Morgunblaðið - 20.07.2002, Síða 9

FRÉTTIR
MORGUNBLAÐIÐ LAUGARDAGUR 20. JÚLÍ 2002 9
Engjateigi 5, sími 581 2141.
Opið virka daga frá kl. 10.00–18.00, laugardaga frá kl. 10.00–15.00.
15%
aukaafsláttur
Nýjar peysur
á útsölunni

 

 
    

 



 
Ný haustsending
Neðst við Dunhaga, sími 562 2230 Opið laugardag kl. 10-14
Sumarútsalan í gangi
Síðumúla 3-5
sími 553 7355
Opið mán.-fös. kl. 11-18,
laugard. kl. 11-15.
ÚTSALA
Undirföt - Sundföt
20-50% afsl.
undirfataverslun
SJÖ MANNA íslensk fjölskylda
heldur í næstu viku til bæjarins
Ómó Rate í suðvesturhluta Eþíópíu
í Afríku þar sem hún hyggst dvelj-
ast næstu tvö árin við kristniboð.
Þetta eru þau Bjarni Gíslason
kennari, kona hans Elísabet Jóns-
dóttir hjúkrunarfræðingur og 5
börn þeirra á aldrinum 5 til 18 ára.
Bjarni segir að foreldrar sínir
hafi verið kristniboðar í Eþíópíu
frá 1961 til 1972 og hafi hann
fæðst þar og búið fyrstu 11 árin.
„Við hjónin og börn okkar dvöld-
umst svo í höfuðborginni Addis
Ababa á árunum 1993–1998, en þá
starfaði ég sem kennari við norska
skóla kristniboðsins þar.
Núna verðum við úti á lands-
byggðinni þar sem ég mun sinna
hefðbundnu kristniboði. Þar starfa
predikarar og hlutverk mitt verð-
ur að styðja við og hvetja þá til
dáða. Í samvinnu við þá og inn-
fædda fer fram lestrarkennsla.
Þetta helst í hendur við heilsu-
starf, þar sem farið verður á
ákveðna staði út á meðal fólksins
og þar fær það bólusetningar,
mæðraskoðun og slíkt. Þetta teng-
ist svo boðunarstarfinu sem við
munum einnig sinna,“ segir Bjarni.
Börnin munu stunda nám
Bjarni segir að börn þeirra
hjóna muni stunda nám meðan þau
dveljast í Eþíópíu. „Elsta dóttir
okkar er 18 ára og mun hún verða
í fjarnámi í Fjölbrautaskólanum í
Breiðholti. Svo eigum við tvo syni
sem fara í sjöunda og níunda bekk
og þeir fara í heimavistarskóla í
höfuðborginni, en þeir tveir
yngstu, sem eru fimm og átta ára,
verða í heimakennslu og mun kon-
an mín sjá mestmegnis um að
kenna þeim,“ segir hann
„Við hlökkum öll til ferðarinnar,
en það var sameiginleg ákvörðun
fjölskyldunnar að takast á við
þetta.“
Fyrstu kristniboðarnir fóru til
Ómó Rate árið 1995, en þjóðflokk-
urinn sem býr á starfssvæðinu
kallar sig Dasenets-menn. Nú eru
liðin um 30 ár síðan kristniboð-
arnir í Konsó í Eþíópíu fóru að
ræða það að hefja boðunarstarf
meðal þeirra þjóðflokka sem búa
fyrir vestan og sunnan Konsó.
Svæðið sem fólkið býr á er hrjóstr-
ugt og lífsskilyrði erfið.
Meðal kristniboða sem starfað
hafa í Ómó Rate eru hjónin Guð-
laugur Gíslason og Birna Gerður
Jónsdóttir, en auk þeirra hafa
danskir og norskir kristniboðar
verið sendir þangað. Vegna sjúk-
dóma hafa þó margir þeirra þurft
að hverfa heim eftir tiltölulega
stuttan starfstíma. Árið 1999 lauk
byggingu kristniboðsstöðvar á
landi kirkjunnar, sem er í rúmlega
tveggja kílómetra fjarlægð frá
bænum. Auk þess hafa verið
byggðar þrjár útstöðvar en frá öll-
um þessum stöðum er unnið að
heilsugæslu, boðunarstarfi og
lestrarkennslu.
Á morgun verður samkoma á
