Morgunblaðið - 12.06.2002, Blaðsíða 23

LISTIR
MORGUNBLAÐIÐ MIÐVIKUDAGUR 12. JÚNÍ 2002 23
Skógarhlíð 18, sími 595 1000. www.heimsferdir.is
Heimsferðir opna þér leiðina til Ít-
alíu í sumar á hreint ótrúlegum kjörum og opna þér dyrnar að þessu
stórkostlega landi á verði sem hefur aldrei sést fyrr á Íslandi. Vikuleg
flug alla fimmtudaga til Verona, einnar fegurstu borgar Ítalíu, þar sem
þú getur notið ótrúlegrar fegurðar hennar og sögu eða dvalið við
Gardavatn í magnaðri náttúrufegurð. Verona er í hjarta Ítalíu, frábær-
lega staðsett og þaðan er örstutt til allra átta og þú velur úr glæsilegustu
verslunum heimsins og
listasöfnum og nýtur lífs-
ins í þessu menningar-
hjarta Evrópu.
Aðeins 50 sæti á sértilboði
Beint flug alla fimmtudaga
Brottför frá Keflavík kl. 17.30.
Flug heim á þriðjudagsmorgnum
Verð kr. 24.265
Gildir 11. eða 18. júlí til Verona. 5 eða
12 nætur. Flugsæti með sköttum, m.v.
hjón með 2 börn, 2–11 ára.
Verð kr. 29.950
Flugsæti fyrir fullorðinn, fargjald A.
Gildir 11. eða 18. júlí til Verona. 5 eða
12 nætur. Aðeins 40 sæti í boði.
Skattar innifaldir.
Kynntu þér Ítalíubækling
Heimsferða
Ítalíu-
veisla
Heimsferða
11. og 18. júlí
frá kr. 24.265
MENNINGARHÁTÍÐ verður hald-
in í Mývatnssveit dagana 13. til
17. júní næstkomandi og sam-
anstendur hún af tónleikum, upp-
lestri, samsöng og ýmsum við-
burðum við allra hæfi. Margrét
Bóasdóttir söngkona stjórnar
menningarhátíðinni sem nú er
haldin í fjórða sinn. „Hátíðin byrj-
aði sem nokkurs konar viðauki við
Sumartónleika við Mývatn, sem
staðið er fyrir nú sextánda árið í
röð. Í fyrra breikkuðum við dálítið
hugmyndina á bak við menning-
arhátíðina, bættum við myndlist-
arviðburðum og dagskrá tengdri
þingeyskum menningararfi. Í ár
ætlum við að halda áfram á þess-
ari braut og verður hátíðin viða-
meiri en nokkru sinni fyrr, enda
er aðalviðburðurinn, þ.e. hátíð-
artónleikarnir í íþróttahúsinu í
Reykjahlíð, mjög stórt og metn-
aðarfullt verkefni,“ segir Margrét.
Menningarhátíðin samanstendur
af fjórum dagskrám og verður sú
fyrsta haldin í Skjólbrekku á
morgun, fimmtudag, kl. 20.30.
Dagskráin verður tileinkuð menn-
ingararfi þingeyskra kvenna og er
haldin í tengslum við fyrirhugaða
útgáfu bókar um efnið sem gefin
verður út af Menningarsjóði þing-
eyskra kvenna í haust. „Dagskráin
verður í tali og tónum,“ segir
Margrét. „Þar verður lesið úr
birtum og óbirtum verkum kvenna
úr Þingeyjarsýslu og kvennakór-
inn Lissý kemur saman eftir nokk-
urt hlé og syngjur lög og texta
eftir þingeyskar konur.“
Á föstudag verður efnt til við-
burðar sem að sögn Margrétar er
orðinn fastur liður í menningarhá-
tíðinni. „Það er mikil hefð fyrir
því hér í Þingeyjarsýslu að syngja
í fjórum röddum þegar fólk kem-
ur saman. Á föstudaginn verður
efnt til slíks samsöngs í Skjól-
brekku sem Jón Stefánsson, kór-
stjóri og organisti í Langholts-
kirkju, mun stjórna. Jón er alinn
upp í Þingeyjarsýslu og hefur
stjórnað þessum samsöng frá upp-
hafi. Þar koma saman allt að því
hundrað manns, ungir sem aldnir,
og taka þátt í nokkurs konar „op-
inni söngæfingu“ og syngja af
hjartans lyst. Á dagskrá verða
ætttjarðarlögin, eða „Fjárlögin“,
eins og þau hafa verið kölluð, og
hefst dagskráin klukkan hálfníu
um kvöldið.“
Meginviðburður hátíðarinnar er
hátíðartónleikar með Sinfón-
íuhljómsveit Norðurlands og átta-
tíu manna kór úr Þingeyjarsýslu,
einleikara og fjórum einsöngv-
urum. Á efnisskrá eru óp-
eruforleikur, einsöngslög, tromp-
etkonsert eftir J. Haydn og
Krýningarmessan eftir W.A. Moz-
art. „Þetta er alstærsta verkefnið
sem við höfum ráðist í og kemur
hér saman söngfólk úr flestum
kórum í Suður-Þingeyjarsýslu,
auk Kammerkórs Norðurlands,“
segir Margrét.
