áróru
Halldórsdóttur og Valdemar
Helgason,“ segir Hrafn að lokum.
Kvikmyndin Lilja verður sýnd
kl. 22.15.
Lilja sýnd í Sjónvarpinu
Hrafn
Gunnlaugsson
FRÁ því að menntamálaráðherrar Ís-lands og Ítalíu undirrituðu samningum menningarsamstarf milli land-anna tveggja árið 1998 hafa menn-
ingarsamskipti ríkjanna verið með formlegri
hætti en áður. Opinber heimsókn forseta Ís-
lands til Ítalíu fyrir fjórum árum markaði
einnig skil en hinar opinberu stjórnsýsluleiðir
eru oft þungar í vöfum og tíminn verður nán-
ast afstæður í slíku samhengi þegar forms-
atriðin fá jafnvel meira vægi en innihald sam-
skiptanna.“
Þannig lýsir Thor Vilhjálmsson, rithöf-
undur og forseti Dante Alighieri stofnunar-
innar á Íslandi, þeim aðstæðum sem urðu til
þess að hann fór á dögunum sem sérlegur er-
indreki Björns Bjarnasonar þáverandi
menntamálaráðherra til Ítalíu í því augnamiði
að reka smiðshöggið á þann samning sem
undirritaður var á sínum tíma en hafði ein-
hvern veginn ekki náð að verða virkur ennþá
nema að takmörkuðu leyti.
„Ég er auðvitað hvorki embættismaður né
diplómat en ég fann það glöggt að þessi að-
ferð féll Ítölunum vel í geð og ég náði fundi
æðstu manna í stjórnsýslu menningarlífs Ítal-
íu; þeirra manna sem geta hreyft við hlut-
unum og þeir höfðu góð orð um að nú færu
hjólin að snúast,“ segir Thor en hann átti
fund með æðstu embættismönnum ítalska
menntamálaráðuneytisins í Róm og einnig dr.
Bottai, forseta Dante Alighieri stofnunar-
innar í Mílanó. „Stofnunin er alþjóðleg og til-
gangur hennar og markmið er að kynna
ítalskar listir og menningararfleifð og stuðla
að auknum áhuga á ítalskri tungu. Þegar þá-
verandi sendiherra Ítalíu á Íslandi bað mig
að gerast forseti Íslandsdeildarinnar, sem þá
var verið að stofna. Ég sagði sagði eins og
var að ég hefði engan tíma til þess en skuld
mín við ítalska menningu væri slík að ég gæti
ekki skorast undan. Dantefélagið á Íslandi
hefur síðan staðið fyrir því að ítalskir lista-
menn hafa komið hingað til lands og einnig
hafa íslenskir listamenn farið til Ítalíu. Auk
ítölskukennslu og margbrotinnar kynningar á
vegum Íslandsdeildarinnar á ítalskri menn-
ingu, skáldskap og list.“
Í forystugrein Morgunblaðsins 7. nóvember
1998 í tilefni opinberrar heimsóknar forseta
Íslands til Ítalíu voru aldalöng tengsl Íslands
og Ítalíu á menningarsviði rækilega undir-
strikuð. „Þótt viðskipti milli Íslands og Ítalíu
hafi verið nokkur í gegnum tíðina, einkum
með fisk, hafa samskiptin fyrst og fremst
verið á menningarsviðinu. Eins og menn fóru
í suðurgöngu til forna að leita sér huggunar í
Páfagarði hafa ungir íslenskir listamenn á
seinni tímum farið þar suður í ríkum mæli að
leita sér þekkingar og andlegrar uppörvunar.
