Morgunblaðið - 19.05.2002, Page 57

FÓLK Í FRÉTTUM
MORGUNBLAÐIÐ SUNNUDAGUR 19. MAÍ 2002 57
UNDANFARIN ár hefur það ver-
ið mjög í tísku innan myndasögu-
heimsins að riðla gömlum gildum of-
urhetjusagnanna. Höfundar virðast
hafa mikla þörf fyrir að gera upp
sakirnar við sköpunarverk sín og þá
arfleið sem þau hafa skilið eftir sig.
Ég held mér sé óhætt að telja
Watchmen eftir Alan Moore, sem
kom út 1987, sem upphafs- og höf-
uðverk þessarar stefnu. Þar er reynt
að heimfæra þessar skálduðu ofur-
hetjur; þessa tákngervinga mann-
legra drauma á okkar daglega raun-
veruleika. Hetjan í myndasögum
hefur ekki verið söm síðan.
Annað upphafsverk þessarar
stefnu; verk þar sem gert var upp við
hetjudýrkunina með mjög afgerandi
og blóðugum hætti var Marshal Law
sem kom fyrst út árið 1990 og var ný-
lega endurútgefin. Marshal Law er
andhetja í bókstaflegum skilningi
þar sem hann eltir uppi aðrar hetjur
og drepur eða hneppir í fangelsi.
Hann starfar á vegum lögreglunnar í
náinni framtíð þar sem fólk með of-
urkrafta er samfélagsmein númer
eitt; plága sem verður að eyða. Hann
tekur starf sitt mjög alvarlega enda
er hann sjálfur haldinn sjúklegu
hetjuhatri þar sem hann sér að þær
hafa skrumskælt öll þau gildi sem
þeim var upphaflega ætlað að standa
vörð um. Draumurinn um ofurmenn
sem áttu að raungera allt það góða
sem býr í anda mannsins hafði orðið
að martröð. Enginn getur staðið
undir slíkri dýrkun án þess að spill-
ast.
Pat Mills viðurkennir það í inn-
gangi bókarinnar að sjálfum sé hon-
um meinilla við ofurhetjur og hug-
myndafræðina á bak við hetjudýrk-
un. Hann lítur á þær sem bælingar-
tæki fyrir drauma lesandans og vill
eyða þeim höftum sem skapast hafa í
myndasöguheiminum með þeirri
gríðaráherslu sem lögð hefur verið á
ofurhetjur. Merkilegt nokk gengur
þessi ætlun hans upp að mestu leyti.
Mills er greinilega mikið niðri fyrir
en honum tekst þó að hemja mesta
ofstopann og búa til sögu sem er
gagnrýnin en þó fyrst og fremst
fyndin og nokkuð spennandi. Hæðn-
in er hér sterkasta vopnið til að af-
hjúpa hversu hallærislegar persónur
honum finnst Superman, Batman,
Spiderman og aðrir af sama meiði
vera. Sagan missir reyndar nokkuð
dampinn eftir því sem á hana líður
þegar pönkið víkur fyrir frekar hall-
ærislegri sakamálasögu og póstmód-
ernískum skýringum á tilvist hetj-
unnar sem kúgunartæki karlkyns
gegn konum.
Það sem kemur bókinni vel yfir
meðallag eru myndir Kevin O’Neills
sem gerði nú síðast A League of
Extraordinary Gentlemen. Hug-
myndaauðgin er hreint framúrskar-
andi og manni finnst á stundum sem
síðurnar séu ekki nógu stórar til að
koma öllum smátriðunum fyrir með
góðu móti. Ofbeldið er mjög öfgafullt
en verður í meðförum O’Neills frek-
ar fyndið en óhugnanlegt. Persón-
urnar eru sjónrænt mjög sterkar og
stendur þar sjálfur Marshal Law
fremstur í flokki eins og gína í leður-
og latexvörubúð. Litunin er gróf og
þægilega gamaldags miðað við þá of-
uráherslu sem lögð er á tölvulitun í
þessum geira í dag.
Marshal Law er frábær háðs-
ádeila og skemmtilega óforskömmuð
í efnistökum sínum. Þess ber hins
vegar að gæta að týna sér ekki í þeim
köflum þar sem höfundarnir reyna
að snúa þessu við og segja hluti ,,af
fullri alvöru“ því þá fatast þeim flug-
ið.
Andsk…
ofurhetjur
Nú eru góð ráð dýr.
Myndasaga vikunnar er Marshal Law:
Fear and Loathing eftir Pat Mills (texti)
og Kevin O’Neill (teikningar). Bókin er
gefin út af Titan Books, 2002 og fæst í
myndasöguversluninni Nexus.
Heimir Snorrason
MYNDASAGA
VIKUNNAR
GÓÐMENNSKA Juliu Roberts á sér
greinilega engin takmörk. Sú staðreynd
að hún er hæstlaunaða leikkona allra
tíma hefur greinilega ekki haft þau
áhrif að hún gleymi þeim sem ekki eru
eins loðnir um lófana.
Þetta sýndi óskarsverðlauna-
leikkonan á dögunum þegar hún flaug
með aldraða konu frá Chicago til Los
Angeles í Bandaríkjunum vegna þess
að sú gamla átti ekki fyrir farinu.
Farþeginn, Ann Prichard, er 101 árs
og var á leið til draumaborgarinnar
Hollywood til að koma fram í sjón-
varpsþætti. Þar átti hún að segja frá
tveimur vináttusamböndum sem hafa
enst henni í yfir 90 ár.
Með hjálp Juliu komst Prichard á
áfangastað og hefur trúlega staðið sig
með stakri prýði í sjónvarpssal, þó það
fylgi ekki sögunni.
Julia Roberts brosir fram-
an í heiminn.
Julia Roberts gerir góðverk
Vinur gamla mannsins