Morgunblaðið - 23.08.2002, Síða 6

FRÉTTIR
6 FÖSTUDAGUR 23. ÁGÚST 2002 MORGUNBLAÐIÐ
VEÐURGUÐIRNIR voru Fær-
eyingum afar hliðhollir á fyrsta
degi opinberrar heimsóknar Davíðs
Oddssonar til Færeyja þar sem var
hið besta sumarveður. Dagurinn
hófst á heimsókn í færeyska Lög-
þingið en miklar endurbætur hafa
verið gerðar á gamla þinghúsinu,
tréhúsi sem var byggt árið 1854, í
dæmigerðum færeyskum stíl.
Forseti þingsins, Edmund Joen-
sen, tók á móti forsætisráðherra og
fylgdarliði hans. Rakti hann sögu
hússins og sagði arkitektinn sem
teiknaði viðbygginguna og hafði yf-
irumsjón með endurbótunum frá
þeirri vinnu.
Færeyskir þingmenn
með stærri borð
„Mér fannst mjög gaman að hitta
forseta þingsins, gamlan starfs-
bróður minn. Hann var lögmaður
Færeyja og heimsóttum við hvor
annan á þeim tíma. Það var fróðlegt
að sjá hvernig þeir hafa breytt
þinginu og skapað ný skilyrði fyrir
þingmenn. Halda upp á hið gamla
en jafnframt að færa það í nútíma-
legt horf sem hægt er að nota vel.
Mér fannst það athyglisvert og
skemmtilegt,“ segir Davíð í samtali
við Morgunblaðið.
Sagði hann aðstöðu færeyskra
þingmanna hafa farið batnandi á
síðustu árum, rétt eins og hún hafi
gert hjá íslenskum þingmönnum.
„Borðin þeirra eru reyndar dálítið
stærri en okkar en það helgast af
okkar litla sal og fjölda þing-
manna.“
Ánægjulegt að sjá munina
komna til síns heima
Frá Lögþinginu var haldið á
Þjóðminjasafn Færeyja. Fyrr í sum-
ar komu gaflar úr kirkjubekkj-
unum í Kirkjubæjarkirkju aftur til
Færeyja en árið 1874 þegar end-
urbætur voru gerðar á kirkjunni
var allt tréverk tekið úr kirkjunni
og nýtt sett í staðinn. Voru mun-
irnir fluttir til Danmerkur þar sem
þeir hafa verið til sýnis á Forn-
norræna safninu í Kaupmannahöfn.
Við upphaf Ólafsvökunnar fyrr í
sumar var sýning á munum sem
Danir skiluðu aftur til Færeyinga,
„Úr útlegd“, opnuð. Munirnir úr
Kirkjubæ voru 16 kirkjubekkjagafl-
ar, tveir gaflar af lestrarpúlti og
skriftarstóll og helgigöngukross.
Elstu munirnir eru frá 14. öld.
Var Davíð ánægður með heim-
sóknina í safnið, sérstaklega hefði
verið gaman að sjá munina úr
Kirkjubæ. „Þetta hefur verið mikið
metnaðarmál fyrir Færeyinga að fá
þessi miklu menningarverðmæti til
baka, sem eru mjög dýrmæt fyrir
þá og reyndar stórmerkileg í sögu-
legu samhengi. Þetta eru mjög
merkir forngripir og var ánægju-
legt að sjá þá komna aftur til síns
heima og sjá hversu vel þeim eru
gerð skil,“ segir Davíð.
Davíð játar því að þetta minni
nokkuð á baráttu Íslendinga fyrir
að fá handritin heim. Segist hann
vel skilja gleði Færeyinga yfir að
endurheimta þessa muni. Meðal
annarra muna sem Færeyingar
hafa endurheimt má nefna skírn-
arfonta úr steini frá því um 1000 og
messuklæði frá því í kringum 1500.
