Morgunblaðið - 18.10.2002, Qupperneq 14

HÖFUÐBORGARSVÆÐIÐ
14 FÖSTUDAGUR 18. OKTÓBER 2002 MORGUNBLAÐIÐ
VATNSVIRKINN ehf
Ármúla 21 · Sími 533 2020
vatnsvirkinn@vatnsvirkinn.is
MERKILÍMBÖND
Sérstaklega hentug og
þægileg merkilímbönd til
notkunar í lagnakerfum.
Merking og litir samkvæmt
stöðlum RB
Heildsala - Smásala
skrefi framar
REYKJAVÍKURBORG hefur
staðfest þátttöku sína í kostnaði við
uppbyggingu hjúkrunarheimilis á
vegum sjálfseignarstofnunarinnar
Markarholts en áætluð hlutdeild
borgarinnar er um 262 milljónir
króna. Þá hefur borgarráð veitt
Markarholti fyrirheit um stækkaða
lóð í Sogamýri fyrir heimilið.
Eins og Morgunblaðið hefur
greint frá gerir forsögn að skipu-
lagi Sogamýrar ráð fyrir að þar
rísi heimili með 64 hjúkrunarrým-
um, 75 þjónustuíbúðir fyrir aldraða
og 10 raðhús auk 2.000 fermetra
þjónustukringlu. Alls eru bygging-
arnar um 16.300 fermetrar að flat-
armáli, sem er töluvert meira en
áður var áætlað. Segir í bréfi skrif-
stofustjóra borgarverkfræðings til
borgarráðs að vegna áframhald-
andi undirbúnings framkvæmda
við þessar byggingar sé Markar-
holti nauðsynlegt að fá skýr fyr-
irheit um lóð undir þessa starf-
semi. Var það sem fyrr segir veitt
og gildir til ársloka 2003.
Markarholt óskaði sömuleiðis
eftir staðfestingu á þátttöku
Reykjavíkurborgar í kostnaði
vegna hjúkrunarheimilisins og seg-
ir í bréfi fjármálastjóra borgarinn-
ar að það sé gert í samræmi við
viljayfirlýsingu borgarstjóra og
heilbrigðis- og tryggingamálaráð-
herra frá 13. maí síðastliðnum.
Er heildarkostnaður vegna upp-
byggingar þessara 64 hjúkrunar-
rýma áætlaður tæpar 874 millljón-
ir. Þar af er hlutdeild
Reykjavíkurborgar 30 prósent eða
um 262 milljónir sem dreifist á
næstu þrjú ár. Verður árlegur
kostnaður borgarinnar vegna
heimilisins því rúmar 87 milljónir
næstu þrjú árin.
Undirbúningur vegna framkvæmda við 64 rúma
hjúkrunarheimili í fullum gangi
Þátttaka borgarinnar
í kostnaði staðfest
Sogamýri
ÍBÚAÞING verður haldið í
Grafarvogi á morgun en það er
Miðgarður – fjölskylduþjónust-
an í Grafarvogi og Reykjavík-
urborg sem standa að þinginu.
Þetta er fyrsti liður í því að móta
þróunaráætlun fyrir Grafarvog.
Að sögn Ingibjargar Sigur-
þórsdóttur, framkvæmdastjóra
Miðgarðs, mun íbúum gefast
tækifæri til að vera þátttakend-
ur í þróunaráætluninni með sínu
framlagi á þinginu. Unnið verð-
ur í ýmsum gerðum hópa þar
sem rætt verður hvernig hverfi
þátttakendur vilja búa í, hvað
felst í lífsgæðum, hvaða vænt-
ingar fólk hefur til hverfisins og
svo mætti lengi telja.
„Þetta er sett upp á þann hátt
að það eiga allir að geta verið
með. Þú þarft ekki að vera
ræðusnillingur eða þora að
standa frammi fyrir hóp af fólki
eða vera búinn að setja þitt mál
niður fyrir þér áður en þú kem-
ur heldur áttu að geta mætt og
tekið þátt á þínum forsendum,“
segir Ingibjörg.
Þingið fer sem fyrr segir
fram á morgun í Borgarholts-
skóla, milli klukkan 10 og 14.
Íbúaþing
í Borgar-
holtsskóla
Grafarvogur
SKARPHÉÐINN Gunnarsson, frá-
farandi skólastjóri Áslandsskóla í
Hafnarfirði, er meðal níu umsækj-
enda um starf skólastjóra en hann
hætti störfum er Hafnarfjarðarbær
yfirtók rekstur skólans af Íslensku
menntasamtökunum á dögunum.
Á fundi fræðsluráðs Hafnarfjarðar
í síðustu viku var fræðslustjóra og
tveimur fulltrúum ráðsins falið að
ræða við umsækjendurna og gera til-
lögu um hver skuli ráðinn fyrir næsta
fund, sem verður nk. þriðjudag.
Auk Skarphéðins sækja um starfið
Anna Margrét Ákadóttir, Reykjavík,
Hannes Fr. Guðmundsson, Reykja-
vík, Helga Sigrún Harðardóttir,
Reykjavík, Leifur S. Garðarsson,
Hafnarfirði, Sigurlín Sveinbjarnar-
dóttir, Hafnarfirði, Sturla Kristjáns-
son, Danmörku og Vigfús Hallgríms-
son, Kópavogi.