vegum Sambands ísl. kristniboðs-
félaga þar sem fjölskyldan verður
kvödd. Skúli Svavarsson, fram-
kvæmdastjóri sambandsins, segir
að starfið í ár kosti kringum 27
milljónir króna.
Halda til Eþíó-
píu til kristni-
boðsstarfa
Morgunblaðið/Jim Smart
Fjölskyldan sem er á leiðinni til kristniboðsstarfa í Eþíópíu. Bjarni
Gíslason er með 5 ára son þeirra Elísabetar Jónsdóttur, Birki, í fanginu
og við hlið móður sinnar krýpur Ingunn, 18 ára. Fyrir aftan þau standa,
frá vinstri, bræðurnir Markús, 8 ára, Aron, 12 ára, og Elías, 14 ára.
GRUNNSKÓLINN á Ísafirði sendi
fyrir rúmri viku bréf til foreldra þess
efnis að börnum búsettum á Suður-
eyri, sem hafa verið skráð í skólann
eða sótt hafa um skólavist fyrir næsta
haust, verði gert að sækja skóla á
Suðureyri frá og með næsta hausti.
Jón Arnar Gestsson, íbúi á Suður-
eyri, berst ásamt nokkrum öðrum
foreldrum fyrir því að börn þeirra fái
að halda áfram í Grunnskólanum á
Ísafirði og hefur hann sent mennta-
málaráðuneytinu bréf þar sem hann
óskar eftir að ákvörðunin verði ógild.
Hann segir að ekki hafi verið tekið á
eineltismálum í skólanum á Suður-
eyri.
„Það eru tvö ár síðan ég flutti mín
börn yfir í skólann á Ísafirði. Núna í
haust eiga að fara í skólann átta börn
sem voru í skólanum í fyrra. Síðan
gerist það í vor að það koma ellefu
umsóknir í viðbót frá Suðureyri,“
segir Jón.
Að sögn hans voru viðbrögð
fræðslunefndar þau að leggja það til
að börnunum yrði ekki leyft að sækja
skóla á Ísafirði. Hann segir þessa
ákvörðun ekki standast þar sem í Ísa-
fjarðarbæ hafi ekki verið skilgreind
nein skólahverfi, svæðið sé þar af
leiðandi eitt skólasvæði og því séu
þessar ráðstafanir ekki leyfilegar. „Í
öðru lagi þá eru þau hreint og beint
að reka börnin úr skólanum á Ísafirði
með því að segja þeim upp skólavist-
inni og segja þeim að fara annað. Það
er bannað að reka börn úr skóla
nema einhver hegðunarvandamál og
annað slíkt sé í gangi sem er ekki í
þessum tilvikum,“ leggur hann
áherslu á.
Ekki tekið á vandamálum
Jón bendir á að í bréfinu hafi verið
vísað í bókun fræðslunefndar og eng-
ar frekari skýringar hafi fylgt. Það
virðist vera yfirvaldsins að ákveða að
þetta skuli gert svona og þá sé það
skólastjórans að framfylgja því.
Spurður um ástæður þess að for-
eldrar telji það betra að börnin sæki
skóla á Ísafirði, segir Jón að þær séu
þær sömu og voru fyrir tveimur ár-
um. Hann segir að í skólanum við-
gangist einelti og ekki sé tekið á nein-
um vandamálum sem komi upp.
„Þegar kennararnir eru farnir að
taka þátt í einelti líka þá er það orðið
enn alvarlegra,“ bendir hann á og
segir að nemendur séu kallaðir öllum
illum nöfnum. Hann undirstrikar að
börnin vilji vera áfram í skólanum á
Ísafirði og geti ekki hugsað sér að
sækja skóla á Suðureyri á ný. „Þeim
líður mjög illa út af þessu og spyrja á
hverjum degi hvort þetta sé ekki að
verða búið,“ lýsir Jón.
Hann bætir við að um fimmtíu
börn hafi verið í skólanum á Suður-
eyri á síðasta ári þannig að brottfallið
nú sé gífurlega stórt hlutfall. „Ég er
