Morgunblaðið - 20.07.2002, Qupperneq 20
ÁRBORGARSVÆÐIÐ
20 LAUGARDAGUR 20. JÚLÍ 2002 MORGUNBLAÐIÐ
ÞAÐ eru orðin 8 ár síðan „Blómstr-
andi dagar“ voru fyrst haldnir hér
í Hveragerði. Síðan hafa hátíðar-
höldin verið árviss og svo var einn-
ig í ár. Veðurguðirnir voru ekki í
góða skapinu, því það skall á há-
vaðarok og rigning um hádegið.
Ætlunin var að hafa hátíðarhöldin
úti en vegna veðurs var allt nema
trúðaskrúðganga og hluti af afl-
raunakeppninni um Suðurlands-
tröllin flutt inn á Hótel Örk. Dag-
skráin hófst kl. 14 og var margt
gesta komið til að hlýða á skemmt-
unina. Trúðar stórir og smáir settu
svip sinn á hátíðina. Tónlistarmenn
sem eru að stíga sín fyrstu skref og
einnig vanari menn tróðu upp við
mikinn fögnuð. Í lok hátíðarinnar
sungu Hermann Ólafsson og Hild-
ur Magnúsdóttir lagið okkar um
Hveragerði sem er blómstrandi
bær. Um kvöldið var unglingaball
og síðan almennur dansleikur á
Café Róm þar sem hljómsveitin Á
móti sól lék fyrir dansi.
Síðustu dagana í ágúst verða aft-
ur „Blómstrandi dagar“ í Hvera-
gerði. Þá taka bæjarbúar m.a. lag-
ið í brekkusöng í lystigarði
bæjarins og hjálparsveitin mun
lýsa upp kvöldhimininn með flug-
eldasýningu.
Blómstr-
andi
dagar
Hveragerði
Morgunblaðið/Margret Ísaksdótti
Trúðar settu svip sinn á hátíðina í Hveragerði. Þau Hermann Ólafsson
og Hildur Magnúsdóttir sungu í lokin Hveragerðislagið.
EKKI hefur verið ákveðið hjá Vega-
gerð ríkisins hversu mikið unnið verð-
ur að lagfæringum á vegöxlum á Suð-
urlandsvegi um Hellisheiði. Í fyrra
var unnið við kafla í Kömbum og upp
af þeim og eru þar nú góðar og örugg-
ar vegaxlir með bundnu slitlagi sem
ökumenn nýta til að víkja fyrir þeim
sem vilja aka framúr.
Að undanförnu hefur verið unnið
að lagfæringum á slitnu malbiki í
Kömbunum og upp af þeim. Vegaxlir
á Hellisheiði eru ekki með bundnu
slitlagi og víða eru þær holóttar og
brún hefur myndast við bundna slit-
lagið. Þá brotnar stöðugt upp úr slit-
lagi vegarins á köntunum sem ásamt
hættulegum brúnum veldur óöryggi
hjá ökumönnum sem nota ekki axl-
irnar. Engin fjárveiting er á þessu ári
til breikkunar vegarins í brekkum s.s.
fyrir ofan og neðan Litlu Kaffistof-
una. Umferð um Suðurlandsveg er
mjög mikil og fer sem kunnugt er
vaxandi ár frá ári enda fjölfarnasta
ferðamannaleið landsins.
Hjá Vegagerðinni fengust þær
upplýsingar að Suðurlandsvegur um
Svínahraun og Hellisheiði væri í at-
hugun svo sem breyting á Þrengsla-
vegamótum og nýtt vegstæði í beinni
línu frá Skíðaskálabrekkunni með
hraunkantinum í átt að Litlu Kaffi-
stofunni. Þessi atriði ásamt kostnað-
aráætlun vegna lýsingar kæmu m.a.
til álita við gerð vegaáætlunar í haust
í tengslum við samgönguáætlun.
Varasamar vegaxlir
Selfoss
Morgunblaðið/Sigurður Jónsson
Á myndinni sést hvernig stöðugt molnar upp úr vegbrúninni á Hellis-
heiði þar sem vegöxlin er ekki með bundnu slitlagi.
GÓÐ aðsókn hefur verið að
íþrótta- og tómstundaskólanum í
Árborg sem Ungmennafélag Sel-
foss annast. Skólinn er fyrir börn
á aldrinum 5–10 ára og er hópn-
um skipt í þrjá meginhópa. Börnin
eru í skólanum frá klukkan 9–12
og síðan frá 13–16. Sum barnanna
eru allan daginn og fá þá mat í
hádeginu. Skipulag skólans bygg-
ist á leikjum, íþróttum, tómstunda-
starfi og fræðslu. Farið er í heim-
sóknir og kynnisferðir til
fyrirtækja og á ýmsa staði til
fræðslu og leikja. Markmið skól-
ans er að efla líkamlegan, and-
legan og félagslegan þroska
barnanna. Skólinn hefur aðsetur í
Tíbrá, félagsheimili Ungmenna-
félags Selfoss, og í útistofum
Sandvíkurskóla á Selfossi. Starfs-
menn skólans eru sjö.
Fræðsla og leikir í Íþrótta- og
tómstundaskóla Árborgar
Selfoss
Morgunblaðið/Sigurður Jónsson
Yngsti hópurinn í Íþrótta- og tómstundaskóla Árborgar á göngu á Aust-
urveginum á Selfossi, á heimleið eftir heimsókn til Leikfélags Selfoss.
LANDIÐ
Síungir hesta-
menn riðu
til landsmóts
Norður-Hérað
NOKKRIR síungir hestamenn,
flestir á aldrinum sextíu til áttatíu
ára, frá Egilsstöðum og Eskifirði,
eru nýkomnir til síns heima eftir
hestaferð á Landsmót hestamanna á
Vindheimamelum í Skagafirði.
