Morgunblaðið - 02.08.2002, Side 8

FRÉTTIR
8 FÖSTUDAGUR 2. ÁGÚST 2002 MORGUNBLAÐIÐ
Ráðstefna á Akureyri
Til heiðurs Stein-
dóri Steindórssyni
HINN 12. ágúst nk.hefði SteindórSteindórsson frá
Hlöðum, hinn þekkti nátt-
úrufræðingur, orðið 100
ára, en hann dó 1997. Af
þessu tilefni er ætlunin að
halda ráðstefnu á Akur-
eyri minningu hans til
heiðurs. Dr. Bjarni E.
Guðleifsson á sæti í und-
irbúningsnefnd fyrir þessa
ráðstefnu:
„Dagskrá þessarar ráð-
stefnu nær yfir allan dag-
inn. Fjórir vísindamenn
flytja erindi sem tengjast
grasafræðirannsóknum
Steindórs, þeir eru Elín
Gunnlaugsdóttir, Hörður
Kristinsson, Guðmundur
Guðjónsson og Helgi Hall-
grímsson. Eftir hádegi
munu sex menn fjalla um ýmsar
hliðar á þessum margbrotna
manni. Bárður Halldórsson mun
fjalla um æviferil Steindórs,
Tryggvi Gíslason um skólamann-
inn, Ágúst H. Bjarnason ræðir um
náttúrufræðinginn, Ingvi Þor-
steinsson talar um ferðamanninn,
Örlygur Hálfdánarson um rithöf-
undinn og bókamanninn og Katrín
Hólm Hauksdóttir um fjölskyldu-
manninn. Klukkan 17 verður svo
opnuð sýning á Amtsbókasafninu
á Akureyri, tengd minningu
Steindórs og verða þar sýndar
bækur, handrit og ýmsir munir
tengdir ævistarfi hans. Ráðstefn-
unni lýkur með því að Akureyr-
arbær býður boðsgestum til
kvöldverðar, en Steindór var heið-
ursborgari Akureyrarbæjar.“
– Hvar lærði Steindór sín
fræði?
„Steindór fæddist á Möðruvöll-
um í Hörgárdal en ólst upp á
Hlöðum í sama dal. Eftir stúd-
entspróf frá Menntaskólanum í
Reykjavík fór hann utan til Kaup-
mannahafnar og lærði þar nátt-
úrufræði. Hann kom heim 1930 og
hóf kennslu við Menntaskólann á
Akureyri og var skólameistari ár-
in 1966 til 1972.“
– Hvað getur þú sagt okkur um
grasafræðirannsóknir Steindórs?
„Nánast öll sumur ferðaðist
Steindór um landið, fyrst ríðandi
og síðan á jeppa sem hann eign-
aðist 1946 og stundaði rannsóknir
á gróðri. Hann skrifaði greinar í
íslensk og erlend vísindarit og auk
þess viðamiklar bækur um gróður
á Íslandi, einkum mýrlendis- og
hálendisgróður. Meðfram þessu
mikla kennslu- og rannsóknar-
starfi var hann afkastamikill
blaðaskrifari og var ritstjóri
Heima er best í 34 ár. Þar skrifaði
hann mörg hundruð ristjórnar-
greinar og annað eins af ritdóm-
um um bækur. Hann var einnig
um tíma ritstjóri blaðsins Alþýðu-
maðurinn sem var málgagn jafn-
aðarmanna.
Steindór skrifaði um 40 bækur
og bókakafla og þýddi 16 viðamik-
il rit á íslensku, m.a. þýddi hann
Ferðabók Eggerts Ólafssonar og
Bjarna Pálssonar sem kom út í
hátíðarútgáfu 1974. Hann tók við
útgáfu á bókinni Land-
ið þitt Ísland af Þor-
steini Jósepssyni og
skrifaði einnig sjálfs-
ævisögu í tveimur
bindum.“
– Þú nefndir Alþýðu-
manninn – var Steindór Stein-
dórsson stjórnmálamaður?
„Já, hann tók mikinn þátt í
stjórnmálum og var ákveðinn
jafnaðarmaður. Hann sat á þingi
1947 og í bæjarstjórn Akureyrar í
12 ár og kom þar ýmsum málum
til leiðar. Hann fór einnig út sem
fulltrúi í sendinefnd til Sameinuðu
þjóðanna 1965. Steindór var mikill
félagsmálamaður og var m.a. for-
maður Norræna félagsins á Ak-
ureyri og Ferðafélags Akureyrar
og sat í stjórn Skógræktarfélags
Akureyringa.“
– Hvað af þessu öllu saman tel-
ur þú að hafi verið Steindóri hug-
stæðast?
