Morgunblaðið - 01.09.2002, Blaðsíða 2
FRÉTTIR
2 SUNNUDAGUR 1. SEPTEMBER 2002 MORGUNBLAÐIÐ
Morgunblaðinu í dag fylgir
auglýsingablaðið „Góð heilsa í
þínum höndum alla ævi“ frá
Heilsu ehf. Blaðinu verður
dreift um allt land.
Morgunblaðinu í dag fylgir
kynningarrit Borgarleikhúss-
ins „Málgagn“. Blaðinu er
dreift um allt land.
HALLDÓR Blöndal, forseti Alþing-
is, hefur undanfarna daga verið í op-
inberri heimsókn í þýsku Hansa-
borginni Brimum (Bremen) ásamt
eiginkonu sinni Kristrúnu Ey-
mundsdóttur og fimm manna sendi-
nefnd. Segir Halldór heimsóknina
hafa verið ánægjulega í alla staði, en
henni lauk í gærkvöld.
Sendinefndin hefur m.a. átt fundi
með Christian Weber, forseta borg-
arstjórnar Brima, Jörg Schultz,
borgarstjóra Brimarhafnar (Brem-
erhaven), og Henning Scherf, borg-
arstjóra Brima.
„Sambands þessara ríkja, Íslands
og Bremen er það gott að það eru
engin vandamál einungis göfug vin-
atta og sterk viðskiptasambönd,“
segir Halldór. Sendinefndin hitti
einnig íslenskan athafnamann í
Brimarhöfn, Samúel Hreinsson og
konu hans Hafdísi Heimisdóttur.
„Samúel rekur fyrirtæki sem er
mjög sterkt á fiskmarkaðnum hér og
ég hygg það sterkasta.“
Halldór segir að Jörg Schultz hafi
tekið vel á móti sendinefndinni í ráð-
húsinu í Brimarhöfn. „Síðan sýndi
hann okkur hvað er um að vera í
borginni, en hún er stærsta innflutn-
ingshöfn í Þýskalandi og mjög mikil
fiskihöfn. Útgerð er hverfandi orðið
héðan en þeir taka á móti fiski víðs-
vegar að og selja um allt Evrópu-
sambandið og víðar og hafa byggt
hér upp mjög sterkt flutningakerfi.“
Halldór segir að fyrir um fjórum
árum hafi þingmannasendinefnd frá
Brimum heimsótt Ísland, í boði Ólafs
G. Einarssonar og nú sé verið að
endurgjalda þá heimsókn. „Ég taldi
það mjög mikilvægt vegna þeirra
nánu tengsla sem eru á milli land-
anna og vil minna á í því sambandi að
nú hinn 15. september verður af-
hjúpað minnismerki í Vík í Mýrdal til
minningar um þá þýsku sjómenn
sem hafa farist hér við ströndina og
þá Íslendinga sem hafa orðið þeim til
aðstoðar. Bæði íbúar hér í Brem-
erhaven og Bremen leggja mikið upp
úr því að halda góðum tengslum og
sömuleiðis við Íslendingar við þá, því
við eigum mikla hagsmuni undir því
að þessi viðskipti geti gengið vel
fram. „Við mætum hér hvarvetna
mikilli vináttu og hér hefur verið
rætt um þau mál sem mestu skipta
fyrir þjóðirnar báðar í þessu sam-
bandi.“
Með Halldóri og eiginkonu hans í
för voru þingmennirnir Össur
Skarphéðinsson, Guðjón Guðmunds-
son, Ísólfur Gylfi Pálmason og Árni
Steinar Jóhannsson, auk Belindu
Theriault, forstöðumanns alþjóða-
sviðs Alþingis.
Opinberri heimsókn forseta Alþingis til Brima lokið
Göfug vinátta og
viðskiptasambönd
Ljósmynd/Scheer/Nordsee-Zeitung
Kristrún Eymundsdóttir, eiginkona Halldórs, ritar nafn sitt í gestabók í
ráðhúsinu í Brimarhöfn. Fyrir aftan hana frá vinstri standa Jörg
Schulz, bæjarstjóri borgarinnar, Halldór Blöndal, forseti Alþingis, og
Artur Beneken, forseti þingsins í Brimarhöfn.
Í BRESKA dagblaðinu Guardian
kom fram í gær að breski auðmað-
urinn Philip Green væri enn ekki
búinn að ákveða hvað hann myndi
gera varðandi kaup á verslunarkeðj-
unni Arcadia. Fram kom að Green
væri að skoða ýmsar leiðir til að
kaupa verslunarkeðjuna, þar á með-
al leiðir sem fela í sér að ekki verði
af upphaflegum samningum milli
hans og Baugs. Haft er eftir Green í
samtali við Guardian að hann ætti
ekki í vandræðum með fjármögnun
á kaupunum.
Í blaðinu sagði að Green hefði átt
ítarlegar viðræður við Baugsmenn á
fimmtudagskvöld til að fá útskýr-
ingu þeirra á ásökunum forsvars-
manns bandaríska heildsölufyrir-
tækisins Nordica Inc., Jóns Geralds
Sullenbergers, um meint auðgunar-
brot forstjóra og stjórnarformanns
Baugs. Ásakanirnar leiddu til hús-
leitar efnhagsbrotadeildar lögregl-
unnar í Reykjavík í húsakynnum
Baugs á miðvikudagskvöld. Á
fréttavefnum TimesOnline kemur
fram að lögfræðingar Greens muni
um helgina sækjast eftir neyðar-
fundi með helstu forsvarsmönnum
Baugs til að ræða þau mál sem upp
eru komin. Þar er haft eftir Green
að hann telji ekki að vandamál
Baugs séu alvarleg. „Ég held að
þetta sé ekki stórt mál,“ sagði
Green.
