Morgunblaðið - 02.07.2002, Blaðsíða 14
AKUREYRI
14 ÞRIÐJUDAGUR 2. JÚLÍ 2002 MORGUNBLAÐIÐ
Gasol®
Heimsendingarþjónusta ÍSAGA
nær til Stór-Reykjavíkursvæðisins.
Heimsendingargjald er kr. 500,-
Afgreiðslan Breiðhöfða 11
er opin virka daga frá kl. 8 til 17.
800 5555
Hluti af Linde Gas Group
ÍSAGA ehf. • Breiðhöfða 11
Sími 577 3000 • Fax 577 3001
www.aga.is
IS
A
-2
43
.1
–
ÍD
E
A
Triumph sundbolir
og bikini B, C og D skálar
Útsölustaðir: Útilíf, Intersport,
Hringbrautarapótek, Músík og
sport Hf., HB búðin Hf, Axel Ó.,
Vestm., Palóma Grindavík,
Silfurtorg Ísafirði.
Heildsöludreifing: Aqua Sport ehf,
Hamraborg 7, sími 564 0035.
HEIMAMAÐURINN Ólafur Gylfa-
son bar sigur úr býtum í keppni
án forgjafar á Arctic-open-
miðnæturgolfmótinu sem lauk á
Jaðarsvelli á laugardag. Félagar
hans úr GA, Sigurður H. Ringsted
og Birgir Haraldsson höfnuðu í
öðru og þriðja sæti en keppt var
eftir punktakerfi. Kristinn Páll
Guðmundsson úr Kópavogi sigr-
aði í keppni með forgjöf, Freyr
Hólm Ketilsson GA varð annar og
Jason Scarth Bandaríkjunum
þriðji.
Kolbeinn Sigurbjörnsson, fram-
kvæmdastjóri GA, sagði mótið
hafa heppnast mjög vel en kepp-
endur voru um 160 og þar af um
70 útlendingar víðs vegar úr
heiminum. Miðnætursólin sýndi
sig í öllu sínu veldi á opnunarhóf-
inu á miðvikudagskvöld en hún
lét aftur fara minna fyrir sér báða
keppnisdagana, aðfaranótt föstu-
dags og laugardags. „Menn fengu
þó að sjá sólina birtast aðeins að-
faranótt föstudags í fallegu skýja-
fari,“ sagði Kolbeinn.
Að þessu sinni var einnig keppt
í kvennaflokki og öldungaflokki.
Þjóðverjinn Klaus Nens sigraði í
öldungaflokknum, Guðmundur S.
Guðmundsson GR hafnaði í öðru
sæti og Hreiðar Gíslason GA í því
þriðja. Í kvennaflokki röðuðu GA-
konur sér í efstu sætin, Andrea
Ásgrímsdóttir sigraði, Halla
Berglind Arnardóttir hafnaði í
öðru sæti og Halla Sif Svavars-
dóttir í þriðja sæti.
Albert Hörður Hannesson GA
gerði sér lítið fyrir og fór holu í
höggi á mótinu en draumahögg-
inu náði hann á 11. braut.
Ólafur
Gylfason
sigraði á
Arctic-open-
golfmótinu
Morgunblaðið/Þórhallur Jónsson
Miðnætursólin var ekki fyrirferðarmikil á Arctic-open-golfmótinu sem lauk á Akureyri um helgina, en hún lét
þó aðeins á sér kræla.
FIMM voru fluttir á slysadeild
Fjórðungssjúkrahússins á Akureyri
eftir umferðarslys á Moldhaugna-
hálsi norðan Akureyrar síðdegis á
sunnudag. Í bifreiðinni voru tvö
börn, tvær konur og einn karlmað-
ur. Bifreiðin lenti utan vegar og valt
ofan í skurð, en í honum var tölu-
vert af vatni. Aðkoman á slysstað
var slæm, en farþegar reyndust
minna slasaðir en haldið var í
fyrstu. Nokkurn tíma eða um tutt-
ugu mínútur tók að losa aðra kon-
una úr bílnum, en hönd hennar var
klemmd undir bifreiðinni. Loftpúðar
voru notaðir til að lyfta bifreiðinni
og losa konuna. Mikill viðbúnaður
var hjá lögreglu og slökkviliði vegna
slyssins og auk lögreglu voru sendir
þrír sjúkrabílar á vettvang, tækja-
bíll og læknir.
Ljósmynd/Myndrún, Rúnar Þór
Frá slysstað á Moldhaugnahálsi.
