Morgunblaðið - 21.09.2002, Side 21

LANDIÐ
MORGUNBLAÐIÐ LAUGARDAGUR 21. SEPTEMBER 2002 21
Á DÖGUNUM var formlega opnuð
ný aðstaða fyrir nemendur í fjar-
námi á Akranesi og var mennta-
málaráðherra, Tómas Ingi Olrich,
viðstaddur opnunina ásamt fjölda
annarra gesta.
Með tilkomu þessarar aðstöðu er
þeim nemendum sem hyggjast
stunda fjarnám úr heimabyggð gert
það kleift.
Í haust byrjuðu þrettán nem-
endur í leikskólakennaranámi við
Háskólann á Akureyri og tveir
nemendur í íslensku við Háskóla Ís-
lands. Þessir nemendur þurfa nú
ekki að fara lengra en í Bókasafn
Akraness til að stunda nám sitt.
Sambúð fjarnámsnemenda og
bókasafns er um margt ákjósanleg.
Á safninu er fagfólk í upplýs-
ingaleit, góð lesaðstaða og mögu-
leikar á millisafnaláni.
Ákveðið var að nefna kennslu-
stofuna Svöfusal til heiðurs Svöfu
Þórleifsdóttur sem var skólastjóri
við Barnaskólann á Akranesi frá
1919 til 1944 og sömuleiðis skóla-
stjóri Iðnskólans á Akranesi frá
upphafi, 1937, til 1943. Svafa var
virk í félagsmálum bæði á vettvangi
Kvenfélags Akraness, Sambands
borgfirskra kvenna og Kvenfélaga-
sambands Íslands. Bókin „Gull í lófa
framtíðar“ var gefin út af Sam-
bandi borgfirskra kvenna og
Hörpuútgáfunni 1986 til að minnast
þess að 100 ár voru liðin frá fæð-
ingu Svöfu.
Menntamálaráðherra var fært
eintak af bókinni við þetta tækifæri.
Bætir aðstöðuna
Miklar vonir eru bundnar við að
Svöfusalur verði enn til að bæta að-
stöðu þeirra sem vilja búa á Akra-
nesi og bæta menntun sína.
Einnig getur þessi aðstaða nýst
félögum, fyrirtækjum og stofn-
unum til funda- og námskeiðahalds.
Sjúkrahús og heilsugæslustöð
Akraness, Landsbankinn og Land-
mælingar hafa sýnt þessu verkefni
mikilvægan stuðning og er óskandi
að fleiri aðilar komi að þessu mikils-
verða verkefni.
Ljósmynd/Jón Á. Guðlaugsson
Frá opnun Svöfustofu á Akranesi. Á myndinni eru m.a., talið frá vinstri. Inga Sigurðardóttir, forstöðumaður
Símenntunarmiðstöðvar Vesturlands, Tómas Ingi Olrich menntamálaráðherra, Guðjón Guðmundsson alþing-
ismaður og Helga Gunnarsdóttir, sviðsstjóri fræðslu- og menningarmála á Akranesi.
Svöfustofa tekin í notkun
Akranes
GÓÐIR gestir heimsóttu Grímsey í
blíðunni nú á dögunum, nefnilega
sjálf menntamálanefnd Alþingis.
Sjö nefndarmanna sáu sér fært að
koma, þau Gunnar Birgisson for-
maður nefndarinnar, Þorgerður
Katrín Gunnarsdóttir, Sigríður
Ingvarsdóttir, Katrín Fjeldsted,
Kolbrún Halldórsdóttir, Sigríður Jó-
hannesdóttir, Einar Már Sigurðsson
og ritari nefndarinnar, Helga Þór-
isdóttir. Menntamálanefndin hefur
þann sið að fara árlega á frítíma
þingsins í heimsóknir. Að þessu sinni
urðu mennta- og menningarstofnan-
ir á Akureyri fyrir valinu. Háskólinn,
Verkmenntaskólinn, Menntaskólinn,
Minjasafnið og safn Nonna voru
heimsótt svo eitthvað sé nefnt.
Gunnar Birgisson vildi aðmennta-
málanefndin flygi til Grímseyjar,
„því þar býr líka fólk og það vel“,
sagði formaðurinn. Það kom nefnd-
armönnum á óvart hvað Grímseying-
ar hlúa vel að menntun, búa vel og
skortir fátt. „Við tökum sannarlega
ofan fyrir dugnaði og elju Grímsey-
inga,“ sagði Gunnar. „Þetta er ekki
staður sem er baggi á þjóðfélaginu,
heldur stór verstöð með góða af-
komu. Alþingismenn eiga að sinna
þessum byggðum ekki síður en þétt-
býlinu.“ Gunnar Birgisson vildi að
lokum þakka höfðinglegar móttökur
og gestrisni sem hann sagði að væri
Grímseyingum í blóð borin.
Morgunblaðið/Helga Mattína
Menntamálanefnd Alþingis heimsótti Grímsey á dögunum. Frá vinstri
eru Einar Már Sigurðsson, Katrín Fjeldsted, Þorgerður Katrín Gunn-
arsdóttir, Kolbrún Halldórsdóttir, Gunnar Birgisson, formaður nefnd-
arinnar, Sigríður Ingvarsdóttir og Helga Þórisdóttir, ritari nefndarinn-
ar, en Sigríður Jóhannesdóttir situr.
Menntamálanefnd Alþingis
heimsækir Grímsey
Grímsey