Morgunblaðið - 21.09.2002, Page 10

FRÉTTIR
10 LAUGARDAGUR 21. SEPTEMBER 2002 MORGUNBLAÐIÐ
LÖGMAÐUR Baugs sendi Morgunblaðinu í
gær bréf sem hann sendi ríkislögreglustjóra,
en í bréfinu spyr hann m.a. hvort löggiltir
endurskoðendur starfi við embættið og hvort
utanaðkomandi sérfræðingar hafi verið
kvaddir til fyrir eða eftir að húsleitin í höf-
uðstöðvum fyrirtækisins fór fram hinn 28.
ágúst sl. Bréfið er hér birt í heild:
„Hr. Haraldur Johannessen
Ríkislögreglustjóri
Skúlagötu 21
150 Reykjavík
Reykjavík, 20. september 2002
Ég rita yður í tilefni húsleitar er gerð var í
höfuðstöðvum umbjóðanda míns, Baugs
Group hf., hinn 28. ágúst sl. vegna meintra
brota tveggja fyrirsvarsmanna félagsins gegn
félaginu sjálfu. Ljóst er að rannsókn efna-
hagsbrotadeildar ríkislögreglustjóra hefur
haft umtalsverð áhrif á félagið sem er brota-
þoli í málinu. Undirritaður hefur gagnrýnt
ýmislegt varðandi rannsókn málsins og und-
irbúning hennar. Í því skyni að undirritaður
geti glöggvað sig betur á lögmæti rannsókn-
arathafna lögreglu er þess hér með farið á leit
við embættið að mér verði veittar tilteknar
upplýsingar.
Misskilningur varðandi
grundvallaratriði
Í fyrsta lagi fer undirritaður fram á að lög-
regla upplýsi um hvort löggiltir endurskoð-
endur starfi hjá efnahagsbrotadeild ríkislög-
reglustjóra. Nauðsynlegt er að fá svar við
þeirri spurningu þar sem fram hefur komið að
misskilnings hafi gætt hjá lögreglu varðandi
ýmis grundvallaratriði í aðdraganda húsleitar.
Í öðru lagi er óskað upplýsinga um það
hvort, og þá hvenær, lögregla hafi kvatt til ut-
anaðkomandi sérfræðinga sér til aðstoðar við
rannsókn málsins. Er þess farið á leit við lög-
reglu að upplýst verði hvort sérfræðingar hafi
verið kallaðir til áður en umrædd húsleit var
framkvæmd eða eftir hana. Fer undirritaður
fram á að staðfest verði, að á grundvelli laga-
heimilda lögreglu, hafi slíkir aðilar verið vald-
ir með hliðsjón af meginreglum stjórnsýslu-
laga um hæfi, þ.e.a.s. bæði um almennt og
sérstakt hæfi. Er þá nánar átt við eftirfarandi:
Annars vegar hvort viðkomandi sérfræð-
ingar væru sérhæfðir á sviði verslunarrekstr-
ar og smásölu líkt og Baugur Group hf. starf-
ar á. Ástæða þessa liðar fyrirspurnarinnar er
sú, að þar sem mismunandi venjur og fram-
kvæmd gilda á hinum ýmsu sviðum rekstrar,
þ. á m. um samskipti milli verslana og birgja,
hafa sérfræðingar sérhæft sig á tilteknum
sviðum.
