Morgunblaðið - 20.07.2002, Blaðsíða 19

SUÐURNES
MORGUNBLAÐIÐ LAUGARDAGUR 20. JÚLÍ 2002 19
Höfðabakki - til leigu
- mjög hagstæð leiga
Atvinnuhúsnæði
Góð lofthæð, mjög góð staðsetning, góð aðkoma og næg bílastæði.
Mögulegt er að skipta eigninni upp í smærri einingar.
Húsnæðið hefur verið í notkun fyrir höfðustöðvar Marels. Hentar fyrir ýmiss
konar starfsemi, s.s iðnað, heildsölur, skrifstofustarfsemi o.s.frv.
Eignin er í eigu Landsafls, sem er öflugt sérhæft fasteignafélag.
www.valholl.is - Opið virka daga frá kl. 9-17.30.
Upplýsingar veitir
Magnús Gunnarsson í
s. 588 4477 eða 899 9271
„JÚ, ÉG get ekki neitað því, hrein-
skilnislega sagt, að það kom mér á
óvart. Það var ekkert sem benti til
þessarar breytingar og kom ekki
fram í kosningabaráttunni,“ segir
Einar Njálsson, fráfarandi bæjar-
stjóri í Grindavík, þegar hann er
spurður að því hvort ákvörðun nýs
meirihluta í bæjarstjórn um að
endurráða hann ekki til starfa hafi
komið honum á óvart. Að þessu
sögðu lætur hann þess þó getið að
hann hafi fengið það á tilfinn-
inguna, að breyting kynni að verða
á sínum persónulegu högum án
þess að hann geti rökstutt það á
annan hátt en að hann hafi dreymt
fyrir því.
Einar hefur verið bæjarstjóri í
Grindavík í fjögur ár en var áður
bæjarstjóri á Húsavík í átta ár.
Nýr meirihluti Samfylkingar og
Sjálfstæðisflokks ákvað að byrja
með hreint borð eftir kosningar og
skipta um bæjarstjóra. Þegar það
lá fyrir var Einar ekki á þeim bux-
unum að leita eftir lausum stól
bæjarstjóra en réð sig síðan í þetta
erilsama starf hjá meira en tvöfalt
stærra sveitarfélagi, Árborg, og
tekur þar til starfa á mánudag.
„Þegar þessi staða kom upp var
ég ákveðinn í því að hætta bæj-
arstjórastörfum og reyna fyrir mér
á nýjum veiðilendum. Ætlaði að
taka mér frí, hugsa mín mál og
hlaða batteríin. Þess vegna hafnaði
ég nokkrum tilboðum sem ég fékk
strax og ljóst varð um málalok hér
og sótti ekki um nein slík störf. En
þegar forystumenn nýs meirihluta
í bæjarstjórn Árborgar höfðu sam-
band við mig, eftir að þeir höfðu
ákveðið að hafna öllum umsóknum
um starf bæjarstjóra, gat ég ekki
skorast undan því trausti sem mér
var sýnt og ákvað að hefja við-
ræður við þá í fullri alvöru. Nið-
urstaðan varð sú að gerður var
ráðningarsamningur við mig,“ seg-
ir Einar.
Skipulag og Saltfisksetur
Hann segir að tíminn í Grinda-
vík hafi verið einstaklega skemmti-
legur og segir Einar að sér og
konu sinni, Sigurbjörgu Bjarna-
dóttur, hafi verið vel tekið þegar
þau settust þar að fyrir fjórum ár-
um. Þá hafi samstarfið við alla
bæjarfulltrúana verið ljómandi
gott og þótt skipt hafi verið um
meirihluta tvisvar á síðasta kjör-
tímabili hafi það ekki bitnað á sér
og sáralítið á vinnuandanum og
samstöðu um þau mál sem varða
Grindavík miklu.
Einar nefnir tvö mál, þegar
hann er spurður að því hvað standi
upp úr af verkefnum síðustu fjög-
urra ára, annars vegar gerð að-
alskipulags og hins vegar upp-
byggingu Saltfiskseturs Íslands.
