Morgunblaðið - 02.07.2002, Blaðsíða 18

LANDIÐ
18 ÞRIÐJUDAGUR 2. JÚLÍ 2002 MORGUNBLAÐIÐ
„ÞAÐ heldur manni ungum að
vinna að hugðarefnum sínum,“
sagði Halldór Halldórsson á Hróf-
bergi í Hólmavíkurhreppi, en hann
hefur nýlokið við að smíða glæsi-
legan sólpall og skjólvegg um-
hverfis íbúðarhúsið sitt þótt hann
vanti ekki nema þrjú ár í áttrætt.
„Ég er að dunda mér við þetta að
gamni mínu til að hafa eitthvað
fyrir stafni og ég ætlaði mér alltaf
að verða smiður en ekki bóndi þeg-
ar ég var yngri,“ sagði Halldór en
hann hefur búið á Hrófbergi í
rúma hálfa öld og einn síðustu tvö
árin eða síðan eiginkona hans,
Svava Pétursdóttir, lést.
„Það varð mér mikið áfall að
missa hana og ég hef lést um næst-
um tuttugu kíló síðan því ég er
ekki nógu duglegur við matseldina.
Ég elda mér oftast eitthvað auðvelt
svo sem eins og grjónagraut þótt
ég kunni nú að matreiða fleira. Við
Svava kynntumst unglingar þegar
ég var hjá afa mínum og ömmu á
Stakkanesi en hún bjó þá hér á
Hrófbergi. Þá komu kýrnar stund-
um saman og þá sáumst við fyrst
en hittumst síðan ekki aftur fyrr en
um tvítugt á dansleik á Hólmavík
og þar voru örlögin ráðin. Flest
börnin mín eru hér í nágrenninu og
ég hef verið einstaklega heppinn
með öll tengdabörnin svo ég er nú
ekki alveg einn.“
Halldór og kona hans stunduðu
lengst af hefðbundinn búskap með
kýr, kindur og hænsni en síðustu
árin eingöngu með sauðfé sem
hann hætti með þegar kona hans
lést. „Hún hafði mikið dálæti á
kúnum og þær voru hennar uppá-
haldsskepnur en mér þótti
skemmtilegra að vinna við féð en
kindurnar voru um þrjú hundruð
þegar flestar voru.“
Í frístundum spilar Halldór á
harmoniku og semur bæði lög og
texta sér til skemmtunar. „Það hef-
ur verið mikill söngur í kringum
mig, synir mínir þrír spila á harm-
oniku. Hreinn, sonur minn, sem er í
harmonikufélagi Héraðsbúa hefur
samið lög og texta og tekið þátt í
keppnum og unnið og einnig spilar
annar sonur minn, Jón, bæði á
hljómborð og harmoniku.“ Halldór
ferðast töluvert og hefur nýlega
keypt sér jeppa sem hann kemst á
allra sinna ferða og var nýkomin
ofan af Þorskafjarðarheiði þar sem
hann sótti sér steina sem hann ætl-
ar að nota í hleðslu í garðinum.
„Ætlaði að
verða smiður
en ekki bóndi“
Morgunblaðið/Arnheiður Guðlaugsdóttir
Glæsilegur skjólveggur umlykur hús Halldórs Halldórssonar á Hróf-
bergi sem hann næstum áttræður hefur smíðað af miklum hagleik.
Strandir
MIKIÐ verður um að vera á Akranesi
dagana 11.–14. júlí nk., en þá verða
þar írskir dagar haldnir í þriðja sinn.
Sigurður Sverrisson sem á sæti í und-
irbúningsnefnd hátíðarinnar segist
binda vonir við að dagskráin í ár verði
til þess að festa hátíðina endanlega í
sessi á Akranesi.
„Það er mat okkar sem erum í und-
irbúningsnefndinni að nú sé í raun að
hrökkva eða stökkva. Því er mikil-
vægt að vel takist til í ár þannig að
írskir dagar öðlist þann sess sem okk-
ur finnst þeir verðskulda,“ segir Sig-
urður. Akurnesingar efna til írskra
daga til þess að minnast landnáms
bræðranna Þormóðs og Ketils Bresa-
sona um eða upp úr 880 að því er sög-
ur herma.
„Írsku dagarnir hefjast formlega
fimmtudaginn 11. júlí kl. 18 þegar
Akraborgin leggur hér að bryggju.
Þann dag verða nákvæmlega fjögur
ár frá því að Hvalfjarðargöngin voru
opnuð og Akraborgin hætti sigling-
um. Við ætlum að nota þetta einstaka
tækifæri til að blanda saman nútíð og
fortíð og því munu holdgervingar
þeirra bræðra, Þormóðs og Ketils,
stökkva frá borði við bryggju og
nema land á ný. Akraborgin fer í tvær
skemmtisiglingar þennan dag. Sú
fyrri er ætluð yngri kynslóðinni en sú
síðari fullorðnum. Í henni verður boð-
ið upp á veitingar og írska tónlist,“
segir Sigurður.