„Við gerðum samning þegar við
fengum handritin um að gera ekki
frekari kröfur í danska þjóðminja-
safnið, það var vegna þess að hand-
ritin skiptu okkur svo gríðarlegu
máli. Danir sýndu mikla vinsemd,
ótrúlega vinsemd miðað við það
sem aðrar þjóðir gera í því sam-
bandi, sem við gleðjumst enn þá yf-
ir.“
Þá var gengið yfir að Hoyvik þar
sem fallegur bóndabær frá 19. öld
er til sýnis. Húsin voru byggð á ár-
unum 1810–1860 en í Hoyvík hefur
verið reynt að endurskapa anda
þriðja áratugar þeirrar aldar.
Ganga þar kindur, hænur og endur
laus um svæðið og hefur húsunum
verið vel við haldið. Langafi og föð-
urbróðir Pouls Mohrs, konsúls Ís-
lendinga í Færeyjum, bjó í Hoyvík.
Davíð Oddsson og íslenska sendi-
nefndin snæddi að því loknu hádeg-
isverð í boði bæjarstjórnar Þórs-
hafnar.
Skálað fyrir vináttu
Íslands og Færeyja
Tæplega 180 íslenskir ríkisborg-
arar eru búsettir í Færeyjum og
bauð forsætisráðherra þeim til mót-
töku í Listasafni Færeyja síðdegis í
gær. Rúmlega 50 Íslendingar á öll-
um aldri mættu til móttökunnar,
aðallega íbúar á Straumey og Aust-
urey og einnig nokkrir Færeyingar.
„Mér þykir sérstaklega vænt um
það að þið gátuð skotist hingað inn
úr góða veðrinu, úr þessu majorka-
veðri sem er búið að vera í Fær-
eyjum í sumar, og heiðrað okkur
með nærveru ykkar,“ sagði Davíð í
skálarræðu í móttökunni. Sagði
hann það sérstakt ánægjuefni að
Vigdís Finnbogadóttir, fyrrverandi
forseti Íslands, skyldi geta verið
viðstödd móttökuna. Var þá skálað
fyrir Íslandi og vináttu Íslendinga
og Færeyinga.
Anfinn Kallsberg, lögmaður Fær-
eyja, bauð forsætisráðherra og
sendinefndinni íslensku til kvöld-
verðar. Með forsætisráðherra eru í
för Helgi Ágústsson sendiherra,
Guðmundur Árnason skrif-
stofustjóri, Snjólaug Ólafsdóttir
skrifstofustjóri, Albert Jónsson
deildarstjóri og Illugi Gunnarsson,
aðstoðarmaður forsætisráðherra.
Í dag fer forsætisráðherra í sigl-
ingu á Brimli, nýju varðskipi Fær-
eyinga, til Vogeyjar og munu Davíð
og Kallsberg funda um borð í skip-
inu. Þá verður Atlantic Seafood í
Vogey heimsótt og framleiðslan
skoðuð auk þess sem forsætisráð-
herra mun heimsækja fiskeldisstöð.
Fjölbreytt dagskrá á fyrsta degi opinberrar heimsóknar forsætisráðherra til Færeyja
nina@mbl.is
Um 50 Íslendingar, búsettir í Færeyjum, mættu til móttöku sem forsætisráðherra hélt þeim
til heiðurs í Listasafni Færeyja. Frá vinstri: Systurnar Jóhanna og Ása Traustadætur, Davíð
Oddsson, Sigrid Jespersen og Poul Mohr, ræðismaður Íslands í Færeyjum.
Davíð Oddsson og Anfinn Kallsberg hlýða á Edmund Joensen, forseta Lögþingsins, segja frá
sögu hússins. Þingsalurinn hefur nýlega verið gerður upp og standa nú framkvæmdir sem
hæst við viðbyggingu við húsið sem mun hýsa skrifstofur.
Hitti Íslendinga
búsetta í Færeyjum
Davíð Oddsson for-
sætisráðherra bauð
Íslendingum búsett-
um í Færeyjum til
móttöku í Listasafni
Færeyja á fyrsta degi
opinberrar heimsókn-
ar hans til landsins.
Þá skoðaði hann einn-
ig Lögþingið, sem er
nýuppgert eftir breyt-
ingar, og kirkjubekki
frá 14. öld sem
Færeyingar hafa ný-
lega endurheimt frá
Dönum. Nína Björk
Jónsdóttir fylgdist
með því sem fram fór.