Hann telur að bæði þessi verkefni
muni hafa mikil áhrif á þróun
Grindavíkur í framtíðinni.
Lokið er gerð aðalskipulags
Grindavíkur fyrir árin 2000 til
2020, aðeins vantar stimpil um-
hverfisráðherra og tilheyrandi
deiliskipulagsvinnu. „Í mínum
huga eru skipulagsmálin einhver
frjóustu og skemmtilegustu málin
sem bæjarstjórar koma að og það
varðar miklu fyrir framtíðina að
vel takist til. Ég tel að þessi vinna
hafi heppnast vel hjá okkur og að
hún muni nýtast vel.“
Einar hefur unnið mikið að
stofnun og uppbyggingu Saltfisk-
seturs Íslands og er formaður
stjórnar sjálfseignarstofnunar um
setrið. Verið er að byggja hús yfir
starfsemina og áformað er að opna
saltfisksýningu í haust. Einar tek-
ur fram að upphaflega hugmyndin
sé komin frá Róbert Ragnarssyni
sem var markaðs- og ferðamála-
fulltrúi Grindavíkur fyrir nokkrum
árun en að hún hafi þróast í um-
ræðinni. „Ég hef trúað á þessa
hugmynd og geri enn. Þessi upp-
bygging kostar auðvitað dálitla
peninga en ég er sannfærður um
að hún mun bera ávöxt sem sam-
félagið nýtur góðs af, ef vel verður
haldið á spöðunum,“ segir Einar.
Hann segir að tilgangur þessarar
menningarstofnunar sé að skapa
samfélaginu fyllingu og menning-
arlega reisn og draga að fleira
ferðafólk. Mikill vöxtur hafi verið í
ferðaþjónustunni, meðal annars
vegna Bláa lónsins, en eitthvað
hafi vantað til að laða ferðafólk til
bæjarins.
Svipuð verkefni
en umfangið meira
Telur Einar að sín bíði ekki síð-
ur áhugaverð viðfangsefni í nýju
starfi sem bæjarstjóri á Selfossi.
Árborg er um sex þúsund manna
sveitarfélag og margt er þar með
öðrum hætti en í Grindavík. At-
vinnulífið á Selfossi og hinum bæj-
unum, sem mynda sveitarfélagið,
byggist á iðnaði, verslun og þjón-
ustu meðan Grindavík er öflugur
sjávarútvegsbær. „Eigi að síður
eru verkefnin að mörgu leyti svip-
uð. Í Árborg þarf að ljúka miklum
holræsaframkvæmdum sem eru
hafnar, gera nýtt aðalskipulag fyr-
ir sameinað sveitarfélag og byggja
upp skóla og leikskóla. Verkefnin
eru þau sömu á þessum stöðum og
í flestum öðrum sveitarfélögum
landsins en vegna þess hversu Ár-
borg er mikið stærra sveitarfélög
en þau sem ég hef starfað hjá til
þessa er samfélagið flóknara og
stjórnun þess umfangsmeiri. Þetta
er mikil áskorun fyrir mig og verk-
efnið spennandi. Við hjónin erum
full tilhlökkunar að flytja austur á
Selfoss og takast á við nýjar að-
stæður.
Frá Grindavík fer ég sáttur en
með ákveðnum söknuði vegna þess
að hér hef ég starfað með góðu
fólki og ég óska Grindvíkingum
alls hins besta í framtíðinni,“ segir
Einar Njálsson.
Morgunblaðið/Helgi Bjarnason
Einar Njálsson hefur haft mikinn áhuga á uppbyggingu Saltfiskseturs
Íslands. Draumurinn sést á bak við hann og er raunar að verða að veru-
leika. Áformað er að opna saltfisksýningu í húsinu í byrjun september.
Ætlaði að
reyna fyrir
mér á nýjum
veiðilendum
Einar Njálsson yfirgaf í gær skrifstofu
bæjarstjóra Grindavíkur en situr ekki lengi
aðgerðarlaus því strax á mánudag tekur
hann til starfa sem bæjarstjóri á Selfossi.
Helgi Bjarnason ræddi við Einar
á þessum tímamótum í lífi hans.
