Morgunblaðið - 15.09.2002, Síða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 15. SEPTEMBER 2002 VERÐ Í LAUSASÖLU 190 KR. MEÐ VSK.
www.namsmannalinan.is
ÞAÐ er ekki á hverjum degi sem margar fjöl-
burafæðingar verða með nokkurra daga millibili
á fæðingardeild Landspítalans við Hringbraut
en undanfarna daga hafa tvennir tvíburar og
tvennir þríburar fæðst þar með stuttu millibili.
Að sögn Sólveigar Friðbjarnardóttur, deild-
arstjóra á sængurkvennadeild, getur oft og tíð-
um skapast mikið álag þegar mörgum börnum
liggur á að komast í heiminn á sama tíma og
skiptir þá miklu að starfsfólk geti unnið vel og
skipulega undir miklu álagi. Sjötta september
síðastliðinn eignaðist Arnfríður Magnúsdóttir,
tvíbura, dreng og stúlku. Níunda september
eignaðist önnur móðir tvíbura á fæðingardeild-
inni og eru þeir sem stendur á vökudeild. Tíunda
september sl. dró til tíðinda þegar Agnes Arnar-
dóttir frá Akureyri eignaðist þríbura, einn
dreng og tvær stúlkur, sem vógu átta til níu
merkur. Á fimmtudag eignaðist önnur kona,
Janja Lucic frá Króatíu sem búsett er í Grinda-
vík, þríbura, allt stúlkur og vógu þær á bilinu
10–12 merkur.
Að sögn Sólveigar heilsast mæðrum og börn-
um þeirra afar vel og í gær fóru aðrir tvíbur-
arnir heim með foreldrum sínum.
Laust fyrir hádegi í fyrradag höfðu 1.746 börn
fæðst það sem af er árinu á fæðingardeild Land-
spítalans og hátt í þrjú hundruð börn í svoköll-
uðu foreldrahreiðri, eða samtals í kringum 2.000
börn.
Tvennir þríburar og tvennir tvíburar á fæðingardeild LSH
Morgunblaðið/Kristinn
Stoltar mæður með börnin sín. Frá vinstri: Agnes Arnardóttir frá Akureyri með þríburana, einn dreng og tvær stúlkur, Arnfríður Magnúsdóttir með
tvíbura, dreng og stúlku og Janja Lucic með þríburana sína sem allir eru stúlkur. Að auki fæddust aðrir tvíburar á spítalanum um sama leyti.
Óvenju mikið af fjölburafæðingum
EKKI hefur náðst tilætlaður árang-
ur í vatnsútflutningi þrátt fyrir að
Ísland sé ferskvatnsauðugasta land
veraldar með alls 666.667 rúmmetra
af vatni á mann á ári. Það er helm-
ingi meira en Kongó sem er í öðru
sæti.
Sett hefur verið fram þingsálykt-
unartillaga um að skilgreina beri
vatn sem auðlind en Íslendingar
nýta aðeins um 1% grunnvatns sem
kemur upp á láglendi.
„Ef tekið yrði 1% af árlegu vatns-
magni til viðbótar til útflutnings
myndi það þýða um 100 til 150 millj-
ónir tonna af vatni,“ segir Katrín
Fjeldsted alþingismaður í samtali
við Morgunblaðið. „Drykkjarvatn
selst víða á 25–40 krónur lítrinn og
verð á góðu vatni mun án efa fara
hækkandi. Til samanburðar má
nefna að um ein milljón tonna af
eldsneyti er flutt til landsins á hverju
ári og fiskútflutningur nemur nokkr-
um hundruðum þúsunda tonna á
ári.“ Segir Katrín því sjálfsagt að
nota neysluvatnið til útflutnings.
Johann Guðlaugsson viðskipta-
fræðingur skrifaði lokaritgerð sína
við Háskólann í Reykjavík um vatns-
útflutning en hingað til hefur ekkert
fyrirtæki, sem reynt hefur við vatns-
útflutning, náð tilætluðum árangri.
