Morgunblaðið - 18.10.2002, Blaðsíða 11

FRÉTTIR
MORGUNBLAÐIÐ FÖSTUDAGUR 18. OKTÓBER 2002 11
TALSMENN Flugleiða segja að ekki
séu nein sérstök tengsl á milli verð-
lækkunar félagsins og hugsanlegra
áforma írska lággjaldaflugfélagsins
Ryanair um flug til Íslands. Þeir
benda á að Flugleiðir lifi í frjálsu sam-
keppnisumhverfi í flugi og ferðaþjón-
ustu og á íslenska markaðinum eigi
félagið í samkeppni við ferðaskrifstof-
ur og erlend flugfélög í leiguflugi.
Keppum líka við aðra ferða-
og frístundamöguleika
Guðjón Arngrímsson hjá Flugleið-
um segir að það hafi stöðugt verið
uppi vangaveltur um hvort önnur
flugfélög hygðust hasla sér völl hér
eða stofnað yrði til nýrra þannig að
það sé ekki nýtt af nálinni. „Við mið-
um okkar hugsun einfaldlega við það
umhverfi sem við lifum í. Og þegar
kemur að ferðalögum Íslendinga til
útlanda erum við ekki bara að keppa
við aðra á þeim markaði heldur önnur
ferðalög, frístundamöguleika eða af-
þreyingu. Ef hægt er bjóða upp á
hagstæð fargjöld og ferðamöguleika
eru væntanlega meiri líkur á að menn
verji fé í þau en eitthvað annað.“
Guðjón segir að tilgangurinn með
verðlækkun sé að að hreyfa við mark-
aðinum og það sé í takt við það sem
menn hafi verið og séu að gera víða,
t.d. eins og að lækka lægstu verð og
setja þau með meira afgerandi hætti á
Netið. „Við gerum ráð fyrir og trúum
því að með þessu takist okkur einfald-
lega að fá fleiri Íslendinga í loftið.“
Ekki verið að lækka
verð vegna Ryanair
NÝTT heimili í Hafnarfirði fyrir
fatlaða var í gær afhent Svæð-
isskrifstofu málefna fatlaðra á
Reykjanesi til rekstrar. Heimilið,
sem er við Svöluhraun, er hið fyrsta
af fjórum sem byggt er fyrir fjár-
magn úr hússjóði Öryrkjabandalags
Íslands, ÖBÍ, auk þess sem byggja á
eitt til viðbótar af Framkvæmda-
sjóði fatlaðra. Heimilin munu sam-
kvæmt samningi frá byrjun ársins
milli félagsmálaráðherra og heil-
brigðisráðherra taka við þeim tutt-
ugu fötluðu einstaklingum sem hafa
búið á Landspítalanum í Kópavogi,
áður Kópavogshæli. Fjórir heim-
ilismenn verða í Svöluhrauni og
flytja inn í byrjun nóvember.
Páll Pétursson félagsmálaráð-
herra tók í gær við lykli að húsinu
af Helga Hjörvar, stjórnarformanni
hússjóðs ÖBÍ, og kom lyklavöldum
til fulltrúa svæðisskrifstofunnar.
Helgi sagði við Morgunblaðið að
opnun heimilisins væri fagnaðar-
efni. Íbúarnir á gamla Kópavogs-
hælinu hefðu búið við óviðunandi
aðstæður.
„Það hefur líka verið baráttumál
hagmunasamtaka fatlaðra til fjölda
ára að heilbrigt fólk með fötlun
væri útskrifað af Kópavogshælinu
og því skapað heimili í venjulegum
íbúðahverfum líkt og öðrum borg-
urum,“ sagði Helgi.
Andmæli í Ásahverfi
og Bessastaðahreppi
Hann sagði félagsmálaráðherra
hafa farið þess á leit við hússjóð ÖBÍ
að hann léti reisa fjögur heimili fyr-
ir þá fötluðu einstaklinga sem hafa
dvalið í húsnæði á lóð gamla Kópa-
vogshælisins. Auk hússins við
Svöluhraun í Hafnarfirði stendur til
að taka í notkun þrjú heimili á þessu
og næsta ári, sem eru við Skagasel í
Reykjavík, í Ásahverfi í Hafnarfirði
og í Bessastaðahreppi. Þá er Fram-
kvæmdasjóður fatlaðra að leita að
húsnæði undir eitt heimili, að sögn
Helga. Kostnaður hússjóðsins vegna
heimilanna er rúmar 150 milljónir
króna og sagði Helgi það fjármagn
einkum koma af sölu Lottósins.