Green vissi ekki af húsleitinni
fyrr en eftir að hann gerði tilboð sitt
í Arcadia en það hljóðaði upp á 408
pens á hlut.
Breski auðmaðurinn Philip Green
Íhugar kaup á
Arcadia án
þátttöku Baugs
GUNNAR I. Birgisson alþing-
ismaður og Ellert B. Schram, for-
seti ÍSÍ, tóku viðureign í hringn-
um í gær þegar Hnefaleikafélag
Reykjavíkur tók nýja æfingaað-
stöðu í Faxafeni í notkun. Ellert
mætti með hatt úr marsipani í
vígslu salarins, en hann mun hafa
sagt við Gunnar I. Birgisson, áður
en frumvarp sem leyfir iðkun
hnefaleika hér á landi var sam-
þykkt á Alþingi, að hann myndi
éta hattinn sinn ef Gunnar næði
þessu í gegn. Gunnar var helsti
baráttumaður þess að hnefaleikar
yrðu leyfðir hér á landi.
Ellert át síðan hattinn og fékk
við það aðstoð frá Gunnari sem
fékk sér bita af hattinum, að sögn
Sigurjóns Gunnsteinssonar, for-
manns Hnefaleikafélags Reykja-
víkur. Í framhaldinu skelltu þeir
félagar sér í hringinn og reyndu
með sér í íþróttinni. Ekki var
formlega úrskurðað um hvor
þeirra hafði betur í viðureigninni.
Salurinn er rúmlega 400 fer-
metrar að flatarmáli og er þar
fullkomin æfinga- og keppn-
isaðstaða, að sögn Sigurjóns. Þar
er löglegur keppnishringur,
hnefjaleikjasekkir og önnur tól og
tæki sem hnefaleikjakappar nota
við æfingar. Þá hefur félagið ráð-
ið til sín kúbverskan hnefa-
leikaþjálfara, Oscar Luis, sem hér
sést á milli Ellerts og Gunnars.
Luis er þrefaldur kúbverskur
meistari og fyrrverandi S-
Ameríkumeistari í íþróttinni. Seg-
ir Sigurjón að um 100 manns séu
félagar í Hnefaleikafélaginu en á
hann von á því að félögum fjölgi
verulega eftir að þessi aðstaða er
komin til sögunnar. Til þessa hafi
félagið verið húsnæðislaust. Segir
Sigurjón að konur hafi mikinn
áhuga á íþróttinni, upp á síðkastið
hafi fleiri konur haft samband við
félagið en karlar.
Morgunblaðið/Brynjar Gauti
Ellert át hattinn sinn
með aðstoð Gunnars
SIV Friðleifsdóttir umhverfisráð-
herra, sem stödd er á fundi Sam-
einuðu þjóðanna um sjálfbæra þró-
un í Jóhannesarborg, segist vera
ósátt við þá málamiðlunartillögu
sem þróunarríkin lögðu fram í gær
um kafla um endurnýjanlega orku.
Siv segist hafa gert sér grein
fyrir að tillagan myndi ekki inni-
halda tölusett markmið eins og Ís-
land, ESB og fleiri lögðu til en hún
segir að tillaga þróunarríkjanna sé
mjög veik og geri meðal annars ráð
fyrir að iðnríkin aðstoði þróunar-
ríkin í orkumálum en einungis sé
talað þar um olíu og kol en ekkert
minnst á endurnýjanlega orku.
Á ráðherrafundi í gær benti Siv
á að eðlilegt væri að endurnýjanleg
orka væri nefnd og sagði að tekið
hefði verið undir þetta sjónarmið
en óljóst væri um niðurstöðu.
Telur tillögu þróun-
arríkjanna of veika
EIRÍKUR S. Jóhannesson, fram-
kvæmdastjóri Kaldbaks fjárfesting-
arfélags hf. og stjórnarmaður eign-
arhaldsfélaganna Samvinnutrygg-
inga og Andvöku, sat stjórnarfund
Samvinnutrygginga og greiddi at-
kvæði með því að gera tilboð í hluta-
bréf Landsbanka Íslands í VÍS.
Eiríkur segir það ekkert launung-
armál að hann hafi greitt atkvæði
með tilboði Samvinnutrygginga í
hlutabréf Landsbankans í VÍS, en
atkvæðinu hafi fylgt bókun sem hann
vilji ekki greina frá nánar. Hann seg-
ir að þrátt fyrir þetta standi yfirlýs-
ing frá Kaldbaki vegna málsins.
„Eitt er að gera tilboð og annað er að
selja,“ segir hann. „Ég er ekki sá að-
ili sem stóð í því að selja.“
Framkvæmdastjóri
Kaldbaks
Studdi tilboð
í hlut í VÍS
SAMKVÆMT spá Veðurstofu Ís-
lands síðdegis í gær mun fyrsta
haustlægðin gera vart við sig í dag
og búist er við stormi, eða meira en
20 metrum á sekúndu á vestanverðu
landinu og mikilli rigningu sunnan-
lands.
Í spá Veðurstofunnar er gert ráð
fyrir að lægð langt suðvestur í hafi
hreyfist norðaustur á bóginn og
verði skammt út af Suðvesturlandi á
hádegi í dag. Lægðinni muni fylgja
hvassviðri og mikil rigning, einkum á
sunnan- og vestanverðu landinu. Því
er beint til fólks að huga að því að
festa lausa muni utandyra kirfilega
niður. Í spánni segir að veðrið muni
líklega ekki ganga niður fyrr en seint
í nótt. Í öðrum landshlutum er búist
við hægari vindi en talsverðri rign-
ingu. Hiti verður víða 8–13 stig.
Fyrsta
haustlægðin
♦ ♦ ♦