Hins vegar hvort lögregla hafi kannað á
einhvern hátt við val á sérfræðingum að við-
komandi starfaði ekki fyrir samkeppnisaðila
Baugs Group hf. eða hvort aðrar vanhæfisá-
stæður væru fyrir hendi, sbr. 3. gr. stjórn-
sýslulaga nr. 37/1993 og 9. gr. laga nr. 18/1997,
um endurskoðendur. Undirrituðum er kunn-
ugt um að endurskoðunarskrifstofan Deloitte
& Touche hf., sem mun hafa verið efnahags-
brotadeild ríkislögreglustjóra til aðstoðar í
þessu máli, starfi m.a. einnig fyrir Kaupás hf.,
sem er helsti samkeppnisaðili Baugs Group
hf. á Íslandi. Þetta er sérstaklega mikilvægt í
ljósi þess að lögregla tók afrit af öllu bókhaldi
Baugs Group hf. og ýmis önnur gögn er varða
rekstur og áætlanir félagsins. Það er mat und-
irritaðs að lögreglu beri að hafa í huga þessi
sjónarmið við framkvæmd rannsóknar sinnar
og val á sérfræðingum sér til aðstoðar. Baug-
ur Group hf. er í fullkominni óvissu um að
þessa hafi verið gætt. Með þessu er undirrit-
aður þó á engan hátt að kasta rýrð á umrætt
endurskoðunarfyrirtæki eða þá sérfræðinga
sem þar starfa. Í þessu sambandi er hins veg-
ar rétt að geta þess að markmið hæfisreglna
stjórnsýsluréttarins er m.a. að koma í veg fyr-
ir að borgarar geti haft ástæðu til að ætla að
stjórnvöld leysi ekki úr málum á hlutlausan
hátt. Er það í samræmi við þá kennisetningu
varðandi réttláta málsmeðferð, sem viður-
kennd er meðal fræðimanna, að „justice must
not only be done, justice must also be seen to
be done“. Samkvæmt því er ekki nægilegt að
yfirvöld séu óvilhöll heldur verða borgararnir
að geta séð að svo sé.
Starfsmenn efnahagsbrotadeildar
teljast vera innherjar
Í þriðja lagi er það mat undirritaðs að lög-
regla hafi í fórum sínum gögn og upplýsingar
sem eru líkleg til þess að hafa áhrif á mark-
aðsverð bréfa í Baugi Group hf. ef opinber
væru, sbr. 4. tölul. 2. gr. laga nr. 13/1996, um
verðbréfaviðskipti. Þar af leiðandi teljast þeir
starfsmenn efnahagsbrotadeildar ríkislög-
reglustjóra og aðrir þeir sem kvaddir hafa
verið til aðstoðar við rannsókn innherjar í
skilningi 5. tölul. 2. gr. sömu laga. Baugi Gro-
up hf. ber samkvæmt 35. gr. sömu laga að til-
kynna Fjármálaeftirlitinu um nafn, kennitölu
og heimilisfang innherja, tengsl innherja við
félagið og ástæðu fyrir skráningu, svo og nöfn
aðila sem eru fjárhagslega tengdir innherja.
Sömu upplýsingar verður félagið einnig að
veita kauphöll. Með vísan til þessa fer und-
irritaður f.h. Baugs Group hf. fram á það við
efnahagsbrotadeild ríkislögreglustjora að
undirrituðum verði afhentur listi með um-
ræddum upplýsingum, sbr. 3., 4., 5. og 6. tölul.
1. mgr. 35. gr. tilvitnaðra laga. Er þess krafist
að umræddur listi verði látinn undirrituðum í
té strax í dag.
Virðingarfyllst,
Hreinn Loftsson hrl.
Afrit sent til:
Fr. Sólveigar Pétursdóttur dómsmálaráð-
herra, Hr. Boga Nilssonar ríkissaksóknara“
(millifyrirsagnir eru blaðsins).
Lögmaður Baugs segir að borgarar verði að sjá að yfirvöld séu óvilhöll
Vill upplýsingar um
hæfni rannsakenda
HARALDI Johannessen ríkislögreglustjóra
hafði ekki borist bréfið frá Hreini Loftssyni,
lögmanni Baugs, þegar Morgunblaðið hafði
tal af honum í gærkvöldi. „Mér þykir með
miklum ólíkindum að ég frétti af því frá
blaðamanni Morgunblaðsins að lögmaður
Baugs hafi skrifað mér bréf og það skuli ber-
ast Morgunblaðinu án þess að ég hafi haft
nokkra vitneskju um bréfið fyrr.“ Hann geti
að sjálfsögðu ekki tjáð sig um þær spurn-
ingar sem lögmaður Baugs hafi sett fram,
enda svari hann ekki lögmanni Baugs í gegn-
um fjölmiðla þótt málatilbúnaður lögmanns-
ins hafi ekki hvað síst farið þar fram. „Lög-
maðurinn mun fá svar við bréfinu þegar efni
og ástæður standa til þess,“ segir Haraldur.
