Morgunblaðið - 20.07.2002, Blaðsíða 18
AKUREYRI
18 LAUGARDAGUR 20. JÚLÍ 2002 MORGUNBLAÐIÐ
Akureyringar, 55 ára og eldri
Fasteiginin Víðilundur 23, Akureyri, er til sölu.
Hér er um að ræða 135 fermetra raðhús að
meðtöldum innb. bílskúr.
Áhugasamir setji sig í samband við:
Guðmund Kristjánsson,
vinnusími 565-2211
heimasími 564-5355,
gsm 897-5850
ÞAÐ hefur verið líf og fjör á
Landsmóti skáta sem staðið hefur
yfir í nýrri útilífs- og umhverfis-
miðstöð skáta að Hömrum við Ak-
ureyri í vikunni. Nú í dag, laug-
ardag, er opinber heimsóknar-
dagur og er búist við að þá leggi
fjölmargir leið sína á svæðið og
fylgist með skátum við leik og
störf.
Ásgeir Hreiðarsson, staðarhald-
ari að Hömrum, sem sæti á í móts-
stjórn, sagði að Landsmótið hefði
gengið eins og í sögu og þátttak-
endur væru ánægðir. „Mér sýnist
öllum líða vel hér, enda hafa
krakkarnir haft nóg fyrir stafni
alla dagana og þá skiptir ekki öllu
máli þótt veðrið hafi ekki alltaf
verið upp á sitt besta,“ sagði Ás-
geir. „Krakkarnir bera sig ekkert
illa þótt það rigni svolítið á þá, það
er frekar að foreldrarnir kvarti.“
Veðrið skipti svo um ham í gær,
föstudag, þegar sólin braust fram
úr skýjum og sendi heita geisla
sína yfir hina athafnasömu ungu
skáta.
Þátttakendur á Landsmótinu eru
á aldrinum frá 8 ára og upp í 18
ára og koma þeir frá um 25 þjóð-
löndum. Í einu tjaldanna á móts-
svæðinu var búið að koma upp al-
þjóðamiðstöð sem Elsí Rós úr
Smiðjuhópi stjórnaði af röskleika.
„Hér erum við að stofna alveg nýja
þjóð. Krakkarnir eru að störfum í
hópum og búa til fána þjóðarinnar
og þjóðdans svo eitthvað sé nefnt
og hafa mjög gaman af,“ sagði Elsí
Rós. Á veggjum mátti sjá útkom-
una, fullt af nýjum og frumlegum
fánum sem báru sköpunargleði
barnanna gott vitni. „Vafflan er
þjóðarréttur allra hópanna, en
hver þeirra er með sína eigin út-
færslu á deiginu,“ sagði Elsí Rós.
Buxur fyrir alla í flokknum
Í alþjóðamiðstöðinni mátti líta
skátaklæðnað frá hinum ýmsu
þjóðlöndum. Nokkrir strákar úr
Berserkjum, þeir Jóhann Helgi,
Gunnlaugur Bragi, Sævar og Hilm-
ar, ráku inn nefið til að skoða bún-
ingana og vakti skátaklæðnaður
frá Pakistan óskipta athygli
þeirra. Skyrtan, sem fremur var
eins konar mussa, náði niður á hné,
en það voru buxurnar sem vöktu
kátínu piltanna. „Vá, það er bara
eins og allur skátaflokkurinn eigi
að ganga í þessum buxum,“ sögðu
þeir, en þær voru í víðara lagi.
„Það hefur verið ótrúlega gam-
an hérna, fullt að gera allan tím-
ann. Við erum búnir að læra þjóð-
dansa, fara í „Heim Harrys
Potters“ og kyrja á kanó, það var
æði,“ sögðu Berserkir hinir ánægð-
ustu.
„Rikk, tikk, tikk...,“ glumdi við
frá tjörninni og við nánari eft-
irgrennslan kom í ljós að vinir og
félagar Helgu Ingvadóttur frá
Blönduósi voru að hvetja hana við
flekahlaup yfir vatnið.
Ohhhhhh... er besta umbunin
Helga var föður sínum, Ingva
Þór Guðjónssyni, félagsforingja í
Bjarma frá Blönduósi, til aðstoðar.