Einsöngvararnir eiga það allir
sameiginlegt að vera búsettir hér
á Norðurlandi eða eiga ættir sínar
þangað að rekja, en það eru Sig-
rún Arngrímsdóttir mezzósópran,
Óskar Pétursson tenór og Bene-
dikt Ingólfsson bassi, auk Mar-
grétar Bóasdóttur. Þá mun Ásgeir
H. Steingrímsson leika einleik á
trompet en stjórnandi á tónleik-
unum verður Guðmundur Óli
Gunnarsson.
Margrét bendir á að þetta verði
í fyrsta sinn sem þingeyskir kórar
fá tækifæri til að koma saman og
syngja með sinfóníuhljómsveit.
„Krýningarmessuna hefur kórinn
æft frá því í vor, og er mikil
ánægja meðal kórfólksins með
þessa tónlist. Ég held að það sé
einkar mikilvægt að efnt sé til
verkefna af þessu tagi í öðrum
byggðarlögum en á höfuðborg-
arsvæðinu, enda hefur hátíðin sem
slík gefið heimafólki tækifæri til
að njóta og taka þátt í metn-
aðarfullum menningarviðburðum.
Þetta hefði þó aldrei verið hægt
hefði ekki notið við styrktaraðila
sem hafa mikinn skilning á mik-
ilvægi þess að styðja við listalíf á
landsbyggðinni,“ segir Margrét.
Á þjóðhátíðardaginn verður
lokadagskrá hátíðarinnar, sem op-
in verður gestum og gangandi.
Flutt verður lifandi tónlist og boð-
ið upp á veitingar á veitingahús-
unum Hótel Reynihlíð, Selhóteli
Mývatni og í Gamla bænum. „Leit-
ast verður við að skapa hátíð-
arstemningu í tilefni af þjóðhátíð-
ardeginum og í tónlistaratriðunum
verða ungir einsöngvarar kynnt-
ir,“ segir Margrét Bóasdóttir að
lokum.
Menningarhátíð í Mývatnssveit
Viðameiri dag-
skrá en nokkru
sinni fyrr
Morgunblaðið/Birkir Fanndal
Á hátíðartónleikum Menningarhátíðarinnar í Mývatnssveit kemur fram 80 manna kór úr S-Þingeyjarsýslu.
„ALLT sem glitrar er ekki illt“
nefnist sýning Heimis Björgúlfsson-
ar í galleri@hlemmur.is. Þetta er
fyrsta einkasýning Heimis, en hann
hefur verið í námi í Hollandi síðan
1997 og mun ljúka MFA-gráðu frá
Sandberg Institute í Amsterdam á
næsta ári.
Yfirskrift sýningarinnar veldur
mér nokkrum vafa. Setningin er eins
og staðhæfing og les ég því að „allt
sem glitrar sé gott“, gott sbr. „ekki
illt“. Ég hef samt á tilfinningunni að
listamaðurinn ætli að segja okkur að
„ekki sé allt illt sem glitrar“. Ég
kann þó að hafa rangt fyrir mér þar.
Stærsta verk sýningarinnar ber
sama titil og yfirskrift hennar. Það
er pýramídi gerður úr 2.400 tómum
Egils Gull-dósum, en pýramídar,
fuglar og veiðimennska eru helsta
myndefnið á sýningunni. Gull-dós-
irnar leiða huga minn að gullgerð-
arlist á miðöldum þegar fræðimenn
leituðust við að breyta ódýrum
málmi í gull. Segja má að myndlist-
armenn séu gullgerðarmenn nú-
tímans. Þeir breyta kannski ekki
ódýrum málmi í gull, en þeir breyta
gildi hluta með því að setja þá í ann-
að samhengi, líkt og Heimir gerir
með tómar dósirnar. Það sem truflar
mig við Gull-pýramídann er upp-
stoppaður hrafn sem situr á toppi
hans og virðist vera að rífa í sig eina
bjórdósina eins og hann hafi fangað
bráð. Verkið verður því eins og ný-
stárleg uppstilling á náttúrugripa-
safni. Hrafninn hefur þó þýðingu
innan myndmálsins. Hrafnar eru jú
þekktir fyrir að safna glitrandi hlut-
um.
„Spádómsskór“ Heimis eru mun
betur heppnað myndlistarverk. Vað-
stígvél eru fest með þéttifroðu á tvö
barnasjóbretti og frauðplast. Létt
efnið gefur möguleika á að nota
skóna til vatnsgöngu. Verkið hefur
því trúarlega tilvitnun, en með tilliti
til annarra verka á sýningunni má
líka tengja það veiðimennsku. Efni
og hugmynd fara vel saman og verk-
ið er opið fyrir túlkun. Áhugavert
samspil er svo á milli skónna og ljós-
myndar af vatnsfötum raðað í pýra-
mída.