Svarar ekki lögmanninum
í gegnum fjölmiðla
ÁKVEÐIÐ hefur verið að breyta
fyrirkomulagi verslunarsvæðis
Flugstöðvar Leifs Eiríkssonar,
stækka svæðið og bæta árangur
m.a. með það í huga að þjónustan
verði fyllilega sambærileg við það
sem best gerist erlendis. Með þess-
um breytingum verður Flugstöðin
þriðja stærsta verslunar- og þjón-
ustumiðstöð landsins.
Samkvæmt ákvæði 7. gr laga nr.
76/2000, reglugerð og rekstrarleyfi
frá 1. nóvember 2000 hefur utan-
ríkisráðherra veitt Flugstöð Leifs
Eiríkssonar hf. einkaleyfi til rekst-
urs á allri verslun með tollfrjálsar
vörur og veitingu þjónustu í flug-
stöðinni. Hefur þessi háttur verið
hafður á víða í Evrópu, meðal ann-
ars á Bretlandseyjum, þar sem eig-
anda flugstöðvarbygginga er veitt
einkaleyfi til reksturs á verslun og
þjónustu í byggingu á hans vegum.
„FLE hf sem eigandi flugstöðv-
arinnar hlýtur að hafa ákvörðunar-
vald um hvernig verslunar- og
þjónustustarfsemi er háttað í flug-
stöðinni svo framarlega sem hún er
í samræmi við lög og reglugerðir
þar um. Hvort félagið stundi alla
verslunarstarfsemi í flugstöðinni
eða framselji hana að öllu leyti eða
hluta til þriðja aðila er útfærslu-
atriði og hlýtur að vera í verka-
hring félagsins að ákveða það,“
segir Höskuldur Ásgeirsson, fram-
kvæmdastjóri Flugstöðvarinnar í
samtali við Morgunblaðið.
Núverandi samningar
tímabundnir
FLE hf hefur frá stofnun félags-
ins haft til skoðunar með hvaða
hætti tryggja megi eðlilegan arð af
rekstri félagsins og hvernig
tryggja megi góða, örugga og
hnökralausa þjónustu við flugfar-
þega. Núverandi samningar um
verslunarrekstur og aðra þjónustu
í flugstöðinni eru tímabundnir og
gilda þeir til 31. desember 2002. Á
grundvelli þessa og í samræmi við
ákvæði rekstrarleyfisins tók stjórn
Flugstöðvar Leifs Eiríkssonar þá
ákvörðun að bjóða þeim, sem
áhuga hefðu, að bjóða í rekstur
innan flugstöðvarinnar að undan-
gengnu forvali.
„Fólk ferðast víðar um en áður
var og hefur betri viðmið. Aðrar
flugstöðvar í kringum okkur hafa
verið að endurbæta aðstöðu sína og
þróunin hefur verið í þá átt að
breyta flugstöðvum í verslunar- og
þjónustumiðstöðvar. Að stórum
hluta eru viðskiptavinir flugstöðv-
arinnar erlendir gestir sem þarf að
hafa í huga varðandi val á þjón-
ustu. Þess vegna hefur verið
ákveðið að fara út í þær breyt-
ingar, sem nú standa fyrir dyrum,“
segir Höskuldur Ásgeirsson.
Flugstöðin þriðja stærsta
verslunarmiðstöðin
PÉTUR Friðrik Sig-
urðsson listmálari er
látinn, 74 ára að aldri.
Pétur Friðrik fæddist í
Reykjavík 15. júlí árið
1928 og voru foreldrar
hans Sigurður Þórðar-
son og Ólafía Péturs-
dóttir Hjaltested.
Pétur Friðrik lauk
námi frá Myndlistar-
og handíðaskóla Ís-
lands árið 1945 og hélt
sína fyrstu einkasýn-
ingu ári seinna, 17 ára
gamall. Hann stundaði
nám við Konunglega
listaháskólann í Danmörku veturinn
1946–1947 og hélt næstu einkasýn-
ingu sína árið 1950.
Alls urðu einkasýn-
ingar hans 12 auk
fjölda samsýninga á
Íslandi og erlendis.
