Morgunblaðið - 02.07.2002, Blaðsíða 4
FRÉTTIR
4 ÞRIÐJUDAGUR 2. JÚLÍ 2002 MORGUNBLAÐIÐ
Alfa Romeo 156 V6 2500,
f.skr.d. 31.08. 1998, ek. 63 þ. km,
4 d., bsk., sóllúga, leðurinnrétting,
vindskeið o.fl. Verð 1.820.000.
Nánari upplýsingar
hjá Bílaþingi.
Opnunartímar:
Mánud.-föstud. kl. 10-18.
Laugavegur 170-174 • Sími 590 5000 • Heimasíða: www.bilathing.is
Netfang: bilathing@hekla.is
LÍTRINN af 95 oktana bensíni hef-
ur hækkað um tæplega 5 krónur frá
áramótum eða úr 92,20 kr. 1. janúar
í 97 kr. frá og með deginum í gær.
Heimsmarkaðsverðið hefur verið
nokkuð stöðugt að undanförnu og
krónan styrkst gagnvart dollar en
lækkun stjórnvalda á vörugjaldi féll
úr gildi um mánaðamótin og skýrir
það nýjustu hækkunina, að sögn
Magnúsar Ásgeirssonar, yfirmanns
innkaupadeildar Olíufélagsins.
Verð á bensíni hækkaði um 1 kr. á
lítra í gær. Magnús segir að í raun
hefði bensín átt að lækka um sömu
upphæð að öðru jöfnu, en hækkunin
sé tilkomin vegna þess að 1,55 kr.
lækkun stjórnvalda á vörugjaldi á
bensíni frá því í aprílbyrjun hefði
fallið niður um mánaðamótin. Hins
vegar lækkaði verð á gasolíu um 2
kr. á lítra og flotaolíur og svartolía
um 1 kr. á lítra vegna styrkingar
krónunnar gagnvart Bandaríkja-
dollar og lækkunar heimsmarkaðs-
verðs á þessum tegundum.
Magnús segir að að í liðinni viku
hafi OPEC-ríkin samþykkt að halda
olíuframleiðslunni óbreyttri á þriðja
ársfjórðungi. Í lok desember sl. hafi
þau minnkað framleiðsluna mikið og
gert samkomulag við Rússa og
Norðmenn um að þeir myndu fylgja
þeim en nú hafi þeir sagt að þeir
ætli ekki að fylgja þeirri stefnu
OPEC að halda niðurskurðinum
áfram. OPEC hafi nú sagt að ríkin
muni hugsanlega framleiða meira á
fjórða ársfjórðungi, en þrír mánuðir
séu þangað til. Með aukinni fram-
leiðslu Rússa og Norðmanna sé hins
vegar horft fram á meiri stöðugleika
á allra næstu mánuðum, en hann
segir að óróinn í Mið-Austurlöndum
hafi alltaf valdið titringi á mark-
aðnum.
Olíutunnan kostaði 25,5 dollara í
gær og hefur bensínverðið verið
nokkuð stöðugt undanfarnar vikur.
Magnús segir að OPEC vilji halda
því í 22 til 28 dollurum fyrir tunnuna
og gera megi því skóna að það verði
á bilinu 20 til 25 dollarar en lengri
tíma spár segi að það verði um 25
dollarar.
Að sögn Magnúsar kostaði tonnið
af 95 oktana bensíni um 275 dollara í
maí í fyrra en útlit er fyrir að með-
alverðið hafi verið um 252 dollarar í
júní sem leið.
Tæplega 5 króna bensín-
hækkun frá áramótum
!"
#
!"
LANDSMÓT hestamanna hefst á
Vindheimamelum í Skagafirði í dag
og lýkur á sunnudag. Heiðursgestir
mótsins verða Anna Bretaprinsessa
og Ólafur Ragnar Grímsson, forseti
Íslands. Þau mæta á laugardaginn
og taka þátt í hópreið sem verður
inni á sýningarsvæðinu.
Gert er ráð fyrir að sjö til átta
þúsund manns verði á mótinu. Þar
af allt að þrjú þúsund erlendir gest-
ir. Þá er reiknað með að um þúsund
hross keppi á mótinu.
Búist er við Önnu Bretaprinsessu
til landsins um næstu helgi en hún
mun gista í gamla bænum í Hofs-
staðaseli í Skagafirði ásamt fylgd-
arliði. Sá bær er burstabær sem
hefur nýlega verið gerður upp. Er
hann í eigu Þórólfs Sigurjónssonar
og Guðnýjar Vésteinsdóttur.
Ólafur Ragnar Grímsson og
Dorrit Moussaieff munu einnig
gista í gamla bænum sem og sendi-
herra Breta á Íslandi, John Culver
og frú.
Morgunblaðið/Arnheiður Guðlaugsdóttir
Hópur hesta og knapa af Snæfellsnesi var að leggja af stað á landsmót
þegar ljósmyndari var á ferð um Kolgrafarfjörð.
Morgunblaðið/Halldór Kolbeins
Anna Bretaprinsessa gistir í gamla bænum í Hofsstaðaseli.
Landsmót hesta-
manna hefst í dag
ÍSLENSK erfðagreining (ÍE) og
bandaríska lyfjaþróunarfyrirtækið
Elitra Pharmaceuticals Inc. hafa
greint frá því að hafnar séu rann-
sóknir í lyfjaefnafræði í samstarfi
fyrirtækjanna sem miða að því að
þróa ný lyf sem beinast að lyfja-
ónæmum bakteríum. Kári Stefáns-
son, forstjóri ÍE, segir markmiðið
vera að þróa ný lyf sem vinni á þess-
um bakteríum á nýjan hátt.