„Það hlýtur að hafa verið gróð-
urinn á Íslandi, bæði hefur honum
sviðið sárt að sjá gróður hverfa í
uppblæstri en einnig hefur honum
þótt vænt um að sjá árangur af
landgræðslu, ekki síst skógrækt-
inni.“
– Bjó Steindór lengst af á Ak-
ureyri?
„Já, það er athyglisvert að hann
gat sinnt öllu þessu héðan frá Ak-
ureyri, en hann náði góðu sam-
starfi við bæði eigendur prent-
verks Odds Björnssonar og einnig
Örlyg Hálfdanarson bókaútgef-
anda. Örn og Örlygur gáfu út mik-
ið af hans bókum.“
– Ferðaðist Steindór mikið er-
lendis?
„Ekki var það sérlega mikið,
hann fór þó tvívegis aftur til
Kaupmannahafnar, hann var
einnig í Ósló og var boðið til Stan-
ford í Bandaríkjunum til stuttrar
dvalar en hins vegar fór hann í
merkilegan rannsóknarleiðangur
til Jan Mayen 1957 og til Græn-
lands fór hann í nokkur sumur,
fyrst 1977 til gróðurkortagerðar.
– Hvað þykir þér athyglisverð-
ast við feril Steindórs?
„Í fyrsta lagi þau miklu afköst
sem hann sýndi í ævi-
starfi sínu, fyrst sem
skólamaður og skóla-
meistari á umbrotatím-
um en samhliða þessu
stundaði hann rann-
sóknarstörf af einskær-
um áhuga og viðamikil ritstörf.
Það er athyglisverð sú fjölhæfni
sem hann sýndi í sínu starfi. Hann
má teljast einn af síðustu fjölfræð-
ingunum. Ég vil einnig taka fram
að Steindór var aldrei fastur
starfsmaður rannsóknastofnana,
allar sínar rannsóknir vann hann í
sumarleyfum, stundum fyrir
styrki sem hann hlaut.“
Bjarni E. Guðleifsson

Bjarni E. Guðleifsson fæddist
1942 í Reykjavík. Hann lauk
stúdentsprófi frá Mennta-
skólanum í Reykjavík 1962 og
búfræðiprófi í Noregi 1963.
Búfræðikandidatsprófi lauk
hann 1966 frá landbúnaðarhá-
skólanum á Ási í Noregi og dokt-
orsprófi 1971 frá sama skóla.
Hann hefur starfað hjá Rann-
sóknastofnun landbúnaðarins á
Möðruvöllum síðan og unnið
tímabundið í Kanada, Þýskalandi
og Noregi við rannsóknir á
plöntum. Kona hans er Pálína Jó-
hannesdóttir sjúkraliði, þau eiga
fjögur börn.
Steindór
sýndi mikil
afköst í
ævistarfi sínu
… að bæði noti Vía-stöffið.
ÖKUMENN mega búast við öfl-
ugu eftirliti lögreglu um allt land
um verslunarmannahelgina og
verður mikil áhersla lögð á að
koma í veg fyrir ölvunarakstur. Þá
verða ómerktir lögreglubílar á
ferðinni vítt og breitt um landið,
búnir hraðamyndavélum og önd-
unarsýnamælum.
Í fréttatilkynningu frá Umferð-
arráði kemur fram að lögreglu-
menn úr umferðardeild ríkislög-
reglustjóra muni aðstoða önnur
lögregluembætti við umferðareft-
irlit. Lögregla muni ganga hart
fram í að fylgjast með að ökumenn
aki allsgáðir og hinir brotlegu
verða teknir úr umferð. Um
helgina verður starfrækt upplýs-
ingamiðstöð umferðarmála á skrif-
stofu Umferðarráðs í samvinnu við
lögreglu um allt land. Safnað verð-
ur saman upplýsingum um umferð-
ina, ástand vega og annað sem get-
ur orðið ferðalöngum að gagni.
Símanúmerið er 562-2000.
Opið er sem hér segir: Föstudag
frá kl. 9–22, laugardag frá kl. 10–
19, sunnudag frá kl. 13–16 og
mánudag frá kl. 12–19.