Þá starfaði Pétur
Friðrik á teiknistofu
landbúnaðarins og
kenndi við Iðnskólann
í Hafnarfirði. Hann
var einnig mikill
íþróttamaður og
keppti m.a. á Ólymp-
íuleikunum í Helsinki
árið 1952.
Eftirlifandi eigin-
kona Péturs Friðriks
er Sólveig Benedikta og eignuðust
þau fimm börn.
Andlát
PÉTUR FRIÐRIK
SIGURÐSSON
SÓLVEIG Pétursdóttir dóms-
málaráðherra heimsótti stofnanir
og fyrirtæki á Ísafirði í fyrradag
um leið og hún var viðstödd vígslu
nýs húsnæðis Héraðsdóms Vest-
fjarða. Þá sat hún fund með sjálf-
stæðismönnum á Ísafirði og frá Bol-
ungarvík í Faktorshúsinu í
Hæstakaupstað og er myndin tekin
við það tækifæri. Ásamt ráðherran-
um eru á myndinni Halldór Hall-
dórsson, bæjarstjóri á Ísafirði, og á
móti honum þau Birna Lárusdóttir,
forseti bæjarstjórnar Ísafjarð-
arbæjar, og Elías Jónatansson, for-
seti bæjarstjórnar Bolungarvíkur.
Dómsmálaráðherra á fundi
með sjálfstæðismönnum
Morgunblaðið/Halldór Sveinbjörnsson
NÝTT verkalýðsfélag verður stofn-
að á Ísafirði í dag, við sameiningu níu
verkalýðsfélaga á félagssvæði Al-
þýðusambands Vestfjarða. Félögin
sem sameinast eru Verkalýðsfélagið
Skjöldur á Flateyri, Verkalýðsfélag-
ið Brynja á Þingeyri, Verkalýðs-
félagið Vörn á Bíldudal, Verkalýðs-
félag Patreksfjarðar, Verkalýðsfélag
Hólmavíkur, Verkalýðs- og sjó-
mannafélag Álftfirðinga í Súðavík,
Verslunarmannafélag Ísafjarðar og
Verkalýðsfélagið Baldur og Sveina-
félag byggingamanna sem einnig
starfa á Ísafirði. 1402 félagar verða í
nýstofnuðu félagi.
Á fundinum verður kosin bráða-
birgðastjórn félagsins. Að sögn Pét-
urs Sigurðssonar, formanns Verka-
lýðsfélagsins Baldurs, er lagt til að
hún verði skipuð formönnum og
varaformönnum félaganna níu.
Bráðabirgðastjórnin muni síðan
velja einhvern úr sínum röðum til
formennsku í félaginu þar til aðal-
fundur nýs félags verður haldinn í
apríl. Lagt er til að félagið heiti
Verkalýðsfélag Vestfirðinga og verði
kallað Verkvest.
Sameining gerir starfið
markvissara
„Við erum að svara kalli tímans,“
segir Pétur, spurður hvers vegna fé-
lögin hafi ákveðið að ganga saman í
eina sæng. „Verkalýðsfélögin úti á
landi eru mörg hver smáar einingar
sem ekki hafa bolmagn til að standa
undir þeirri þjónustu sem fé-
lagsmenn þurfa og verða að fá, mið-
að við stærri félagseiningar innan
Alþýðusambandsins.“
Hann segir að starf félaganna
verði markvissara eftir sameiningu.
Rekstur sjúkrasjóða sé áhættusam-
ur í litlum félögum og eftir samein-
ingu geti félagsmenn leitað upplýs-
inga á einum stað. Þá verði rekstur
orlofshúsa auðveldari en sameinað
félag mun eiga tíu orlofshús víðsveg-
ar um landið.
Sex aðildarfélög Alþýðusambands
Vestfjarða standa utan hins nýja fé-
lags, með samtals 577 félaga. Félag
járniðnaðarmanna á Ísafirði hefur
þó samþykkt einróma að taka upp
samningaviðræður um að slást í hóp-
inn og segist Pétur eiga von á því að
fleiri félög eigi síðar eftir að ganga til
liðs við sameinað félag.
Nýtt verkalýðsfélag stofn-
að á Vestfjörðum í dag