Aðeins bárust tvær umsóknir um
starf aðstoðarskólastjóra í Áslands-
skóla og var ákveðið að auglýsa stöð-
una að nýju.
Sækir aftur
um skóla-
stjórastarf í
Áslandsskóla
Hafnarfjörður
ÞAÐ er alkunna að vindurinn á Ís-
landi er ekkert lamb að leika sér
við, sérstaklega þegar komið er
upp í 30 metra hæð þar sem bæj-
artákn Garðabæjar, klukkuturninn
er að finna.
Í gær voru starfsmenn frá Véla-
verkstæði Jóhanns Ólafs, þeir
Sveinn Eggertsson og Sigurður
Sigurðsson, að dytta að klukkunni
en einn vísirinn hafði bognað of-
urlítið undan veðrahamnum uppi í
háloftunum. „Við þurftum að skipta
um nokkrar flísar utan á turninum
og þá notuðum við tækifærið til að
styrkja og festa vísana betur því
það er svo gífurlega mikið vindálag
þarna uppi,“ segir Gísli Valdimars-
son, rekstrarstjóri hjá Garðabæ.
„Við höfum ekkert þurft að sinna
neinu viðhaldi á þessari klukku
hingað til því hún gengur vel og
passar sig alveg.“
Hann segir ekki einu sinni þurfa
að skipta um batterí í klukkunni,
sem dygg hefur sýnt Garðbæingum
tímann síðastliðin tvö ár. „Við erum
með eilífðarrafmagn í þessu,
Landsvirkjun sér um það,“ segir
Gísli og hlær að spurningunni.
„Hún alveg sjálfvirk og réttir sig
meira að segja af ef rafmagnið fer.“
Garðbæingar ættu því að geta
haldið áfram að treysta á að klukk-
an í turninum þeirra sýni þeim hár-
réttan tíma líkt og hingað til.
Vísar styrktir
Morgunblaðið/Sverrir
Morgunblaðið/Sverrir
Garðabær
SKÁTAFÉLAGIÐ Vífill og Hjálp-
arsveit skáta í Garðabæ hafa hug á
því að reisa 1.000 fermetra skáta-
miðstöð við Bæjarbraut, þar sem
hjálparsveitin er nú með aðstöðu
sína. Að sögn formanns bygging-
arnefndar miðstöðvarinnar er von-
ast til að með þessu verði hægt að
styrkja starfsemi félaganna.
Byggingarnefndin hefur óskað
eftir því við bæjaryfirvöld að þau
taki málið til umfjöllunar og veiti
styrk til framkvæmdanna. Ekki
hafa verið teknar neinar ákvarð-
anir í því sambandi að öðru leyti
en því að bæjarráð hefur vísað er-
indinu til afgreiðslu við gerð fjár-
hagsáætlunar fyrir árið 2003. Búið
er að frumhanna miðstöðina og var
það teiknistofan AT4 sem vann þá
vinnu.
Að sögn Hauks Þórs Haralds-
sonar, formanns bygginganefndar-
innar og ritara skátafélagsins Víf-
ils, er hugmyndin sú að miðstöðin
hýsi hvort tveggja skátafélagið og
björgunarsveitina en í dag eru
þessi félög hvort á sínum staðnum
í bænum. „Hjálparsveitir skáta og
skátafélögin hafa verið settar und-
ir sama þak víðar og einn af kost-
unum sem við sjáum í því er að
tengja þennan félagsskap betur
saman. Þetta er byggt á svipuðum
grunni og við missum gjarnan út
úr hreyfingunni ákveðið aldursbil,
þessi unglingsár, sem slíkt sam-
starf getur þá hugsanlega brúað.
Það hefur líka verið stefna hjá
Bandalagi skáta og Landsbjörg að
gera meira fyrir þennan aldurs-
hóp.“
Björgunarsveitin illa
sett með húsnæði
Hann segir húsnæðismálin einn-
ig spila inn í. „Björgunarsveitin er
orðin mjög illa sett með húsnæði
og þarf að gera eitthvað í sínum
málum þannig að ef þetta verður
ekki ofan á þurfum við að leita
annarra leiða. Hjá skátunum er
síðan kominn tími á viðhald og
þess vegna var farið í að skoða
þennan kost.“
Haukur vill ekki gefa upp kostn-
aðaráætlun að svo stöddu. „Þetta
eru háar upphæðir sem við erum
að tala um sem ekki verða hristar
fram úr erminni þannig að þetta
þarf að skoðast í samvinnu við
bæjaryfirvöld og þeir hafa verið
mjög hjálplegir og fúsir til sam-
starfs. Við vitum hversu langt fé-
lögin geta gengið varðandi fjár-
mögnun og svo er spurning um
hvernig bærinn kemur á móti ef
hann kýs að gera það.“
Aðspurður hvenær búast megi
við framkvæmdum ef verkefnið
fær meðbyr segir Haukur að nú
vonist menn bara til þess að málið
verði tekið fyrir hjá bæjaryfirvöld-
um. „Svo tökum við næstu skref í
samræmi við það.“
Vilja reisa skátamiðstöð á miðbæjarsvæðinu
Garðabær
Teikning/AT4
Hér sést vesturhlið skátamiðstöðvarinnar samkvæmt frumhugmyndum að útliti hennar.