Morgunblaðið - 22.06.2002, Side 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 22. JÚNÍ 2002 VERÐ Í LAUSASÖLU 190 KR. MEÐ VSK.
VEGARBRÚNIN reyndist of brött
til að þessi bíll kæmist upp á veg
norður í Skagafirði síðdegis í
gær. Þá var reynt að kippa hon-
um upp en ekki vildi betur til en
svo að dráttarspottinn hrökk í
sundur.
Forvitinni rammskagfirskri
kvígu brá illa við hvellinn og
stökk hún í burt, en fram að því
hafði hún fylgst áhugasöm með
bjástri mannfólksins. Segja má að
kusa litla hafi þurft að spretta
hraustlega úr spori undan spott-
anum atarna.
Morgunblaðið/RAX
Á spretti
undan
spotta
HAGVÖXTUR verður aftur á næsta
ári, verðbólga lækkar hratt og halli á
viðskiptum við útlönd eykst lítillega
árið 2003 eftir að hafa dregist saman
á þessu ári, að því er kemur fram í
endurskoðaðri þjóðhagsspá Þjóð-
hagsstofnunar sem gefin var út í
gær.
Spáin var endurskoðuð með tilliti
til þróunar efnahagsmála frá því hún
var síðast birt í mars sl. Einnig
liggja fyrir fyrstu drög að þjóð-
hagsspá fyrir árið 2003, þar sem m.a.
er tekið mið af ákvörðunum sjávar-
útvegsráðherra um kvóta fyrir kom-
andi fiskveiðiár.
2,4% hagvöxtur 2003
Í frétt frá Þjóðhagsstofnun segir
að efnahagshorfur á árinu 2002 hafi
lítið breyst frá því þjóðhagsáætlun
var gefin út í mars sl. Nú sé gert ráð
fyrir að landsframleiðsla dragist
saman um 0,8% á þessu ári, en gert
var ráð fyrir 0,5% samdrætti í síð-
ustu spá. Vísbendingar séu um að
niðursveiflunni sem hófst í fyrra sé
að ljúka, en sjá megi nokkur merki
um aukin umsvif í þjóðarbúskapn-
um, þótt of snemmt sé að segja til
um það með vissu. Fyrsta áætlun
gerir ráð fyrir að hagvöxtur nemi
2,4% á árinu 2003.
Þjóðhagsstofnun gerir ráð fyrir að
samdráttur í þjóðarútgjöldum verði
enn meiri á þessu ári en áður var
áætlaður, eða um 3,2%, frekar en
2,6%. Á móti vegur að gert er ráð
fyrir að viðskiptajöfnuður verði hag-
stæðari en áður var spáð og að hall-
inn nemi 8,1 milljarði króna, sem
jafngildir 1% af landsframleiðslu, en
áður var gert ráð fyrir 2% halla. Á
næsta ári er talið að halli á viðskipt-
um við útlönd aukist nokkuð frá
árinu 2002 og nemi hallinn 11,7 millj-
örðum króna sem jafngildi 1,4% af
landsframleiðslu.
2,7% verðbólga á
milli 2002 og 2003
„Verðlagsþróun hefur verið nokk-
uð hagstæð að undanförnu og vegur
tvennt þar þyngst,“ segir í frétt
Þjóðhagsstofnunar. „Annars vegar
hafa aðgerðir til að halda rauða
strikinu nú í maí lagt sitt af mörkum
til að draga úr verðbólgu og hins
vegar hefur styrking krónunnar síð-
ustu mánuði vegið þungt. Hugsan-
lega er uppsafnaða þörf til hækkun-
ar að finna í einstökum geirum, en
styrking krónunnar vegur þar á
móti. Miðað við þær forsendur sem
nú liggja fyrir má gera ráð fyrir að
verðlag hækki um 5% milli áranna
2001 og 2002 og um 2,3% innan árs-
ins 2002.“ Gert er ráð fyrir að verð-
bólga verði 2,7% á milli áranna 2002
og 2003. Á sama tímabili er spáð að
launavísitala hækki um 4,5% milli
ára. Því ætti kaupmáttur launa að
aukast um 1,8% milli ára.
Gert er ráð fyrir að yfirstandandi
samdráttarskeiði ljúki á þessu ári og
við taki hægur vöxtur á árinu 2003.
Hægur vöxtur á næsta ári
„Fyrir liggur ákvörðun sjávarút-
vegsráðherra um kvótaúthlutun fyr-
ir fiskveiðiárið sem stendur út ágúst
2003. Samkvæmt henni er ekki gert
ráð fyrir að framleiðsla sjávarafurða
aukist á árinu 2003. Í þessari áætlun
er ekki gert ráð fyrir frekari upp-
byggingu stóriðju þar sem engar
ákvarðanir liggja fyrir í þeim efn-
um,“ segir í frétt Þjóðhagsstofnunar.
Spáð er að einkaneysla taki að
vaxa á ný á árinu 2003, en að miklar
skuldir heimilanna muni halda aftur
af vextinum. Gert er ráð fyrir að
vöxtur einkaneyslu verði 1% þar
sem gert er ráð fyrir að hluti aukn-
ingar kaupmáttar ráðstöfunartekna
verði notaður til að lækka skuldir
heimilanna. Þá er búist við að sam-
neysla aukist um 3% sem er ívið
meiri vöxtur en spáð er á þessu ári.
