Morgunblaðið - 01.09.2002, Blaðsíða 29
LISTIR
MORGUNBLAÐIÐ SUNNUDAGUR 1. SEPTEMBER 2002 29
GERÐUR Bolladóttir sópransöng-
kona og Júlíana Rún Indriðadóttir
píanóleikari flytja sönglög eftir þrjú
norræn tónskáld á tónleikum í Nor-
ræna húsinu í dag.
Vandlátur á ljóð
„Þetta er efnisskrá sem mig hefur
lengi langað til að flytja, en aldrei
orðið af því fyrr en nú,“ sagði Gerður
í samtali við Morgunblaðið, en tón-
skáldin sem eiga verk á tónleikunum
eru Edvard Grieg, Jean Sibelius og
Páll Ísólfsson. „Grieg var mjög vand-
látur á ljóð og má segja að hann hafi
samið lögin með tilliti til þess að text-
inn nyti sín sem best. Tónlist hans
einkennist af fallegum hljómagangi
og þjóðlegum stíl. Hann samdi mörg
tilfinningarík lög eins og t.d. lögin
Jeg elsker dig við texta H.C. And-
ersens og En svane við ljóð Henriks
Ibsens, sem eru meðal þeirra verka
sem við flytjum á tónleikunum.
Hann var í raun fyrsta norræna tón-
skáldið sem hafði veruleg áhrif og
var mikið leikinn í Evrópu,“ útskýrir
hún og bætir við að hún sé sjálf mjög
hrifin af lögum Griegs. „Sumir hafa
sagt mér að lögin hans henti mjög
vel minni rödd.“
Lög finnska tónskáldsins Sibelius-
ar eru mun dramatískari og mynda
ákveðna andstæðu við lög Griegs á
tónleikunum, að sögn Gerðar. „Lög
Sibeliusar eru mjög tilfinninga-
þrungin og hafa dimman undirtón,“
segir hún og tekur sem dæmi lagið
Svarta rosor eftir Sibelius, sem þær
flytja á tónleikunum. „Mér finnst
það lag í raun lýsa mikilli sorg og ör-
væntingu,“ segir hún.
Þrír íslenskir meistarar
Þriðja tónskáld efnisskrárinnar er
íslenskt, en það er Páll Ísólfsson.
„Hann átti það sammerkt með Sibel-
ius og Grieg, að hann var vandlátur á
ljóð sem hann samdi við. Við flytjum
lög eftir hann sem eru samin við ljóð
Davíðs Stefánssonar, auk tveggja
ljóða eftir Jónas Hallgrímsson,“ seg-
ir Gerður. „Þarna er náttúrulega um
að ræða meistara á tveimur sviðum,
Pál Ísólfsson sem tónskáld og Davíð
Stefánsson og Jónas Hallgrímsson
sem ljóðskáld. Þetta fer mjög vel
saman.“ Eitt laganna við texta Jón-
asar sem Gerður og Júlíana Rún
flytja er Sáuð þið hana systur mína,
sem fyrir löngu er orðið eitt af perl-
um íslenskra sönglaga. Sem dæmi
um lag Páls við texta Davíðs má
nefna lagið Hrosshár í strengjum.
„Mér finnst eins og þessi þrjú tón-
skáld passi eitthvað svo vel saman,“
svarar Gerður þegar hún er spurð
hvers vegna þessi þrjú tónskáld hafi
orðið fyrir valinu. „Mér finnst skipta
miklu máli að ljóðin séu falleg og hafi
merkingu, ekki síður en lögin, og það
eiga þessi þrjú tónskáld sammerkt.“
Tónleikarnir eru haldnir í sal Nor-
ræna hússins og hefjast þeir kl. 16.
Gerður Bolladóttir og Júlíana Rún Indriðadóttir halda tónleika í Norræna
húsinu í dag þar sem flutt verða verk eftir Grieg, Sibelius og Pál Ísólfsson.
Norræn sönglög í
Norræna húsinu