„Í þessari vinnu hefur það hins
vegar verið sérstakt áhyggjuefni að
við höfum orðið vör við andmæli ná-
granna vegna heimilanna, sér-
staklega í Ásahverfi og jafnvel í
Bessastaðahreppi. Mótmælin hafa
komið fram formlega, bæði í
tengslum við grenndarkynningu í
Ásahverfi og þá hefur okkur borist
eitt bréf úr Bessastaðahreppi. Þetta
er eitthvað sem við höfum ekki
fundið undanfarinn áratug eða svo.
Mikilvægt er að taka jafnvel á móti
þessum íbúum líkt og öllum öðrum,“
sagði Helgi Hjörvar.
Fallegt heimili
Ásrún Jónsdóttir, verkefnisstjóri
hjá Svæðisstjórn málefna fatlaðra á
Reykjanesi, sagði gærdaginn hafa
verið mikinn gleðidag. Nýja heim-
ilið væri fallegt og skemmtilega
hannað og vonandi yrði framhald
verkefnisins jafn ánægjulegt. Hún
sagðist hafa hafið störf á sínum
tíma við umönnun fatlaðra á Kópa-
vogshælinu og nú væru sumir
þeirra einstaklinga loksins að fá úr-
lausn sinna húsnæðismála. Hún
hefði fyrir 20 árum ekki getað
ímyndað sér þá að þeir myndu
nokkurn tímann komast inn á heim-
ili á borð við þau sem nú ætti að
taka í notkun.
Húsnæðismál fatlaðra af gamla Kópavogshælinu leyst
Fyrsta
heimilið
af fimm
afhent í
Hafnarfirði
Morgunblaðið/Árni Sæberg
Heimilið er við Svöluhraun í Hafnarfirði, en fjórir fatlaðir einstaklingar munu flytja þangað inn í næsta mánuði.
Margir góðir gestir voru viðstaddir afhendingu heimilisins í Hafnarfirði,
m.a. frá Hafnarfjarðarbæ og Öryrkjabandalagi Íslands.
HÆSTIRÉTTUR staðfesti í gær
dóm Héraðsdóms Reykjavíkur frá 12.
mars sl., þess efnis að sýkna skuli Líf-
eyrissjóð starfsmanna ríkisins af líf-
eyrisréttindakröfum Félags prófess-
ora í Háskóla Íslands. Krafðist félagið
þess að viðurkennt yrði að þeir pró-
fessorar við H.Í. sem heyrðu undir
ákvörðun kjaranefndar og greiddu
eða hefðu greitt lífeyrisgjöld til
starfsloka til B-deildar lífeyrissjóðs-
ins, ættu frá starfslokadegi rétt á líf-
eyri sem tæki mið af heildarmánaðar-
launum þeirra fyrir dagvinnu, þ.e.
dagvinnu að viðbættum einingum fyr-
ir fasta yfirvinnu samkvæmt skil-
greiningu kjaranefndar í úrskurði
hennar 2. júlí 1998, enda greiddu pró-
fessorarnir frá 1. janúar 1998 til
starfsloka 4% lífeyrisiðgjald til við-
bótar af greiðslum fyrir þessa föstu
yfirvinnu sem ekki hefði verið dregið
af launum þeirra.
Héraðsdómur taldi að ekki hefði
verið hnekkt því mati kjaranefndar að
hluti af vinnu prófessora yrði ekki lát-
inn í té á hinum daglega vinnutíma en
væri þó þáttur í venjubundnu starfi
þeirra. Var talið að þó svo að kjara-
nefnd hefði talið, að starfinu fylgdi yf-
irvinna sem rétt væri að launa og
greiða fyrir alla mánuði ársins, án
þess að sýnt væri fram á að vinna
þessi væri unnin utan hins venjulega
vinnutíma eða jafnvel innt af hendi á
dagvinnutíma, væri ekki þar með ver-
ið að launa fyrir dagvinnu. Var því
ekki fallist á að greiðslur fyrir fasta
yfirvinnu hefðu verið þess eðlis að
skylt væri að líta á þær sem hluta af
launum fyrir dagvinnu er veitti rétt til
eftirlauna á grundvelli laga nr. 1/1997
um Lífeyrissjóð starfsmanna ríkisins.