Á gólfinu við hliðina á spádóms-
skónum er sjónvarp sem sýnir
myndbandsupptöku af Heimi og vin-
um hans á fuglaveiðum. Á hillu fyrir
ofan sjónvarpið eru plastbrúsar
merktir „Gull“ sem eru ætlaðir fyrir
spíra og á veggi gallerísins hefur
listamaðurinn hengt upp teikningar
með samskonar þema og þrívíð
verkin á gólfinu. Í Hollandi er sterk
hefð fyrir því að vinna skúlptúr eftir
fljótunnum teikningum og spila
þeim saman í sýningu. Teikning er
þannig jafngild skúlptúr þótt hún sé
íburðarminni. Þessi virðing fyrir
fljótunnum teikningum eða rissi er
ekki eins mikil á Íslandi og því
ánægjulegt að sjá listamanninn taka
þau áhrif með sér heim. Að öðru
leyti er Heimir nokkuð í takt við
áherslur yngstu kynslóðar myndlist-
armanna hérlendis og mun tíminn
leiða í ljós hvort hann verður einn
þeirra sem skara fram úr í framtíð-
inni eða ekki.
Gullgerðarlist
nútímans
MYNDLIST
galleri@hlemmur.is
Galleríið er opið fimmtudaga til sunnu-
daga frá 14–18. Sýningin er til 23. júní.
BLÖNDUÐ TÆKNI
HEIMIR BJÖRGÚLFSSON
Morgunblaðið/Jim Smart
Frá sýningu Heimis
Björgúlfssonar.
Jón B.K. Ransu
Tímaritið Saga er komið út. Efni rits-
ins er fjölbreytt að venju, spannar
söguna frá miðöldum til síðustu ára-
tuga auk viðhorfsgreina og bókarýni.
Sögufélag er í hópi elstu fræðafélaga
í landinu og fagnar aldarafmæli sínu í
ár. Nú hefur útgáfa tímaritsins verið
efld og munu framvegis koma út tvö
rit á ári. Í tilefni þessa áfanga gerir
Einar Laxness sögu félagsins skil. Rit-
inu er ætlað að stuðla að því að efla
umræðu um sögu og samtíma, birta
rannsóknarritgerðir og greinar um við-
fangsefni fræðanna og miðlun þeirra.
Til að hvetja til umræðu hefur nýr
bálkur verið tekinn upp í ritinu, „Við-
horf“. Í grein sem kallast „Skamm-
hlaup“ er að finna hugsanir Einars
Más Jónssonar sem sprottið hafa af
lestri bókar Sveins Yngva Egilssonar,
Arfs og umbyltingar. Í annarri grein,
sem nefnist „Þjóðernishreyfingin á
19. öld: Hvað var hún og hvað vildi
hún?“, gagnrýnir Guðmundur Jónsson
nokkra þætti í nýrri bók Guðmundar
Hálfdanarsonar, Íslenska þjóðríkið.
Ferskar rannsóknir eru birtar í
nokkrum greinum, og eru ungir fræði-
menn áberandi í þessum hópi, inn-
lendir og erlendir. Í grein um mið-
aldasögu, „Braudel í Breiðafirði?
Breiðafjörðurinn og hinn breiðfirski
heimur á öld Sturlunga“, beitir Sverrir
Jakobsson skoðunarmáta franska
sagnfræðingsins Fernands Braudels í
frægu verki um Miðjarðarhafslönd á
tímum Filippusar II við athugun á
samspili landslags, búskapar og
stjórnmála á öld Sturlunga.
Menningarsaga hefur verið í sókn á
undanförnum árum og birtist grein eft-
ir ungan danskan sagnfræðing,
Christinu Folke Ax, „Menningarmunur
á Íslandi í lok 18. aldar“.
Kristrún Halla Helgadóttir skrifar
líka um þátt úr menningu þjóðarinnar,
„Í sókn gegn hjátrú og venjum. Lækk-
un ungbarnadauðans í Nesþingum á
Snæfellsnesi 1881–1910“.
Nýtt sjónarhorn á samtímasöguna
er að finna í tveimur greinum. Kjartan
Emil Sigurðsson skrifar um samninga
milli verkalýðshreyfingar og ríkisvalds
á sjöunda áratugnum um byggingu
íbúðarhúsnæðis handa verkafólki í
Breiðholti. Aldamótanna er minnst
með greininni „Höfum við gengið til
góðs? Nokkrar bækur um tuttugustu
öldina“ eftir Guðna Th. Jóhannesson.
Ritstjórar Sögu eru Guðmundur J.
Guðmundsson, Guðmundur Jónsson
og Hrefna Róbertsdóttir.
Tímarit