Morgunblaðið - 01.09.2002, Blaðsíða 31
LISTIR
MORGUNBLAÐIÐ SUNNUDAGUR 1. SEPTEMBER 2002 31
Þakdúkar og
vatnsvarnarlög
Þakdúkar og
vatnsvarnarlög á:
þök
þaksvalir
steyptar
rennur
ný og gömul
hús
Góð
þjónusta og
fagleg
ábyrgð
undanfarin
20 ár
- unnið við öll veðurskilyrði
- sjá heimasíðu www.fagtun.is
FAGTÚN
Brautarholti 8 • sími 562 1370
Þá er þetta þitt tækifæri!
Ein og hálf milljón viðskiptavina
Á hverju ári leggur um ein og hálf milljón viðskiptavina leið sína um flugstöðina
og fer þessi tala stöðugt vaxandi. Flugstöðin er ein fárra í Vestur-Evrópu sem
getur selt vöru og þjónustu á fríhafnarverði til allra komu- og brottfararfarþega.
Verslun og þjónusta í brottfararsal er undanþegin virðisaukaskatti og aðflutnings-
gjöldum (Tax & Duty-free). Þess vegna er eftirsóknarvert að reka fyrirtæki í
flugstöðinni.
Forvalsgögn og skilafrestur
Áhugasamir eru hvatttir til þess að kynna sér málið betur.
Hægt er að nálgast forvalsgögn á skrifstofu Flugstöðvar Leifs Eiríkssonar og hjá
VSÓ Ráðgjöf, Borgartúni 20, Reykjavík. Gjald fyrir gögnin er 10.000 kr. og er
það óafturkræft.
Frestur til þess að skila inn umsóknum rennur út 20. september 2002. Nánari
leiðbeiningar um forvalið og skil á hugmyndum er að finna í forvalsgögnum.
Umsóknir verða afgreiddar fyrir 15. nóvember 2002.
Einstakt tækifæri
Nú býðst einstakt tækifæri til reksturs á verslun, veitingasölu eða annarri
þjónustu í Flugstöð Leifs Eiríkssonar. Efnt hefur verið til forvals þar sem
markmiðið er að fá spennandi rekstraraðila til að taka þátt í uppbyggingu
verslunarsvæðisins til að auka enn frekar á þjónustu við flugfarþega.
Rekur þú verslun
eða veitingahús?
KVENNALEIKFIMI
Í MELASKÓLA
hefst þriðjudaginn 17. september, kennt verður
í vetur á þriðjud. og fimmtud. 17.10 og 18.05
Hef bætt við mig tímum, kenni ásamt Birgittu Sveinbjörnsdóttur
í sal Íþróttamiðstöðvar Seltjarnarness (sundlaugarmegin)
mánud. og fimmtud. kl. 17.30.
Góð alhliða kvennaleikfimi með suðrænu-ívafi,
styrkjandi æfingar ásamt góðum teygjum og slökun.
Þóra Sif Sigurðardóttir íþróttakennari
thorasif@heimsnet.is
sími 899 9354
UNG nordisk musik, UNM, sem er
tónlistarhátíð ungra norrænna tón-
listarmanna, hefst á morgun, en hún
fer fram í Reykjavík, Kópavogi og
Skálholti dagana 2.–7. september.
Markmið hátíðarinnar er að gefa
ungum, norrænum tónskáldum
tækifæri til að fá verk sín flutt og
kynna um leið unga norræna tónlist-
armenn, en hún hefur verið haldin
árlega síðan árið 1946, og skiptast
Norðurlöndin á að hýsa hana. Síðast
fór hátíðin fram hérlendis árið 1997.
Á dagskrá hátíðarinnar eru dag-
lega tónleikar þar sem flutt er tón-
list ungra norrænna tónskálda, en
auk þess flytur indverska tónskáldið
Clarence Barlow þrjá fyrirlestra um
tónlist í Listaháskóla Íslands í
tengslum við hátíðina. Fyrirlestr-
arnir verða haldnir þriðjudag,
fimmtudag og föstudag, og hefjast
kl. 13. Jafnframt verður frumfluttur
píanókonsert hans, á tónleikum Sin-
fóníuhljómsveitar Íslands, og leikur
Deborah Richards einleik með
hljómsveitinni.
Tónlist ungra
norrænna tónskálda
Alls sex eru tónleikar haldnir í
tengslum við hátíðina. Koma flytj-
endur úr ýmsum áttum, jafnt úr
hópi ungra, norrænna hljóðfæraleik-
ara sem eldri, þótt verkin sem flutt
eru séu ávallt úr smiðju ungra höf-
unda.
„Skilyrðið er að tónskáldin séu
undir þrítugu,“ sagði Hlynur Aðils
Vilmarsson, einn af aðstandendum
UNM í ár, í samtali við Morgunblað-
ið. „Tónskáldin senda inn umsóknir,
sem dómnefnd velur úr. Um sjö
manns frá hverju Norðurlandanna
komast að, en í ár bárust alls um 100
verk í keppnina.“
Íslensku tónskáldin sem eiga verk
á UNM í ár eru þau Kristján Guð-
jónsson, Steingrímur Rohloff, Anna
S. Þorvaldsdóttir, Ólafur B. Ólafs-
son, Guðmundur St. Gunnarsson,
Arnar Bjarnason, Davíð B. Franz-
son og Stefán Arason. Verk þeirra
spanna allt frá sólóverkum fyrir
saxófón upp í sinfóníuverk.
Margvíslegir flytjendur
Meðal flytjenda eru Sinfóníu-
hljómsveit Íslands, CAPUT-hópur-
inn og Hamrahlíðarkórinn, auk
nokkurra yngri tónlistarhópa frá
Norðurlöndunum. Þeir eru Hugo-
kvartettinn íslenski, sem ætti að
vera íslenskum tónlistarunnendum
að góðu kunnur, norska tríóið Poing
sem samanstendur af saxófóni,
kontrabassa og harmonikku, dúett
frá Finnlandi skipaður flautu og
víólu og kvartettinn Nordlys, sem
skipaður er hefðbundnu píanótríói
og klarínettu.
Auk þess hefur verið sett saman
sérstakur hópur tónlistarmanna á
vegum UMN, sem nefnist UNM-
band. Hópurinn samanstendur af
rúmlega 20 íslenskum tónlistar-
mönnum, sem flestir eru í fram-
haldsnámi í tónlist erlendis. „Sveitin
leikur þó aldrei saman öll, heldur er
um að ræða að þau flytja margs
konar kammerverk og koma því
fram í mismunandi samsetningum,“
útskýrir Hlynur Aðils.
Tónleikar hátíðarinnar fara fram í
mörgum af helstu tónleikasölum
höfuðborgarsvæðisins, í Iðnó, Saln-
um, Háskólabíói og Listasafni
Reykjavíkur, auk einna tónleika í
Skálholti.
Nánar má lesa um dagskrá hátíð-
arinnar, verk sem þar verða flutt og
flytjendur á heimasíðu UNM fyrir
árið 2002. Slóðin er: www.musik.is/
unm2002.
UNM-tónlistarhátíðin á Íslandi dagana 2.–7. september
Ungt norrænt tón-
listarfólk kynnt