Aldursforsetinn í ferðinni var
Steinn Jónsson á Eskifirði, 83 ára.
Steinn lagði af stað frá Eskifirði 20.
júní og reiknar með að koma aftur til
síns heima um 20. júlí svo hann verð-
ur alls um mánuð í ferðinni og hefur
ferðast um 1000 kílómetra á hestbaki
á þeim tíma.
Hestamennirnir lögðu af stað frá
Egilsstöðum 23. júní sex saman auk
bílstjóra með 32 hesta. Síðan bætt-
ust við fjórir menn á Stöng í Mý-
vatnssveit með 18 hesta. Hesta-
mennirnir voru komnir í Laugafell
29. júlí og fóru þaðan niður Austur-
dal í Skagafirði og komu 1. júlí á
Vindheimamela og dvöldu á lands-
mótinu í viku.
Þeir lögðu síðan af stað til baka úr
Skagafirði 7. júlí og komu í Egils-
staði 16. júlí, en hvílt var einn dag á
þeirri leið og járnað á Heiðarbót í
Reykjahverfi.
Forláta trússbíll, Benzkálfur með
hestakerru, fylgdi þeim á ferðum
þeirra og sagði Bjarni Einarsson,
einn ferðalanganna, að það væri lúx-
us að hafa haft svona góða aðstöðu
með í ferðinni, en Bjarni keypti bíl-
inn sérstaklega til ferðarinnar.
Steinn segir að hér og hvar hafi
fólk komið til móts við þá félaga og
fylgt þeim spölkörn en Skagfirðing-
arnir Bjarki Sigurðsson og Sigurður
Hansen hafi komið til móts við þá í
Laugarfell með hey og lóðsað þá nið-
ur Austurdal í Skagafirði. Steinn
sagði þá félaga eiga sérstakar þakkir
skildar fyrir aðstoðina.
Bjarni sagði að þeir hefðu verið
sérstaklega heppnir með veður og
vildi koma þakklæti á framfæri við
þúsundir vegfarenda sem sýndu
þeim mikla þolinmæði þar sem þeir
ferðuðust um þjóðvegina og aldrei
fengu þeir kvartanir þótt akandi
ferðalangar yrðu fyrir töfum af
þeirra hálfu.
Ferðalangar að austan
MIKIÐ unglingastarf er unnið hjá
Björgunarfélagi Ísafjarðar og fór
hópur unglinga úr unglingadeildinni
Hafstjörnunni til Leith í Skotlandi
á síðasta sumri. Heimsótti þar
björgunarstöðvar og tók þátt í móti
sem kallast „The British Youth
Festival“. Þá komust á sambönd
sem leiddu til þess að til Ísafjarðar
komu 9 unglingar á aldrinum 15-17
ára ásamt tveim fararstjórum í síð-
ustu viku. Í Leith fá þessir ungling-
ar þjálfun í að veita forystu í ung-
lingastarfi og eru flestir piltarnir
þjálfarar fótboltafélaga en stúlkurn-
ar stjórna vinnu við umönnun fatl-
aðra og önnur líknarstörf.
Dvöl þeirra undanfarna daga á
Vestfjörðum hefur verið stórkost-
legt ævintýri. Ekkert þeirra hafði
áður komið á sjó, en um síðustu
helgi var siglt með þau norður á
Sléttu í Jökulfjörðum þar sem þau
bjuggu í tjöldum. Þau hafði aldrei
dreymt um að fara í útilegu, þar
sem ekki væri salernisaðstaða og
böð eða matsöluskáli og áttu erfitt
með að skilja hvernig hægt væri að
lifa án slíkra grunnþátta. Eftir
helgardvöl á Sléttu í norðanátt og
rigningu og hitastigi sem minnti
þau á vetrarveðráttu á heimaslóð-
um var farið í kaffi að Sútarabúðum
í Grunnavík. Þaðan lá svo leiðin í
Vigur þar sem þau fengu konung-
legar móttökur að sögn fararstjór-
anna. Næsta dag var svo farið í út-
reiðartúr í Dýrafirði. Þau sem því
þorðu, en unglingarnir höfðu aldrei
snert hest áður, hvað þá komið á
bak. Þau höfðu þó orð á því að ís-
lensku hestarnir væru miklu fal-
legri en þeir bresku og örugglega
þægilegir í umgengni.
Eftir vikudvöl í Ísafjarðarbæ
héldu þau svo suður og ætluðu að
baða sig í Bláa lóninu áður en hald-
ið væri aftur heim.
Fararstjórarnir, þau Sarah
Emmett og Andrew Derra, voru
mjög ánægð með mótttökurnar hjá
björgunarfélaginu og sögðu mjög
líklegt að farið yrði í fleiri slíkar
ferðir á næstu árum. Þau lýstu
jafnframt yfir undrun sinni yfir
starfseminni í Gamla apótekinu á
Ísafirði, þar sem aðstaða væri fyrir
unglinga til að sinna áhugamálum
sínum í friði fyrir fullorðna fólkinu.
Í Bretlandi er það orðið svo, að
hvergi fái börn að starfa á opinber-
um stöðum án þess að fullorðnir
eftirlitsmenn standi yfir þeim og
nánast fylgist með hverju fótmáli.
Þá hafði hin ósnortna náttúra hér
mikil áhrif á þau og hlýjan í fólkinu
sem alls staðar tók þeim opnum
örmum.
Morgunblaðið/Úlfar Ágústsson
Breski unglingahópurinn ásamt ísfirskum gestgjöfum þeirra í veislu
fyrir utan höfuðstöðvar Björgunarfélags Ísafjarðar.
Skoskir ungling-
ar í heimsókn
Ísafjörður