Grindavík
AKUREYRI
ÞRIÐJU tónleikarnir í röðinni Sum-
artónleikar í Akureyrarkirkju verða
haldnir á sunnudag, 21. júlí, kl. 17 í
Akureyrarkirkju.
Flytjendur að þessu sinni eru Ju-
dith og Wolfgang Portugall frá
Rheinland Phalz-héraði í Þýskalandi
og leika þau á flautu og orgel. Flutt
verða verk eftir Carl Reinecke, Jo-
hann Ludwig Krebs, Johann Sebast-
ian Bach, W.A. Mozart, Zsolt Gar-
donyi, Gabriel Fauré og Cécile
Chaminade.
Judith kennir flautuleik við tón-
listarskólann í Heppenheim, hún er
félagi í nokkrum kammerhópum og
barokksveitum og gaf út geisladisk
fyrir fáeinum árum með leik sínum.
Wolfgang er dósent í píanó- og
semballeik við Johannes Gutenberg-
tónlistarskólann í Mainz. Hann hef-
ur haldið fjölda tónleika sem einleik-
ari og með öðrum og hlotið Mainz-
menningarverðlaunin.
Tónleikarnir standa í klukkustund
og er aðgangur ókeypis.
Sumartónleikar í
Akureyrarkirkju
Þýskir tón-
listarmenn
leika á flautu
og orgel
STARFSDAGUR verður í Laufási á
sunnudag, 21. júlí og má gera ráð
fyrir að margt verði um manninn og
mikið umstang í Gamla bænum af
því tilefni.
Starfsdagurinn hefst með helgi-
stund í kirkjunni klukkan 13.30. Síð-
an taka við hefðbundin sveitastörf
sem tilheyra háannatíma í sveit.
Húsbændur og hjú slá og raka í
teignum fyrir framan Laufásbæinn
en inni við verður fengist við hefð-
bundna íslenska matargerð sem
gestir geta fylgst með og smakkað á.
Aðalviðfangsefni dagsins er þó fata-
gerð þ.e. að koma ull í fat og búa til
skó. Að loknum annasömum degi
verður svo stiginn dans á hlaðinu.
Félagar úr Laufáshópnum, Félagi
eldri borgara í Eyjafirði og fjölmarg-
ir aðrir leggja sitt af mörkum til að
gera daginn ánægjulegan með því að
sýna fólki verklag fyrri tíma. Gamli
bærinn í Laufási er opinn alla daga í
sumar frá kl. 10 –18 og er kaffisala í
þjónustuhúsi.
Starfsdagur í
Laufási
ÞRIÐJA Hafnarskákmótið verður
haldið á morgun, sunnudaginn 21.
júlí, og hefst það kl. 11 á grasflötinni
við Oddeyrarskála. Skákfélag Akur-
eyrar og Hafnasamlag Norðurlands
hafa umsjón með mótinu. Hafnasam-
lagið leggur til verðlaun, en keppt er
um farandbikar. Rúnar Sigurpálsson
hefur unnið bikarinn tvö síðustu ár,
en sem fyrr segir er mótið nú haldið
þriðja árið í röð. Fyrr þennan morg-
un kemur skemmtiferðaskipið Arosa
blu til Akureyrar en það er rúmlega
sjötíu þúsund lesta skip og 243 metr-
ar að lengd. Þetta er langstærsta
skip sem hefur lagst við bryggju á
Akureyri.
Hafnarskákmót
KVARTETT Ómars Guðjónssonar
gítarleikara kemur fram á djasstón-
leikum í Deiglunni í Kaupvangs-
stræti á sunnudagskvöld, 21. júlí, en
þeir hefjast kl. 21. Auk Ómars eru í
kvartettinum þeir Eyjólfur Þorleifs-
son, saxófón, Helgi Svavar Helga-
son, slagverk, og Þorgrímur Jóns-
son, kontrabassa. Tónlistin sem
leikin verður í Deiglunni er úr göml-
um söngleikjum, allt frá Jóni Múla til
Coles Porters, sem þeir félagar hafa
útsett.
Kvartett Ómars
♦ ♦ ♦
♦ ♦ ♦
♦ ♦ ♦