Dagskrá írskra daga er þéttskipuð
og nær hápunkti með kvöldskemmt-
un á Akratorgi laugardaginn 13. júlí
og tónleikum írsku sveitarinnar Ash
Plant og dansara í Bíóhöllinni í kjöl-
farið. Paparnir verða svo með dans-
leik á Breiðinni. Svo háttar til á Akra-
nesi að samhliða írskum dögum er
stærsta knattspyrnumót sumarsins í
gangi með um 1.100 þátttakendum.
Sumargolfmót Bylgjunnar er einnig
þessa helgi og mikil skemmtidagskrá
sem fylgir því. Svokallaðir „Tax
Free“-dagar verða ennfremur í versl-
unum á Akranesi þessa daga, þar sem
hægt er að gera góð kaup.
„Allir ættu að finna sér eitthvað til
skemmtunar og dægradvalar á Akra-
nesi þessa daga. Auk þess sem fyrr er
getið má nefna sæþotur, kajaka og
körtubíla, leiktæki, dorgveiðikeppni,
sandkastalakeppni, markaðstjald,
uppboð og fleira,“ segir Sigurður og
bætir því við að allir gestkomandi fái
afhenta dagskrá írsku daganna við
bæjarmörkin. Hann var bjartsýnn á
að samningar við veðurguðina tækj-
ust einnig á næstunni.
Akraborg siglir á írskum dögum
Morgunblaðið/Árni Sæberg
Mannfjöldi safnaðist saman þeg-
ar Akraborgin lagði að bryggju
á Akranesi eftir síðustu áætlun-
arferð sína 11. júlí árið 1998.
Akranes
ÞAÐ vantaði ekki sólina og góða
veðrið á Egilsstöðum þegar vinn-
ingshafar í verðlaunapotti Hitaveitu
Egilsstaða og Fella voru dregnir úr
heita pottinum í Sundlaug Egils-
staða á dögunum.
Tveir skilvísir viðskiptavinir
HEF, þau Eyjólfur Skúlason og
Lilja Þórarinsdóttir á Egilsstöðum,
unnu hvort um sig tvö sæti með
þýska flugfélaginu LTU á flugleið-
inni Egilsstaðir-Düsseldorf-Egils-
staðir. Með þessu var HEF að vekja
athygli á nýhöfnu beinu flugi frá Eg-
ilsstöðum til Evrópu og launa góðum
viðskiptavinum skilvísina um leið.
Þeir voru borginmannlegir Guð-
mundur Davíðsson frkvstj. Hita-
veitu Egilsstaða og Fella, Hannibal
Guðmundsson frkvstj. Ferðaskrif-
stofu Austurlands og Hlynur Hall-
dórsson á Miðhúsum, við útdrátt
vinningshafa úr heita pottinum í
blíðviðrinu.
Hitaveita Egilsstaða og
Fella verðlaunar skilvísa
Morgunblaðið/Steinunn
Dregið
úr heita
pottinum
Egilsstaðir
TÖLUVERT hefur heyrst um að
fólk hafi frestað því að fara í ferðalög
út á land vegna heimsmeistara-
keppninnar í knattspyrnu. Ekki eru
þó allir sem láta það trufla áætlanir
sínar, því að á milli 90 og 100 manns,
nær eingöngu ferðamenn, komu
saman á Systrakaffi til að fylgjast
með úrslitaleiknum, Þýskaland-
Brasilía.
HM í sumarfríinu
Kirkjubæjarklaustur
Morgunblaðið/Eiður Björn Ingólfsson
Erfitt og ástæðulaust var að sleppa síðasta leiknum á HM í fótbolta.
UMFERÐARFULLTRÚI á vegum
Umferðarráðs og Slysavarnafélags-
ins Landsbjargar var á ferð um
Þórshöfn á dögunum og gerði meðal
annars könnun á bílbeltanotkun öku-
manna. Beltanotkun kom mjög vel út
hér en aðeins einn af hverjum 15
ökumönnum reyndist vera án bíl-
beltis.
Umferðarfulltrúinn fer á alla leik-
skóla á ferð sinni um landið og ræðir
við börnin, sem eru góðir áheyrend-
ur og afar hreinskilin þegar þau tjá
sig um ökuferðir með foreldrum sín-
um og beltanotkun, eins og börn eru
jafnan.
Í sumar eru sex umferðarfulltrúar
starfandi víðs vegar um landið. Þeir
beita sér almennt fyrir auknu um-
ferðaröryggi og eru tengiliðir al-
mennings við hið opinbera. Hinn al-
menni vegfarandi getur þannig haft
samband við umferðarfulltrúann á
sínu starfssvæði og komið með
ábendingar um það sem betur má
fara í umferðinni eða umhverfinu.
Morgunblaðið/Líney Sigurðardóttir
Reynir Arnórsson umferðarfulltrúi með börnum á leikskólanum Barna-
bóli. Þau tjáðu sig af hreinskilni um bílbeltanotkun í fjölskyldum sínum.
Bílbeltanotkun
til fyrirmyndar
Þórshöfn