Yfirborðsmerkingar
og aukahliðarspeglar
Í fréttatilkynningunni eru öku-
mönnum lagðar lífsreglurnar. Jafn
og góður hraði skiptir miklu máli
en hann dregur úr framúrakstri og
minnkar streitu. Þeir sem draga
fellihýsi og tjaldvagna þurfa að
gæta þess að setja aukahliðar-
spegla á bílinn og gæta þess að
hleypa annarri umferð fram úr
hvenær sem færi gefst. „Brýnt er
að ökumenn virði yfirborðsmerk-
ingar sem gefa til kynna að ekki
megi aka fram úr, þ.e. óbrotnar
línur á blindhæðum, við beygjur og
víðar,“ segir í tilkynningunni. Þá
verði ökumenn að sýna sérstaka
varúð þar sem malarvegur tekur
við af bundnu slitlagi. Þeim ein-
dregnu tilmælum er beint til öku-
manna að blanda ekki saman
áfengi og akstri og forðast að aka
þreyttir og syfjaðir. „Almenn var-
úð, löghlýðni og tillitssemi verður
að vera í hávegum höfð um þessa
miklu umferðarhelgi. Ef allir
leggja sig fram aukast líkur á því
að vel gangi,“ segir í tilkynning-
unni.
Samstarfsnefnd lögreglunnar á
suðvesturlandi biður ökumenn að
taka því með þolinmæði þó þeir
verði stöðvaðir án sérstaks tilefnis
því umferðareftirlit sé öllum í hag.
Umferðarráð og lögregla með viðbúnað um helgina
Fólk hvatt til að sýna
varúð og löghlýðni
FRÆÐSLUMIÐSTÖÐIN nýja á
Hakinu á Þingvöllum hefur verið
heimsótt af fjölda manns frá því að
hún var opnuð síðastliðinn föstudag.
Að sögn Sigurðar Oddssonar þjóð-
garðsvarðar er mikil ánægja með
miðstöðina og sýninguna sem þar er.
Aðsókn að margmiðlunarsýningunni
hafi verið mikil sem sé ánægjuefni.
Nokkuð mikið ljós hefur þótt skína
á skjái sýningarinnar. Sigurður segir,
að vandamálið hafi verið fyrirséð. Eft-
ir að skáirnir hafi verið settir upp hafi
orðið ljóst að bregðast verði við þessu.
„Nú hafa mér borist tvö tilboð í raf-
drifin gluggatjöld sem munu leysa
þennan vanda,“ sagði Sigurður. Með
þeim hætti verður hægt að byrgja ljós
betur og gera gestum auðveldar að
sjá efni sýningarinnar á skjáunum.
Fræðslumiðstöðin
á Þingvöllum
Vandi
vegna birtu
á skjám
ERFITT reynist að hafa kennslu-
flug, tilraunaflug og alþjóðaflug á
Keflavíkurflugvelli, að mati Björns
Inga Knútssonar, flugvallarstjóra á
Keflavíkurflugvelli. Við brotlend-
ingu flugvélar, sem var litlu stærri
en fisflugvél, lokaðist Keflavíkur-
flugvöllur um tíma á mánudags-
kvöld vegna þess að einungis ein
flugbraut er opin.
Aðeins önnur
flugbrautin er opin
„Einungis önnur brautin er opin
vegna þess að unnið er að malbikun
hinnar brautarinnar,“ sagði Björn
Ingi, og verður hún lokuð fram í lok
ágúst. „Við fengum leyfi Rannsókn-
arnefndar flugslysa til að fjarlægja
flugvélina af brautinni og setja
hana í flugskýli til þess að hægt
væri að opna fyrir flugumferð á
ný.“
Að sögn Björns Inga er mikil
umferð um flugvöllinn, en reynt er
að hafa tilraunaflug og kennsluflug
á tímum þegar minnst er að gera í
alþjóðaflugi. „Að mínu mati fer um-
ferð af þessu tagi ekki vel saman
við alþjóðaflug þotna, og hentar
ekki beint umferðarmynstrinu á
Keflavíkurflugvelli,“ sagði Björn.
Flugnemar hafa leitað á Selfoss,
Hellu eða á Bakkaflugvöll til þess
að æfa sig, sérstaklega eftir að til-
raunaflug, snertilendingar og
kennsluflug var takmarkað á
Reykjavíkurflugvelli. Samgöngu-
ráðuneytið er að skoða hvar flug af
þessu tagi sé best niður komið.
Telur kennsluflug
og alþjóðaflug
ekki fara saman