Morgunblaðið - 02.07.2002, Blaðsíða 53
FÓLK Í FRÉTTUM
MORGUNBLAÐIÐ ÞRIÐJUDAGUR 2. JÚLÍ 2002 53
BANDARÍSKA söngkonan Rosemary
Clooney er látin 74 ára að aldri en hún
þjáðist af lungnakrabbameini. Clooney
lék m.a. á móti Bing Crosby í myndinni
White Christmas. Þá söng hún með Guy
Mitchell, Frank Sinatra og Marlene Diet-
rich.
Clooney var föðursystir leikarans
George Clooney og kom tvisvar fram sem
gestaleikkona í sjónvarpsþáttunum ER.
Hún var um tíma gift leikaranum Jose
Ferrer og átti með honum fimm börn.
Clooney kveður
Clooney á hátindi frægð-
ar sinnar árið 1958.
SIGURGLEÐIN var ósvikin hjá
stuðningsmönnum knattspyrnuliðs
Brasilíu sem komu saman að Vallá
á Kjalarnesi sl. laugardag. Gleðitár
runnu, fagnaðaróp hljómuðu og
bílflautur voru þeyttar þegar úrslit-
in í heimsmeistarakeppninni lágu
fyrir.
Þarna voru samankomnir Bras-
ilíumenn búsettir hér á landi, mak-
ar þeirra og börn og íslenskir
skiptinemar sem dvalið hafa í Bras-
ilíu, alls um tuttugu manns. Eftir
leikinn var grillað við dynjandi
brasilíska tónlist og brugðið á leik,
jafnt fótbolta og aðra leiki.
Konurnar í hópnum hittast reglu-
lega og hafa eins konar sauma-
klúbb. Saumaskapur er þó ekki
skilyrði fyrir félagsstarfinu heldur
er líka farið í bíó og út að borða. Að
þeirra sögn hleypti heimsmeist-
arakeppnin auknu fjöri í félags-
skapinn, því þá komu karlarnir með
þegar hist var til að horfa á leiki
Brasilíu.
Sigurgleðin var fölskvalaus hjá stuðningsmönnum Brasilíu. Í hópnum
voru Brasilíumenn, búsettir hér á landi, fjölskyldur þeirra og skipti-
nemar sem dvalist hafa í Brasilíu.
Morgunblaðið/Þorkell
Amanda da Silva Cortes var í
brasilískri fótboltatreyju og
hélt á terrier-tíkinni Dóru
Lindu. Dóra var klædd í bún-
ing sigurliðs Brasilíu frá 1994
og gelti glaðlega enda sigur-
víman smitandi.
Sigurgleði á Kjalarnesi
LEIKARINN John Travolta ræðst
svo sannarlega ekki á garðinn þar
sem hann er lægstur þegar kemur að
því að fara með fjölskylduna í sum-
arleyfi.
Travolta ætlar nefnilega að fljúga
með konu sína og börnin tvö hring-
inn í kringum hnöttinn á einkaþotu
sinni, sem er af gerðinni Boeing 707.
Travolta mun sjálfur sitja við
stjórnvölinn í þotunni en hann er
annálaður áhugamaður um flug og
flaggar sjálfur flugmannsprófi.
Ferðalag fjölskyldunnar mun taka
um tvo mánuði og þau hafa ráðgert
að stoppa í tíu löndum.
Travolta er giftur leikkonunni
Kelly Preston og eiga þau saman
börnin Jett og Ella Bleu.
Reuters
„Pabbi, pabbi, viltu fljúga með
mig í kringum heiminn?“ John
Travolta í réttri múnderingu
ásamt konu sinni og dóttur.
Með fjölskylduna
kringum hnöttinn
John Travolta fer á flug
mbl.isFRÉTTIR