Morgunblaðið/Nína Björk
Þessi kind gekk um laus í Hoyvik þar sem bær frá 19. öld er til sýnis og
fangaði athygli íslensku sendinefndarinnar. Frá vinstri má sjá Davíð
Oddsson forsætisráðherra, þá Helga Ágústsson sendiherra, Guðmund
Árnason skrifstofustjóra, Illuga Gunnarsson, aðstoðarmann ráðherra,
Snjólaugu Ólafsdóttur skrifstofustjóra og Albert Jónsson deildarstjóra.
KAFBÁTAVARNARÆFING á
vegum Varnarliðsins á Keflavíkur-
flugvelli hefst um helgina vestur
af Íslandi og stendur til 9. sept-
ember næstkomandi. Er þetta
umfangsmesta æfing af þessu tagi
sem fram hefur farið á N-Atlants-
hafi.
Að sögn Friðþórs Eydal, upp-
lýsingafulltrúa Varnarliðsins, taka
um 1.500 manns frá níu þjóðum
þátt í æfingunni sem haldin er við
Íslandsstrendur í áttunda sinn.
Auk flugvéla Varnarliðsins og
sex annarra ríkja NATO taka
fjögur bandarísk herskip, eitt
danskt varðskip og norskur kaf-
bátur þátt í æfingunni og koma
þau skip til Reykjavíkur í dag og
morgun til að hvíla áhafnir og taka
vistir.
Friðþór Eydal sagði við Morg-
unblaðið að æfingin nú, sem miðar
að því að æfa leit og varnir gegn
díselknúnum kafbátum, væri sú
umfangsmesta til þessa. Oftast
hefði verið um nokkurs konar
námsstefnu að ræða en nú væri
einnig lögð mikil áhersla á vett-
vangsæfingar á sjó og í lofti. Að
sögn Friðþórs verða aðgerðir
samhæfðar og einnig prófaðar
nýjar baráttuaðferðir sem jafnan
væru í þróun.
Æfingin er alfarið á vegum
Varnarliðsins, sem býður flotum
annarra ríkja NATO til þátttöku,
og taka Íslendingar ekki þátt í
henni. Yfirmaður Varnarliðsins
mun stjórna æfingunni, er gengur
undir vinnuheitinu KEFTACEX
02, og munu kafbátaleitarflugvél-
arnar gerðar út frá Keflavíkur-
flugvelli á meðan á æfingunni
stendur.
Um 1.500 manns taka þátt
í kafbátavarnaræfingu
UMHVERFIS- og heilbrigðisnefnd
Reykjavíkur samþykkti í gær drög
að samþykkt um takmörkun búfjár-
halds og bann við lausagöngu búfjár í
Reykjavík. Fyrir borgarráði liggur
að fjalla um samþykktina og því næst
borgarstjórn, áður en hún verður
send landbúnaðarráðherra, sem þarf
að staðfesta hana svo hún öðlist gildi.
Í 1. gr. samþykktarinnar segir
m.a. að markmið borgarstjórnar sé
að tryggja sem best skipulag, stjórn
og eftirlit með búfjárhaldi í Reykja-
vík með ákvæðum um vörsluskyldu
ábyrgðarmanna búfjárins. Í 2. gr.
kemur fram að búfjárhald sé óheim-
ilt í Reykjavík nema þar sem sér-
staklega sé gert ráð fyrir því í skipu-
lagi.
Vegna frétta undanfarið af sauðfé í
Esju vill Vignir Sigurðsson, fram-
kvæmdastjóri Skógræktarfélags
Reykjavíkur, koma því á framfæri að
hann harmi að hafa sakað Harald
Jónsson á Varmadal um að hafa
hleypt fénu út úr Kollafjarðarrétt
skömmu eftir að því hafði verið smal-
að úr Esjuhlíðum.
Reglur um búfjárhald í Reykjavík
Samþykktar í umhverf-
is- og heilbrigðisnefnd