Með vísan til forsendna héraðsdóms
og þess að Félag prófessora í H.Í.
væri réttur aðili að málinu var dóm-
urinn staðfestur.
Málið dæmdu hæstaréttardómar-
arnir Guðrún Erlendsdóttir, Gunn-
laugur Claessen, Haraldur Henrys-
son, Ingibjörg Benediktsdóttir og
Pétur Kr. Hafstein. Lögmaður áfrýj-
anda var Ragnar Aðalsteinsson hrl.
og lögmaður stefnda, Lífeyrissjóðs
starfsmanna ríkisins, Þórunn Guð-
mundsdóttir hrl.
Lífeyrissjóður
sýknaður af kröf-
um prófessora
SJÁLFSTÆÐISMENN gagnrýndu
vinnubrögð R-listans varðandi kaup
Orkuveitu Reykjavíkur (OR) á ljós-
leiðarakerfi Línu.Nets fyrir 1,8 millj-
arða króna á fundi borgarstjórnar
Reykjavíkur í gærkvöld. Sagði Guð-
laugur Þór Þórðarson, borgarfulltrúi
Sjálfstæðisflokks, málefni Línu.Nets
eflaust stærsta pólitíska klúður síð-
ustu ára, ekkert hafi staðist af því sem
upphaflega var lagt upp með. Ekki
hafi staðið til að leggja meira en að
hámarki 200 milljónir króna í fyrir-
tækið, en í dag væri beinn kostnaður
borgarsjóðs vegna Línu.Nets og fyr-
irtækja því tengdu 3,2 milljarðar
króna. Kjarni málsins sé að borgar-
fulltrúar R-listans beri enga virðingu
fyrir fjármunum almennings.
Alfreð Þorsteinsson, stjórnarfor-
maður OR, vísaði gagnrýni sjálfstæð-
ismanna á bug, sagði ljósleiðarakerfið
eitt mesta framfaraspor í fjarskipta-
tækni síðustu ár. Það hafi orðið til
þess að gjöld vegna gagnaflutninga til
fyrirtækja og einstaklinga hafi lækk-
að um að minnsta kosti 40%, leiða
megi að því líkum að sá sparnaður sé
um milljarður króna á ári. Ef slíkur
ljósleiðari væri lagður í dag yrði
kostnaðurinn rúmlega tveir milljarð-
ar króna. Sagðist hann eiga erfitt með
að átta sig á því hvert vandamálið
væri. OR ætti rúma tvo þriðju hluta í
Línu.Neti, rekstrartekjur fyrirtækis-
ins væru orðnar meiri en rekstrar-
kostnaður og félagið því að verða
sjálfbært. Áætlað sé að ársvelta fé-
lagsins verði um 400 milljónir króna á
næsta ári. Ljósleiðarinn muni skila
OR um 160 milljónum á næsta ári og
þær tekjur eigi eftir að aukast á
næstu árum.
Nýjar reglur verði
settar um vinnubrögð
Guðlaugur Þór sagði að mikill
vandræðagangur hefði einkennt sögu
Línu.Nets frá upphafi. Áætlanir fyr-
irtækisins hafi brugðist hvað eftir
annað, t.d. hafi staðið til að 20% allra
heimila á höfuðborgarsvæðinu gætu
nýtt sér ljósleiðarakerfið sumarið
2001, en í dag séu notendur kerfisins
um 400 talsins.