Á árinu 2003 er því spáð að fjárfest-
ing taki við sér að nýju eftir sam-
drátt næstu tvö ár á undan og nemi
vöxturinn 10%. Gæti þar að ein-
hverju leyti vaxtalækkana á þessu
ári.
Endurskoðuð þjóðhagsspá Þjóðhagsstofnunar og drög að spá fyrir 2003
Verðbólga lækkar hratt
og hagvöxtur árið 2003
SKIPSTJÓRI Guðrúnar Gísladóttur
KE-15 braut reglur, sem honum var
ekki kunnugt um, þegar hann sigldi
skipinu inn í Nappstraumen í Lofot-
en þar sem skipið strandaði á þriðju-
dag og sökk tæpum sólarhring síðar.
Einungis herskip mega fara um
þetta svæði.
Í norska blaðinu Avisa Nordland
kemur fram að sjóeftirlitsmaðurinn
Karsten Frostmo lagði fram reglur
norska varnarmálaráðuneytisins við
sjóprófin í gær. Reglurnar kveða á
um að önnur skip en herskip megi
einungis sigla eftir sjóleiðum sem
varnarmálaráðuneytið hefur sam-
þykkt. Nappstraumen er ekki ein af
þeim leiðum.
Sturla Einarsson, skipstjóri Guð-
rúnar Gísladóttur, sagðist ekki hafa
vitað af þessum reglum og að hann
hefði ekki heldur verið látinn vita af
þeim þegar hann hafði samband við
hafnsögumann á svæðinu.
Við sjóprófin, sem stóðu í allan
gærdag, kom fram að skerin sem
skipið strandaði á voru ekki merkt
inn á sjókort skipsins. Kortin eru
unnin eftir mælingum frá 19. öld.
Meðdómari í málinu sagði við blaða-
mann Avisa Nordland að hann teldi
íslenska skipstjórann trúverðugan.
Dómarinn er reyndur sjómaður og
sagði hann að hefði hann verið
ókunnur skipstjóri á þessu svæði
með sjókortið sem Íslendingarnir
notuðu hefði hann ekki hikað við að
fara þá leið sem þeir fóru. Sturla
mótmælti einnig í sjóprófunum
gagnrýni skipstjóra dráttarbátsins.
Sjópróf vegna strands Guðrúnar Gísladóttur KE-15
Var á svæði sem er
ætlað herskipum

Hafði grandskoðað/10
IÐNAÐAR- og viðskiptaráðherra
telur að vert væri að huga að því
hvort breytinga sé þörf á innbyrðis
valdmörkum stjórnar og fram-
kvæmdastjóra Byggðastofnunar, að
því er fram kom í ávarpi hennar á
ársfundi Byggðastofnunar í Hnífsdal
í gær.
Jón Sigurðsson hagfræðingur er
nýr formaður stjórnar Byggðastofn-
unar og Aðalsteinn Þorsteinsson, yf-
irmaður lögfræðisviðs stofnunarinn-
ar, hefur verið settur forstjóri
hennar, en staðan verður auglýst
síðar.
„Í fjármálafyrirtækjum er megin-
reglan sú að afgreiðsla einstakra er-
inda eða lánveitingar eru á könnu
framkvæmdastjóra/bankastjóra, en
stjórn sinnir almennri stefnumótun,
t.d. setningu almennra útlánareglna.
Með setningu núgildandi laga um
Byggðastofnun var að nokkru leyti
komið á hliðstæðri verkaskiptingu,
þar eð heimild var sett inn í 11. gr.
laganna þess efnis að stjórn stofn-
unarinnar geti falið forstjóra að taka
ákvarðanir um einstakar lánveiting-
ar. Ef til vill mætti ganga lengra í
þessum efnum,“ sagði Valgerður
Sverrisdóttir, iðnaðar- og viðskipta-
ráðherra, meðal annars í ávarpi sínu
á ársfundinum.
Í ársskýrslu Byggðastofnunar
kemur fram að útlán stofnunarinnar
námu 1,8 milljörðum kr. á árinu
2001. Ógreidd lánsloforð námu um
1.000 milljónum króna um áramót og
var ónotuð lántökuheimild 1.100
milljónir kr. sem færist yfir á næsta
ár.
Iðnaðarráðherra á árs-
fundi Byggðastofnunar
Vert að
huga að
valdmörkum

Vert að huga/34
ÖKUMAÐUR innan við tvítugt
var tekinn á 121 km hraða á Kárs-
nesbraut í vesturbæ Kópavogs fyr-
ir hádegi í gær en hámarkshraði
þar er 50 km á klst. Var hann þá
nýbúinn að öðlast ökuréttindi aftur
eftir sviptingu, en réttindin fékk
hann um miðnætti nóttina áður.
Að sögn lögreglunnar í Kópavogi
er þarna mikið um gangbrautir og
gatnamót og málið því litið alvar-
legum augum. Ökumaðurinn má
eiga von á að verða sviptur öku-
leyfi.
Tekinn fyrir ofsa-
akstur í Kópavogi
Hafði haft
ökuréttindi í
nokkrar
klukkustundir
♦ ♦ ♦