Umferðarslys á Moldhaugnahálsi norðan Akureyrar
Höndin
klemmd-
ist undir
bílnum
Ljósmynd/Myndrún, Rúnar Þór
Bifreiðin hafnaði ofan í skurði þar sem var töluvert af vatni.
SKÓLANEFND Akureyrarbæjar
fjallaði um erindi frá menntamála-
ráðuneytinu á fundi sínum nýlega,
þar sem tillkynnt var um niður-
stöður úttekta ráðuneytisins á
sjálfsmatsaðferðum Síðuskóla,
Glerárskóla og Lundarskóla. Einn-
ig beindi ráðuneytið þeim tilmæl-
um til bæjarstjórnar að hún kynnti
sér vandlega niðurstöðurnar og
ynni að úrbótum eftir því sem við
ætti.
Skólanefnd fagnar þeim árangri
sem Glerárskóli hefur náð, en sam-
kvæmt niðurstöðum úttektarinnar
er hann einn af fjórum skólum, í
þessari úttekt, sem stenst kröfur
um sjálfsmatsaðferðir sem mennta-
málaráðuneytið hefur sett, en alls
voru 39 skólar teknir út að þessu
sinni. Skólanefnd fól deildarstjóra
að fylgja þeim athugasemdum eftir
sem gerðar eru við sjálfsmatsað-
ferðir Lundarskóla og Síðuskóla,
en í Síðuskóla teljast sjálfsmats-
aðferðirnar fullnægjandi að hluta
en framkvæmdin fullnægjandi.
Sjálfsmatsaðferðir grunnskóla
Góður árangur Glerárskóla
LJÓÐHÚS Menntaskólans á Akur-
eyri var formlega opnað 17. júní síð-
astliðinn, en það er sérstök deild
Bókasafns MA. Þar hefur verið kom-
ið fyrir mikilli bókagjöf, safni ljóða-
bóka hjónanna Aðalbjargar Hall-
dórsdóttur og sr. Sigurðar Guð-
mundssonar vígslubiskups frá
Grenjaðarstað. Þau hjónin ánöfnuðu
Menntaskólanum safnið við skóla-
setningu hinn 20. september 1996, en
nú hefur trésmiðjan Ýmir hannað og
smíðað innréttingar í Ljóðhús, bak-
herbergi Bókasafns MA á Hólum.
Þar hefur safni Grenjaðarstaðar-
hjóna verið komið smekklega fyrir
ásamt nákvæmri bókfræðilegri skrá
um innihald þess. Í safninu eru um
þrjú þúsund bindi og meginhlutinn
er frá 20. öld en þar má einnig finna
ýmsar eldri gersemar, meðal annars
Ljóðmæli eftir Jónas Hallgrímsson
útg. í Kaupmannahöfn 1817, Kvæði
eftir Benedikt Gröndal assessor útg.
í Reykjavík 1833 og Ljóðmæli eftir
Magnús Stephensen dr. juris confer-
ensráð, útg. í Viðey 1842.
Í Ljóðhúsi er aðstaða fyrir ein-
staklinga og smærri hópa til rann-
sókna, funda og verkefnavinnu. Þar
er nettengd tölva og þar verða upp-
lýsingar um heimildasöfn og upplýs-
ingaveitur sem tengst geta notkun á
þessu ljóðasafni og rannsóknum á
ljóðlist.
Bókasafn MA
Ljóðhús
opnað
ÞORVALDSDALSSKOKKIÐ verð-
ur haldið í áttunda sinn laugardag-
inn 6. júlí. Þorvaldsdalurinn er
skokkaður enda á milli og er vega-
lengdin um 26 kílómetrar. Skokkið
er ætlað bæði skokkurum og göngu-
mönnum á öllum aldri.
Mæting er við endamarkið við Ár-
skógsskóla klukkan 9.15 og þar geta
menn skilið eftir eigur sínar og verð-
ur keppendum síðan ekið að rás-
marki við Fornhaga í Hörgárdal.
Þátttakan kostar 1.000 krónur. Nán-
ari upplýsingar á vefsíðunni hlaup.is.
Það er Ferðafélagið Hörgur, Ung-
mennafélagið Reynir, Björgunar-
sveit Árskógsstrandar og Ferða-
þjónustan Ytri-Vík/Kálfsskinni sem
efna til hlaupsins.
Þorvalds-
dalsskokk
♦ ♦ ♦