„Heimildir um íslenskt vatn eru
oft ekki mjög góðar, ýmsu er slegið
fram sem ekki á við rök að styðjast.
Þar er bæði alhæft og ýkt,“ segir Jó-
hann. Hann segir mikilvægt að út-
flytjendur geri sér grein fyrir eig-
inleikum vatnsins og hvernig þeir
eru metnir í mismunandi löndum áð-
ur en ráðist er í markaðssetningu.
„Að mínu mati er nauðsynlegt að
koma upp neti sölumanna og beina
sjónum að dreifingaraðilanum í stað
þess að reyna markaðssetningu
beint til neytenda. Auglýsingakostn-
aður verður of mikill og áróðurinn
nær ekki eyrum neytendanna. Hins
vegar, ef varan er kynnt vel fyrir
heildsölum og verslunum, má ná
mun betri árangri.“
Ísland vatnsauðug-
asta land í heimi
 Baráttan/10–11
NÓTASKIPIÐ Neptúnus ÞH
strandaði á sandeyri við innsigl-
inguna í Grindavík í gærmorgun
en náðist á flot eftir hálftíma
strand og sigldi fyrir eigin vél-
arafli til hafnar í Grindavík. Skip-
ið strandaði kl. 11.41 í þoku og
súld þegar það fór austur úr inn-
siglingunni og lenti á grynning-
um við Boðann um 300 metra frá
grjótgarðinum við höfnina. Liðs-
menn björgunarsveitarinnar Þor-
björns fóru á strandstað á björg-
unarbátnum Oddi V. Gíslasyni og
drógu skipið af strandstað með
aðstoð áhafnar af hafnsögubátn-
um Villa. Einnig aðstoðaði björg-
unarbáturinn Oddný í Tungu við
björgunaraðgerðir. Að mati kaf-
ara björgunarsveitarinnar sem
fóru niður að skipinu til að kanna
hvort gat hefði komið á skips-
skrokkinn, voru skemmdir á Nep-
túnusi minniháttar. Skipverjarnir
á Neptúnusi meiddust ekki og var
lítil sem engin hætta á ferðum
þar sem vindur var hægur og lít-
ill sjór að sögn Birkis Agnars-
sonar hjá björgunarsveitinni Þor-
birni.
Neptúnus var á leið til Grinda-
víkur með kolmunna að austan
þegar óhappið varð.
Morgunblaðið/Hilmar Bragi
Neptúnus strandar við Grindavík
ÍSLAND verður formlegur þátttak-
andi sunnudaginn 22. september
næstkomandi í bíllausum degi sem
þá verður haldinn í Evrópu fjórða ár-
ið í röð. Hefur umhverfisráðherra,
Siv Friðleifsdóttir, undirritað yfir-
lýsingu þar um.
Að sögn Sivjar er mikilvægt að
vekja almenning til umhugsunar um
það hvað einkabílinn sé mikið not-
aður hérlendis og reyna að draga úr
notkun hans eins og hægt er. „Það er
mikilvægt að menn reyni að gera
áætlanir og skoði í eigin ranni hvort
þeir geti sameinast í bíla t.d. á leið til
vinnu eða hvort þeir geti ekki notað
almenningssamgöngur meira, geng-
ið eða hjólað. Þetta er samvisku-
spurning hvers og eins og dagurinn
er hugsaður sem hvatning til að líta í
eigin barm og athuga hvort menn
geti ekki minnkað bílanotkun. Þótt
einkabíllinn sé mikilvægur þá er
hann oft og tíðum ofnotaður.“
Í fyrsta sinn í ár er efnt til evr-
ópskrar flutningaviku (European
Mobility Week) í tengslum við bíl-
lausa daginn dagana 16. til 22. sept-
ember en hún er helguð sjálfbærum
samgöngum. Yfir 1.000 borgir og
bæir í Evrópu hafa tilkynnt um þátt-
töku í bíllausa deginum og um 300
sveitarfélög hafa ákveðið að taka
þátt í flutningavikunni.
Ísland aðili
að bíllaus-
um degi 22.
september