alveg sammála mönnum í því að þetta
grefur undan skólastarfinu þarna.
En þetta er ekki rétta leiðin heldur
þarf að finna út hvað er að í skóla-
starfinu, af hverju krakkarnir eru að
fara,“ leggur hann áherslu á. Hann
bendir jafnframt á að skólinn hefjist
eftir rúman mánuð og ekkert hafi
gerst í þessu máli síðan ákvörðunin
var tekin. Hann segir að fræðslu-
nefndin hafi sett málið svona fram og
ætlaði síðan að kanna ástandið í skól-
anum á Suðureyri og laga áður en
skólinn hæfist.
Jón segist ekki vilja hugsa þá
hugsun til enda ef börn hans fá ekki
að vera áfram í skólanum á Ísafirði.
„Það er alveg á hreinu að börnin fara
ekki aftur í skólann á Suðureyri í
haust, það tekur meira en einn mán-
uð að laga það sem var að í skólanum.
Ég vil fá bréf frá skólastjóranum á
Ísafirði sem segir mér að börnin mín
verði áfram í skólanum á Ísafirði,“
segir Jón.
Þorleifur Pálsson, bæjarritari á
Ísafirði, segir að þessi málefni verði
rædd í bæjarráði Ísafjarðar á mánu-
dag og bendir jafnframt á að for-
stöðumaður skóla- og fjölskylduskrif-
stofu komi til starfa eftir sumarleyfi
eftir helgi og þá skoði hún málið
ásamt fræðslunefnd.
Reyna að veikja ekki skólana
Þegar hann er inntur eftir hvað sé
því til fyrirstöðu að börnin sæki skóla
á Ísafirði telur hann að hugsun
fræðslunefndar hafi verið fyrst og
fremst sú að veikja ekki skólana í hin-
um þéttbýliskjörnunum, það er Þing-
eyri, Flateyri og Suðureyri, og í
þessu tilfelli beinist ákvörðunin að
Suðureyri.
„Það eru átta börn sem hafa verið í
skóla hér á Ísafirði og ellefu sem hafa
sótt um til viðbótar. Í jafn litlum
skóla og á Suðureyri þá veikir þetta
væntanlega skólastarfið,“ segir hann.
Þorleifur segist ekki geta sagt til
um hvað verði um börnin sem þegar
sækja skóla á Ísafirði þar sem það
séu aðrir sem taki þá ákvörðun. Sjálf-
ur segist hann ekki hafa trú á öðru en
að þau sem þegar séu í skólanum
haldi áfram og ljúki þar námi.
Hann bætir við að það eigi eftir að
koma í ljós hvort foreldrar barnanna
séu að gera þessar ráðstafanir sökum
þess að þeir sætti sig ekki við skóla-
stjórnun á viðkomandi stað en það
verði farið ofan í saumana á því eftir
helgi. „Ég á von á því að það verði
rætt við skólastjórnendur á Suður-
eyri sem og foreldra á staðnum sem
hlut eiga að máli. Ég get ekki gert
öðrum upp ákvarðanir en ég veit það
og treysti því að það verði unnið að
þessum málum fljótt og vel. Það er
það gott fólk í þessum störfum,“ legg-
ur hann áherslu á.
Magnús S. Jónsson, skólastjóri
Grunnskóla Suðureyrar, kaus að tjá
sig ekki um málið að svo stöddu né
um ásakanir um einelti.
Nokkrum börnum gert að sækja skóla á Suðureyri
Ásakanir um að ekki sé
tekið á eineltismálum
Ók inn í
hrossahóp
AFLÍFA varð eitt hross, sem
fótbrotnaði er jeppa var ekið inn
í hrossahóp á Kjalvegi við Gull-
foss um klukkan 1.30 í fyrrinótt.
Engin slys urðu á fólki en jepp-
inn, sem er nýr, stórskemmdist,
en var þó ökufær.
Meðgöngulínan
slit- og spangarolía
Þumalína, Lyf og Heilsa,
Lyfja, Heilsuhúsið