Þá gagnrýndi Guðlaugur Þór
hvernig staðið var að sölu ljósleiðar-
ans. Alfreð Þorsteinsson, sem gegnir
stjórnarformennsku í bæði OR og
Línu.Neti, hafi samið við sjálfan sig
um 1,8 milljarða króna viðskipti auk
þess að semja um leigu Línu.Nets á
leiðaranum. Hann sagðist telja nauð-
synlegt að nýjar reglur verði settar
um vinnubrögð hvað mál af þessu tagi
varðar í stjórnum fyrirtækja í eigu
borgarinnar. Það væri mjög óeðlilegt
að Alfreð hafi ekki vikið af fundi þegar
þetta var til afgreiðslu stjórnarinnar,
þetta væru ólíðandi vinnubrögð, þótt
heimild væri fyrir þeim í sveitarstjórn-
arlögum. Sérstaklega væri það óeðli-
legt hjá svo stóru sveitarfélagi sem
Reykjavíkurborg. Einnig gagnrýndi
Guðlaugur Þór að engin gögn hefðu
verið lögð fram á fundi stjórnar OR
þegar fjallað var um þessi kaup, ekki
sé hægt að sjá annað en þessi samn-
ingur þýði einhverjar skuldbindingar
fyrir Orkuveituna. Augljóst sé að mik-
ið hafi legið á til að klára málið, taka yf-
ir skuldir Línu.Nets og rekstrarkostn-
að ljósleiðarans.
Mistökin að stofna sérstakt
hlutafélag um ljósleiðarann
Höfðu sjálfstæðismenn farið fram á
það við borgarstjóra að fenginn yrði
hlutlaus aðili til að fara yfir fjárhags-
legar forsendur sem liggja til grund-
vallar kaupverðs á ljósleiðaraneti og
tengdra kerfa Línu.Nets og fjölda-
mörgum spurningum sem settar voru
fram í bókun í stjórn OR væri svarað.
Ingibjörg Sólrún Gísladóttir borg-
arstjóri sagði að það ætti að vera
hægt að fá þessi gögn og upplýsingar
hjá Orkuveitunni og að hún teldi að
borgarráð ætti ekki að blanda sér í
þetta mál. OR sé sameignarfélag og
einkaréttarlegs eðlis. Við stofnun
þess hafi verið gengið frá því með
ákveðnum hætti hvenær mál ættu að
koma til kasta eigenda. Ljóst sé að
þetta sé ekki mál af því tagi.
Hún sagði að líklega hafi það verið
mistök að stofna sérstakt hlutafélag,
Línu.Net, um lagningu ljósleiðara-
kerfis í borginni. OR hefði sjálf átt að
leggja ljósleiðarann, grunnnet sem
væri aðgengilegt öllum þeim sem
vildu leigja aðgang að því. Samkeppn-
ishluti rekstursins, hvort sem hann
verði áfram undir merkjum Línu.-
Nets eða renni inn í Íslandssíma, sé
nú með skynsamlegra fyrirkomulagi,
en nú standa yfir sameiningarviðræð-
ur milli Íslandssíma og Línu.Nets.
„Þannig held ég að að mörgu leyti sé
þetta fyrirkomulag, sem hér er að
verða að veruleika, skynsamlegra
allra hluta vegna og kannski sú leið
sem hefði átt að fara í upphafi,“ sagði
Ingibjörg.
Borgarstjóri segir fyrirkomulagið eftir sölu ljósleiðarakerfisins skynsamlegra
Sjálfstæðisflokkur segir Línu.Net
stærsta pólitíska klúður síðari ára
TVEIR heimsþekktir fræðimenn,
Zygmunt Bauman, prófessor í fé-
lagsfræði, og Elmar Altvater, pró-
fessor í stjórn-
málafræði, munu
halda fyrirlestra
við opnun tveggja
daga alþjóðlegrar
ráðstefnu um
hnattvæðingu,
sem hefst í dag í
Hátíðarsal Há-
skóla Íslands kl.
13. Á fjórða tug
innlendra og er-
lendra fyrirlesara
munu flytja erindi á ráðstefnunni í níu
málstofum. Spurt verður um hverjum
hnattvæðingin þjóni, fjallað um kosti
hennar og galla og þær siðferðis-
spurningar, sem hún vekur. Hverjir
hagnast á hnattvæðingu og hverjir
verða útundan? Er æskilegt að koma
böndum á fjármálakerfi heimsins eða
er það hlutverk markaðarins að sjá til
þess að jafnvægi komist þar á? Er
hnattvæðing tæki til að brjóta niður
landamæri? Heiðursgestur ráðstefn-
unnar, Zygmunt Bauman, er pólskur
og er einn þekktasti félagsfræðingur,
sem nú er uppi. Ráðstefnan er öllum
opin og er aðgangur ókeypis.
Hnattvæðing,
en í þágu
hverra?
Zygmunt
Bauman
Alþjóðaráðstefna í Há-
skóla Íslands í dag