Bjarmi er með 15 skáta á mótinu
og 12 ylfinga þannig að í nógu er
að snúast. „Ég ræsi liðið kl. 8 á
morgnana og við erum að fram til
miðnættis, það er alltaf nóg við að
vera,“ sagði Ingvi Þór. Hann sagði
mótið hafa tekist einkar vel, „dálít-
ið blautt til að byrja með en við er-
um með nóg af fötum. Og nú er
sólin farin að skína. Þetta verður
ekki betra.“ Ingvi Þór hefur verið í
skátastarfi í 50 ár og segir það allt-
af jafngaman. Besta umbunin sé
þegar hann heyrir krakkana stynja
hátt „ohhhhh“ þegar hann neyðist
til að aflýsa skátafundum.
Klettaklifrið skemmtilegast
Landnemar úr Reykjavík mættu
á landsmótið á þriðjudag og komu
sér vel fyrir. Þeir Daníel Másson,
Friðrik Freyr Gautason, Kjartan
Kári Guðjónsson Mýrdal og Róbert
Halldórsson voru að búa sig undir
keppni við drengina í Drekum frá
Akureyri, en sú keppni fólst í að
fara um völundarhús og leysa
ákveðnar þrautir. Strákarnir voru
sammála um að mótið hefði tekist
einstaklega vel. „Þetta er glæsi-
legt,“ sögðu þeir. Langskemmtileg-
asta verkefnið var klettaklifur og
sig í þverhníptum hömrunum ofan
við svæðið. Það var „aðal-
stuðið“ eins og þeir orðuðu
það.
„Maður þarf bara að koma
sér fram af brúninni, það er
erfiðast og flestir guggna
þar. En ef menn komast yfir
þann hjalla þá er ekki aftur
snúið og þá er bara að treysta
á sjálfa sig og græjurnar.“
Vatnasafarí í góðu veðri var
einnig ofarlega á blaði pilt-
anna og vatnsslagur með þar
til gerðum vatnsbyssum þótti
skemmtilegur.
Gaman að kynnast fólkinu
Vinkonurnar Emily Willi-
ams og Sarah Sade frá Glou-
cesterskíri í Englandi fögn-
uðu sólarkomunni í gær mjög
og þótti heldur betur lifna yf-
ir svæðinu eftir að hún lét sjá
sig. Annars voru þær himin-
lifandi með mótið og þótti af-
ar gaman að fá tækifæri til að
taka þátt og kynnast fjöldan-
um öllum af fólki víða að úr
heiminum. „Við höfum hitt
marga og kynnst fullt af
skemmtilegu fólki, það er
mjög gaman,“ sögðu þær. Alls
komu tíu skátar og tveir foringjar
frá Gloucesterskíri á Landsmótið
og heldur hópurinn heim næstkom-
andi miðvikudag. Þær Emily og
Sarah kváðust hafa tekið þátt í
fjölda verkefna á mótinu og
skemmt sér prýðilega, þær hefðu
siglt á kanóum, tekið þátt í ferðum
af ýmsu tagi og þá fannst þeim
ósköp notalegt að sitja við varðeld-
inn að kvöldlagi.
Gera má ráð fyrir að stöðugur
straumur verði á landsmótssvæðið
í dag, laugardag, en þá taka skátar
á móti gestum. Flokkarnir munu
þá kynna heimabyggð sína og fólki
gefst kostur á að fylgjast með dag-
skránni. Um kvöldið kl. 21 verður
kveiktur varðeldur og skátalögin
munu hljóma í kvöldkyrrðinni.
Gestum verður gert að greiða að-
gangseyri, 500 krónur fyrir full-
orðna og 300 krónur fyrir börn, og
fá þeir þá jafnframt matföng, pylsu
sem upplagt er að skella á eitt-
hvert grillið á svæðinu og drykk.
Mikið líf og fjör hefur verið á Landsmóti skáta að Hömrum
Klifrað í klettum
og kyrjað á kanóum
Morgunblaðið/Skapti Hallgrímsson
Vatnaveröldin heillar á heitum sumardögum. Skátar á öllum aldri skemmtu sér vel í góða veðrinu í gær.
Fjórir ungir skátar úr Berserkjum með hluta skátabúnings frá Pakistan
sem er til sýnis í alþjóðamiðstöðinni. Þeim þóttu buxurnar heldur
stórar! Frá vinstri: Jóhann Helgi, Gunnlaugur Bragi, Sævar og Hilmar.
Helga Ingvadóttir sýndi tilþrif en
komst þó ekki alveg þurr á milli bakka.
Emily Williams og Sarah Sade frá Englandi hafa átt góða daga á lands-
mótinu. Þar voru ánægðar að sólin braust fram úr skýjunum nyrðra.
Skátar úr Reykjavík búa sig undir keppni í svokölluðu völundarhúsi.
Frá vinstri: Daníel, Friðrik Freyr, Kjartan Kári og Róbert.