Morgunblaðið - 20.07.2002, Síða 33

LISTIR
MORGUNBLAÐIÐ LAUGARDAGUR 20. JÚLÍ 2002 33
Á HÁDEGISTÓNLEIKUM í Hall-
grímskirkju í dag kl. 12 og á fjórðu
kvöldtónleikum Sumarkvölds við
orgelið annað kvöld kl. 20 kemur
fram ungur eistneskur organisti,
Katrin Meriloo. Hún er fædd árið
1974 og þykir einn fremsti organisti
á Norðurlöndum og Eystrasalts-
löndunum. Á efnisskrá beggja tón-
leika hennar eru m.a. verk eftir
landa hennar, Peeter Süda, er lést
árið 1920 aðeins 37 ára gamall, en
hafði mikil áhrif á þróun tónlistar og
tónlistarlífs í Tallinn.
„Süda var menntaður í St. Pét-
ursborg, vegna þess að enga fram-
haldsmenntun var að fá í Tallinn á
þeim tíma í tónlist. Þar lagði hann
stund á tónsmíðar og orgelleik,“
segir Meriloo í samtali við Morg-
unblaðið, en Süda átti síðar eftir að
verða einn af stofnendum tónlist-
arháskólans þar. „Að mínum dómi
er hann eitt af okkar bestu tón-
skáldum, að minnsta kosti frá upp-
hafi 20. aldarinnar. Hann samdi ein-
ungis fyrir orgel, og tónlistin hans
er mjög mögnuð og ákaflega sér-
stök.“
Meriloo mun leika Hjarðljóð eftir
Peeter Süda á tónleikunum í dag, en
í því notast hann við þjóðlag frá
heimaslóðum sínum. Hún mun einn-
ig leika Konsert í d-moll eftir Ant-
onio Vivaldi, sem er umritaður af
Johann Sebastian Bach, og Tilbrigði
við frumsamið stef op. 47 í a-dúr eft-
ir Þjóðverjann Adolph Friedrich
Hesse.
Á tónleikum sunnudagskvöldsins
er dagskráin viðameiri. Þar mun
Meriloo leika Fantasíu í a-dúr eftir
César Franck frá árinu 1878, Prelú-
díu í g-dúr eftir Nicolaus Bruhns og
tvö fuglaverk frá því snemma á 17.
öld. „Hið fyrra er engelski nætur-
galinn, eftir óþekktan höfund, og hið
síðara hitt er Hanadansinn eftir
Michael Praetorius,“ segir Meriloo.
„Eftir þau mun ég leika svolítið
fyndið verk, nokkuð djassað í hljóm-
um, sem er eftir Zsolt Gardonyi frá
Ungverjalandi.“ Meriloo mun þá
leika Piéce d’Orgue, sem er eitt
þekktasta verk Johanns Sebastians
Bach. Þá leikur hún tvö verk um
krómatískt stef eftir Peeter Süda,
Basso ostinato og Ave Maria. Tón-
leikunum lýkur svo með Sálma-
fantasíu op. 40 nr. 3 eftir Max
Reger.
„Orgelið hér í Hallgrímskirkju
hefur mjög góðan hljóm. Rýmið er
mjög mikið og gerir það að verkum
að stundum er erfitt að greina ein-
staka nótur í hröðum köflum. Það
þýðir líklega að ég verð að hægja á
tempóinu í nokkrum verkanna,“
segir Meriloo og brosir við. „En það
er sérlega gaman að leika hérna og
hljóðfærið blæs manni í brjóst
mörgum tilfinningum og hugmynd-
um.“
Karin Meriloo varð 16 ára gömul
organisti við Oleviste kirkjuna í
Tallinn og þeirri stöðu hélt hún þar
til hún fluttist til Finnlands árið
1993. Fram til ársins 1998 stundaði
hún nám við Sibeliusar-akademíuna
í Helsingfors undir leiðsögn Kari
Jussila. Hún lauk MA-gráðu frá
akademíunni með hæstu einkunn
mögulegri og er þriðji nemandinn í
sögu skólans sem nær þeim árangri.
Samtímis stundaði hún nám í orgel-
leik í Svíþjóð og lauk prófi frá Há-
skólanum í Luleå með hæstu ein-
kunn. Hún hefur hlotið margvísleg
verðlaun á ferli sínum, en hún starf-
ar sem kennari og konsertorganisti
og kemur jöfnum höndum fram ein
og ásamt einleikurum og einsöngv-
urum, kórum og hljómsveitum.
Fyrsti geisladiskur hennar kom út
árið 1999 og ber hann nafnið The
Art of the Old Masters. Meriloo er
búsett í Svíþjóð.
Eistnesk verk í bland við Bach
Morgunblaðið/Jim Smart
Katrin Meriloo organisti.
Ráðhús Reykjavíkur Heidi
Kristiansen opnar sýningu á nær
30 textílmyndverkum. Verkin eru
unnin á ásaumi og bútasaumi,
vatnsstungin, auk ásaumsverka á
ullarflóka. Þetta er 14. einkasýn-
ing Heidiar en um þessar mundir
eru 20 ár frá hennar fyrstu sýn-
ingu, þá í Ásmundarsal. Heidi hef-
ur einnig átt verk á níu samsýn-
ingum, bæði hér heima og í
útlöndum.
Sýningin stendur til 5. ágúst.
Gallerí Tukt, Hinu Húsinu Póst-
hússtræti 3-5 Marý opnar sína
aðra einkasýningu kl. 16 og sýnir
að þessu sinni ný olíumálverk.
Marý er menntuð háriðnsveinn og
starfar á mojo við Vegamótastíg.
Hún hefur einnig numið við Mynd-
listarskóla Reykjavíkur og stefnir
í nánustu framtíð á frekara nám í
tengslum við myndlist og hönnun.
Sýning stendur til mánaðamóta og
er opin virka daga kl. 9- 18.
Listasafn Borgarness Sigríður
Valdís Finnbogadóttir opnar sýn-
ingu á olíumálverkum kl.15. Flest
verkin eru unnin á þessu ári og er
myndefnið einkum sótt til náttúr-
unnar en einnig verða til sýnis
portrett af bæði þekktum mönnum
og dýrum.
Sigríður hefur sótt nokkur nám-
skeið í olíumálun en er að öðru
leyti sjálfmenntuð. Hún hefur
gegnt formennsku myndlistahóps
innan handverksfélagsins Hnokka
og auk þess verið meðlimur í fé-
lagi áhugamanna um myndlist í
Borgarnesi sem starfaði um ára-
bil. Sigríður hefur m.a. tekið þátt í
nokkrum samsýningum á vegum
áhugamannafélagsins en sýningin
í Listasafni Borgarness er fyrsta
einkasýning hennar.
Listasafn Borgarness er til húsa í
Safnahúsi Borgarfjarðar, Bjarn-
arbraut 4-6, Borgarnesi, og verður
sýningin opin frá 13-18 alla virka
daga og til kl. 20 á þriðjudags- og
fimmtudagskvöldum. Sýningin
stendur til 14. ágúst.
Í DAG
 Sjá einnig Staður og stund á mbl.is
Í sárum. Verk eftir Heidi Kristiansen.