Nægir þar að nefna Halldór Kiljan Laxness
og Stefán Íslandi sem dæmi. Síðastliðin ár og
áratugi hefur það raunar færst mjög í vöxt
að íslenskir söngvarar hafi farið til náms á
Ítalíu með góðum árangri eins og flestum er
kunnugt.“
Thor nefnir skemmtilegt dæmi um tónleika
píanóleikarans Domenico Codispoti í Salnum
fyrir tveimur árum sem urðu til þess að hon-
um var boðið að leika með Sinfóníuhljómsveit
Íslands nokkru síðar.. „Þetta er kornungur
maður sem hefur verið að vekja mikla athygli
á undanförnum misserum.“
Hér má rifja upp orð Andrea G. Mochi
Onory di Saluzzo, sendiherra Ítalíu á Íslandi,
en hann var staddur hér á landi fyrir nokkru
í tilefni af málþingi um viðskipti Íslands og
Ítalíu, sem Verslunarráð Íslands stóð fyrir. Í
viðskiptablaði Morgunblaðsins 14. mars sl.
sagði hann að menning og listir geti opnað
hinar ólíklegustu dyr, til að mynda í við-
skiptum og í ferðamannaiðnaði.
Meginþröskuldurinn í samskiptum Íslands
og Ítalíu sé dýrar ferðir milli landanna. Ítalir
hafi mikinn áhuga á öllu sem tengist norræn-
um þjóðum og vilji aukin samskipti í þá átt.
Þannig sé næsta víst að ítalskir ferðamenn
hefðu mikinn áhuga á stórbrotinni íslenskri
náttúru ef aðgangur að henni væri í boði á
viðráðanlegu verði og með reglubundnum
hætti.
Thor tekur heilshugar undir þetta og segir
að vilji ítalskra ráðamanna í menningar- og
listalífinu sé eindreginn og einlægur í þá veru
að auka samskipti landanna á þessu sviði.
Einlægur vilji til aukinna
menningarsamskipta
Thor Vilhjálmsson rithöfundur kveðst vera
í skuld við ítalska menningu.
Thor Vilhjálmsson rithöf-
undur er nýkominn frá Ítal-
íu í þeim erindum að stað-
festa samning Íslands og
Ítalíu um gagnkvæm sam-
skipti í menningu og listum.
NÆSTU vortónleikar Tónlistar-
deildar Listaháskóla Íslands verða á
morgun, miðvikudag, kl. 20 í Lista-
safni Sigurjóns Ólafssonar.
Þar munu Ingi Garðar Erlendsson
og Guðrún Rútsdóttir básúnuleikar-
ar, Sigrún Erla Egilsdóttir og Gyða
Valtýsdóttir sellóleikarar flytja verk
eftir m.a. Sulek, Bach, Brahms,
Hindemith, Schostakovich og Haf-
liða Hallgrímsson.
Básúnu- og
sellótónleikar
♦ ♦ ♦
FÉLAG íslenskra leikara hélt sex-
tugasta aðalfund sinn mánudaginn
15. apríl sl. Veittir voru fjórir styrkir
úr sjóði Brynjólfs Jóhannessonar
leikara til fjögurra ungra leikkvenna
sem ætla til framhaldsnáms í leiklist
erlendis. Styrkþegarnir Halldóra
Geirharðsdóttir, Sigrún Sól Ólafs-
dóttir, Sóley Elíasdóttir og Vala
Þórsdóttir fengu 130.000 krónur
hver.
Ályktun
Vegna mikilla fjárhagserfiðleika
Leikfélags Reykjavíkur samþykkti
fundurinn eftirfarandi ályktun:
„Aðalfundur Félags íslenskra leik-
ara harmar það að ein elsta menn-
ingarstofnun borgarinnar, Leikfélag
Reykjavíkur í Borgarleikhúsi, skuli
þurfa að grípa til örþrifaráðs og
segja upp tíunda hluta þess litla hóps
sviðslistamanna sem hefur haft fasta
atvinnu af leiklist á Íslandi.
Fundurinn skorar á borgaryfir-
völd að tryggja aukið fjármagn til
starfsemi Leikfélags Reykjavíkur og
hafa þannig áhrif á að Borgarleik-
húsið geti staðið undir nafni.“
Fjórar
leikkonur
hljóta
styrk