Í tilkynningu frá ÍE kemur fram
að hjá lyfjaefnafræðideild ÍE (áður
Medichem Life Sciences) er nú unnið
að rannsóknum og þróun á lyfjum
sem vísindamenn Elitra hafa upp-
götvað. Vonast er til þess að þessi lyf
geti orðið grunnur að nýrri gerð
áhrifaríkra og breiðvirkra sýklalyfja.
Í fyrra skrifuðu fyrirtækin undir
samning til þriggja ára um samstarf
við þróun nýrra sýklalyfja en sam-
kvæmt samningnum eiga fyrirtækin í
sameiningu þau efni sem koma út úr
samstarfinu. Lyfjaefnafræðideild Ís-
lenskrar erfðagreiningar sér um
rannsóknir í lyfjaefnafræði, grein-
ingu á þrívíddarbyggingu próteina og
um lyfjaþróun sem byggist á grein-
ingu á þrívíddarbyggingu en Elitra
sér um aðrar forklínískar rannsóknir.
„Lyfjaónæmar bakteríur,“ segir
Kári, „eru sívaxandi heilbrigðis-
vandamál í heiminum og markmið
okkar í þessu samstarfi er að þróa ný
og breiðvirk lyf sem vinna á þessum
bakteríum á nýjan hátt. Okkar þáttur
í þessari vinnu er að nota efnafræði-
kunnáttu starfsmanna lyfjaefna-
fræðideildarinnar í Bandaríkjunum
og þá einstöku aðstöðu sem hún hef-
ur til að greina þrívíddarbyggingu
próteina til að vinna áfram með lyf
sem Elitra hefur uppgötvað í erfða-
fræðirannsóknum sínum á bakter-
íum.“
Lyfjaónæmar bakteríur
ÍE og Elitra
stefna að þró-
un nýrra lyfja
KAFARAR köfuðu niður á flak Guð-
rúnar Gísladóttur KE 15 í gær til að
kanna ástand skipsins og er skýrslu
úr leiðöngrum síðustu daga að vænta
á morgun eða næstu daga, að sögn
Tronds Eilertsens, lögmanns út-
gerðarinnar. Eilertsen sagði í gær-
kvöldi að ekki væri ljóst hvort kafað
yrði niður á flak skipsins í dag en að
skýrsla með niðurstöðum úr könn-
unarleiðöngrum síðustu daga yrði
send norskum lögregluyfirvöldum
strax og hún væri tilbúin.
Hann sagði að lögregluyfirvöld
hefðu farið fram á það við útgerðina
að fljótlega að því loknu myndi hún
upplýsa um hvernig hún hygðist
standa að hreinsun olíu úr flakinu.
Hann segir hins vegar enn óljóst
hvað verður um farm skipsins.
Eilertsen segir að lögegluyfirvöld
sýni því skilning að útgerðin þurfi
tíma til að meta stöðuna og hvort
ráðist verði í að bjarga skipinu af
hafsbotni.
Skipið liggur á um 40 metra dýpi
eftir að það sökk við strendur Lofot-
en 19. júní sl. Um borð eru 300 tonn
af olíu og um 870 tonn af síld.
Kafað niður á flak Guðrúnar Gísladóttur
Skýrsla send
lögreglu síðar
í vikunni
BJÖRGUNARBÁTURINN Gunnar
Friðriksson var sendur frá Ísafirði
áleiðis til Lónafjarðar síðdegis í gær
til að ná í konu sem meiðst hafði á
fæti. Konan, sem var á göngu um
Hornstrandir, skarst á fæti og var
hún flutt með bátnum til Ísafjarðar,
að sögn Alberts Óskarssonar skip-
stjóra.
Að sögn Alberts voru meiðsl kon-
unnar minniháttar og var hún flutt á
Sjúkrahúsið á Ísafirði þar sem gert
var að sárum hennar.
Kona flutt
með báti frá
Lónafirði
♦ ♦ ♦
MEÐ snarræði tókst ökumanni
jeppa að koma í veg fyrir alvarlegt
slys á þjóðvegi 1 við Djúpavog á
sunnudagskvöld þegar fólksbíll kom
á móti honum á röngum vegarhelm-
ingi.
Í tilkynningu frá Landsbjörgu
kemur fram að ökumaður fólksbíls-
ins sé nýkominn til landsins eftir
dvöl í Afríku og vanur vinstriumferð
þaðan. Þegar ökumaður jeppans sá
fólksbílinn koma á móti sér beygði
hann frá og út af veginum. Þar lenti
jeppinn í ræsi og sat fastur. Fimm
manns voru í jeppanum og fjórir í
fólksbílnum.
Skv. upplýsingum frá Slysavarna-
félaginu Landsbjörgu voru allir í bíl-
beltum, en barn í jeppanum meiddist
lítillega.
Vanur vinstri-
umferð í Afríku
TVÖ FLUGFÉLÖG, Flugfélag Ís-
lands og Íslandsflug, buðu í áætl-
unarflug milli Reykjavíkur og
Hafnar í Hornafirði, en tilboð voru
opnuð hjá Vegagerðinni í gær.
Tilboð Íslandsflugs var upp á
28.792.000 krónur, eða 84,3% af
kostnaðaráætlun. Tilboð Flug-
félags Íslands var upp á 36.993.300
krónur, eða 108% af kostnaðar-
áætlun. Um var að ræða útboð á
endurgreiðslu kostnaðar að frá-
dregnum tekjum vegna farþega-
flutninga í áætlunarflugi milli
Hafnar í Hornafirði og Reykjavík-
ur.
Kostnaðaráætlun Vegagerðar-
innar var rúmar 34 milljónir króna.
Íslandsflug
bauð tæpar
29 milljónir
Áætlunarflug milli
Reykjavíkur og Hafnar
♦ ♦ ♦